Nüxíraxü̃xü̃ ga popera ga Pedru ümatüxü̃ 2:10 - Tupanaarü Ore

¹⁰ Rü ü̃pa ga pema rü tama Tupanaarü duü̃xü̃gü pixĩgü, natürü i ñu̱xma rü aixcüma norü duü̃xü̃gü pixĩgü. Rü ü̃pa rü tama Tupanaaxü̃́ pengechaü̃tümüxü̃gü, natürü i ñu̱xma rü aixcüma Tupanaaxü̃́ pengechaü̃tümüxü̃gü.

Nüxíraxü̃xü̃ ga popera ga Pedru ümatüxü̃ 2:10 Referans Kwoze

Ochéa 2:23

Rü choma rü wena táxarü chorü naanewa chanangexmagüxẽxẽ i chorü duü̃xü̃gü. Rü wena táxarü choxü̃́ nangechaü̃tümüxü̃gü. Rü pema i chorü duü̃xü̃gü i Iraéanecüã̱xgümaxã tá nüxü̃ chixu rü ñachagürü tá: “Pema rü marü chorü duü̃xü̃gü pixĩgü”, ñachagürü tá. Rü ngẽxguma i pemax rü ñaperügü tá: “Cuma nixĩ i torü Tupana quixĩxü̃”, ñaperügü tá —ñanagürü ya Tupana.

Popera ga Yudíugü ga yaxõgüxü̃ca̱x ümatüxü̃ 4:16

Rü ñu̱xma nax tüxü̃́ nangẽxmaxü̃ ya tórü ngü̃xẽẽruxü̃ ya Ngechuchu, rü tüxü̃́ natauxcha nax tama imuü̃eãcüma nüxna ingaicamaxü̃ ya tórü Tupana ya tüxü̃ ngechaü̃cü nax ngẽmaãcü nüma nüxü̃́ ingechaü̃tümüxü̃güxü̃ca̱x rü tüxü̃ nangechaü̃ãcüma tüxü̃ nangü̃xẽẽxü̃ca̱x i ngẽxguma guxchaxü̃gü taxca̱x ínguxgu.

Nüxíraxü̃xü̃ ga popera ga Timutéuca̱x naxümatüxü̃ ga Pauru 1:13

Rü woo ga ü̃pa ga choma rü chixri nachiga chidexa ga Cristu, rü nawe chingẽchigü ga yema nüxü̃́ yaxõgüxü̃ rü chixexü̃ Cristumaxã chixugü, natürü ga Tupana rü nüxü̃́ changechaü̃tümüxü̃, yerü tauta Cristuaxü̃́ chayaxõ rü tama nüxü̃ chacua̱x nax tama namexü̃ ga yema chaxüxü̃.

Romanos 10:19

Natürü wena pexna chaca, ¿rü ngẽma Iraétanüxü̃ rü tama ẽ̱xna nüxü̃ nicua̱xãchitanü i ñu̱xmax? Ngẽmáacü, nüxü̃ nacua̱xgü. Yerü Tupanaarü ore ga Moiché ümatüxü̃wa rü ñanagürü: “Dücax, Pa Yudíugüx, choma rü tá chanamaxẽxẽxẽ i ngẽma duü̃xü̃gü i tama Yudíugü ixĩgüxü̃, rü ngẽmaca̱x i pemax rü tá pixãũxãchigü. Rü ngẽxguma nüxü̃ charüngü̃xẽẽgu i ngẽma togü i duü̃xü̃gü i tama choxü̃ cua̱xgüchiréxü̃, rü pema i Yudíugü rü tá penue erü nüxü̃ charüngü̃xẽẽxü̃ i ngẽma togü”, ñanagürü.

1 Corintios 7:25

Rü ñu̱xma rü tá pemaxã nüxü̃ chixu nachiga i ngẽma ngema̱xgüxü̃ rü ngetegüxü̃. Rü tórü Cori ya Ngechuchu rü taxuxü̃ma i mu choxna naxã i ngẽmachiga. Natürü tá pemaxã nüxü̃ chixu i chorü ĩnü. Erü choma nixĩ i wüxi i duü̃xü̃ ga nüxü̃́ changechaü̃tümüü̃ãcüma choxü̃ nayaxuxü̃ ga tórü Cori.

Romanos 11:30

Rü pema nax tama Yudíugü pixĩgüxü̃, rü ü̃pa rü tama Tupanaga pexĩnüe. Natürü i ñu̱xma nax tama Tupanaga naxĩnüexü̃ i ngẽma Yudíugü, rü ngẽmaca̱x Tupanaaxü̃́ pengechaü̃tümüxü̃gü erü peyaxõgü i pemax.