Nüxíraxü̃xü̃ ga popera ga Pedru ümatüxü̃ 2:20 - Tupanaarü Ore

²⁰ Natürü ¿ta̱xacüwa pexü̃́ namexü̃ ega yáxna namaxã pexĩnüegu i ngẽxguma wüxi i perü chixexü̃ca̱x pepoxcuegu? Natürü ngẽxguma ta̱xacürü mexü̃ i pexüxü̃gagu ngúxü̃ pingegügu rü yáxna namaxã pexĩnüegu, rü ngẽmawaxi nixĩ i Tupanape̱xewa mexü̃.

Nüxíraxü̃xü̃ ga popera ga Pedru ümatüxü̃ 2:20 Referans Kwoze

Nüxíraxü̃xü̃ ga popera ga Pedru ümatüxü̃ 2:19

Erü Tupana rü tümamaxã nataãxẽ ega yáxna namaxã taxĩnüegu i ngẽma tümaarü cori i ngẽxguma natüca̱xma guxchaxü̃gü tümaca̱x ínanguxẽẽgügu rü ngúxü̃ tüxü̃ yangexẽẽgügu nagagu nax Tupanaaxü̃́ tayaxõgüxü̃.

Nüxíraxü̃xü̃ ga popera ga Pedru ümatüxü̃ 3:17

Yixema rü ngúxü̃ tingegü ega chixexü̃ ixügügu. Rü narümemae nixĩ nax mexü̃ ixügüxü̃ca̱x ngúxü̃ nax ingegüxü̃, ega ngẽmaãcü Tupana naxwa̱xegu.

Nüxíraxü̃xü̃ ga popera ga Pedru ümatüxü̃ 3:14

Natürü ngẽxguma chi mexü̃ nax pexügüxü̃ca̱x ngúxü̃ pingegügu, ¡rü petaãẽgü i pema! ¡Rü taxuca̱xma texéxü̃ pemuü̃e, rü bai ta̱xacüca̱x peba̱i̱xãchiãxẽgü!

Ore i mexü̃ ga Luca ümatüxü̃ 6:32

Rü ngẽxguma pemax rü ngẽma duü̃xü̃gü i pexü̃ ngechaü̃xü̃xü̃xicatama pengechaü̃gu, rü ¿ta̱xacüwa namexü̃ i ngẽma? Erü ngẽma pecaduã̱xgüxü̃ rü ngẽmaãcü nanaxügü.

Ore i mexü̃ ga Matéu ümatüxü̃ 5:47

Rü ngẽxguma chi peenexẽgüxü̃xicatama perümoxẽgu, rü guxü̃ i duü̃xü̃gürüü̃tama pixĩgü. Erü woo ngẽma duü̃xü̃gü i tama Tupanaxü̃ cua̱xgüxü̃, rü ngẽxgumarüü̃tama nanaxügü.

1 Corintios 4:11

Rü ñu̱xma rü ta tama inayacua̱x nax ngúxü̃ tingegüxü̃, rü taiya toxü̃́ nangu̱x, rü tita̱xawae, rü tangexchiru. Rü duü̃xü̃gü rü chixri tomaxã nachopetü, rü tangepata.

Ore i mexü̃ ga Márcu ümatüxü̃ 14:65

Rü ñuxre ga nümagü rü inanaxügüe ga nüxna nax nacua̱i̱xgüexü̃. Rü nanatüxetügü rü ñu̱xũchi nüxü̃ nidagügü ñaxü̃maxã: —¡Nüxü̃ nacua̱x nax texé cuxü̃ idagüxü̃! —ñanagürügü. Rü yema Tupanapata ga taxü̃nearü dauruü̃gü ga purichíagü rü nanapechiwegü.

Ore i mexü̃ ga Matéu ümatüxü̃ 26:67

Rü yexguma rü Ngechuchuchiwewa nacua̱i̱xgüe. Rü nüxna nanacua̱i̱xcagü. Rü togü rü nanapegüchiwegü.

Filipenses 4:18

Rü ñu̱xma rü marü choxü̃́ nangẽxma i guxü̃ma i ta̱xacü i chanaxwa̱xexü̃, rü aixcüma ngẽmaarü yexera choxü̃́ nangẽxma. Rü ñu̱xma nax Epaporudítu núma nangexü̃ i perü ãmare, rü taxuxü̃ma choxü̃́ nataxu. Rü ngẽma perü ãmare i cha̱u̱xca̱x núma pemuxü̃, rü Tupanape̱xewa rü ñoma wüxi i pumara i yixĩxü̃rüxü̃ nixĩ, rü nüma rü poraãcü namaxã nataãxẽ.

Efesios 5:10

¡Rü pegü pengugü rü naxca̱x pedaugü i ngẽma tórü Cori namaxã taãẽxü̃!

Gálatas 4:18

Rü ngẽma orearü uruü̃gü rü marü name nax pegu naxĩnüexü̃, natürü nanaxwa̱xe nax perü mexü̃ca̱x nadaugüxü̃ i guxü̃guma. Rü tama name nax petanüwa changexmaguxicatama perü mexü̃ca̱x nax nadaugüxü̃ i ngẽma duü̃xü̃gü.