Nüxíraxü̃xü̃ ga popera ga Pedru ümatüxü̃ 2:8 - Tupanaarü Ore

⁸ Rü Tupanaarü ore rü ñanagürü ta: “Ngẽma tama yaxõgüxü̃ rü yimá nutagu tá nayarüpucutügü”, ñanagürü. Rü ngẽmaãcü i ngẽma tama yaxõgüxü̃ rü tá napoxcue, erü tama nanayauxgü i ngẽma ore ya Ngechuchu ya Cristuchiga ixĩxü̃.

Nüxíraxü̃xü̃ ga popera ga Pedru ümatüxü̃ 2:8 Referans Kwoze

Ichaía 8:14

Natürü ngẽxguma taxũtáma chauga pexĩnüegu rü choma rü tá perü toxyepe̱xeruxü̃ chixĩ. Rü ngẽma Yudáanearü duü̃xü̃güca̱x rü Iraéanearü duü̃xü̃güca̱x rü ñoma wüxi i nuta i nagu ipucutügücürüxü̃ tá chixĩ. Rü wüxi i norü guxcharuxü̃ tá chixĩ i ngẽma Yerucharéü̃cüã̱xgü.

1 Corintios 1:23

Natürü ngẽma ore i toma nüxü̃ tixuxü̃, rü Cristu ga curuchawa ipotacüchiga nixĩ. Rü ngẽma ore rü naãxẽwa nangu̱x i ngẽma Yudíugü. Rü ngẽma duü̃xü̃gü i tama Yudíugü ixĩgüxü̃ca̱x rü wüxi i natüca̱xmamare nixĩ.

Nüxíraxü̃xü̃ ga popera ga Pedru ümatüxü̃ 2:7

Rü pema nax nüxü̃́ peyaxõgüxü̃, rü pexca̱x rü namexẽchi ya yimá nuta. Natürü ngẽma tama yaxõgüxü̃ca̱x, rü taxuwama name. Rü ngẽmaca̱x Tupanaarü ore i ümatüxü̃wa rü ñanagürü: “Yimá nuta ya ĩpataarü üruü̃gü nüxü̃ oecü, rü yimáétüwa nixĩ inaxügüxü̃ ya chopata”, ñanagürü.

Romanos 9:22

Rü Tupana rü woo tüxü̃ nanawéxchaü̃ nax naporaxü̃ rü napoxcueãxü̃ i ngẽma chixexü̃ ügüxü̃, natürü poraãcü yáxna namaxã naxĩnü, rü ngẽmaca̱x tama paxa nanapoxcue i ngẽma ímemaregüxü̃ nax napoxcuexü̃.

Popera ga Yúda ümatüxü̃ 1:4

Erü ñu̱xma rü nangẽxma i ñuxre i duü̃xü̃gü i norü doramaxã petanügu chocuxü̃. Rü ngẽma duü̃xü̃gü i chixexü̃gu maxẽxü̃ rü ñanagürügü: “Tupana rü namecümaxüchi rü ngẽmaca̱x taxũtáma pexü̃ napoxcue ega woo chixexü̃gu pemaxẽgu”, ñanagürügü. Rü naétü tama nüxü̃ nacua̱xgüchaü̃ ya tórü Cori ya Ngechuchu ya Cristu ya tórü yora ixĩcü. Natürü ngẽma duü̃xü̃gü i ngẽmaãcü maxẽxü̃, rü woetama nũxcümama Tupanaarü ore i ümatüxü̃wa rü marü nüxü̃ nixu nax Tupana tá napoxcuexü̃.

Norü taxre ga popera ga Pedru ümatüxü̃ 2:3

Rü ngẽma ngu̱xẽẽruü̃netagü rü diẽruguxicatama narüxĩnüe, rü ngẽmaca̱x i ngẽma norü ngu̱xẽẽtae i doramare ixĩxü̃, rü tá pemaxã nanaxãtanü nax ngẽmaãcü petanüwa ngĩxü̃ nayauxgüxü̃ca̱x i perü diẽru. Natürü tá napoxcue i ngẽma duü̃xü̃gü, rü taxũtáma nibuxmü. Erü Tupana rü woetama nũxcümama poxcu namaxã naxuegu.

1 Tesalonicenses 5:9

Erü Tupana rü tama tüxü̃ nade nax tüxü̃ napoxcuexü̃ca̱x, natürü tüxü̃ nade nax tórü Cori ya Ngechuchu ya Cristugagu nayauxgüxü̃ca̱x i maxü̃ i taguma gúxü̃.

Ore i mexü̃ ga Luca ümatüxü̃ 2:34

Rü yexguma ga Chimeóü̃ rü Tupanana naca nax nüxü̃ nangü̃xẽẽxü̃ca̱x ga Yúche rü María rü gumá bucü. Rü ñanagürü ngĩxü̃ ga María ga Ngechuchu naé: “Dücax, daa bucü rü tá nanamaxẽxẽxẽ i muxü̃ma i Iraétanüxü̃, natürü ngẽma nüxü̃ oexü̃ rü tá inayarütauxe. Rü nüma rü wüxi i cua̱xruxü̃ tá nixĩ, rü muxü̃ma i duü̃xü̃gü rü tá nüxü̃ naxoe.

2 Corintios 2:16

Rü ngẽma duü̃xü̃gü i tama yaxõgüxü̃ca̱x rü Tupanaarü ore rü ñoma wüxi i guxpaanexü̃ i nayuexẽẽxü̃rüxü̃ nixĩ. Natürü ngẽma yaxõgüxü̃ca̱x rü ngẽma ore rü ñoma wüxi i pumaraema i namaxẽxẽẽxü̃rüxü̃ nixĩ. Rü ngẽmaca̱x ¿texéaxü̃́ natauxcha nax nüxü̃ tixuxü̃ i ngẽma Tupanaarü ore?

Ínachoxü̃xü̃chiga 9:16

Rü ñu̱xmarüta cuxü̃ chamaxẽxẽ rü tama cuxü̃ chiima̱x, erü cuxü̃ nüxü̃ chadauxẽẽchaü̃ nax ñuxãcü chaporaxüchixü̃. Erü chaugü nüxü̃ chacua̱xẽẽchaü̃ i guxü̃ma i duü̃xü̃gü i ñaa naanewa maxẽxü̃.

Ichaía 57:14

Tupana rü ñanagürü: —¡Penamexẽxẽ i wüxi i nama i meama iwéxü̃ rü ípenawogü i guxü̃ma i toxyepe̱xeruü̃gü nax ngẽmagu naxĩxü̃ca̱x i chorü duü̃xü̃gü!

Ichaía 37:26

¿Natürü tama e̱xna nüxü̃ cucua̱x, Pa Chenáquerix, nax choma yixĩxü̃ ga cuxna chanaxãxü̃ ga pora nax cunaxüxü̃ca̱x ga guxü̃ma ga yema? Rü nũxcümacürüwatama rü marü nagu charüxĩnü i ngẽma ñu̱xma chaxüxü̃. Rü yemaca̱x nixĩ ga cuyanaxoxẽẽgüxü̃ ga guma ĩanegü ga ípoxegugüne rü natüchigüxicatama cuyaxĩxgüxẽẽxü̃.

Gálatas 5:11

Rü dücax, Pa Chauenexẽgüx, rü ngẽxguma chi pexü̃ changúexẽẽgu nax pegü ípewíü̃cha̱xmüü̃pe̱xechiraü̃xü̃, rü ngẽma Yudíugü rü taxũchima chauxchi naxaie rü taxũchima chowe ingẽxü̃tanü, erü taxũchima naãxẽwa nangu̱x i ngẽma ore i nüxü̃ chixuxü̃ nachiga ya Cristu ga curuchagu taxca̱x yucü.

Nüxíraxü̃xü̃ ga popera ga Pedru ümatüxü̃ 2:6

Rü Tupana rü norü ore i ümatüxü̃wa rü ñanagürü: “Choma rü Chióü̃gu chanaxǘ ya wüxi ya nuta, rü yimá nixĩ ya nuta ya mexẽchicü ya chomatama chanayaxucü nax chopata namaxã ichaxügüxü̃ca̱x. Rü yíxema nüxü̃́ yaxṍxe, rü taxũtáma tüxü̃ chawomüxẽxẽ rü aixcüma tá tanayaxu i maxü̃ i taguma gúxü̃ i tümamaxã ichaxunetaxü̃”, ñanagürü.

Yox 23:14

Rü ngẽma nüma nanaxwa̱xexü̃ nax chomaxã naxüaxü̃ rü tá nanaxü. Rü guxü̃ma i ngẽma nagu naxĩnüxü̃ rü tá chomaxã nanaxü.