Nüxíraxü̃xü̃ ga popera ga ãẽ̱xgacügüchiga 9:8 - Tupanaarü Ore

⁸ Rü daa chopata ya taxü̃ne rü ngẽma naxtapü̱xgü tá nügüétü nayi, rü guxü̃ma i ngẽma ngéma üpetüxü̃, rü tá namaxã naba̱i̱xãchi rü nüxü̃ tá nacugüe rü tá ínaca: “¿Tü̱xcüü̃ ya Tupana rü ngẽmaãcü namaxã nanangupetüxẽxẽ i ñaa nachixü̃ane rü daa napata ya taxü̃ne?” ñanagürügü tá.

Nüxíraxü̃xü̃ ga popera ga ãẽ̱xgacügüchiga 9:8 Referans Kwoze

Norü taxre ga to ga popera ga ãẽ̱xgacügüchiga ümatüxü̃ 7:21

Rü daa chopata ya taxü̃ne ya mexẽchichiréne rü nachicaxica tá ngéma nayaxǘ. Rü ngẽxguma i guxü̃ma i duü̃xü̃ i nawa üpetüxü̃ i ñaa nachica rü nüxü̃ nadaugügu i ngẽma chopata ya taxü̃nechica rü tá namaxã naba̱i̱xãchie rü tá ñanagürügü: “¿Ta̱xacüca̱x ya Cori ya Tupana i nüxna yaxũgachixü̃ i ñaa nachixü̃ane rü daa napata ya taxü̃ne?” ñanagürügü tá.

Yeremía 22:28

Yeconía rü ñoma wüxi i tüxü̃ i púxü̃ i taxuwama mexü̃rüxü̃ nixĩ. Rü wüxi i naxchipe̱xe i taxúema naxwa̱xexü̃rüxü̃ nixĩ. ¿Rü ta̱xacüca̱x i nüma rü nanegü rü naxacügü i wüxi i naane i tama nüxü̃ nacua̱xgüxü̃wa nagagüãxü̃?

Yeremía 19:8

Rü choma rü daa ĩane rü wüxi i chianexü̃xü̃ tá chananguxuchixẽxẽ. Rü ngẽxguma duü̃xü̃gü nüxü̃ daugügu rü tá naba̱i̱xãchie. Rü guxãma ya nawa chopetüxe rü tá namaxã taba̱i̱xãchie nax nachitaxü̃xica ngéma yaxüxü̃.

Danié 9:12

Rü yema nax toxca̱x núma cunamuxü̃ ga yema taxü̃ ga guxchaxü̃ rü yemamaxã cuyanguxẽxẽ ga yema poxcu ga tomaxã rü torü ãẽ̱xgacügümaxã cuxueguxü̃. Rü yema poxcu ga Yerucharéü̃na cunguxẽẽxü̃, rü taguma yemaacü cunapoxcu ga to ga ĩane.

Yeremía 50:13

Erü choma rü chorü numaxã tá chanangeãcuxẽxẽ ya yima ĩane rü nachica rü wüxi i chianexü̃ tá nixĩ. Rü guxãma ya yíxema ngéma üpetüxe rü tá taba̱i̱xãchi rü tá nüxü̃ tacugüe i ngẽxguma nüxü̃ tadaugügu ya yima ĩanearü poxcu.

Yeremía 49:17

Rü ñanagürü ta: —Ngẽxguma nagu napogüegu ya Edóü̃anearü ĩanegü rü duü̃xü̃gü rü tá poraãcü naba̱i̱xãchie. Rü guxãma ya yíxema ngéma üpetüxe rü tá taba̱i̱xãchi i ngẽxguma nüxü̃ tadaugügu i ngẽma norü poxcu.

Ichaía 64:11

Rü yima torü ngutaque̱xepataxü̃ ya mexẽchine rü üünene ga tonatügü cuxü̃ nawa icua̱xüü̃güne rü nixa. ¡Rü ngẽma cupataarü ngẽmaxü̃gü i toxü̃́ chu̱xuxü̃ rü nichixe!

Wenaxarü naxümatü ga Tupanaarü mugü 28:37

Rü guxü̃nema ya yima ĩanegü ya Cori ya Tupana pexü̃ mugünewa, rü pema rü wüxi i baixãchixẽẽruxü̃ rü cugüruxü̃ tá pixĩgü.

Norü taxre ga popera ga ãẽ̱xgacügüchiga 25:9

Rü nayagu ga guma Tupanapata ga taxü̃ne rü ãẽ̱xgacüpata rü napatagü ga yema ãẽ̱xgacügü ixĩgüxü̃. Rü yemaacü ínanagu ga guxü̃nema ga ĩpatagü ga guma ĩanewa yexmagüne.

Norü taxre ga to ga popera ga ãẽ̱xgacügüchiga ümatüxü̃ 36:19

Rü guma Tupanapata ga taxü̃ne rü nayagugü. Rü yema Yerucharéü̃arü poxeguxü̃ rü nagu napogüe. Rü guma ãẽ̱xgacüpatagü ínanagu. Rü guxü̃ma ga ta̱xacü ga tatanüxü̃ ga guma ĩanewa yexmaxü̃ rü nagu napogüe.

Yeremía 5:19

Rü ngẽxguma ngẽma íyaxügüxü̃ cuxna cagügu rü ñagügu: “¿Rü ta̱xacüca̱x nixĩ i guxü̃ma i ñaa tomaxã naxüxü̃ ya yimá tórü Cori ya Tupana?” ñagügu, rü cuma rü ñaãcü tá cunangãxü̃ rü ñacurügü tá: “Ngẽma nax Cori ya Tupanana pixĩgachixü̃ rü to i nachixü̃anecüã̱xgüarü tupananetachicüna̱xãgüxü̃ picua̱xüü̃güxü̃ i perü naanegüwatama, rü ngẽmaca̱x i pemax rü tá to i nachixü̃anecüã̱xgüaxü̃́ pepuracüe i norü naanewatama”, ñacugürü tá —ñanagürü ya Tupana.

Yeremía 16:10

Rü ngẽxguma tá duü̃xü̃gümaxã nüxü̃ quixuxgu i ñaa ore, rü tá cuxna nacagü, rü ñanagürügü tá: “¿Rü ta̱xacüca̱x ya Cori ya Tupana rü toxca̱x ínanangu̱xẽxẽ i ngẽma taxü̃ i guxchaxü̃? ¿Rü ta̱xacü i chixexü̃ nape̱xewa taxü ya yimá torü Cori ya Tupana?” ñanagürügü tá.

Yeremía 18:16

Rü ngẽmaãcü nanachianexẽẽgü i ngẽma nachixü̃ane, rü ngẽma togü i duü̃xü̃gü rü namaxã naba̱i̱xãchie. Rü guxü̃ma i ngẽma duü̃xü̃gü i nawa chopetüxü̃ rü baixãchimaxã naneaerugü.

Yeremía 25:9

Rü naxca̱x tá changema i guxü̃ma i nachixü̃anegü i nórtewa ngẽxmagüxü̃ rü chorü mugüruxü̃ i Nabucudonochó ya Babiróniaanearü ãẽ̱xgacü. Rü nümagü rü tá nua naxĩ rü tá pexca̱x ínayaxüãchi, rü tá pexü̃ nadai, rü tá nanadai i guxü̃ma i nachixü̃anegü i perü ngaicamana ngẽxmagüxü̃. Rü ngẽmaãcü tá pexü̃ chagu̱xẽxẽ. Rü guxü̃gutáma pechicaxica tá ngéma nayaxǘ. Rü ngẽma duü̃xü̃gü i nüxü̃ daugüxü̃ rü tá poraãcü namaxã naba̱i̱xãchie rü namuü̃e.

Yeremía 44:8

¿Rü tü̱xcüü̃ choxü̃ penuxẽxẽ namaxã i ngẽma chixexü̃ i pexügüxü̃ rü ngẽma nax pumarate̱xe naxca̱x pigugüxü̃ i norü tupananetagü i Equítuane i nawa pengugüxü̃ nax nua pemaxẽxü̃ca̱x? Rü ngẽma chixexü̃ i pexügüxü̃gagu rü pematama naxca̱x pedaugü i perü poxcu. Rü ngẽmaãcü wüxi i cua̱xruxü̃ tá pixĩgü naxca̱x i guxü̃ma i ngẽma togü i nachixü̃anegü i ñoma i naanewa ngẽxmagüxü̃. Rü tá chixexü̃maxã pexü̃ narüdaunü rü tá pexü̃ nacugüe.

Yeremía 52:13

Rü yexguma Yerucharéü̃wa nanguxgu rü nawa nanangixichi ga Tupanapata ga taxü̃ne, rü ãẽ̱xgacüpata, rü guxü̃nema ga guma ĩanearü ĩpatagü wüxigu namaxã ga napatagü ga yema duü̃xü̃gü ga tachigagüxü̃ ga Yerucharéü̃wa.

Wenaxarü naxümatü ga Tupanaarü mugü 29:23

Rü tá nüxü̃ pedau i ngẽma naane i nawa pengẽxmagüxü̃ rü achúfremaxã, rü yucüramaxã napaxü̃, rü ñu̱xũchi waixü̃müane ixaxü̃xicatama nax yixĩxü̃. Rü ngẽma naanegu rü taxucürüwama nagu tatoe, rü ngẽma nanetü i nagu petoxü̃ rü taxũtáma narüxügü, rü bai wüxi i maxẽ nawa rüxüxü̃. Rü guma ĩanegü ga Cori ya Tupana norü numaxã iguxü̃ne ga Chodóma, rü Gomóra, rü Axmá rü Cheboíü̃maxã üpetüxü̃rüxü̃ tá perü naanemaxã naxüpetü.

Norü taxre ga popera ga ãẽ̱xgacügüchiga 22:17

Yerü yema duü̃xü̃gü rü choxna nixĩgachi rü norü tupananetagüca̱x pumara ínagu. Rü yemaacü choxü̃ nanuxẽẽgü namaxã ga yema chixexü̃ nax naxügüxü̃. Rü ngẽmaca̱x nixĩ i chanuxü̃ namaxã ya daa ĩane rü taxũtáma icharüngüxmüxü̃.

Norü taxre ga to ga popera ga ãẽ̱xgacügüchiga ümatüxü̃ 29:8

Rü yemaca̱x ga Tupana rü namaxã nanu rü poraãcü nanapoxcue ga yema Yudáanecüã̱xgü rü Yerucharéü̃cüã̱xgü. Rü yemaca̱x ga Tupana rü taxü̃ ga guxchaxü̃gü naxca̱x ínanguxẽxẽ. Rü yexguma yema togü ga duü̃xü̃gü nüxü̃ daugügu rü namaxã naba̱i̱xãchie rü namuü̃e yema pematama pexetümaxã nüxü̃ pedauxü̃rüxü̃.

Auxexü̃chiga 2:15

Rü ngẽxguma cuxü̃ nadaugügu i ngẽma duü̃xü̃gü i namawa chopetüxü̃ rü napéxme̱xgüãcü cuxü̃ nacugüe. Rü cuxna nawíxgüe rü cuxü̃ nacugüeãcü nanexáerugü, rü ñanagürügü: —¿Daa e̱xna yixĩxü̃ ga guma ĩane ga mexẽchine ga Yerucharéü̃ ga ñoma ga naanewa guxü̃nema ga ĩanegüxü̃ rümemaene? —ñanagürügü.