Nüxíraxü̃xü̃ ga popera ga ãẽ̱xgacügüchiga 8:16 - Tupanaarü Ore

¹⁶ “Yema ngunexü̃ ga Equítuanewa íchanguxü̃xẽẽgucürüwa ga chorü duü̃xü̃gü ga Iraétanüxü̃, rü taguma nüxü̃ chaxuneta ya wüxi ya ĩane natanüwa ya Iraétanüxü̃ ga duü̃xü̃gü nax yimagu naxüxü̃ca̱x ya chopata ya taxü̃ne ya nawa changexmane. Natürü nüxü̃ chaxuneta ga Dabí nax chorü duü̃xü̃gü ga Iraétanüxü̃maxã inacuáxü̃ca̱x”, ñaxgu nüxü̃ ga Tupana.

Nüxíraxü̃xü̃ ga popera ga ãẽ̱xgacügüchiga 8:16 Referans Kwoze

1 Chamué 16:1

Rü yemawena ga Tupana rü Chamuéxü̃ ñanagürü: —Marütama nax Chaúca̱x nax cungechaü̃echaxü̃, erü marü tama chanaxwa̱xe nax Iraéanecüã̱xgüarü ãẽ̱xgacü nax yixĩxü̃. ¡Rü wüxi i carnéruchatacu̱xre nayaxu rü oribuarü chíxü̃maxã naxüãcu! ¡Rü Beréü̃wa naxũ rü ngẽxma naxca̱x yadau ya wüxi ya yatü ya Ichaxígu ãégacü! Erü wüxi ya nanexü̃ chayaxu nax Iraéanecüã̱xgüarü ãẽ̱xgacü yixĩxü̃ca̱x —ñanagürü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 28:4

Natürü nüma ya Cori ya Iraétanüxü̃arü Tupana rü chautanüxü̃tanüwa choxü̃ nayaxu nax guxü̃guma Iraéanearü ãẽ̱xgacüxü̃ choxü̃ yaxĩxẽẽxü̃ca̱x. Rü yemaca̱x nüxü̃ naxuneta ga Yudátanüxü̃ nax yematücumüwa ãẽ̱xgacügü íchoxü̃tanücüüxü̃. Rü yema Yudátücumüwa nixĩ ga nüxü̃ naxunetaxü̃ ga chautanüxü̃tücumü, rü yema chauenexẽgütanüwa rü choxü̃ naxuneta nax guxü̃ma i Iraéanecüã̱xmaxã ichacuáxü̃ca̱x.

Nüxíraxü̃xü̃ ga popera ga ãẽ̱xgacügüchiga 8:29

¡Rü taxṹ i nüxü̃ curüchauxü̃ nax ngunecü rü chütacü nüxü̃ cudawenüxü̃ ya daa cupata ya taxü̃ne rü cuma tomaxã nüxü̃ quixu nax yimawa tá cungexmaxü̃! ¡Rü nüxü̃ naxĩnü i ñaa chorü yumüxẽ i cupata ya taxü̃newa cumaxã nüxü̃ chixuxü̃ i choma nax curü duü̃xü̃ chixĩxü̃!

Wenaxarü naxümatü ga Tupanaarü mugü 12:11

Rü ngẽxguma ngẽma naanewa pengẽxmagügu rü nüma ya Cori ya Tupana rü tá nüxü̃ naxuneta i wüxi i nachica i nüma tá nawa nangẽxmaxü̃. Rü ngéma tá naxca̱x peyadai rü ípenagu i perü ãmaregü i naxü̃nagü. Rü ngéma tá penange i perü diẽru i diésmugü, rü ngẽma diẽru i Tupanaarü puracüca̱x ipexãxü̃, rü ngẽma perü nanetüarü o i rümemaegüxü̃ i pexueguxü̃ nax Tupanana penaxãxü̃.

Wiyaegü 132:13

Rü nüma ga Cori rü nüxü̃ naxuneta ga yima ma̱xpǘne ga Chióü̃ nax yimagu naxãchiü̃xü̃ca̱x.

Yeremía 7:12

Rü dücax, ípeyadau i nachica ga guma chopata ga Chilówa yexmane. Rü yema nixĩ ga nachica ga nüxíra nüxü̃ chaxunetaxü̃ nax yéma chayexmaxü̃ca̱x. ¡Rü dücax, nüxü̃ peda̱u̱x ga yema namaxã chaxüxü̃ ga yema nachica nagagu ga yema chixexü̃ ga chorü duü̃xü̃gü ga Iraétanüxü̃ ügüxü̃!

Wiyaegü 78:70

Rü nüxü̃ naxuneta ga gumá norü duü̃ ga Dabí ga carnérugüarü dauruxü̃ ixĩcü.

Norü taxre ga popera ga ãẽ̱xgacügüchiga 23:27

Rü yemaca̱x ga Tupana rü ñanagürü: —Ñu̱xmax, rü tá nüxna chixũgachi i Yudáanearü duü̃xü̃gü yema Iraéanearü duü̃xü̃güna chixũgachixü̃rüxü̃. Rü taxũtáma nawa changexmaxü̃ ya yima ĩane ya Yerucharéü̃ ya nüxü̃ chaxunetachiréne. Rü ngẽxgumarüxü̃ ta taxũtáma nawa changexma ya yima chopata ya taxü̃ne ga ü̃pa nüxü̃ chixuxũne nax nawa tá changexmaxü̃ —ñanagürü ga Tupana.

Nüxíraxü̃xü̃ ga popera ga ãẽ̱xgacügüchiga 11:36

Natürü i Charomóü̃ nane rü wüxitücumümaxã tátama inacua̱x nax ngẽmaãcü nangẽxmaxü̃ca̱x i wüxi i Dabítanüxü̃ i ãẽ̱xgacü ixĩxü̃ nawa ya yima ĩane ya Yerucharéü̃ ga nüxü̃ chaxunetane.

Wenaxarü naxümatü ga Tupanaarü mugü 12:5

Rü Tupana rü petanüwa tá nüxü̃ naxuneta i wüxi i nachica nax nawa namaxü̃xü̃ca̱x. Rü pema rü tá ngẽma nachicawa pexĩ nax ngéma nüxü̃ picua̱xüü̃güxü̃ca̱x.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 17:3

Natürü yematama chütaxü̃gu rü nüma ga Tupana rü Natáü̃maxã nidexa rü ñanagürü nüxü̃:

Wiyaegü 89:3

Rü cuma rü gumá curü duü̃xü̃ ga cumatama cuyaxucü ga Dabímaxã icuxuneta rü ñacurügü nüxü̃: