Nüxíraxü̃xü̃ ga popera ga Pedru ümatüxü̃ 2:1 - Tupanaarü Ore

¹ Rü ngẽmaca̱x name nixĩ i nüxü̃ perüxoe i guxü̃ma i chixexü̃gü, rü ngẽma nax pidorata̱a̱xgüxü̃, rü ngẽma nax togüpe̱xewa mea pemaxẽnetaxü̃, rü ngẽma nax pixãũxãchiwa̱xegüxü̃, rü ngẽma nax pixoregüta̱a̱xgüxü̃.

Nüxíraxü̃xü̃ ga popera ga Pedru ümatüxü̃ 2:1 Referans Kwoze

Efesios 4:31

¡Rü nüxü̃ perüxoe nax nagu perüxĩnüexechaxü̃ ega texé ta̱xacürü chixexü̃ pexca̱x uxgux! Rü ngẽxgumarüxü̃ ta name nixĩ nax nüxü̃ perüxoexü̃ nax pegüchi pexaiexü̃, rü pegümaxã penuexü̃, rü pegü nax pengaexü̃, rü pegümaxã peguxchigagüxü̃. Rü ngẽmaãcü name nax nüxü̃ perüxoexü̃ i guxü̃ma i ngẽma chixexü̃ i dexagü.

Popera ga Chantiágu ümatüxü̃ 1:21

Rü ngẽmaca̱x name nixĩ i nüxü̃ perüxoe i guxü̃ma i ngẽma chixexü̃gü i guxü̃wama ngẽxmagüxü̃. ¡Rü mea penayaxu i ngẽma ore i petanügu toxü̃! Erü ngẽma ore rü nüxü̃́ nangẽxma i pora nax pexü̃ namaxẽxẽẽxü̃ca̱x.

Popera ga Chantiágu ümatüxü̃ 4:11

Pa Chauenexẽgüx, ¡Taxṹ i chixexü̃maxã pegü pixugüxü̃! Erü yíxema chixexü̃maxã tümaenexẽchigagu idexáxe rüe̱xna chixexü̃maxã nüxü̃ dawenüxẽ, rü chixexü̃ nüxü̃ tawogü ta i Tupanaarü mugü. Rü ngẽxguma chixexü̃gu Tupanaarü mugümaxã curüxĩnügu, rü Tupanaarü mugüarü yexera cugü quixĩxẽẽchaü̃, rü tama aixcüma naga cuxĩnü.

Nüxíraxü̃xü̃ ga popera ga Pedru ümatüxü̃ 3:10

Erü Tupanaarü ore rü ñanagürü: “Ngẽxguma texé tümaxarü maxü̃xü̃ ngechaü̃gu rü taãẽãcüma tamachaü̃gu, rü name nixĩ i nüxna tadau ya tümaarü conü nax tama chixexü̃ i oremaxã yadexaxü̃ca̱x rü nüxna tadau i tümaã̱x nax tama doraxü̃ yaxuxü̃ca̱x.

Nüxíraxü̃xü̃ ga popera ga Pedru ümatüxü̃ 4:4

Rü ñu̱xma nax tama namaxã pexãmücügüxü̃ i ngẽma duü̃xü̃gü i ngẽxguma norü chixexü̃ naxügügu, rü nagu narüxĩnüe nax ta̱xacüca̱x tama natanügu pexãgüxü̃. Rü ngẽmaca̱x chixri pechiga nidexagü.

Popera ga Chantiágu ümatüxü̃ 5:9

Pa Chauenexẽgüx, name nixĩ i nüxü̃ perüxoe nax pegü pixuechaü̃ nax tama ngẽmaca̱x pexna naca̱xaxü̃ca̱x ya Tupana. Erü marü ningaica nax ínanguxü̃ nax duü̃xü̃güxü̃ yacagüxü̃ca̱x i norü maxü̃chiga.

Popera ga Yudíugü ga yaxõgüxü̃ca̱x ümatüxü̃ 12:1

Rü yema muxü̃ma ga duü̃xü̃gü ga Tupanaaxü̃́ yaxõgüxü̃ ga yuexü̃, rü ñu̱xma torü ngaicamana nangẽxmagü nax tórü cua̱xruü̃gü yixĩgüxü̃ca̱x. Rü ngẽmaca̱x i ñu̱xmax, ¡rü ngĩxã nüxü̃ tarüxoe i guxü̃ma i ngẽma guxchaxü̃gü rü pecadugü i tüxü̃́ naguxchaxẽẽxü̃ nax mea yaxõgüxü̃! ¡Rü ngĩxã pora taxüe nax nawa ingugüxü̃ca̱x i ngẽma maxü̃ i tape̱xewaama ngẽxmaxü̃!

Nüxíraxü̃xü̃ ga popera ga Timutéuca̱x naxümatüxü̃ ga Pauru 3:11

Rü naxma̱xgü i ngẽma yatügü i diácunugü, rü name nax duü̃xü̃gü nüxü̃ ngechaü̃güxü̃ yaxĩgüxü̃. Rü tama name i oregüta̱xaxgüxü̃ nixĩgü, natürü tanaxwa̱xe i mea namaxẽ rü aixcüma nayanguxẽẽgü i guxü̃ma i ngẽma nüxü̃ yaxugüxü̃.

Wiyaegü 34:13

¡Rü naxuãxẽ rü nüxna nadau ya curü conü nax tama chixexü̃xü̃ yaxuxü̃ca̱x! ¡Rü nüxna nadau i cuberagü nax tama doraxü̃ quixuxü̃ca̱x!

Nüxíraxü̃xü̃ ga popera ga Pedru ümatüxü̃ 2:22

Nüma ga Cristu rü taguma pecadu naxü, rü taguma texéxü̃ nawomüxẽxẽ.

Popera ga Títoca̱x naxümatüxü̃ ga Pauru 2:3

Rü ngẽxgumarüxü̃ ta chanaxwa̱xe i mea cuyaxucu̱xẽgü i ngẽma ngexü̃gü i yáxü̃ nax mea Tupanape̱xewa namaxẽxü̃ca̱x. Rü tama name nax yaxoregüta̱a̱xgüxü̃, rü nangãxẽwa̱xegüxü̃. Rü name nixĩ i guxü̃ i duü̃xü̃güpe̱xewa mea namaxẽ.

Wiyaegü 32:2

Rü nataãxẽ ya yimá yatü ya Tupana nüxü̃́ nüxü̃ irüngümacü i norü pecadu rü norü maxü̃wa rü nataxuma i dora.

1 Corintios 14:20

Pa Chauenexẽgüx, tama name i ñoma buxü̃gürüxü̃ nagu perüxĩnüe i ngẽma ore i pemaxã nüxü̃ chixuxü̃. Rü narümemae nixĩ i ñoma buxü̃gürüxü̃ pegü pixĩgüxẽxẽ na̱xcha̱xwa i ngẽma chixexü̃. Natürü ngẽma perü ĩnüwa rü penaxwa̱xe i duü̃xü̃gü i marü yáxü̃rüxü̃ mea nagu perüxĩnüe rü nagu pexĩ i ngẽma ore i pemaxã nüxü̃ chixuxü̃.

Romanos 1:29

Rü düxwa ga yema duü̃xü̃gü rü guxü̃raü̃xü̃ ga chixexü̃gu narüxĩnüe. Rü tama aixcüma mea naxma̱xmaxã rü natemaxã namaxẽ. Rü naxaü rü nügüna nananugüchaü̃ i guxü̃ma. Rü chixexü̃gu namaxẽ. Rü nixãũxãchiwa̱xegü, rü namáetagü, rü nanuewa̱xegü, rü nawomüxẽẽwa̱xegü, rü naxü̃nearü ngúchaü̃ nüxü̃ napora, rü Taxúegama naxĩnüe, rü nixoregüta̱a̱xgü.

Ore i mexü̃ ga Luca ümatüxü̃ 6:42

Rü ngẽxguma tama nagu curüxĩnügu i ngẽma naixpüta i cuxetüwa ngẽxmaxü̃ ¿rü ñuxũcürüwa i cuenexẽxü̃ cuchixewexü̃, rü ñacuxü̃ nüxü̃: “Pa Chauenexẽx, cuxü̃ chanayauxchaü̃ i ngẽma curü üxaxetüxü̃”, ñacuxü̃? Pa Duü̃xü̃ i Mea Maxnetaxü̃x, name nixĩ i cunayauxíra i ngẽma naixpüta i cuxetüwatama ngẽxmaxü̃, rü ngẽmaãcü tá mea nüxü̃ cudau nax cunayaxuxü̃ca̱x i ngẽma cuenexẽarü üxaetüxü̃.

Ore i mexü̃ ga Matéu ümatüxü̃ 7:5

Pa Duü̃xü̃ i Nügü Írümenetaxü̃, rü name nixĩ i cunayauxíra i ngẽma naixpüta i cuxetüwatama ngẽxmaxü̃, rü ngẽmaãcü tá mea nüxü̃ cudau nax cunayaxuxü̃ca̱x i ngẽma cuenexẽarü üxaetüxü̃.

Wiyaegü 37:1

¡Taxṹ i cunaxĩ̱xãchiãẽxü̃ namaxã i ngẽma duü̃xü̃gü i chixexü̃gu maxẽxü̃! ¡Rü taxṹ i quixãũxãchixü̃ i ngẽma chixexü̃ ügüxü̃!

2 Corintios 12:20

Erü chaxoegaãxẽ rü ngẽxguma wena pexü̃ íchayada̱u̱xgu, rü ngürüãchi taxũtáma choma chanaxwa̱xexü̃ãcüma pexü̃ ichayangau, rü pema rü taxũtáma penaxwa̱xexü̃ãcüma choxü̃ pedaugü. Rü chaxoegaãxẽ erü ngürüãchi tá pexü̃ ichayangau nax pegüchi ípexaiexü̃, rü pegüarü ngẽmaxü̃güca̱x pixãũxãchigüxü̃, rü pegümaxã penuexü̃, rü pegüguxicatama íperüxĩnüexü̃, rü pexoregüta̱a̱xgüxü̃, rü toguã̱xü̃ pixuxü̃, rü pegü picua̱xüü̃güxü̃, rü chixexü̃ ípexüexü̃, rü ngẽmaãcü chixri ípemaxẽxü̃.

Ucu̱xẽgüchiga 24:1

¡Taxṹ i naxca̱x quixãũxãchixü̃ i ngẽma nacüma i ngẽma duü̃xü̃gü i chixexü̃ ügüxü̃! ¡Rü taxṹ cuxü̃́ nangúchaü̃xü̃ nax namaxã cuxãmücüxü̃! Erü nümagü rü ma̱xguxicatama narüxĩnüe, rü ngẽxguma yadexagügu rü nachiga nidexa i ngẽma chixexü̃ i naxügüxü̃. -20-

Ucu̱xẽgüchiga 3:31

¡Rü taxṹ i cuxü̃́ nangúchaü̃xü̃ i nacüma i ngẽma yatü i máxwa̱xexü̃ rü taxṹ i nüxü̃ cuyadauxü̃xü̃!

Yema Cuáü̃ nüxü̃ dauxü̃ i yixcüra tá ngupetüxü̃chiga 14:5

Rü yematanüwa rü nataxuma ga dora, erü Tupanape̱xewa rü taxuxü̃ma ga chixexü̃ naxügü.

Nüxíraxü̃xü̃ ga popera ga Pedru ümatüxü̃ 2:16

Rü ñu̱xma nax Cristu pexü̃ ínguxü̃xẽẽxü̃, rü name nixĩ i duü̃xü̃gü i aixcüma ínguxü̃xü̃rüü̃ãcü mea pemaxẽ. Natürü ñu̱xma nax ípenguxü̃xü̃ rü tama name nax ngẽmamaxã pegü ípepoxü̃xü̃ nax ta̱xacürü chixexü̃ pexügüxü̃ca̱x. Erü ñu̱xma nax Tupanaarü duü̃xü̃gü pixĩgüxü̃, rü name nixĩ i norü ngúchaü̃ pexügü.

Popera ga Chantiágu ümatüxü̃ 4:5

Rü tama natüca̱xma nixĩ i ngẽma Tupanaarü ore i ñaxü̃: “Tupanaaxü̃́ nachu̱xu i ngẽma taãxẽ i tüxna namuxü̃”, ñaxü̃.

Popera ga Chantiágu ümatüxü̃ 3:14

Natürü ngẽxguma chi pixãũxãchiwa̱xegügu rü pegüchi pexaiegu rü togüarü yexera pegü pixĩxẽẽchaü̃gu, rü taxuca̱xma pegü picua̱xüü̃gü, rü ngẽma nagu perüxĩnüexü̃ rü wüxi i doramare nixĩ.

1 Tesalonicenses 2:3

Rü yexguma pemaxã nüxü̃ tixuxgu ga yema ore, rü tama ítatüeãcüma pemaxã nüxü̃ tixu. Rü tama chixexü̃ pemaxã taxügüchaü̃ãcüma rü tama pexü̃ tawomüxẽẽgüchaü̃ãcüma pemaxã nüxü̃ tixu ga yema ore.

1 Corintios 5:8

Rü ngẽmaca̱x nüxü̃ tarüxoe i nũxcümaü̃xü̃ i tacüma i chixexü̃gü rü taxü̃nearü ngúchaü̃gü i ñoma paũ i pu̱xẽẽruxü̃ã́xü̃rüxü̃ ixĩxü̃. Rü tanaxüchiga i tórü Üpetüchiga namaxã i tórü maxü̃ i aixcüma mexü̃ i ñoma paũ i ngearü pu̱xẽẽruxü̃ã́xü̃rüxü̃ ixĩxü̃.

Ore i mexü̃ ga Cuáü̃ ümatüxü̃ 1:47

Rü yexguma Ngechuchu Natanaéxü̃ da̱u̱xgu ga naxca̱x nax yaxũxü̃, rü ñanagürü: —¡Dücax! Yéa ne naxũ i wüxi i yatü i aixcüma Iraétanüxü̃ ixĩxü̃ i aixcüma ngearü chixexü̃ã́xü̃ —ñanagürü.

Ore i mexü̃ ga Luca ümatüxü̃ 11:44

Rü wüxi i ngechaü̃ nixĩ i pexca̱x, erü taxuwama peme. Rü ñoma yuetamaü̃gü i tama nüxü̃ idauxü̃ i duü̃xü̃gü naechitamare naétüwa chopetüxü̃rüxü̃ pixĩgü —ñanagürü ga Ngechuchu.

Ichaía 30:22

Rü ñoma wüxi i ãũãchixü̃rüxü̃ tá nüxü̃ cuxo i ngẽma curü naxchicüna̱xãgü i diẽrumünaxca̱x rü ngẽma curü tupananetachicüna̱xãgü i úirumaxã ichagüétüxü̃. Rü ñoma ta̱xacü i ãũãchixü̃rüxü̃ tá nüxü̃ cuxo rü cuxca̱x rü guxchirerüxü̃ tá nixĩ.

Ucu̱xẽgüchiga 24:19

¡Taxṹ i cunuxü̃ namaxã i ngẽma chixexü̃gu maxẽxü̃, rü bai i namaxã quixãũxãchixü̃ i ngẽma duü̃xü̃gü!

Ucu̱xẽgüchiga 14:30

Ngẽma nax mexü̃gu rüxĩnüxü̃, rü nanama̱xẽxẽ i taxü̃ne. Natürü ngẽma nacüma nax ixauxãchiwa̱xexü̃, rü taãẽxü̃ nachixexẽxẽ ñu̱xmata taxchina̱xãwa nangu.

Yox 36:13

Rü ngẽma chixexü̃ ügüxü̃ rü Tupanamaxã nanueama woo poxcuwa nax nangẽxmagüxü̃. Rü tama Tupanana ngü̃xẽẽca̱x nacagüe.

Ore i mexü̃ ga Luca ümatüxü̃ 12:1

Rü yoxni yexma nangutaque̱xegü ga muxũchixü̃ ga duü̃xü̃gü. Rü yema nax namuxũchixü̃ca̱x rü düxwa nügü nicuxnetaetanü. Rü Ngechuchu inanaxügü ga norü ngúexü̃gümaxãxíra nax yadexaxü̃, rü ñanagürü: —¡Pexũãxẽgü naxca̱x i ngẽma Parichéugücüma! Erü duü̃xü̃güpe̱xewa mea namaxẽneta, natürü naãxẽwa rü chixexü̃gu narüxĩnüe.

Ore i mexü̃ ga Márcu ümatüxü̃ 12:15

Natürü ga Ngechuchu rü nüxü̃ nacua̱xama nax chixexü̃gu namaxã naxĩnüexü̃ ga yema duü̃xü̃gü woo mea namaxã nax yanadexagüxü̃. Rü yemaca̱x ñanagürü nüxü̃: —¿Tü̱xcüü̃ chixexü̃gu choxü̃ pengu̱xẽẽchaü̃xü̃? ¡Nua ngĩxü̃ pinge i wüxitachinü i diẽru nax ngĩxü̃ chadauxü̃ca̱x! —ñanagürü.

Ore i mexü̃ ga Matéu ümatüxü̃ 24:51

Rü poraãcü tá nanapoxcu i ngẽma norü duü̃xü̃, ngẽma nügü írümegünetaxü̃xü̃ nax napoxcuexü̃rüxü̃. Rü ngéma tá narüdoxü rü nixü̃́xchapüta —ñanagürü.

Ore i mexü̃ ga Matéu ümatüxü̃ 15:7

Pemax, Pa Duü̃xü̃güpe̱xewa Mea Maxẽnetaxü̃x, aixcüma nixĩ ga yema ore ga Tupanaarü orearü uruxü̃ ga Ichaía pechiga ümatüxü̃ ga ñaxü̃:

Ichaía 2:20

Rü ngẽma ngunexü̃gu rü duü̃xü̃gü rü tá ü̃cagüna rü chü̱xürigüna nanawoxochitanü i norü tupananetachicüna̱xãgü i úirunaxca̱x rü diẽrumünaxca̱x i nümatama ínaxüxüxü̃ nax nüxü̃ yacua̱xüü̃güxü̃ca̱x.

Wiyaegü 73:3

Yerü chixãũxãchi naxca̱x nax ñuxãcü namuarü ngẽmaxü̃ã̱xgüxü̃ i ngẽma duü̃xü̃gü i nügü icua̱xüü̃güxü̃ rü chixexü̃ ügüxü̃.