Nüxíraxü̃xü̃ ga popera ga ãẽ̱xgacügüchiga 8:11 - Tupanaarü Ore

¹¹ Rü nagagu ga yema caixanexü̃ rü nüma ga yema chacherdótegü rü taxuacüma yexma narücho nax Tupanaxü̃ yacua̱xüü̃güxü̃ca̱x, yerü Cori ya Tupanaarü üünemaxã nanapa ga guma Tupanapata ga taxü̃ne.

Nüxíraxü̃xü̃ ga popera ga ãẽ̱xgacügüchiga 8:11 Referans Kwoze

2 Corintios 4:6

Erü nümatama ya Tupana ga noxri naane naxü̱xgux rü ẽanexü̃wa nanango̱xẽxẽ ga ngóonexü̃. Rü nümatama nixĩ i ñu̱xma i tüxü̃ yango̱xnaãẽxẽẽgüxü̃ nax ngẽmawa nüxü̃ icuáxü̃ca̱x nax nüma rü naxüünexü̃. Rü ngẽma norü üüne rü Ngechuchu ya Cristuchiwewa nixĩ i nangóxü̃.

2 Corintios 3:18

Rü ngẽmaca̱x guxãma i yixema nax Cristuaxü̃́ yaxõgüxü̃ rü ñoma woruarüxü̃ tixĩgü, rü tawa nango̱x nax ñuxãcü namexẽchixü̃ ya tórü Cori, rü ñu̱xma rü nataxuma i ta̱xacü i tüxü̃ idüxüxü̃ naxcha̱xwa. Rü nüma ya tórü Cori i Naãxẽ ya Üünexü̃ ixĩcü, rü guxü̃guma yexeraãcü tüxü̃ nimexẽẽchigü nax naxrüxü̃ imexü̃ca̱x.

Echequié 44:4

Rü yemawena ga gumá yatü rü yema ĩã̱x ga nórtewa yexmaxü̃ ga Tupanapata ga taxü̃nepe̱xewa üxü̃wa chomaxã naxũ. Rü choma rü nüxü̃ chadau ga Cori ya Tupanaarü üüne nax napata namaxã yapaxü̃. Rü yexguma ga choma rü waixü̃müanegu chayangücuchi.

Lebítanüxü̃arü puracüchiga 9:23

Rü yemawena ga Moiché rü Aróü̃maxã Tupanapatagu nachocu. Rü yexguma ínachoxü̃gu rü Iraétanüxü̃maxã mexü̃ naxuegugü. Rü yexguma ga Cori ya Tupana rü guxü̃ma ga duü̃xü̃güxü̃ nanawe̱x ga norü pora.

Yema Cuáü̃ nüxü̃ dauxü̃ i yixcüra tá ngupetüxü̃chiga 21:23

Rü yima ĩane rü taxuca̱xma üa̱xcü rü tauemacü nüxü̃ nabáxi, erü Tupanaarü ngóonexü̃tama nixĩ i nangóonexẽẽxü̃. Rü yimá Carnéruxacü nixĩ ya norü omü ixĩcü.

Ore i mexü̃ ga Cuáü̃ ümatüxü̃ 1:14

Rü nüma ya yimá Nane ya Tupanaarü Oregu ãégacü rü duü̃xü̃xü̃ nügü nixĩxẽxẽ. Rü totanüwa namaxü̃ rü nüxü̃ tadaugü ga norü üüne ga Nanatüxü̃tawa nayaxuxü̃, yerü Nane ga nügümaxã wüxicacü nixĩ. Rü nüma ga Nane rü poraãcü duü̃xü̃güxü̃ nangechaxü̃ rü aixcüma nixĩ ga norü ore.

Echequié 43:2

Rü nüxü̃ chadau ga Cori ya Iraétanüxü̃arü Tupanaarü üüne ga éstewa ne ũxü̃. Rü nüxü̃ chaxĩnü ga wüxi ga naga ga natüarü poraü̃chiüxü̃garaü̃xü̃. Rü ñoma ga naane rü poraãcü nangóone

Yema Cuáü̃ nüxü̃ dauxü̃ i yixcüra tá ngupetüxü̃chiga 21:11

Rü guma ĩane rü Tupanaarü ya̱u̱xracüüxü̃maxã nangóone. Rü yema norü ya̱u̱xracüüxü̃ ga guma ĩane rü ñoma wüxi ya nuta ya nga̱xãẽruxü̃ ya diamánte nixĩ. Rü ñoma nuta ya nga̱xãẽruxü̃ ya yásperüxü̃ nixĩ nax yachipetüxü̃.

Ngechuchuarü ngúexü̃gü ga yamugüxü̃arü puracüchiga 7:55

Natürü ga Estébaü̃ rü aixcüma Tupanaãxẽ ya Üünecü nawa nayexma. Rü daxũ nadawenü, rü nüxü̃ nadau ga Tupanaarü üüne. Rü nüxü̃ nadau ga Ngechuchu ga Tupanaarü tügünecüwagu chicü.

Lebítanüxü̃arü puracüchiga 9:6

Rü yexguma ga Moiché rü ñanagürü nüxü̃: —Rü ngẽma nixĩ i Cori ya Tupana naxwa̱xexü̃ nax penaxüxü̃ nax ngẽmaãcü pexü̃ nüxü̃ nadauxẽẽxü̃ca̱x i norü pora —ñanagürü.

Romanos 9:4

Rü nümagü rü chauxrüxü̃ Iraétanüxü̃ nixĩgü. Rü Tupana rü nũxcümaxü̃chima namaxã inaxuneta nax naxacügü yixĩgüxü̃ca̱x. Rü Tupana rü norü üünemaxã natanüwa nayexma rü namaxã inaxuneta rü tá nüxü̃ narüngü̃xẽxẽ ega naga naxĩnüegu. Rü nüxna nanaxã ga yema mugü ga Moiché ümatüxü̃. Rü nanangúexẽxẽ nax nüxü̃ yacua̱xüü̃güxü̃ca̱x. Rü namaxã inaxuneta ga norü unetagü.

Ínachoxü̃xü̃chiga 40:34

Rü yexguma Moiché yanguxẽẽgu ga guma Tupanapata ga nawa naxca̱x naxĩĩxü̃ne, rü yema caixanexü̃, rü guma Tupanapataétügu ínarüxĩ, rü Tupanaarü üünemaxã nanapá.

Ínachoxü̃xü̃chiga 40:35

Rü nüma ga Moiché rü taxucürüwama yexma naxücu yerü yema caixanexü̃ rü Tupanapatagu ínarüxĩ rü norü üünemaxã nanapá ga guma Tupanapata.

Nüxíraxü̃xü̃ ga popera ga ãẽ̱xgacügüchiga 8:10

Rü yexguma ínachoxü̃xgu ga chacherdótegü ga yema nachiã ga üünexüchixü̃wa, rü caixanexü̃maxã nanapa ga guma Cori ya Tupanapata ga taxü̃ne.

Nüxíraxü̃xü̃ ga popera ga ãẽ̱xgacügüchiga 8:12

Rü yexguma ga Charomóü̃ rü ñanagürü: —Pa Chorü Tupanax, cuma rü nüxü̃ quixu nax nawa cumaxü̃xü̃ i caixanexü̃ i pamüemaxü̃.

Norü taxre ga to ga popera ga ãẽ̱xgacügüchiga ümatüxü̃ 5:14

Rü yema caxixü̃gagu rü nüma ga chacherdótegü rü taxucürüwama yexma narücho nax yadaxẽẽgüãxü̃ca̱x ga yema cua̱xüxü̃ ga yéma Tupanaca̱x naxügüxü̃. Yerü Tupanaarü üünemaxã nanapá ga guma napata ga taxü̃ne.

Wiyaegü 90:16

¡Rü toxü̃ nüxü̃ nadauxẽxẽ i curü üüne rü wenaxarü toxca̱x naxü ga yema taxü̃gü ga mexü̃gü ga nũxcüma curü poramaxã cuxüxü̃ nax ngẽmaãcü i toma rü totaagü nüxü̃ daugüxü̃ca̱x!

Ínachoxü̃xü̃chiga 29:43

Rü ngẽxma tá nixĩ i choxü̃ iyangaugüxü̃ i ngẽma Iraétanüxü̃. Rü ngẽma nachica rü tá naxüüne erü ngéma tá changexma.

Ichaía 6:1

Rü gumá taunecü ga ãẽ̱xgacü ga Uchía nagu yucü rü nüxü̃ chadau ga Cori ya Tupana ga wüxi ga tochicaxü̃ ga dauxü̃wa yexmaxü̃wa nax natoxü̃. Rü yema naxpechinüchiru rü nanatüétü ga guma napata ga taxü̃ne.

Echequié 10:4

Rü yexguma ga yema Tupanaarü üüne rü yema querubíü̃güétüwa nayachü̱xüxãchi rü guma Tupanapata ga taxü̃neca̱x íxücuxü̃waama naxũ. Rü yema caixanexü̃maxã nayapa ga guma Tupanapata. Rü yema naa̱xtü ga guma Tupanapata ga taxü̃ne rü Cori ya Tupanaarü üünemaxã nangóone.