Nüxíraxü̃xü̃ ga popera ga ãẽ̱xgacügüchiga 9:9 - Tupanaarü Ore

⁹ Natürü ngẽma ngãxü̃ga rü ñanagürügü tá: “Ngẽma Iraéanecüã̱xgü rü ngẽmaãcü nüxü̃ nangupetü erü nüxna nixĩgachi ya yimá norü Tupana ga norü o̱xigüxü̃ Equítuanewa ínguxü̃xẽẽcü, rü togü i tupananetagüwe narüxĩ rü nüxü̃ nicua̱xüü̃gü. Rü ngẽmaca̱x ya Cori ya Tupana rü guxü̃ma i ñaa chixexü̃ naxca̱x ínangu̱xẽxẽ”, ñanagürügü tá —ñanagürü ga Tupana.

Nüxíraxü̃xü̃ ga popera ga ãẽ̱xgacügüchiga 9:9 Referans Kwoze

Yeremía 2:19

Rü ngẽma perü chixexü̃gagu tátama nixĩ i pepoxcuexü̃, rü ngẽma nax tama choxü̃ pengechaxü̃xü̃gagu tá nixĩ i ngúxü̃ pingegüxü̃. ¡Nagu perüxĩnü rü tá nüxü̃ pedau nax poraãcü nachixexü̃ rü nangúxü̃ nax choxna pixĩgachixü̃ rü tama choxü̃ picua̱xüü̃güxü̃ i choma nax perü Cori ya Tupana chixĩxü̃! Rü choma ya Cori ya Tupana ya Guxãétüwa Ngẽxmacü chixĩ rü pemaxã nüxü̃ chixu i ngẽma.

Yeremía 5:19

Rü ngẽxguma ngẽma íyaxügüxü̃ cuxna cagügu rü ñagügu: “¿Rü ta̱xacüca̱x nixĩ i guxü̃ma i ñaa tomaxã naxüxü̃ ya yimá tórü Cori ya Tupana?” ñagügu, rü cuma rü ñaãcü tá cunangãxü̃ rü ñacurügü tá: “Ngẽma nax Cori ya Tupanana pixĩgachixü̃ rü to i nachixü̃anecüã̱xgüarü tupananetachicüna̱xãgüxü̃ picua̱xüü̃güxü̃ i perü naanegüwatama, rü ngẽmaca̱x i pemax rü tá to i nachixü̃anecüã̱xgüaxü̃́ pepuracüe i norü naanewatama”, ñacugürü tá —ñanagürü ya Tupana.

Norü taxre ga to ga popera ga ãẽ̱xgacügüchiga ümatüxü̃ 7:22

Rü namücügü rü tá nanangãxü̃gü rü ñanagürügü tá: “Yemaacü namaxã nangupetü yerü yema duü̃xü̃gü rü nüxna nixĩgachi ga Cori ya norü o̱xigüarü Tupana ga Equítuanewa ínanguxü̃xẽẽcü, rü nawe narüxĩ ga yema naxchicüna̱xãgümare rü nüxü̃ nicua̱xüü̃gü. Rü yemaca̱x nixĩ ga Tupana ga naxca̱x ínanguxẽẽgüãxü̃ ga yema taxü̃ ga guxchaxü̃gü”, ñanagürügü tá —ñanagürü ga Tupana.

Yeremía 50:7

Rü yexguma yema Iraétanüxü̃xü̃ iyangaugügu ga yema norü uanügü rü nanadai. Rü ñanagürügü: “Tama tagagu nixĩ nax nada̱i̱xü̃. Nümagü rü Cori ya Tupanape̱xewa chixexü̃ naxügü. Rü nüxna nixĩgachitanü ya norü Tupana ga nüxü̃ rüngü̃xẽẽchirécü rü norü o̱xigüxü̃ rüngü̃xẽẽcü”, ñanagürügü.

Nüxíraxü̃xü̃ ga popera ga ãẽ̱xgacügüchiga 18:18

Rü nüma ga Ería nanangãxü̃ga rü ñanagürü: —Tama chaugagu nixĩ i ngẽma guxchaxü̃ i ngupetüxü̃ i nua Iraéanewa. Rü cuma rü curü duü̃xü̃gügagu nixĩ i ngẽma ngupetüxü̃, erü tama naga pexĩnüe i ngẽma Cori ya Tupanaarü mugü rü Baáchicüna̱xãgüxü̃ pecua̱xüü̃gü.

Yeremía 22:8

Ngẽmawena rü muxü̃tama i nachixü̃anecüã̱x i duü̃xü̃gü rü tá nawa nachopetü ya daa ĩane, rü ñu̱xũchi nügüna tá nacagü, rü ñanagürügü tá: “¿Ta̱xacüca̱x ya Cori ya Tupana rü ñaãcü nanapoxcu ya daa ĩane ya taxü̃ne?” ñanagürügü tá.

Yeremía 44:23

Rü ngẽma guxchaxü̃ i ñu̱xma nawa pengẽxmagüxü̃ rü marü pexca̱x ínangu nagagu nax yema tupananetagüca̱x pumarate̱xe pegugüxü̃. Rü yemaacü Cori ya Tupanape̱xewa poraãcü chixexü̃ pexü yerü tama naga pexĩnüe ga norü ucu̱xẽgü rü norü mugü, rü tama peyangu̱xẽxẽ ga yema pemaxã nüxü̃ yaxuxü̃ —ñanagürü.

Wenaxarü naxümatü ga Tupanaarü mugü 29:23

Rü tá nüxü̃ pedau i ngẽma naane i nawa pengẽxmagüxü̃ rü achúfremaxã, rü yucüramaxã napaxü̃, rü ñu̱xũchi waixü̃müane ixaxü̃xicatama nax yixĩxü̃. Rü ngẽma naanegu rü taxucürüwama nagu tatoe, rü ngẽma nanetü i nagu petoxü̃ rü taxũtáma narüxügü, rü bai wüxi i maxẽ nawa rüxüxü̃. Rü guma ĩanegü ga Cori ya Tupana norü numaxã iguxü̃ne ga Chodóma, rü Gomóra, rü Axmá rü Cheboíü̃maxã üpetüxü̃rüxü̃ tá perü naanemaxã naxüpetü.

Norü taxre ga popera ga ãẽ̱xgacügüchiga 22:17

Yerü yema duü̃xü̃gü rü choxna nixĩgachi rü norü tupananetagüca̱x pumara ínagu. Rü yemaacü choxü̃ nanuxẽẽgü namaxã ga yema chixexü̃ nax naxügüxü̃. Rü ngẽmaca̱x nixĩ i chanuxü̃ namaxã ya daa ĩane rü taxũtáma icharüngüxmüxü̃.

Norü taxre ga to ga popera ga ãẽ̱xgacügüchiga ümatüxü̃ 29:8

Rü yemaca̱x ga Tupana rü namaxã nanu rü poraãcü nanapoxcue ga yema Yudáanecüã̱xgü rü Yerucharéü̃cüã̱xgü. Rü yemaca̱x ga Tupana rü taxü̃ ga guxchaxü̃gü naxca̱x ínanguxẽxẽ. Rü yexguma yema togü ga duü̃xü̃gü nüxü̃ daugügu rü namaxã naba̱i̱xãchie rü namuü̃e yema pematama pexetümaxã nüxü̃ pedauxü̃rüxü̃.

Auxexü̃chiga 2:15

Rü ngẽxguma cuxü̃ nadaugügu i ngẽma duü̃xü̃gü i namawa chopetüxü̃ rü napéxme̱xgüãcü cuxü̃ nacugüe. Rü cuxna nawíxgüe rü cuxü̃ nacugüeãcü nanexáerugü, rü ñanagürügü: —¿Daa e̱xna yixĩxü̃ ga guma ĩane ga mexẽchine ga Yerucharéü̃ ga ñoma ga naanewa guxü̃nema ga ĩanegüxü̃ rümemaene? —ñanagürügü.