Nüxíraxü̃xü̃ ga popera ga Pedru ümatüxü̃ 1:7 - Tupanaarü Ore

⁷ Rü ngẽma perü õ rü ñoma úirurüxü̃ nixĩ. Rü ngẽma úiru rü üxümaxã nüxü̃ taxü nax nüxü̃ icuáxü̃ca̱x rü aixcüma úiruxüchi yixĩxü̃. Rü ngẽxguma peyaxõgüamagu ega woo guxchaxü̃gü pexca̱x ínguxgu, rü ngẽma perü õ rü wüxi i úiruarü yexera nixĩ nax namexü̃. Rü ngẽma úiru rü woo namexẽchi natürü düxwa nangau. Natürü ngẽxguma peyaxõgüamagu ega guxchaxü̃gü pexca̱x ínguxgu rü tá Tupanape̱xewa pime rü tá pexü̃ nicua̱xüxü̃ rü tá pemaxã nataãxẽ rü mexü̃ i pechica tá pexna naxã i ngẽxguma wena núma naxũxgu ya Ngechuchu ya Cristu.

Nüxíraxü̃xü̃ ga popera ga Pedru ümatüxü̃ 1:7 Referans Kwoze

Yox 23:10

Natürü nüma rü nüxü̃ nacua̱x nax ñuxãcü yixĩxü̃ i chorü maxü̃. Rü ngẽxguma choxü̃ naxü̱xgu rü ñoma úiru i ngearü ãũãchiã́xü̃rüxü̃ tá chixĩ.

Popera ga Chantiágu ümatüxü̃ 1:12

Rü tataãxẽ ya yíxema yáxna namaxã ĩnüxe i ngẽxguma ta̱xacü tüxna ĩnügu. Erü ngẽxguma yáxna namaxã taxĩnügu, rü Tupana tá tümamaxã nataãxẽ rü tá tüxna nanaxã i norü ãmare i maxü̃ i taguma gúxü̃. Rü ngẽma nixĩ i ãmare ya Tupana tümamaxã ixunetaxü̃ ya yíxema nüxü̃ ngechaü̃güxe.

Ichaía 48:10

Rü tama ñoma diẽrumü üxüwa iguxü̃rüxü̃ pexü̃ chimexẽẽgü, natürü i choma rü pexü̃ chimexẽẽgü namaxã i ngẽma ngúxü̃ i pexü̃ chingexẽẽxü̃.

Nüxíraxü̃xü̃ ga popera ga Pedru ümatüxü̃ 4:12

Pa Chauenexẽgü ya Pexü̃ Changechaü̃güxe, ñu̱xma nax taxü̃ i guxchaxü̃gü pexca̱x ínguxü̃, ¡rü taxṹ i peba̱i̱xãchiãxẽgüxü̃, ñoma ta̱xacü i taguma nüxü̃ pedauxü̃ pexca̱x ínguxü̃rüxü̃!

Chacaría 13:9

Rü ngẽma duü̃xü̃gü i íyaxügüxü̃ rü tá nüxü̃ chaxü, ñoma diẽrumü i üxüwa idexexü̃ nax ínayixü̃ca̱x i norü ãũãchixü̃rüxü̃. Rü ñoma úiru i üxüwa idexexü̃ nax ínayixü̃ca̱x i norü ãũãchixü̃rüxü̃ tá nüxü̃ chaxü i ngẽma duü̃xü̃gü. Rü ngẽxguma i nümagü rü tá choxna nacagüe rü choma rü tá chanangãxü̃. Rü ñachagürü tá: “Nümagü rü chorü duü̃xü̃gü nixĩgü”, ñachagürü. Rü nümagü rü ñanagürügü tá: “Nüma ya Cori rü tórü Tupana nixĩ”, ñanagürügü tá. Rü choma ya Cori ya Tupana nixĩ i nüxü̃ chixuxü̃ i ngẽma —ñanagürü.

Romanos 2:7

Rü maxü̃ i taguma guxü̃maxã Tupana tá tüxü̃́ nanaxütanü ya yíxema guxü̃guma mexü̃ taxügüãcüma naxca̱x daugüxe nax Tupana tümamaxã taãẽxü̃ rü naxca̱x daugüxe nax Tupanaxü̃tawa tangugüxü̃.

Ucu̱xẽgüchiga 17:3

Ngẽma úirumü rü diẽrumü, rü üxüwa nixĩ i yaguxü̃ nax ínayi̱xixü̃ca̱x i norü üxaxü̃. Natürü ngẽma tórü ĩnü rü Tupana nixĩ ya nüxü̃ ücü.

Maraquía 3:3

Rü nüma ya Cori rü tá ínarüto nax ínapigüãxü̃ca̱x i norü chixexü̃ i ngẽma chacherdótegü i Lebítanüxü̃, ñoma diẽrumü rü úiru norü üxaxü̃ca̱x üxüwa iguxü̃rüxü̃. Rü ngẽmawena rü tá marü name i ngẽma chacherdótegü nax Cori ya Tupana naxwa̱xexü̃ãcü ngéma nape̱xewa nangegüãxü̃ i norü ãmaregü.

1 Corintios 3:13

Natürü ngẽxguma nawa nanguxgu i ngẽma ngunexü̃ i nagu Tupana tüxna ca̱xaxü̃, rü tá nango̱x nax ñuxãcü wüxichigü i duü̃xü̃ naxüxü̃ i Tupanaarü puracü. Erü ngẽma ngunexü̃gu rü tá nangẽxma ya üxü ya taxüchine. Rü ñoma ta̱xacü üxüwa iguxü̃rüxü̃ tá nixĩ ya Tupana nüxü̃ üxü̃ i wüxichigü i duü̃xü̃arü puracü rü aixcüma name rüe̱xna tama.

Popera ga Yúda ümatüxü̃ 1:24

Rü yimá nüxicatama Tupana ixĩcü ya tórü Maxẽxẽẽruxü̃ ixĩcü, rü nüxü̃́ nangẽxma i pora nax pexna nadauxü̃ nax tama pecadugu peyixü̃ca̱x. Rü nüxü̃́ nangẽxma i pora nax iyanaxoxẽẽãxü̃ca̱x i perü chixexü̃gü nax ngẽmaãcü ngearü pecaduãcüma rü taãẽãcüma nape̱xewa pengugüxü̃ca̱x i ngextá nüma ínaxüünexü̃wa ãẽ̱xgacü íyixĩxü̃wa. Rü tanaxwa̱xe i tórü Cori ya Ngechuchu ya Cristuégagu Tupanaxü̃ ticua̱xüü̃gü, erü nüma rü naxüüne, rü guxü̃étüwa nangẽxma, rü guxü̃arü yexera napora, rü guxü̃maxã inacua̱x. Rü yemaacü nixĩ ga nũxcüma, rü ngẽmaãcü nixĩ i ñu̱xmax, rü guxü̃gutáma ngẽmaãcü nixĩ. Rü ngẽmaãcü yixĩ.

Yeremía 9:7

Rü ngẽmaca̱x i choma ya Cori ya Tupana rü ñachagürü: “¿Ta̱xacü chi i to i namaxã chaxüxü̃ i ngẽma chorü duü̃xü̃gü nax nüxü̃ naxoexü̃ca̱x i norü chixexü̃? Rü ñu̱xma rü tá taxü̃ i guxchaxü̃ naxca̱x íchanguxẽxẽ nax ngẽmaãcü nüxü̃ naxoexü̃ca̱x i ngẽma chixexü̃ i nagu namaxẽxü̃.

Norü taxre ga popera ga Pedru ümatüxü̃ 1:4

Rü yema nacüma i mexü̃maxã Tupana tüxna nanaxã i norü unetagü i aixcüma mexẽchixü̃ nax ngẽmaãcü naxrüxü̃ pimexü̃ca̱x rü nüxna pixĩgachixü̃ca̱x i guxü̃ma i ngẽma chixexü̃gü i duü̃xü̃güarü ngúchaü̃gagu ñoma i naanewa ngẽxmagüxü̃.

Nüxíraxü̃xü̃ ga popera ga Pedru ümatüxü̃ 2:4

Rü ñu̱xma rü name nixĩ i nüxna pengaicamagü ya Cristu ya nuta ya maxü̃cü. Rü duü̃xü̃gü nüxü̃ oecü, natürü Tupanaca̱x rü namexẽchi rü natatanü. Rü yimá nixĩ ya Tupana nayaxucü nax namaxã inaxügüãxü̃ca̱x ya napata.

Ore i mexü̃ ga Matéu ümatüxü̃ 25:21

Rü norü cori rü ñanagürü nüxü̃: “Pa Chorü Duü̃xü̃x, wüxi i mexẽchixü̃ quixĩ, rü meama cupuracü. Rü mea nüxna cudau ga yema noxre ga diẽru ga cuxna ngĩxü̃ chaxãcü, rü meama ngĩmaxã cupuracü. Rü ngẽmaca̱x i ñu̱xma rü tá rümumaecüna cuxü̃ chadauxẽxẽ. ¡Rü ixücu i chopatawa rü ngĩxã tataãẽgü!” ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 3:10

Cuma rü meama cuyanguxẽxẽ i ngẽma cuxü̃ chamuxü̃ nax aixcüma cuyaxõõmaxü̃ naétüwa i ngẽma guxchaxü̃gü i cuxca̱x ínguxü̃. Rü ngẽmaca̱x tá cuxü̃ íchapoxü̃ nax tama cuxna nanguxü̃ca̱x i ngẽma guxchaxü̃ i taxü̃ i ñoma i naanewa tá ínguxü̃ nax guxü̃ma i ñoma i naanecüã̱x i duü̃xü̃güxü̃ naxüxü̃ca̱x.

Yema Cuáü̃ nüxü̃ dauxü̃ i yixcüra tá ngupetüxü̃chiga 2:10

¡Rü taxṹ i cumuü̃xü̃ naxca̱x i ngẽma ngúxü̃ i tá quingexü̃! Rü Chataná rü tá namu nax poxcupataü̃gu pexü̃ napoxcuexü̃ca̱x i ñuxre i pemax, nax ngẽmaãcü pexü̃ naxüxü̃ca̱x. Rü 10 i ngunexü̃ tá ngúxü̃ pingegü. Natürü woo ngẽmaãcü ngúxü̃ pingegügu rü chanaxwa̱xe i choxü̃́ cuyaxõõma ñu̱xmatáta cuyu̱x. Rü choma rü tá cuxna chanaxã i curü ãmare i maxü̃ i taguma gúxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 1:7

¡Rü dücax, marü ningaica nax caixanexü̃gu ínanguxü̃ ya Cristu! Rü guxü̃táma i duü̃xü̃gü nüxü̃ nadau, rü woo ga yema nacanapacütüxü̃güxü̃ rü tá ta nüxü̃ nadaugü. Rü guxü̃ i duü̃xü̃gü i guxü̃ i nachixü̃anecüã̱x rü norü ngechaü̃maxã tá naxauxe i ngẽxguma ínanguxgu i nümax. Rü ngẽmaãcü tá nixĩ.

1 Corintios 4:5

Rü ngẽmaca̱x tama name nax yaxtacüma texéxü̃ pengugüarü maxü̃ã́xü̃. Natürü name nixĩ i ípenangu̱xẽxẽ nax núma naxũxü̃ ya tórü Cori. Rü nüma tá nixĩ i nango̱xẽẽãxü̃ i guxü̃ma i ngẽma ñu̱xma icúxü̃ rü guxü̃ma i ngẽma duü̃xü̃gü naãẽwa nagu rüxĩnüexü̃. Rü ngẽxguma tá nixĩ ya Tupana i tüxü̃ yacua̱xüxü̃ ya wüxichigü ya yíxema aixcüma mexü̃ ügüxe.

Ngechuchuarü ngúexü̃gü ga yamugüxü̃arü puracüchiga 8:20

Rü yexguma ga Pedru rü ñanagürü nüxü̃: —¡Cumaxã iyanataxu̱x i curü diẽru, erü ngĩmaxã naxca̱x cutaxechaü̃ i Naãxẽ ya Üünecü ya Tupana tüxna mumarexü̃!

Ore i mexü̃ ga Cuáü̃ ümatüxü̃ 12:26

Rü ngẽxguma texé choxü̃́ puracüchaü̃gu rü name nixĩ i chowe tarüxũ. Rü ngẽma choma tá íchangexmaxü̃wa rü ngéma rü tá ta tangexma i tümax. Rü ngẽxguma texé choxü̃́ puracügu rü Chaunatü ya Tupana rü tá tümamaxã nataãxẽ —ñanagürü.

Ore i mexü̃ ga Cuáü̃ ümatüxü̃ 5:44

¿Rü ñuxãcü chi choxü̃́ peyaxõgü ega naxca̱x pedaugügu nax duü̃xü̃gü pemaxã taãxẽxü̃ rü tama naxca̱x pedaugügu nax Tupana ya nügümaxã wüxicacü pemaxã taãxẽxü̃?

Ore i mexü̃ ga Luca ümatüxü̃ 12:33

¡Rü namaxã petaxe i perü ngẽmaxü̃gü i pexü̃́ ngẽmagüxü̃, rü togü i duü̃xü̃gü i nüxü̃́ nataxuxü̃na penaxã i ngẽma diẽru! Rü ngẽmaãcü tá pegüxü̃́ penangexmaxẽxẽ i perü ngẽmaxü̃gü i taguma pexü̃́ ngauxü̃ rü taguma gúxü̃ i daxũguxü̃ i naanewa i ngextá ngĩ́ta̱xagüxü̃ tama íyaxücuxü̃wa rü naweane tama ínachixexẽẽxü̃wa.

Ore i mexü̃ ga Matéu ümatüxü̃ 25:23

Rü norü cori rü ñanagürü nüxü̃: “Pa Chorü Duü̃xü̃x, wüxi i mexẽchixü̃ quixĩ, rü meama cupuracü. Rü mea nüxna cudau ga yema noxre ga diẽru ga cuxna ngĩxü̃ chaxãcü, rü meama ngĩmaxã cupuracü. Rü ngẽmaca̱x i ñu̱xmax rü tá rümumaecüna cuxü̃ chadauxẽxẽ. ¡Rü ixücu i chopatawa rü ngĩxã tataãxẽgü!” ñanagürü.

Ore i mexü̃ ga Matéu ümatüxü̃ 19:28

Rü Ngechuchu nanangãxü̃ rü ñanagürü nüxü̃: —Aixcüma pemaxã nüxü̃ chixu rü ngẽma ngunexü̃ ya Tupana nagu nangexwaca̱xü̃xẽẽxü̃ i guxü̃ma, rü Tupana Nane ya duü̃xü̃xü̃ ixĩcü rü norü tochica i mexẽchixü̃wa tá narüto. Rü pema i 12 i chorü ngúexü̃gü nax chowe perüxĩxü̃, rü pema rü tá ta pexü̃́ nangẽxma i perü tochicaxü̃ i chauxü̃tawa. Rü ngéma tá perütogü nax namaxã ipecuáxü̃ca̱x i ngẽma 12 i Iraétücumügü.

Yeremía 48:36

Rü ngẽmaca̱x Moáanearü duü̃xü̃güca̱x changechaü̃ ñoma wüxi i woweru i ngechaxü̃gane ega yuetaca̱x yacuexgurüxü̃. Rü ngẽxgumarüxü̃ ta ngẽma yatügü i Quíru-erécheca̱x changechaü̃ yerü marü nataxuma ga yema muxü̃ ga norü yemaxü̃gü ga nügüca̱x nadexü̃.

Ngu̱xẽẽtaeruü̃arü ore 5:14

Erü ngẽxguma tama mea tüxü̃́ ínanguxuchigu ega ta̱xacüca̱x tataxegu, rü ngürüãchi ngẽxma tá nagu̱x i guxü̃ma i tümaarü diẽru. Rü ngẽxguma nangẽxmagu ya wüxi ya tümane, rü taxuxü̃táma naxca̱x ngéma tata̱x.

Ucu̱xẽgüchiga 16:16

Ngẽma nax cua̱x tüxü̃́ ngẽxmaxü̃ rü úiruarü yexera narümemae. Rü ngẽma nax taãẽxü̃ icuáxü̃, rü diẽruarü yexera narümemae.

Ucu̱xẽgüchiga 8:19

Ngẽma tüxna chaxãxü̃ rü úiru i mexẽchixü̃arü yexera narümemae, rü ngẽma tüxna chaxuaxü̃xü̃, rü diẽrumü i mexẽchixü̃arü yexera narümemae.

1 Chamué 2:30

Rü choma ya Cori i Iraétanüxü̃arü Tupana rü marü ü̃pa nüxü̃ chixu rü cuma rü cutanüxü̃ rü guxü̃gutáma choxü̃́ pepuracüe. Natürü i ñu̱xma rü ngẽma chixexü̃ i cunegü ügüxü̃gagu rü chanaxuegu rü tagutáma chanangexrü i ngẽma ñu̱xma ngupetüxü̃. Erü tüxü̃ chicua̱xü̃xü̃ ya yíxema choxü̃ icua̱xüxü̃güxe rü yíxema choxü̃ oexe rü choma rü tá tüxü̃ chaxãneexẽxẽ.

Yema Cuáü̃ nüxü̃ dauxü̃ i yixcüra tá ngupetüxü̃chiga 3:18

Rü ñu̱xma rü cuxü̃ chaxucu̱xẽ nax chauxü̃tawa naxca̱x cutaxexü̃ca̱x i úiru i marü üxüwa iguxü̃ i nüxicatama ixĩxü̃. Rü ngẽmaãcü tá aixcüma cuxü̃́ nangẽxma i curü ngẽmaxü̃gü. Rü ngẽxgumarüxü̃ ta cuxü̃ chaxucu̱xẽ nax chauxü̃tawa naxca̱x cutaxexü̃ca̱x i cuxchiru i cómüxü̃ nax ngẽmagu quicúxü̃ca̱x nax taxúema cuxü̃ dauxü̃ca̱x nax cungexchiruxü̃. Rü ngẽxgumarüxü̃ ta cuxü̃ chaxucu̱xẽ nax chauxü̃tawa naxca̱x cutaxexü̃ca̱x i curü ma̱ĩ̱xetüxü̃ nax curümexẽtüxü̃ca̱x rü wena quidauchixü̃ca̱x.

Norü taxre ga popera ga Pedru ümatüxü̃ 1:1

Pa Chauenexẽgüx, choma i Chimóü̃ i Pedru ya Ngechuchu ya Cristuarü puracütanüxü̃ chixĩ, rü nüma nixĩ ga choxü̃ namuxü̃ nax nüxü̃ chixuxü̃ca̱x i norü ore. Rü ñu̱xma i choma rü pexü̃ charümoxẽ i pema i toxrüxü̃ mea yaxõgüxe erü tórü Tupana ya Ngechuchu ya Cristu ya tórü Maxẽxẽẽruxü̃ rü pemaxã namecümaxüchi.

Nüxíraxü̃xü̃ ga popera ga Pedru ümatüxü̃ 2:7

Rü pema nax nüxü̃́ peyaxõgüxü̃, rü pexca̱x rü namexẽchi ya yimá nuta. Natürü ngẽma tama yaxõgüxü̃ca̱x, rü taxuwama name. Rü ngẽmaca̱x Tupanaarü ore i ümatüxü̃wa rü ñanagürü: “Yimá nuta ya ĩpataarü üruü̃gü nüxü̃ oecü, rü yimáétüwa nixĩ inaxügüxü̃ ya chopata”, ñanagürü.

Nüxíraxü̃xü̃ ga popera ga Pedru ümatüxü̃ 1:5

Rü ñu̱xma nax Tupanaaxü̃́ peyaxõgüxü̃, rü nüma rü norü poramaxã tá pexna nadau ñu̱xmatáta penayauxgü i ngẽma maxü̃ i taguma gúxü̃ i tá pexna naxãxü̃ i ngẽxguma nagu̱xgu i naane.

Romanos 2:29

Erü yíxema aixcüma tümaãxẽwa Tupanaga ĩnüxe tixĩ ya aixcüma Tupanaxacü ixĩxẽ. Rü ngẽxguma aixcüma taãẽwa yaxõ̱xgu nixĩ i aixcüma Tupanaarü duü̃xü̃gü ixĩxü̃. Rü Tupanaãxẽ ya Üünecü nixĩ i tüxü̃ rüngü̃xẽẽxü̃ nax yaxõxü̃ca̱x, rü tama ngẽma mugü ga Moiché ümatüxü̃. Rü yíxema aixcüma Tupanaarü ixĩxẽ, rü Tupana rü tümamaxã nataãxẽ woo duü̃xü̃gü tama tümamaxã taãẽgügu.

Wiyaegü 17:3

Rü cuma rü marü mea nüxü̃ cucua̱x i ngẽma chauãẽwa nagu charüxĩnüxü̃. Rü chütacü rü choxü̃ cuxü rü taxuxü̃ma i chixexü̃ chowa icuyangau. Rü nüxü̃ cucua̱x nax aixcüma yixĩxü̃ i ngẽma nüxü̃ chixuxü̃.

Ore i mexü̃ ga Luca ümatüxü̃ 17:30

Rü ngẽxgumarüxü̃ tá nixĩ i ngẽxguma ínanguxgu ya Tupana Nane ya duü̃xü̃xü̃ ixĩcü.

Romanos 2:10

Natürü ngẽma duü̃xü̃gü i mexü̃ ügüxü̃ rü Tupana tá nanatachigaxẽxẽ, rü tá nüxü̃ nicua̱xüxü̃, rü tá nanataãẽgüxẽxẽ. Rü ngẽma Yudíugüxíra tá nixĩ i nüxü̃ yacua̱xüü̃güxü̃. Rü ngẽxgumarüxü̃ tá ta nüxü̃ nicua̱xüü̃gü i ngẽma tama Yudíugü ixĩgüxü̃ i mexü̃ ügüxü̃.

Romanos 8:19

Rü ñu̱xma rü guxü̃ma i ta̱xacü ya Tupana üxü̃ rü nanuãẽãcüma ínanangu̱xẽxẽ i ngẽma ngunexü̃ i nagu Tupana tá guxü̃pe̱xewa inawéxü̃ nax naxacügü ixĩgüxü̃.

Nüxíraxü̃xü̃ ga popera ga Pedru ümatüxü̃ 1:13

Rü ñu̱xma nax Cristuarü duü̃xü̃gü pixĩgüxü̃, rü penaxwa̱xe nax pexuãẽgüxü̃ rü ípememarexü̃ nax penaxüxü̃ i norü ngúchaü̃. Rü name nixĩ i aixcüma ípenangu̱xẽxẽ i guxü̃ma i ngẽma mexü̃gü ya Tupana tá pexna ãxü̃ i ngẽxguma Ngechuchu ya Cristu núma ũxgu.

Nüxíraxü̃xü̃ ga popera ga Pedru ümatüxü̃ 4:13

Natürü narümemae nixĩ nax petaãẽgüxü̃, yerü yema Cristu ngúxü̃ nax ingexü̃rüxü̃ nixĩ i ngúxü̃ nax pingegüxü̃ i ñu̱xmax nax ngẽmaãcü petaãẽgüxü̃ca̱x i ngẽxguma wena núma naxũxgu i nümax.

Nüxíraxü̃xü̃ ga popera ga Pedru ümatüxü̃ 5:1

Rü ñu̱xmax, Pa Yaxõgüxü̃arü Ãẽ̱xgacügüx, rü pemaxã nüxü̃ chixu i wüxi i ucu̱xẽ i mexü̃, erü choma rü ta pexrüxü̃ yaxõgüxü̃arü ãẽ̱xgacü chixĩ. Rü chomaxü̃chima nixĩ ga nüxü̃ chadauxü̃ ga ngúxü̃ nax yangexü̃ ga Cristu. Rü choma rü tá ta pexrüxü̃ choxü̃́ nangẽxma i chauchica i mexü̃ i ngẽxguma wena núma naxũxgu.

Norü taxre ga popera ga Pedru ümatüxü̃ 3:14

Rü ngẽmaca̱x, Pa Chauenexẽgü ya Pexü̃ Changechaü̃güxe, rü ñu̱xma nax ípenangu̱xẽẽxü̃ i ngẽma, rü name nixĩ i pora pexüe nax Tupanape̱xewa taxuwama nachixexü̃ca̱x i perü maxü̃ rü Tupanamaxã petaãẽgüxü̃ca̱x i ngẽxguma wena núma naxũxgu.

Iraétanüxü̃arü muxchiga 5:28

Natürü ngẽxguma ngĩma rü tama ngĩtexü̃ iwomüxẽẽgu rü taxuxü̃táma ngĩxü̃ nangupetü rü wena tá ixãxãcü.

Yox 28:1

Rü Yox rü ñanagürü: —Nangẽxma i nachicagü i ngextá nayaxuxü̃ i diẽrumü. Rü ngẽxgumarüxü̃ ta nangẽxma i nachicagü i nawa úiruchara imuxraxü̃.