Nüxíraxü̃xü̃ ga popera ga Pedru ümatüxü̃ 2:12 - Tupanaarü Ore

¹² Rü name nixĩ i mea pemaxẽ nape̱xewa i ngẽma duü̃xü̃gü i tama Tupanaxü̃ cua̱xgüxü̃. Rü woo ñu̱xma chixri pechiga yadexagügu, natürü tá nüxü̃ nadaugü i ngẽma mexü̃ i pexügüxü̃, rü tá Tupanaxü̃ nicua̱xüü̃gü i ngẽma ngunexü̃ i nagu Tupana guxãxü̃ma icagüxü̃gu.

Nüxíraxü̃xü̃ ga popera ga Pedru ümatüxü̃ 2:12 Referans Kwoze

Nüxíraxü̃xü̃ ga popera ga Pedru ümatüxü̃ 3:16

Natürü name nixĩ i tama pegü picua̱xüü̃güãcüma penangãxü̃ rü tama pegügu perüxĩnüeãcüma nax ngẽma duü̃xü̃güarü yexera pixĩgüxü̃. Rü name nixĩ i mea pemaxẽ nax taxuca̱xma pexoegaãẽgüxü̃ca̱x. Rü ngẽxguma ngẽmaãcü pemaxẽgu rü tá naxãnẽxẽ i ngẽma duü̃xü̃gü i chixri pechiga idexagüxü̃ naxca̱x nax Cristuca̱x pemaxẽxü̃.

Ore i mexü̃ ga Matéu ümatüxü̃ 5:16

Rü name nixĩ i duü̃xü̃güpe̱xewa mea pemaxẽxü̃. Rü ngẽxguma i pema rü duü̃xü̃güca̱x rü ñoma omügürüxü̃ pixĩgü. Rü ngẽmaãcü i duü̃xü̃gü rü tá nüxü̃ nadaugü i ngẽma mexü̃ i pexüxü̃, rü tá nüxü̃ nicua̱xüü̃gü ya Penatü ya daxũwa ngẽxmacü.

2 Corintios 8:21

Rü tama Cori ya Tupanape̱xewaxicatama tanaxwa̱xe nax mea tanaxüxü̃, natürü guxü̃ i duü̃xü̃güpe̱xewa rü ta tanaxwa̱xe nax mea tanaxüxü̃.

1 Tesalonicenses 4:12

Rü ngẽxguma ngẽmaãcü pepuracüegu, rü ngẽma duü̃xü̃gü i tama yaxõgüxü̃ rü tá pexü̃ nangechaü̃gü, rü taxúeme̱xẽwa tá pengẽxmagü.

Nüxíraxü̃xü̃ ga popera ga Timutéuca̱x naxümatüxü̃ ga Pauru 4:12

¡Mea cugüna nadau nax taxúema cuxü̃ naxoxü̃ca̱x naxca̱x i ngẽma nax cungextü̱xüxü̃! Rü name nixĩ i wüxi i mexü̃ i cua̱xruxü̃ quixĩ naxca̱x i guxü̃ma i ngẽma yaxõgüxü̃. Rü ngẽmaca̱x cunaxwa̱xe i mexü̃ i oremaxã quidexa, rü mea duü̃xü̃güpe̱xewa cumaxü̃, rü aixcüma nüxü̃ cungechaü̃ i guxü̃ma i duü̃xü̃gü, rü mea Tupanaaxü̃́ cuyaxõ, rü nape̱xewa mea cumaxü̃.

Popera ga Chantiágu ümatüxü̃ 3:13

Ngẽxguma chi petanüwa nangẽxmagu i wüxi i duü̃xü̃ i cua̱x nüxü̃́ ngẽxmaxü̃ rü mea naãxẽxü̃ cuáxü̃, rü tama name i nügü nicua̱xüxü̃, natürü nanaxwa̱xe nax mexü̃ i nacümawa pexü̃ nüxü̃ nadauxẽẽxü̃ nax aixcüma cua̱x nüxü̃́ ngẽxmaxü̃.

Filipenses 1:27

Rü ngẽma guxü̃arü yexera rümemaexü̃ nixĩ nax naxca̱x pedauxü̃ nax mea pemaxẽxü̃, ngẽma Cristuarü ore pemaxã nüxü̃ ixuxü̃rüxü̃. Rü ngẽxguma petanüwa chaxũxgu rü ẽ̱xna woo tama ngéma chaxũxgu, natürü nüxü̃ chaxĩnüchaü̃ nax guxãma wüxigu pegü peporaexẽẽxü̃ nax taguma nüxü̃ perüchauxü̃ca̱x nax peyaxõgüxü̃, rü ngẽmaãcü Tupanaaxü̃́ pepuracüexü̃ nax yexeraãcü yaxũchigüxü̃ca̱x i norü ore.

2 Corintios 1:12

Rü ngẽma toxü̃ taãẽxẽẽxü̃ nixĩ nax toõxẽwa nüxü̃ tacuáxü̃ nax ñoma i naanewa rü aixcüma Tupana naxwa̱xexü̃ãcüma mea tamaxẽxü̃. Rü pepe̱xewa nixĩ ga guxü̃arü yexera yemaacü mea tamaxẽxü̃. Natürü tocüma rü tama ñoma i naanecüã̱xarü cua̱xwa ne naxũ, erü Tupana ya toxü̃ ngechaü̃cü nixĩ ya nüxü̃́ tayaxõcü.

Norü taxre ga popera ga Pedru ümatüxü̃ 3:11

Rü ñu̱xma nax ngẽmaãcü tá namaxã nangupetüxü̃ i guxü̃ma i ta̱xacü i ngẽxmaxü̃, rü yexeraãcü penaxwa̱xe nax naxüünexü̃ i perü maxü̃ rü Tupana nanaxwa̱xexü̃ãcüma nax pemaxẽxü̃.

Romanos 13:13

Rü ngĩxã mexü̃ taxügü rü Tupana naxwa̱xexü̃ãcüma tamaxẽ. Rü tama namaxã taxãmücü i ngẽma duü̃xü̃gü i naxügüxü̃ i taxü̃ i petagü i nawa naxãũgatanüxü̃ rü nangãxexü̃. Rü tama taxünearü ngúchaü̃we tarüxĩ, rü tama to i chixexü̃ taxügü, rü bai nax yigü ichoxü̃gagüxü̃, rü bai i ixauxãchiwa̱xexü̃.

Romanos 12:17

Rü ngẽxguma texé chixexü̃ pexca̱x ínguxẽẽgu, ¡rü taxṹ i chixexü̃maxã pexütanüxü̃! Natürü name nixĩ i pegü peporaexẽxẽ nax mexü̃ pexügüxü̃ca̱x nape̱xewa i guxü̃ma i duü̃xü̃gü.

Popera ga Yudíugü ga yaxõgüxü̃ca̱x ümatüxü̃ 13:18

Rü tanaxwa̱xe i toxca̱x peyumüxẽgü. Erü toõxẽwa nüxü̃ tacua̱x nax aixcüma mea tayanguxẽẽxü̃ i ngẽma puracü ya Tupana toxna ãxü̃ rü tanaxwa̱xe nax guxü̃guma ngẽmaãcü mea tanaxüxü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 2:2

Rü ngẽxgumarüxü̃ ta name nixĩ i naxca̱x peyumüxẽ i guxü̃ma i nachixü̃anegüarü ãẽ̱xgacügü rü guxü̃ma i norü ngü̃xẽẽruü̃gü i ãẽ̱xgacügü nax ngẽmaãcü itaãẽgüxü̃ca̱x rü Tupanape̱xewa rü guxü̃ i duü̃xü̃güpe̱xewa tüxü̃́ nangẽxmaxü̃ca̱x i wüxi i maxü̃ i aixcüma mexü̃.

Filipenses 4:8

Rü ñu̱xma Pa Chauenexẽgüx, rü name nixĩ i nagu perüxĩnüe i guxü̃ma i ngẽma ore i aixcüma ixĩxü̃, rü guxü̃ma i ngẽma nacüma i taxucürüwama texé chixri nachiga idexaxü̃. Rü name nixĩ i nagu perüxĩnüe i guxü̃ma i ngẽma ore i aixcüma mea iwéxü̃, rü guxü̃ma i ngẽma Tupanape̱xewa mexü̃, rü guxü̃ma i nacümagü i duü̃xü̃gü namaxã taãẽxü̃, rü guxü̃ma i ngẽma nacümagü i duü̃xü̃gü mea nachiga idexagüxü̃. Rü ngẽmaãcü name nixĩ i nagu perüxĩnüe i guxü̃ma i ngẽma nacümagü i mexü̃ nax nüxü̃ icua̱xüü̃güxü̃.

Efesios 4:22

Rü ngẽmaca̱x name nixĩ i nüxü̃ perüxoe i ngẽma nũxcümaü̃xü̃ i pecümagü ga ü̃pa nagu pexĩxü̃. Yerü yema nũxcümaü̃xü̃ ga perü maxü̃ rü nachixexüchi nagagu ga yema pexenearü ngúchaü̃gü i pexü̃ womüxẽẽxü̃.

Wiyaegü 50:23

Rü yíxema moxẽ choxna ãxe rü choxü̃ ticua̱xüxü̃. Rü choma rü tá tüxü̃ chamaxẽxẽ ya yíxema aixcüma chauga ĩnüxẽ —ñanagürü ya Tupana.

Popera ga Yudíugü ga yaxõgüxü̃ca̱x ümatüxü̃ 13:5

Rü tama name nax diẽruguama perüxĩnüexü̃. Rü name nixĩ i namaxã petaãẽgü i ngẽma marü pexü̃́ ngẽxmaxü̃. Yerü Tupana rü ñanagürü: “Tagutáma cuxna chixũ, rü tagutáma cuxü̃ íchata̱x”, ñanagürü.

Romanos 15:9

Rü yexgumarüxü̃ ta ga Cristu rü núma naxũ naxca̱x i ngẽma duü̃xü̃gü i tama Yudíugü ixĩgüxü̃ nax nümagü rü ta Tupanaxü̃ yacua̱xüü̃güxü̃ca̱x naxca̱x nax nüxü̃́ nangechaü̃tümüxü̃güxü̃. Rü yemachiga nixĩ ga yema Tupanaarü ore ga Dabí ümatüxü̃ ga ñaxü̃: “Rü ngẽmaca̱x guxü̃ i nachixü̃anecüã̱x i duü̃xü̃güpe̱xewa tá cuxü̃ chicua̱xüxü̃. Rü chorü wiyaemaxã rü tá cuégaxü̃ chicua̱xüxü̃”, ñaxü̃.

Ore i mexü̃ ga Luca ümatüxü̃ 19:44

Rü tá nagu napogüe ya perü ĩane, rü tá pexü̃ nadai. Rü taxucütama ya nuta ngextá nügüxétü nanugüxüra i perü ĩanearü poxeguxü̃tápü̱x. Rü ngẽmaãcü tá pexü̃ naxüpetü, yerü tama nüxü̃ pecua̱xgüchaü̃ ga yexguma Tupana pexü̃ íyada̱u̱xgu —ñanagürü.

Ore i mexü̃ ga Matéu ümatüxü̃ 10:25

Rü ngẽma norü ngúexẽẽruü̃xü̃ üpetüxü̃rüxü̃ tátama nüxü̃ naxüpetü i ngẽma norü ngúexü̃. Rü ngẽma norü corixü̃ üpetüxü̃rüxü̃ tátama nüxü̃ naxüpetü i ngẽma norü duü̃xü̃. Rü ngẽxguma duü̃xü̃gü rü ngo̱xo i Beechebú choxü̃ wogügu, ¿rü ñuxãcü tá pexü̃ naxu i pemax?

Ore i mexü̃ ga Matéu ümatüxü̃ 5:11

¡Petaãẽgü ngẽxguma chaugagu duü̃xü̃gü chixexü̃ pemaxã ixugüegu, rü chixri pemaxã inacua̱xgügu, rü guxü̃raxü̃xü̃ i dora pechigaxü̃ yaxugüegu!

Nüxíraxü̃xü̃ ga popera ga Pedru ümatüxü̃ 4:11

Rü yíxema nüxü̃ cuáxe nax mea tidexaxü̃, rü name nixĩ nax Tupanaarü orexü̃ tixuxü̃. Rü ngẽxguma texé tüxü̃́ nangẽxmagu i cua̱x nax togüxü̃ tarüngü̃xẽẽxü̃, rü name nixĩ i ngẽma pora ya Tupana tüxna ãxü̃maxã nüxü̃ tarüngü̃xẽxẽ. Rü guxü̃ma i ngẽma pexüxü̃ rü name nixĩ i meama penaxü nax ngẽmaãcü Ngechuchu ya Cristugagu Tupanaxü̃ picua̱xüü̃güxü̃ca̱x. Erü nüma ya Tupana rü guxü̃guma naxüüne rü naporaxüchi. Rü ngẽmaãcü yixĩ.

Ichaía 10:3

¿Rü ta̱xacü tá pexügüxü̃ i ngẽxguma Tupana pexna caxgux naxca̱x i guxü̃ma i ngẽma chixexü̃ i pexüxü̃ rü ngẽxguma nüxü̃ peda̱u̱xgu nax yáxü̃wa pexca̱x ne naxũxü̃ i poxcu? ¿Rü texéca̱x tá pibuxmüxü̃ nax ngü̃xẽẽca̱x ípecaxü̃ca̱x? ¿Rü ngextá tá peyacu̱xgü i perü ngẽmaxü̃gü i ngẽxguma ínangugügu i perü uanügü?

Wiyaegü 37:14

Rü ngẽma chixexü̃gu rüxĩnüexü̃ rü norü tara nanatúxuchi, rü norü würaxü̃ natú nax tüxü̃ namaxü̃xü̃ca̱x ya yíxema taxuxü̃ma tüxü̃́ ngẽxmaxe rü yíxema mexü̃gu rüxĩnüxe. Rü ngẽmaãcü tüxü̃ nadaixchaü̃ ya yíxema mecümagüxe.

Efesios 2:3

Rü guxãma ga yixema rü yemaacü chixexü̃gu tamaxẽ ga ü̃pa. Rü tóxrütama ngúchaü̃ ga chixexü̃we tarüxĩ, rü nagu taxĩ ga yema taxü̃ne naxwa̱xexü̃ rü yema taãxẽ nagu rüxĩnüxü̃. Rü yemagagu tüxna nangu i ngẽma poxcu ya Tupana norü numaxã mexẽẽxü̃ naxca̱x i guxü̃ma i ngẽma tama naga ĩnüexü̃.

2 Corintios 13:7

Rü Tupanana naxca̱x taca nax taxuxü̃ma i chixexü̃ pexügüxü̃ca̱x. Rü tama duü̃xü̃güpe̱xewa togü ítarütagüxü̃ca̱x nixĩ nax ngẽmaãcü tayumüxẽgüxü̃. Natürü Tupanana naxca̱x taca i ngẽma nax aixcüma mea naxca̱x pemaxẽxü̃ca̱x woo duü̃xü̃gü nagu rüxĩnüegu nax toma rü tarüyixü̃ i torü õwa.

1 Corintios 14:25

Rü ngẽmaãcü tá nango̱x i ngẽma chixexü̃ i nüxicatama nüxü̃ nacuáxü̃ rü ngẽxma tá nacaxã́pü̱xü, rü tá Tupanaxü̃ nicua̱xüxü̃. Rü tá nüxü̃ nixu nax aixcüma Tupana petanüwa nangẽxmaxü̃.

Ngechuchuarü ngúexü̃gü ga yamugüxü̃arü puracüchiga 24:13

Rü ñu̱xma taxucürüwama cuxü̃ nanawe̱xgü nax ta̱xacürü chixexü̃ yixĩxü̃ i ngẽma naxca̱x choxü̃ ínaxuaxü̃güxü̃.

Ngechuchuarü ngúexü̃gü ga yamugüxü̃arü puracüchiga 15:14

Pedru i Chimóü̃ rü tamaxã nüxü̃ nixu nax ñuxãcü Tupana inaxügüxü̃ nax nüxü̃ nangü̃xẽẽxü̃ ga yema duü̃xü̃gü i tama Yudíugü ixĩgüxü̃. Rü tamaxã nüxü̃ nixu ta nax ñuxãcü Tupana yema duü̃xü̃gütanüwa nadeaxü̃ ga ñuxre ga duü̃xü̃gü nax noxrü yixĩgüxü̃ca̱x.

Ore i mexü̃ ga Luca ümatüxü̃ 6:22

¡Rü petaãxẽgü i pemax i ngẽxguma duü̃xü̃gü pexchi aiegu, rü pexü̃ ínawoxü̃gu, rü chixexü̃ pemaxã yaxugüegu, rü Tupana Nane ya duü̃xü̃xü̃ ixĩcügagu chixri pechiga yadexagügu!

Ore i mexü̃ ga Luca ümatüxü̃ 1:68

Rü ñanagürü: “Namecümaxüchi ya tórü Cori ga tórü o̱xi ga Iraéarü Tupana. Erü núma tatanüwa nangu nax tüxü̃ nangü̃xẽẽxü̃ca̱x i yixema i norü duü̃xü̃gü nax ixĩgüxü̃.

Ore i mexü̃ ga Matéu ümatüxü̃ 9:8

Rü yexguma yemaxü̃ nadaugügu ga duü̃xü̃gü, rü poraãcü namuü̃e. Rü Tupanaxü̃ nicua̱xüü̃gü, rü ñanagürügü: —Moxẽ, Pa Tupanax, erü cunaporaxẽxẽ i ñaa yatü nax ngẽmaãcü mexü̃ toxca̱x naxüxü̃ca̱x —ñanagürügü.

Ngechuchuarü ngúexü̃gü ga yamugüxü̃arü puracüchiga 25:7

Rü yexguma yexma yaxücuxgu ga Pauru, rü yema Yudíugü ga Yerucharéü̃wa ne ĩxü̃, rü naxca̱x naxĩ. Rü muxü̃ma ga chixexü̃gümaxã ínanaxuaxü̃gü. Natürü yema chixexü̃gü ga namaxã Pauruxü̃ ínaxuaxü̃güxü̃ rü taxuxü̃ma ga yemamaxã inanawe̱xgü nax aixcüma yixĩxü̃.

Danié 6:4

Rü yemaca̱x ga yema togü ga ãẽ̱xgacügü rü naxca̱x nadaugü ga wüxi ga guxchaxü̃ nax yemaacü Daríupe̱xewa Daniéxü̃ ínaxuaxü̃güxü̃ca̱x. Natürü nüma ga Danié rü wüxi ga yatü ga aixcüma mecü nixĩ, rü taxuxü̃ma ga chixexü̃ nawa inayangaugü.

Ore i mexü̃ ga Cuáü̃ ümatüxü̃ 13:31

Rü yexguma Yúda íxũxguwena, rü Ngechuchu rü ñanagürü: —Rü ñu̱xma rü tá nango̱x i norü pora ya Tupana Nane ya duü̃xü̃xü̃ ixĩcü. Rü yimáwa tá nixĩ i nango̱xẽẽãxü̃ ya Tupana i norü pora.

Ngechuchuarü ngúexü̃gü ga yamugüxü̃arü puracüchiga 28:22

Rü cuxü̃tawa nüxü̃ taxĩnüechaü̃ rü ¿ñuxũ ñacuxü̃ i cumax? Erü nüxü̃ tacua̱xgü rü guxü̃wama i Yudíugü rü chixri nachiga nidexagü i ngẽma ore i ngexwaca̱xü̃xü̃ i Ngechuchuchiga —ñanagürügü.

Romanos 14:18

Rü yíxema ngẽmaãcü Cristuca̱x maxü̃́xẽ, rü Tupana rü tümamaxã nataãxẽ, rü duü̃xü̃gü rü ta tümamaxã nataãẽgü.

Nüxíraxü̃xü̃ ga popera ga Timutéuca̱x naxümatüxü̃ ga Pauru 5:10

Rü tanaxwa̱xe i duü̃xü̃gü ngĩxü̃ nacua̱xgü nax wüxi i mexü̃ üxcü nax yixĩxü̃, rü mea ngĩxãcüxü̃ yaexẽẽcü iyixĩ, rü mea ngĩpatawa duü̃xü̃güxü̃ yaxucü iyixĩ, rü yaxõgüxü̃arü ngü̃xẽẽruxü̃ iyixĩ, rü da̱xaweexü̃arü ngü̃xẽẽruxü̃ iyixĩ. Rü ngẽmaãcü tanaxwa̱xe i guxü̃raxü̃xü̃ i mexü̃arü üruxü̃ iyixĩ.

Nüxíraxü̃xü̃ ga popera ga Pedru ümatüxü̃ 2:15

Erü Tupana nanaxwa̱xe nax mexü̃ pexügüxü̃ nax ngẽmaãcü ipeyanangea̱xgüxẽẽxü̃ca̱x i ngẽma duü̃xü̃gü i tama naãxẽxü̃ cuáxü̃ rü ngẽma naechitamare maxẽxü̃.

Rux 3:14

Rü ngĩma ga Rux rü yexma ipe, rü Boócutüguama ica rü yexma iyangunexü̃. Rü moxü̃ãcü taxũtáma yangóonexü̃chigu rü írüda yerü yema ñanagürü ngĩxü̃ ga Boó: —Tama chanaxwa̱xe nax texé nüxü̃ nacuáxü̃ i nua chauanewa nax cuxũxü̃ i chebáda íyabuxuchita̱xegüxü̃wa —ñanagürü.