Nüxíraxü̃xü̃ ga popera ga ãẽ̱xgacügüchiga 8:9 - Tupanaarü Ore

⁹ Rü yema baúwa nayexma ga yema taxre ga nutatachinü ga yexma nucuxü̃ ga Moiché ga yexguma ma̱xpǘne ga Oréxwa nayexmagügu. Rü yema nutatachinügügu naxümatü ga yema Tupanaarü uneta ga Iraétanüxü̃maxã naxüxü̃ ga yexguma Equítuanewa ínachoxü̃gu.

Nüxíraxü̃xü̃ ga popera ga ãẽ̱xgacügüchiga 8:9 Referans Kwoze

Ínachoxü̃xü̃chiga 25:21

¡Rü ngẽma nutatachinügü i nagu naxümatüxü̃ i chorü mugü i tá cuxna chaxãxü̃ rü ngẽma baúgu nanucu! ¡Rü ñu̱xũchi yaxǘcuchiã́taxü̃!

Popera ga Yudíugü ga yaxõgüxü̃ca̱x ümatüxü̃ 9:4

Rü yéma nayexma ga yema mecha ga úirunaxca̱x ga nawa yagugüãxü̃ ga pumara ga yixixü̃. Rü yéma nayexma ta ga yema baú ga guxü̃wama úirumaxã tüxünexü̃ ga Tupanaarü mugü nagu nucuxü̃. Rü yematama baúarü aixepewa nayexma ga wüxi ga napaxü̃ ga úirunaxca̱x ga maná ga daxũwa rüyixü̃maxã ããcuxü̃. Rü yexgumarüxü̃ ta yema baúarü aixepewa nayexma ga Aróü̃arü caxü̃ruxü̃ ga rüxüxü̃ne, rü gumá nutagü ga Tupanaarü mugü nagu ümatügüxü̃.

Ínachoxü̃xü̃chiga 40:20

Rü yemawena ga Moiché rü nanade ga yema nutatachinügü ga Tupanaarü mugü nagu ümatüxü̃, rü yema baúgu nayanucu. Rü ñu̱xũchi nananucu ga naxpawerugü ga yema baú rü nayaxǘcuchi ga naxã́taxü̃. Rü Tupanapataarü aixepegu nayaxǘ. Rü ñu̱xũchi nananucu ga yema tüyemachiãruxü̃ rü yemamaxã nayatüyepe̱xe ga yema baú yema Cori ya Tupana namaxã nüxü̃ ixuxü̃ãcü.

Norü taxre ga to ga popera ga ãẽ̱xgacügüchiga ümatüxü̃ 5:10

Rü yema baúwa rü nüxicatama nayexma ga yema taxre ga nutatachinügü ga nawa naxümatüxü̃ ga Tupanaarü uneta ga Iraétanüxü̃gümaxã naxüxü̃. Rü yexguma Equítuanewa ínachoxü̃gu rü Ma̱xpǘne ga Oréxwa nayexmagu rü yexguma nixĩ ga Moiché ga yema baúgu nanucuãxü̃ ga yema taxre ga nutatachinü.

Wenaxarü naxümatü ga Tupanaarü mugü 4:13

Rü nüma ga Cori ya Tupana rü pexü̃ nüxü̃ nacua̱xẽxẽ ga yema norü unetagü ga 10 i mugü ixĩxü̃ ga taxre ga nutatachinügu naxümatüxü̃. Rü ñu̱xũchi pexü̃ namu nax aixcüma peyanguxẽẽxü̃ca̱x.

Yema Cuáü̃ nüxü̃ dauxü̃ i yixcüra tá ngupetüxü̃chiga 15:8

Rü gumá Tupanapata ga taxü̃ne rü namaxã naxããcu ga yema caxixü̃ ga Tupanaarü üüne i poraxü̃wa ne ũxü̃. Rü taxucürüwama texé yexma taxücu ñu̱xmata nagu̱x ga yema 7 ga poxcuruü̃gü ga yema 7 ga orearü ngeruü̃güaxü̃́ yexmaxü̃.

Echequié 10:4

Rü yexguma ga yema Tupanaarü üüne rü yema querubíü̃güétüwa nayachü̱xüxãchi rü guma Tupanapata ga taxü̃neca̱x íxücuxü̃waama naxũ. Rü yema caixanexü̃maxã nayapa ga guma Tupanapata. Rü yema naa̱xtü ga guma Tupanapata ga taxü̃ne rü Cori ya Tupanaarü üünemaxã nangóone.

Nüxíraxü̃xü̃ ga popera ga ãẽ̱xgacügüchiga 8:21

Rü ñu̱xũchi chanamexẽxẽ i wüxi i nachica i Tupanapatawa nax ngẽxma yaxǘcuchixü̃ca̱x i ngẽma baú i nawa nangẽxmaxü̃ i ngẽma mugü ya Tupana tórü o̱xigümaxã nüxü̃ ixuxü̃ ga yexguma Equítuanewa ínanguxü̃xẽẽãgu —ñanagürü ga Charomóü̃.

Wenaxarü naxümatü ga Tupanaarü mugü 31:26

—Ñaa nixĩ i ngẽma popera i Tupanaarü mugüpane. ¡Rü ngẽma baú i Cori ya Tupanaarü mugü nagu üxü̃cüwagu penaxǘ i ñaa popera nax ngẽmawa nüxna pecua̱xãchiexü̃ca̱x ya Cori ya Tupana ega ngẽxguma nüxna pixĩgachitanügu!

Iraétanüxü̃arü muxchiga 17:10

Rü yexguma ga Tupana rü Moichéxü̃ ñanagürü: —¡Yima Aróü̃arü naixmena̱xã rü wenaxarü ngẽma baú i chorü mugüpane nagu üxü̃pe̱xegu naxǘ! ¡Rü ngẽxma namaxã nanguxü̃ nax wüxi i ãũcümaxü̃ yixĩxü̃ca̱x naxca̱x i ngẽma duü̃xü̃gü i chomaxã nuexü̃! Rü ngẽmaãcü tá inarüxo nax chixri chauchiga yadexagüxü̃ rü taxũtáma nayue i ngẽma Iraétanüxü̃ —ñanagürü.

Iraétanüxü̃arü muxchiga 9:15

Rü yexguma yanguxgu ga guma Tupanapata, rü yema ngunexü̃gu rü wüxi ga caixanexü̃ naétügu ínarüxĩ. Rü yáuanecü rü naétüwa nango̱xoxü̃ ga üxüemarüxü̃ ixĩxü̃. Rü yéma nayexmaecha ñu̱xmata yangóonexü̃mare.

Lebítanüxü̃arü puracüchiga 16:2

Rü Cori ya Tupana rü ñanagürü Moichéxü̃: —¡Namaxã nüxü̃ ixu ya cuenexẽ ya Aróü̃ rü tama name i ngexü̃rüüxü̃ i ngunexü̃gumare nagu naxücu i ngẽma naxmachiã i Üünexüchixü̃ i tüyemachiü̃ca̱xwena ngẽxmaxü̃ rü bai nüxna nangaicama i ngẽma baúátaü̃ nax tama nayuxü̃ca̱x! Erü choma rü tá ngẽma baúátaü̃étüwa caixanexü̃wa chaugü chango̱xẽxẽ.

Ínachoxü̃xü̃chiga 16:33

Rü Moiché rü Aróü̃maxã nüxü̃ nixu rü ñanagürü: —¡Wüxi i pexchica̱x nadau, rü taxre ya litruãcu i maná nagu naxǘ! ¡Rü ñu̱xũchi Cori ya Tupanape̱xegu yaxǘ nax ngẽxma petaagüca̱x namaxã penguxü̃xü̃ca̱x! —ñanagürü.

Ínachoxü̃xü̃chiga 16:10

Rü yexguma Aróü̃ namaxã idexayane rü nüma ga Iraétanüxü̃ rü yema chianexü̃guama narüdaunü. Rü nüxü̃ nadaugü ga Cori ya Tupanaarü üüne ga wüxi ga caixanexü̃wa ngóxü̃.

Ínachoxü̃xü̃chiga 14:24

Natürü yexguma marü ngunetüxü̃wa nanguxgu, rü nüma ga Cori ya Tupana rü yema caixanexü̃ ga üxüemarüxü̃ ixĩxü̃wa Equítuanecüã̱xgüarü churaragüxü̃ nadawenü. Rü nanaxĩ̱xãchiãẽgüxẽxẽ. Rü yemaca̱x nügümaxãtama nanue.

Ínachoxü̃xü̃chiga 13:21

Rü ngunecü rü nüma ga Tupana rü wüxi ga caixanexü̃gu yema Iraétanüxü̃xü̃ ínixümücü rü nape̱xegu nixũema ga nüxü̃ nax nacua̱xgüxü̃ca̱x ga ngextá tá nax naxĩxü̃. Rü chütacü rü Tupana rü wüxi ga üxüemagu nayaxümücü nax nangóonexü̃ca̱x rü yemaacü nüxü̃́ natauxchaxü̃ca̱x ga ngunecü rü chütacü nax inaxĩxü̃.

Ínachoxü̃xü̃chiga 25:16

Rü ngẽma baúgu tá cunanucu i ngẽma nutatachinügü i nagu naxümatüxü̃ i ngẽma mugü i tá cuxna chaxãxü̃.

Norü taxre ga to ga popera ga ãẽ̱xgacügüchiga ümatüxü̃ 5:9

Natürü guma naxpawerugü rü nima̱x, rü yemaca̱x ga yema nape̱xegü rü nüxü̃ tadauama ga yexguma yema taxü̃ ga nachiãwa idawenügu, natürü yema nachiã ga nawa ixücuxü̃wa rü tama nüxü̃ tadau.