Nüxíraxü̃xü̃ ga popera ga Pedru ümatüxü̃ 2:6 - Tupanaarü Ore

⁶ Rü Tupana rü norü ore i ümatüxü̃wa rü ñanagürü: “Choma rü Chióü̃gu chanaxǘ ya wüxi ya nuta, rü yimá nixĩ ya nuta ya mexẽchicü ya chomatama chanayaxucü nax chopata namaxã ichaxügüxü̃ca̱x. Rü yíxema nüxü̃́ yaxṍxe, rü taxũtáma tüxü̃ chawomüxẽxẽ rü aixcüma tá tanayaxu i maxü̃ i taguma gúxü̃ i tümamaxã ichaxunetaxü̃”, ñanagürü.

Nüxíraxü̃xü̃ ga popera ga Pedru ümatüxü̃ 2:6 Referans Kwoze

Ichaía 28:16

Rü ngẽmaca̱x ya Cori ya Tupana rü ñanagürü: —Chióü̃gu tá chanaxǘ ya wüxi ya nuta ya chomatama ichaxunetacü ya mexẽchicü. Rü yimáwa tá nixĩ inaxügüxü̃ i guxü̃ma i ngẽma chaxüxü̃. Rü yíxema nagu iyauxãchíxe rü taxuca̱xma taxoegaãxẽ.

Nüxíraxü̃xü̃ ga popera ga Pedru ümatüxü̃ 2:4

Rü ñu̱xma rü name nixĩ i nüxna pengaicamagü ya Cristu ya nuta ya maxü̃cü. Rü duü̃xü̃gü nüxü̃ oecü, natürü Tupanaca̱x rü namexẽchi rü natatanü. Rü yimá nixĩ ya Tupana nayaxucü nax namaxã inaxügüãxü̃ca̱x ya napata.

Efesios 2:20

Pema rü ñoma wüxi ya ĩpata ya mexü̃nerüxü̃ pixĩgü. Rü yima ĩpata namaxã ixügüne nixĩ i norü ngu̱xẽẽtae ga yema ngúexü̃gü ga Tupana imugüxü̃ rü yema norü orearü uruü̃gü. Rü nüma ya Cristu nixĩ ya yimá nüxíraü̃cü ya nuta ga naétüwa inaxügücü ya yimá ĩpata.

Chacaría 10:4

Rü Yudátanüxü̃tanüwa tá nangóe i poraexü̃ i ãẽ̱xgacügü i chorü duü̃xü̃gümaxã tá icua̱xgüxü̃. Rü nümagü rü narüxü̃ tá nixĩgü ya yimá nuta ya nüxíra yaxǘcuchicü nax naxüaxü̃ca̱x ya wüxi ya ĩpata ya taxü̃ne. Rü ñoma norü tairuxü̃ ya yima ĩpata ya naxchirunaxca̱xrüxü̃ tá nixĩgü. Rü ñoma würa i daica̱x mexü̃rüxü̃ tá nixĩgü ya yima ãẽ̱xgacügü,

Ore i mexü̃ ga Márcu ümatüxü̃ 12:10

¿Taguma ẽ̱xna nawa pengúe i Tupanaarü ore i ümatüxü̃? Erü ngẽmawa rü ñanagürü: “Yimá nuta ya ĩpataarü üruü̃gü nüxü̃ oecü, rü ñu̱xma rü yimátama nixĩ ya nüxíra ixücuchicü nax namaxã inaxügüãxü̃ca̱x ya ĩpata.

Romanos 10:11

Rü Tupanaarü ore i ümatüxü̃wa rü ñanagürü: “Yíxema Ngechuchuaxü̃́ yaxṍxe rü taxũtáma ãne tinge”, ñanagürü.

Ichaía 50:7

Rü Tupana nixĩ ya choxü̃ rüngü̃xẽẽcü rü ngẽmaca̱x tama choxü̃́ nangu̱x woo chomaxã naguxchigagügu. Rü ngẽmaca̱x yáxna chaxĩnü ñoma wüxi ya nuta ya tama iã̱xãchicürüxü̃, erü nüxü̃ chacua̱x nax tagutáma chaxãnexü̃.

Ichaía 42:1

Nüma ya Cori ya Tupana rü ñanagürü: —Daa nixĩ ya yimá chorü duü̃ ya chaporaxẽẽcü rü nüxü̃ chaxunetacü rü namaxã chataãẽcü. Rü nüxna nixĩ i chanamuxü̃ i Chauãxẽ i Üünexü̃ nax ngẽmaãcü guxü̃ i nachixü̃anegümaxã mea inacuáxü̃ca̱x.

Norü taxre ga popera ga Timutéuca̱x naxümatüxü̃ ga Pauru 3:16

Rü guxü̃ma i ngẽma Tupanaarü ore i ümatüxü̃ rü nügüãẽwatama nanayaxu ga Tupana. Rü ngẽma ore rü name nax duü̃xü̃güxü̃ namaxã ingúexẽẽxü̃, rü namaxã yaxucu̱xẽgüxü̃ rü namaxã iyanawe̱xãchixẽẽgüxü̃, rü namaxã nangúexẽẽxü̃ nax mea Tupanape̱xewa namaxẽxü̃ca̱x.

Ore i mexü̃ ga Cuáü̃ ümatüxü̃ 7:38

Rü texé ya choxü̃́ yaxṍxe rü ñoma natürüxü̃ tümawa tá ínayaxüchi i dexá i maxẽẽruxü̃, ngẽma Tupanaarü ore i ümatüxü̃ nüxü̃ ixuxü̃rüxü̃ —ñanagürü.

Ichaía 54:4

¡Rü taxṹ i pemuü̃exü̃! Erü taxũtáma ta̱xacü pemaxã nixugüe rü taxũtáma pexãnee. Rü yema guxchaxü̃gü ga ü̃pa pexü̃ ngupetüxü̃ rü tá nüxü̃ perüngümae rü taxũtáma nüxna pecua̱xãchie nax ñoma nge i yutecürüxü̃ nax pixĩgüxü̃. Erü nüma ya Tupana ya Guxü̃étüwa Ngẽxmacü ya pexü̃ ngóexẽẽcü rü tá pemaxã inacua̱x. Rü yima Iraétanüxü̃arü Tupana ya Üünecü nixĩ ya pexü̃ ínguxü̃xẽẽcü rü namaxã inacua̱x i guxü̃ma i ñoma i naanewa.

Ore i mexü̃ ga Luca ümatüxü̃ 23:35

Rü yema duü̃xü̃gü rü yéma inarüdaunü. Natürü yema Yudíugüarü ãẽ̱xgacügü rü Ngechuchuxü̃ nacugüe, rü ñanagürügü: —Nüma rü togüxü̃ namaxẽxẽxẽ. ¡Ẽcü, ñu̱xma rü nügütama namaxẽxẽ ega aixcüma Cristu ya Tupana nüxü̃ unetacü yixĩxgu! —ñanagürügü.

Ore i mexü̃ ga Matéu ümatüxü̃ 12:18

“Daa nixĩ ya chorü duü̃ ya chomatama nüxü̃ chaxunetacü rü nüxü̃ changechaü̃cü rü namaxã chataãẽxü̃chicü. Rü nüxna tá chanamu i Chauãxẽ i Üünexü̃. Rü nüma rü ngẽma duü̃xü̃gü i tama Yudíugü ixĩgüxü̃maxã tá nüxü̃ nixu i ore i mexü̃ i aixcüma ixĩxü̃.

Ichaía 41:11

Rü guxü̃ma i ngẽma pexchi aiexü̃ rü tá naxãnee rü tá inayarümaãchitanü. Rü ngẽma pemaxã nügü daixü̃ rü tá inayarüxo.

Wiyaegü 89:19

Rü nũxcüma rü curü duü̃xü̃güxü̃ nüxü̃ cudauxẽxẽ i ẽxü̃guxü̃ rü yemaacü namaxã quidexa, rü ñacurügü nüxü̃: —Choma rü nüxü̃ chaxuneta i wüxi i chorü duü̃xü̃ i poraxü̃ rü guxãétüwa chanangexmaxẽxẽ rü poraãcü nüxü̃ charüngü̃xẽxẽxü̃.

Wiyaegü 40:14

Rü ngẽxgumarüxü̃ ta, Pa Corix, rü chanaxwa̱xe i cunaxãneexẽxẽ i guxü̃ma i ngẽma choxü̃ ima̱xgüchaü̃xü̃. Rü name nax norü ãnemaxã cuyabuxmüxẽẽxü̃ i ngẽma choxü̃ cugüexü̃.

Norü taxre ga popera ga Pedru ümatüxü̃ 3:16

Rü guxü̃ma ga norü poperawa rü ñaa pexca̱x chaxümatüxü̃chiga nanaxümatü ga Pauru woo yema pexca̱x naxümatüxü̃wa rü nangẽxma i ñuxre i ore i guxchaxü̃ nax nüxü̃ icuáxü̃ nax ta̱xacüchiga yixĩxü̃. Rü ngẽma duü̃xü̃gü i tama aixcüma Tupanaarü orexü̃ cua̱xgüxü̃ rü ngẽma tama aixcüma yaxõgüxü̃ rü ínayatoxẽẽgü i ngẽma ore ngẽxgumarüxü̃ nax ínayatoxẽẽgüãxü̃ i ngẽma togü i Tupanaarü ore i ümatüxü̃. Natürü ngẽma chixexü̃ nax naxügüxü̃gagu rü nügü tátama inayarütauxexẽxẽ.

Norü taxre ga popera ga Pedru ümatüxü̃ 1:20

Natürü chanaxwa̱xe nax guxü̃arü yexera nüxü̃ pecuáxü̃ nax taxúema tüechamatama nüxü̃ cuáxü̃ i ta̱xacüchiga nax yixĩxü̃ i Tupanaarü ore i ümatüxü̃.

Efesios 1:4

Rü taxũtáma naane uxgu, rü Cristugagu Tupana tüxü̃ nade nax ixüünegüxü̃ca̱x rü nax nataxuxü̃ca̱x i tórü chixexü̃ i nape̱xewa. Rü nüma ya Tupana rü poraãcü tüxü̃ nangechaü̃, rü yemaca̱x nũxcümamatama tüxü̃ naxuneta nax Ngechuchugagu naxacügüxü̃ tüxü̃ nadexü̃ca̱x. Rü yemaacü nanaxü ga Tupana yerü yema nixĩ ga norü ngúchaü̃.

Ngechuchuarü ngúexü̃gü ga yamugüxü̃arü puracüchiga 1:16

—Pa Chomücügüx, marü ningu ga yema Tupanaãxẽ ya Üünecü nũxcüma Dabíxü̃ muxü̃ nax naxümatüaxü̃ca̱x nachiga ga Yúda ga namaarü cua̱xruxü̃ ixĩxü̃ naxca̱x ga yema duü̃xü̃gü ga Ngechuchuxü̃ iyauxgüxü̃.

Danié 10:21

Ñu̱xma rü tá cumaxã nüxü̃ chixu i ñuxü̃ ñaxü̃ i ngẽma popera i nagu naxümatüxü̃ i ngẽma ore i aixcüma ixĩxü̃. Rü ngẽxguma ngẽma uanügümaxã togü tadaixgu rü Miguére ya Tupanaarü orearü ngeruxü̃ i Iraétanüxü̃arü dauruxü̃xicatama nixĩ ya choxü̃ rüngü̃xẽẽcü —ñanagürü.

Naanearü ügüchiga 49:24

Natürü nüma ya Yúche rü nüxü̃́ nangẽxma ya nachacüxü ya porane. Rü Tupanaarü ngü̃xẽẽmaxã ñoma wüxi ya würa ya poranerüxü̃ nixĩ nax naporaxü̃. Rü moxẽ nüxna chaxã ya chorü Tupana ya Guxãétüwa Ngẽxmacü. Rü moxẽ nüxna chaxã ya Tupana ya Iraétanüxü̃arü poxü̃ruxü̃ ixĩcü.

Ore i mexü̃ ga Luca ümatüxü̃ 20:17

Natürü Ngechuchu rü nüxü̃ nadawenü, rü ñanagürü nüxü̃: —¿Natürü ñuxũ ñaxü̃chiga nixĩ i ngẽma Tupanaarü ore i ümatüxü̃ i ñaxü̃?: “Yimá nuta ya ĩarü üruü̃gü nüxü̃ oechirécü, rü ñu̱xma rü yimátama nuta nixĩ ya nüxíra yaxǘcuchigüãcü i ngẽma ĩpataarü üruü̃gü”, —ñaxü̃.

Nüxíraxü̃xü̃ ga popera ga Pedru ümatüxü̃ 2:8

Rü Tupanaarü ore rü ñanagürü ta: “Ngẽma tama yaxõgüxü̃ rü yimá nutagu tá nayarüpucutügü”, ñanagürü. Rü ngẽmaãcü i ngẽma tama yaxõgüxü̃ rü tá napoxcue, erü tama nanayauxgü i ngẽma ore ya Ngechuchu ya Cristuchiga ixĩxü̃.