Nüxíraxü̃xü̃ ga popera ga Pedru ümatüxü̃ 3:11 - Tupanaarü Ore

¹¹ Rü name nixĩ i nüxna tayaxü̃ i guxü̃ma i chixexü̃gü, rü mexü̃ taxü. Rü ngẽxgumarüxü̃ ta name nixĩ i naxca̱x tadau nax guxü̃guma duü̃xü̃gümaxã tamecümagüxü̃.

Nüxíraxü̃xü̃ ga popera ga Pedru ümatüxü̃ 3:11 Referans Kwoze

Ore i mexü̃ ga Matéu ümatüxü̃ 5:9

Tataãẽgü ya yíxema chogüruxü̃ ixĩgüxe, erü Tupana rü nanegümaxã tá tüxü̃ naxu.

Wiyaegü 34:14

¡Rü nüxna ixũgachi i guxü̃ma i chixexü̃ rü mexü̃ naxü! ¡Rü naxca̱x nadau nax taxúemaxãma nax cuguxchaxü̃ã́xü̃! ¡Rü ngẽmaãcü mea namaxü̃!

Popera ga Yudíugü ga yaxõgüxü̃ca̱x ümatüxü̃ 12:14

¡Rü naxca̱x peda̱u̱xgü nax guxü̃ i duü̃xü̃gümaxã pemecümaxü̃! Rü ngẽxgumarüxü̃ ta name nixĩ i naxca̱x pedaugü nax Tupanape̱xewa pexüünegüxü̃ca̱x. Erü yíxema tama Tupanape̱xewa üünexe rü taxũtáma tórü Corixü̃ tadau.

Romanos 14:19

Rü ngẽmaca̱x, ¡ngĩxã pora taxü nax yigü ingechaxügüxü̃ca̱x rü yigü rüngü̃xẽẽgüxü̃ca̱x nax yexeraãcü Cristuaxü̃́ yaxõgüxü̃ca̱x rü naxügüxü̃ca̱x i ngẽma norü ngúchaü̃ ixĩxü̃!

Colosenses 3:15

Rü name nixĩ nax pewa nangẽxmaxü̃ i ngẽma taãxẽ i Cristu pexna ãxü̃ nax ngẽmaãcü aixcüma pegü pengechaü̃güxü̃ca̱x. Yerü yemaca̱x nixĩ ga Tupana pexü̃ dexü̃ nax wüxitama i duü̃xü̃gü pixĩgüxü̃ca̱x rü mea wüxigu perüxĩnüexü̃ca̱x. Rü name nixĩ i Tupanana moxẽ pexãgü.

Romanos 14:17

Rü ngẽma Tupanape̱xewa nax imexü̃ca̱x rü tama ta̱xacürü õna nax ingṍxü̃ rüe̱xna ta̱xacürü axexü̃ nax ixaxüxü̃gagu nixĩ. Natürü Tupanape̱xewa nax imexü̃ca̱x rü tanaxwa̱xe i Naãxẽ ya Üünexü̃arü ngü̃xẽẽmaxã tayanguxẽxẽ i ngẽma Tupana naxwa̱xexü̃, rü yigü tangechaü̃gü, rü aixcüma tataãẽgü nape̱xewa ya Tupana.

Romanos 12:18

¡Rü pegü peporaexẽxẽ nax guxü̃ma i duü̃xü̃güxü̃ pengechaxü̃güxü̃ rü ngẽmaãcü wüxigu namaxã petaãxẽgüxü̃ca̱x!

Norü tomaepü̱x ga popera ga Cuáü̃ ümatüxü̃ 1:11

Pa Chauenexẽ i Cuxü̃ Changechaü̃xex, ¡Taxṹ i nüxü̃ cuyadauxü̃xü̃ i ngẽma chixexü̃ ügüxü̃! Natürü name nixĩ i nüxü̃ cuyadauxü̃ i ngẽma mexü̃ ügüxü̃. Erü yíxema mexü̃ ǘxe rü Tupanaxacü tixĩ. Natürü yíxema chixexü̃ ǘxe rü tama Tupanaxü̃ tacua̱x.

Popera ga Chantiágu ümatüxü̃ 4:17

Yíxema nüxü̃ cuáxe nax mexü̃ taxüxü̃, natürü tama naxǘxe, rü pecadu taxü.

Popera ga Yudíugü ga yaxõgüxü̃ca̱x ümatüxü̃ 13:16

¡Rü taxṹ i nüxü̃ ipeyarüngümaexü̃ nax togüxü̃ perüngü̃xẽẽxü̃ rü namaxã pengauxü̃ i ngẽma pexü̃́ ngẽxmaxü̃! Erü ngẽma nixĩ i ãmare i Tupanana pexãxü̃ i aixcüma namaxã nataãẽxü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 6:18

¡Rü namaxã nüxü̃ ixu i ngẽma muarü diẽruã̱xgüxü̃ nax mexü̃ naxügüxü̃ca̱x! Rü ngẽmaãcü tá namu i ngẽma mexü̃gü i naxügüxü̃. Rü tanaxwa̱xe nax ínamemaregüxü̃ nax togüna naxããxü̃ rü namaxã nangauxü̃ i norü ngẽmaxü̃gü.

Gálatas 6:10

Rü ngẽmaca̱x ngẽxguma tüxü̃́ natauxchagu nax ta̱xacümaxã togüxü̃ rüngü̃xẽẽxü̃, rü name nixĩ i guxãxü̃ma tarüngü̃xẽxẽ. Natürü yexera tanaxwa̱xegü nax nüxü̃ rüngü̃xẽẽgüxü̃ i ngẽma taenexẽgü rü taeya̱xgü i yaxõgüxü̃.

Gálatas 5:22

Natürü ngẽxguma Tupanaãxẽ ya Üünecü tawa ngẽxmagu, rü yigü tangechaü̃gü, rü tataãẽgü, rü tama yigümaxã tanue, rü yáxna yigümaxã taxĩnüe, rü yigümaxã tamecümagü, rü yigü tarüngü̃xẽẽgü, rü tayanguxẽxẽ i ngẽma nüxü̃ ixuxü̃ rü aixcüma Tupanaaxü̃́ tayaxõgü.

Romanos 8:6

Rü ngẽma nax ñoma i naanearü ngúchaü̃ca̱x idaugüxü̃ rü yuwa tüxü̃ nagagü. Natürü yíxema Tupanaãxẽ i Üünecüarü ngúchaü̃ca̱x daugüxe rü tataãẽgü, rü tá tüxü̃́ nangẽxma i maxü̃ i taguma gúxü̃.

Romanos 7:21

Rü ñu̱xma rü nüxü̃ chicua̱xãchi rü ngẽxguma mexü̃ chaxüxchaü̃gu rü chixexü̃xicatama nixĩ i chaxüxü̃.

Romanos 5:1

Rü ñu̱xma rü Tupanape̱xewa time erü tayaxõgü. Rü ngẽmaca̱x marü tama Tupanamaxã taxuanüã̱xgü i ñu̱xmax, erü tórü Cori ya Ngechuchu ya Cristu rü marü tamaxã nanangüxmüexẽxẽ ya Tupana.

Ore i mexü̃ ga Cuáü̃ ümatüxü̃ 17:15

Tama cuxna naxca̱x chaca nax cuyagagüxü̃ca̱x i ñoma i naanewa. Natürü cuxna chaca nax ícunapoxü̃xü̃ca̱x nüxna i ngo̱xo i Chataná.

Ore i mexü̃ ga Matéu ümatüxü̃ 6:13

¡Rü toxna nadau nax tama chixexü̃gu tayixü̃ca̱x! ¡Rü naxme̱xwa toxü̃ ínanguxü̃xẽxẽ i ngẽma chixexü̃arü üruxü̃! Erü cuma rü guxü̃guma torü ãẽ̱xgacü quixĩ, rü guxü̃étüwa cungexma, rü cumecümaxü̃chi. Améü̃’.

Ore i mexü̃ ga Matéu ümatüxü̃ 5:45

Rü ngẽxguma ngẽmaãcü pemaxẽgu rü aixcüma tá Penatü ya daxũgucü nanegü pixĩgü. Erü nüma rü inanabáixẽxẽ ya üa̱xcü naxca̱x i mexü̃ i duü̃xü̃gü rü chixexü̃ i duü̃xü̃gü. Rü nanapuxẽxẽ naxca̱x i duü̃xü̃gü i mea maxẽxü̃ rü duü̃xü̃gü i chixri maxẽxü̃.

Wiyaegü 37:27

¡Rü nüxna ixũgachi i ngẽma chixexü̃, rü mexü̃ naxü! Rü ngẽmaãcü guxü̃gutáma cuxü̃́ nangẽxma i cuchica i nawa tá cumaxü̃xü̃ i ñoma i naanewa.

Romanos 7:19

Erü ngẽma mexü̃ i chanaxwa̱xexü̃ nax chaxüxü̃, rü tama chanaxü. Natürü chanaxüama i ngẽma chixexü̃ i tama chanaxwa̱xexü̃ nax chanaxüxü̃.

Ore i mexü̃ ga Luca ümatüxü̃ 6:35

Natürü i pema rü name nixĩ i nüxü̃ pengechaü̃ i ngẽma pemaxã rüxuanügüxü̃, rü nüxü̃ perüngü̃xẽxẽ. Rü ngẽxguma ta̱xacüca̱x pexna nacaxgu, rü name nixĩ i nüxna penaxã woo ngürüãchi taxũtáma pexü̃́ natáeguxẽẽãgu. Erü ngẽxguma ngẽmaãcü penaxü̱xgu, rü Tupana ya Guxü̃étüwa Ngẽxmacü rü ngẽmaarü yexera tá pexü̃́ nanatáeguxẽxẽ, rü naxacügü tá pixĩgü. Erü nüma rü namaxã rü ta namecüma i ngẽma taguma moxẽ nüxna ãgüxü̃ rü ngẽma chixecümagüxü̃.

Ore i mexü̃ ga Luca ümatüxü̃ 6:9

Rü yexguma ga Ngechuchu rü nüxna naca ga yema Parichéugü rü yema mugüwa ngu̱xẽẽtaegüxü̃, rü ñanagürü nüxü̃: —¿Ta̱xacü nixĩ i mexü̃ nax naxüxü̃ i ngü̃xchigaarü ngunexü̃gu? ¿Mexü̃ rü ẽ̱xna chixexü̃? ¿Rü pexca̱x namexü̃ nax namaxẽxẽxü̃ rü ẽ̱xna yamáxü̃? —ñanagürü.

Ore i mexü̃ ga Márcu ümatüxü̃ 14:7

Rü ngẽma ngearü diẽruã̱xgüxü̃ rü guxü̃gutáma petanüwa nangẽxmagü, rü ngẽmaãcü pexü̃́ natauxcha nax nüxü̃ perüngü̃xẽẽxü̃ i ngẽxguma penaxwa̱xegu. Natürü i choma rü taxũtáma guxü̃gu petanüwa changexma.

Ucu̱xẽgüchiga 16:17

Ngẽma duü̃xü̃gü i mexü̃gu maxẽxü̃, rü nüxna nixĩgachi i nacüma i chixexü̃. Rü ngẽxguma mea nüxna ida̱u̱xgu i tacüma, rü yigünatama nixĩ idauxü̃.

Ucu̱xẽgüchiga 16:6

Ngẽxguma texé aixcüma tümamücüxü̃ ngechaü̃gu, rü nüxü̃ tarüngüma i ngẽma guxchaxü̃ i tümamücü tümaca̱x ínguxẽẽxü̃. Rü ngẽxguma wüxíe aixcüma Cori ya Tupanaga ixĩnügu, rü nüxna tixũgachi i chixexü̃gü.

Ucu̱xẽgüchiga 3:7

¡Rü taxṹ i cugü nüxü̃ ícurücuáã̱xü̃xü̃! ¡Rü narümemae nixĩ nax Tupanaga cuxĩnüxü̃ rü nüxna quixũgachixü̃ i ngẽma chixexü̃!

Wiyaegü 125:4

Pa Corix ¡nüxü̃ rüngü̃xẽxẽ i ngẽma duü̃xü̃gü i mea maxẽxü̃ rü aixcüma mexü̃gu rüxĩnüexü̃!

Yox 28:28

Rü Tupana rü duü̃xü̃güxü̃ ñanagürü: “Rü yíxema chauga ĩnüxe rü cua̱x tüxü̃́ nangẽxma. Rü yíxema nüxü̃ rüxoxe i chixexü̃gü rü aixcüma tümaãẽxü̃ tacua̱x”, ñanagürü ga Tupana —ñanagürü ga Yox.

Yox 2:3

Rü yexguma ga nüma ga Cori ya Tupana rü ñanagürü nüxü̃: —¿Tama ẽ̱xna cunangugü ya yimá chorü duü̃ ya Yox? Rü tataxuma ya texé ya naxrüxü̃ ixĩxẽ, rü naxrüxü̃ chauga ĩnüxe, rü naxrüxü̃ mea maxü̃́xẽ, rü naxrüxü̃ chixexü̃wa ngechigaxe, rü naxrüxü̃ tügüna dauxe nax taxúemaxã chixexü̃ taxüxü̃ca̱x. Rü woo i cuma choxna naxca̱x cuca nax chixexü̃ nüxü̃ cungupetüxẽẽxü̃ca̱x nüma taxuxü̃ma i chixexü̃ naxüyane, natürü nüma rü nanaxa̱i̱xrügumaraxü̃mare i nacümawa rü taxuxü̃ma i chixexü̃ naxü —ñanagürü.

Yox 1:1

Rü Úxanegu naxãchiü̃ ga wüxi ga yatü ga Yoxgu ãégacü. Nüma rü meama namaxü̃ rü nataxuma ga chixexü̃ ga nachiga. Rü aixcüma Tupanaarü ngúchaü̃ naxü, rü nügüna nadau nax taxúemaxã chixexü̃ naxüxü̃.

Nüxíraxü̃xü̃ ga popera ga Pedru ümatüxü̃ 3:12

Erü nüma ya tórü Cori rü tüxna nadau ya yíxema aixcüma naga ĩnüexe, rü nüxü̃ naxĩnü i tümaarü yumüxẽ. Natürü tümamaxã nanu ya yíxema chixexü̃ ügüxe”, ñanagürü i Tupanaarü ore.

Ãẽ̱xgacügü ga guxchaxü̃güarü mexẽxẽruü̃gü 11:14

Rü nüma ga Yeté rü to ga orearü ngeruü̃gü Amóü̃tanüxü̃arü ãẽ̱xgacüxü̃tawa namugü ñaa ga oremaxã: —Ñaa nixĩ i Yetéarü ngãxü̃: “Tomagü i Iraétanüxü̃ rü taguma nixĩ i Moátanüxü̃na rü Amóü̃tanüxü̃na norü naane tayapugüxü̃.