Nüxíraxü̃xü̃ ga popera ga ãẽ̱xgacügüchiga 8:10 - Tupanaarü Ore

¹⁰ Rü yexguma ínachoxü̃xgu ga chacherdótegü ga yema nachiã ga üünexüchixü̃wa, rü caixanexü̃maxã nanapa ga guma Cori ya Tupanapata ga taxü̃ne.

Nüxíraxü̃xü̃ ga popera ga ãẽ̱xgacügüchiga 8:10 Referans Kwoze

Yema Cuáü̃ nüxü̃ dauxü̃ i yixcüra tá ngupetüxü̃chiga 15:8

Rü gumá Tupanapata ga taxü̃ne rü namaxã naxããcu ga yema caxixü̃ ga Tupanaarü üüne i poraxü̃wa ne ũxü̃. Rü taxucürüwama texé yexma taxücu ñu̱xmata nagu̱x ga yema 7 ga poxcuruü̃gü ga yema 7 ga orearü ngeruü̃güaxü̃́ yexmaxü̃.

Ínachoxü̃xü̃chiga 16:10

Rü yexguma Aróü̃ namaxã idexayane rü nüma ga Iraétanüxü̃ rü yema chianexü̃guama narüdaunü. Rü nüxü̃ nadaugü ga Cori ya Tupanaarü üüne ga wüxi ga caixanexü̃wa ngóxü̃.

Lebítanüxü̃arü puracüchiga 16:2

Rü Cori ya Tupana rü ñanagürü Moichéxü̃: —¡Namaxã nüxü̃ ixu ya cuenexẽ ya Aróü̃ rü tama name i ngexü̃rüüxü̃ i ngunexü̃gumare nagu naxücu i ngẽma naxmachiã i Üünexüchixü̃ i tüyemachiü̃ca̱xwena ngẽxmaxü̃ rü bai nüxna nangaicama i ngẽma baúátaü̃ nax tama nayuxü̃ca̱x! Erü choma rü tá ngẽma baúátaü̃étüwa caixanexü̃wa chaugü chango̱xẽxẽ.

Nüxíraxü̃xü̃ ga popera ga ãẽ̱xgacügüchiga 8:11

Rü nagagu ga yema caixanexü̃ rü nüma ga yema chacherdótegü rü taxuacüma yexma narücho nax Tupanaxü̃ yacua̱xüü̃güxü̃ca̱x, yerü Cori ya Tupanaarü üünemaxã nanapa ga guma Tupanapata ga taxü̃ne.

Wiyaegü 97:2

Rü pamüemaxü̃ i caixanexü̃maxã ínaxümaeguãchi. Rü nüma nixĩ i ãẽ̱xgacü i aixcüma mea nangugüxü̃ i wüxichigü i duü̃xü̃güarü maxü̃. Rü aixcüma nawe̱xgu i ngẽma namaxã naxueguxü̃ i wüxichigü.

Ichaía 6:1

Rü gumá taunecü ga ãẽ̱xgacü ga Uchía nagu yucü rü nüxü̃ chadau ga Cori ya Tupana ga wüxi ga tochicaxü̃ ga dauxü̃wa yexmaxü̃wa nax natoxü̃. Rü yema naxpechinüchiru rü nanatüétü ga guma napata ga taxü̃ne.

Ichaía 6:4

Rü yema nagamaxã rü guma Tupanapata ga taxü̃nearü ĩã̱x rü naxĩã̱xãchi. Rü nümatama ga guma Tupanapata ya taxü̃ne rü caixanexü̃maxã nanapá.

Echequié 10:4

Rü yexguma ga yema Tupanaarü üüne rü yema querubíü̃güétüwa nayachü̱xüxãchi rü guma Tupanapata ga taxü̃neca̱x íxücuxü̃waama naxũ. Rü yema caixanexü̃maxã nayapa ga guma Tupanapata. Rü yema naa̱xtü ga guma Tupanapata ga taxü̃ne rü Cori ya Tupanaarü üünemaxã nangóone.