Nüxíraxü̃xü̃ ga popera ga Pedru ümatüxü̃ 1:24 - Tupanaarü Ore

²⁴ Erü Tupanaarü ore i ümatüxü̃wa rü ñanagürü: “Guxü̃ma i duü̃xü̃gü rü ñoma wüxi i natüanerüü̃mare nixĩ. Rü guxü̃ma i norü mexü̃, rü wüxi i nanetüchacurüü̃mare nixĩ. Rü ngẽma natüane rü nayu, rü nachacu rü narüngu. Rü ngẽxgumarüxü̃ ta tama natai i duü̃xü̃güarü maxü̃ i ñoma i naanewa.

Nüxíraxü̃xü̃ ga popera ga Pedru ümatüxü̃ 1:24 Referans Kwoze

Wiyaegü 103:15

Rü duü̃xü̃güarü maxü̃ rü tama nama̱x. Rü ñoma wüxi i natüanerüxü̃ nixĩ rü ñoma wüxi i putüra i naixnecücüã̱x i boxchacuxü̃rüxü̃ nixĩ.

Popera ga Chantiágu ümatüxü̃ 4:14

Pema rü tama nüxü̃ pecua̱x nax ta̱xacü tá pexü̃ üpetüxü̃ i moxü̃. ¿Ta̱xacü nixĩ i perü maxü̃? Perü maxü̃ rü tá inayarüxo ñoma wüxi i cherena i paxaãchi nüxü̃ idauxü̃ rü ngẽxgumatama ngupetüxü̃rüxü̃.

Wiyaegü 37:2

Erü ngẽma duü̃xü̃gü rü paxa tá inayarüxo ñoma maxẽ ya rüñẽ̱xẽcürüxü̃ rü ñoma natüane i pagüxü̃rüxü̃.

Norü taxre ga popera ga ãẽ̱xgacügüchiga 19:26

Rü ngẽma norü duü̃xü̃gü ga ngẽma nachixü̃anegü rü cupe̱xegu narümaachitanü rü namuü̃e rü naxãnee. Rü ñoma maxẽ i naanewa rüxüxü̃rüxü̃ rü ngẽma maxẽ i ya̱u̱xãchixü̃rüxü̃ nixĩgü. Rü ñoma maxẽ i ĩãca̱xwena rüxüxü̃ i taxũtáma nayaegu yuexü̃rüxü̃ nixĩgü.

Nüxíraxü̃xü̃ ga popera ga Cuáü̃ ümatüxü̃ 2:17

Natürü ñoma i naane rü guxü̃ma i ngẽma ngúchaü̃gü i chixexü̃gü i nawa ngẽxmagüxü̃ rü tá narüxo. Natürü yíxema Tupanaga ĩnüxe rü guxü̃gutáma tamaxü̃.

Wiyaegü 129:6

Rü ngẽma uanügü rü name nixĩ i ñoma maxẽ i ĩpataétüwa rüxüxü̃ i taxũtáma nayaegu yuexü̃rüxü̃ nixĩgü.

Wiyaegü 92:7

Rü ngẽma duü̃xü̃gü i chixexü̃gu rüxĩnüexü̃ rü chixexü̃ ügüxü̃ rü nimu ñoma maxẽ i baxcaxü̃rüxü̃, natürü yixcüra rü tá narüxoxochi.

Wiyaegü 102:4

Rü chorü maxü̃ne rü nayarümaxãchi ñoma maxẽ yarümaãchicürüxü̃. Rü ngẽmaca̱x chaxoóbü rü tama chataiya.

Wiyaegü 90:5

Rü cuma rü wüxi i paxaãchica̱xmare toxna cunaxã i maxü̃ rü paxãma tixüpetü ñoma wüxi i pexãchi üpetürüxü̃.

Yox 14:2

Rü ñoma wüxi i putürachacu i boxüxü̃ rü paxãma rüñẽ̱xẽxü̃rüxü̃ nixĩ. Rü ñoma wüxi i naxchipeta i paxãma ngupetüxü̃ rü iyarütaxuxü̃rüxü̃ nixĩ i duü̃xü̃arü maxü̃.

Wiyaegü 39:6

Rü wüxichigüarü maxü̃ rü ñoma wüxi i gáuxchipeta i ngupetüxü̃rüxü̃ nixĩ. Rü natüca̱xma nananutaque̱xe i norü ngẽmaxü̃gü, natürü tama nüxü̃ nacua̱x i texéarü tá yixĩxü̃ i nawena.

Ichaía 51:12

Rü Tupana rü Yerucharéü̃xü̃ ñanagürü: —Chomatama nixĩ i cuxü̃ chataãẽxẽẽxü̃. ¿Rü texéxü̃ nixĩ i cumuü̃exü̃? ¿Ẽ̱xna yatügüxü̃ i duü̃xü̃gümare ixĩgüxü̃? Natürü nümagü rü ñoma maxẽrüxü̃ nayue.

Ore i mexü̃ ga Matéu ümatüxü̃ 6:30

Rü ngẽxguma Tupana ngẽmaãcü nanga̱xãẽgu i ngẽma putüragü i ñu̱xma ngẽxmagüxü̃ rü moxü̃ rü marü taxuxü̃, rü yexera tá pexna nadau i pemax, Pa Duü̃xü̃gü i Tama Mea Yaxõgüxü̃x.