Nüxíraxü̃xü̃ ga popera ga Pedru ümatüxü̃ 2:15 - Tupanaarü Ore

¹⁵ Erü Tupana nanaxwa̱xe nax mexü̃ pexügüxü̃ nax ngẽmaãcü ipeyanangea̱xgüxẽẽxü̃ca̱x i ngẽma duü̃xü̃gü i tama naãxẽxü̃ cuáxü̃ rü ngẽma naechitamare maxẽxü̃.

Nüxíraxü̃xü̃ ga popera ga Pedru ümatüxü̃ 2:15 Referans Kwoze

Nüxíraxü̃xü̃ ga popera ga Pedru ümatüxü̃ 3:17

Yixema rü ngúxü̃ tingegü ega chixexü̃ ixügügu. Rü narümemae nixĩ nax mexü̃ ixügüxü̃ca̱x ngúxü̃ nax ingegüxü̃, ega ngẽmaãcü Tupana naxwa̱xegu.

Popera ga Títoca̱x naxümatüxü̃ ga Pauru 2:8

Rü ngẽxguma ngẽmaãcü mea cunangúexẽẽgu i ngẽma ore i mexü̃, rü taxúetama texé chixri nachiga tidexa. Rü ngẽxguma ya yíxema chixri tachiga idexagüchaü̃xe rü tá taxãnee erü taxucürüwa ta̱xacürü chixexü̃xü̃ tixugü i tachiga.

Nüxíraxü̃xü̃ ga popera ga Pedru ümatüxü̃ 2:12

Rü name nixĩ i mea pemaxẽ nape̱xewa i ngẽma duü̃xü̃gü i tama Tupanaxü̃ cua̱xgüxü̃. Rü woo ñu̱xma chixri pechiga yadexagügu, natürü tá nüxü̃ nadaugü i ngẽma mexü̃ i pexügüxü̃, rü tá Tupanaxü̃ nicua̱xüü̃gü i ngẽma ngunexü̃ i nagu Tupana guxãxü̃ma icagüxü̃gu.

Ore i mexü̃ ga Matéu ümatüxü̃ 7:26

Natürü yíxema choxü̃ ĩnüxẽ rü tama naxǘxe i ngẽma choma tüxü̃ chamuxü̃, rü wüxi ga yatü ga tama naãẽxü̃ cuácü ga naxnücügumare üpatacürüxü̃ tixĩ.

1 Tesalonicenses 5:18

¡Rü woo ta̱xacü pexü̃ ngupetügu, rü Tupanana moxẽ pexãgü! Erü ngẽma nixĩ ya Tupana naxwa̱xexü̃ nax penaxüxü̃ i pema ya Ngechuchu ya Cristuarü duü̃xü̃gü nax pixĩgüxü̃.

1 Tesalonicenses 4:3

Rü ngẽma Tupana naxwa̱xexü̃ nixĩ nax aixcüma namexü̃ i perü maxü̃ rü naxca̱xicatama nax pemaxẽxü̃. ¡Rü taxṹ i pexenearü ngúchaü̃ pexü rü nai i ngexü̃maxã pemaxẽ!

Yeremía 4:22

Rü nüma ya Cori ya Tupana rü ñanagürü: —Ngẽma chorü duü̃xü̃gü rü tama naãẽxü̃ nicua̱x, rü tama choxü̃ nacua̱xgü. Rü ñoma nanegü i taxuwama imexü̃ rü tama nagu rüxĩnüexü̃rüxü̃ nixĩgü. Rü nüxü̃ nicua̱xüchi nax chixexü̃ naxügüxü̃, natürü tama nüxü̃ nacua̱xgü nax mexü̃ naxügüxü̃ —ñanagürü.

Norü taxre ga popera ga Pedru ümatüxü̃ 2:12

Rü ngẽma ngu̱xẽẽruü̃netagü, rü ñoma naeü̃gürüxü̃ nixĩgü, rü naeü̃gürüxü̃ taxuxü̃ma nacua̱xgü. Rü ngẽma naxü̃negü naxwa̱xexü̃ nixĩ i naxügüxü̃. Rü nabue nax ñoma naeü̃gü i yayauxgüxü̃ rü nada̱i̱xü̃rüxü̃ yixĩgüxü̃ca̱x. Rü chixri nachiga nidexagü i ngẽma tama nüxü̃ nacua̱xgüxü̃. Natürü ngẽma chixexü̃ i naxügüxü̃gagu tá ñoma naeü̃gürüxü̃ inayarütauxe.

Romanos 1:21

Yerü woo nüxü̃ nacua̱xgüchire̱x nax ñuxãcü yixĩxü̃ ga Tupana, natürü tama nanayauxgüchaü̃ nax norü Tupana yixĩxü̃ca̱x, rü bai nax moxẽ nüxna naxãgüxü̃. Natürü yema taxuwama mexü̃guama narüxĩnüe, rü yemaacü naechitamare namaxẽ rü yexeraãcü chixexü̃gu narüxĩnüe.

Ucu̱xẽgüchiga 9:6

¡Nüxü̃ perüxoe nax chixexü̃gu pemaxẽxü̃, rü ngẽxguma tá pexü̃́ nangẽxma i maxü̃! ¡Rü duü̃xü̃gü i naãxẽxü̃ icuáxü̃ãcü pemaxẽ! —ñanagürü.

Yox 2:10

Natürü ga nüma ga Yox rü ngĩxü̃ nangãxü̃ga rü ñanagürü: —Pa Ngex, tama name i ngẽmaãcü chixexü̃ i oremaxã quidexa. Rü guxü̃guma taãẽãcü tanayaxu i ngẽma mexü̃gü ya Tupana tüxna ãxü̃. ¿Rü ñuxãcü chi i taxũchima nayaxuxü̃ i ngẽma guxchaxü̃gü i taxca̱x ínguxü̃? —ñanagürü. Rü yemaacü ga Yox rü woo yema nüxü̃ nax ngupetüxü̃ rü tama chixexü̃ naxü rü bai ga norü dexawa.

Popera ga Yúda ümatüxü̃ 1:10

Natürü ngẽma duü̃xü̃gü i doramaxã petanügu chocuxü̃, rü chixri nachiga nidexagü i ngẽma tama nüxü̃ nacuáxü̃. Rü ngẽma chixexü̃ i nüxü̃ nacuáxü̃ rü ñoma naeü̃gü i tama naãxẽxü̃ icuáxü̃rüxü̃, nagu namaxẽ. Natürü ngẽma chixexü̃ca̱x, rü Tupana tá nanapoxcue.

Nüxíraxü̃xü̃ ga popera ga Timutéuca̱x naxümatüxü̃ ga Pauru 1:13

Rü woo ga ü̃pa ga choma rü chixri nachiga chidexa ga Cristu, rü nawe chingẽchigü ga yema nüxü̃́ yaxõgüxü̃ rü chixexü̃ Cristumaxã chixugü, natürü ga Tupana rü nüxü̃́ changechaü̃tümüxü̃, yerü tauta Cristuaxü̃́ chayaxõ rü tama nüxü̃ chacua̱x nax tama namexü̃ ga yema chaxüxü̃.

Wiyaegü 107:42

Rü ngẽmaxü̃ nadaugügu i ngẽma duü̃xü̃gü i Tupanape̱xewa mexü̃ rü tá nataãẽgü. Natürü ngẽma chixexü̃arü üruü̃gü rü tá narüngea̱xgümare.

Popera ga Títoca̱x naxümatüxü̃ ga Pauru 3:3

Yerü ga ü̃pa ga yixema rü ta rü chixexü̃gu tamaxẽ, rü tama Tupanaga taxĩnüe. Rü itayarütauxe rü naguxü̃raü̃xü̃ i tórü ngúchaü̃ tamaxã inacua̱x. Rü chixexü̃gu rüxĩnüeãcüma tamaxẽ rü taxãũxãchiwa̱xegü. Rü yigütanüwa yigüchi taxaie.

Gálatas 3:1

Pa Chauenexẽgü i Gárataanecüã̱x, pema rü tama peãẽxü̃ pecua̱x. Rü yexguma petanüwa tayexmagügu rü meama guxãpe̱xewa pemaxã nüxü̃ tixu nax curuchagu taxca̱x nayuxü̃ ga Ngechuchu ya Cristu. ¿Rü texé pexü̃ tawomüxẽxẽ i ñu̱xma nax tama naga pexĩnüexü̃ca̱x i ngẽma ore i aixcüma ixĩxü̃ ga pemaxã nüxü̃ tixuxü̃?

Ore i mexü̃ ga Matéu ümatüxü̃ 25:2

Rü 5 ga yema pacü rü tama íxuãxẽgü. Rü yema nai ga 5 ga pacü rü meama íxuãxẽgü.

Wiyaegü 5:5

Rü cupe̱xewa rü nangechica i ngẽma nügü icua̱xüü̃güxü̃. Rü cuma rü naxchi cuxai i ngẽma chixexü̃ ügüxü̃.

Yox 5:16

Nüma nixĩ i tüxü̃ nangü̃xẽẽxü̃ ya yíxema taxucürüwa tügü ípoxü̃güxe. Rü nüma nixĩ i yanangẽã̱xgüxẽẽãxü̃ i ngẽma chixri tümamaxã icua̱xgüxü̃.

Wenaxarü naxümatü ga Tupanaarü mugü 32:6

¿Rü ñuxãcü i ñu̱xma i pema rü chixexü̃maxã Cori ya Tupanaaxü̃́ penaxütanüxü̃? Pa Duü̃xü̃gü i Peechitamare Maxẽxe rü Ngearü Cuáã̱xgüxex ¿tama ẽ̱xna nüxü̃ pecua̱x nax yimá yixĩxü̃ ya penatü ya pexü̃ ngóexẽẽcü? Rü aixcüma yimá nixĩ ya pexü̃ ngóexẽẽcü, rü pexna naxãcü i perü maxü̃ nax ñu̱xma duü̃xü̃gü pixĩgüxü̃.

Nüxíraxü̃xü̃ ga popera ga Pedru ümatüxü̃ 3:16

Natürü name nixĩ i tama pegü picua̱xüü̃güãcüma penangãxü̃ rü tama pegügu perüxĩnüeãcüma nax ngẽma duü̃xü̃güarü yexera pixĩgüxü̃. Rü name nixĩ i mea pemaxẽ nax taxuca̱xma pexoegaãẽgüxü̃ca̱x. Rü ngẽxguma ngẽmaãcü pemaxẽgu rü tá naxãnẽxẽ i ngẽma duü̃xü̃gü i chixri pechiga idexagüxü̃ naxca̱x nax Cristuca̱x pemaxẽxü̃.