Nüxíraxü̃xü̃ ga popera ga ãẽ̱xgacügüchiga 7:4 - Tupanaarü Ore

⁴ Rü nayexma ga 3 chimüü̃ ga beü̃tánagü ga mea we̱xgu nuxü̃ rü yema 3 chimüü̃ ga beü̃tánagü ga wüxichimüü̃wachigü rü nügüarü to̱xma̱xtawa niyexmachigü.

Nüxíraxü̃xü̃ ga popera ga ãẽ̱xgacügüchiga 7:4 Referans Kwoze

Echequié 41:26

Rü yema nüxíraxü̃xü̃ ga naxmachiã rü nüxü̃́ nayexma ga norü beü̃tánagü ga fierumena̱xãgünaxca̱x. Rü nacüwagüwa rü palmerachicüna̱xãmaxã nangã̱xãẽgü. Rü yema ucapugü ga Tupanapata ga taxü̃nena yaxũxgüxü̃ rü yemagü rü ta nüxü̃́ nayexma ga norü beü̃tánagü ga fierumena̱xãgünaxca̱x. Rü yemacüwagüwa rü ta palmerachicüna̱xãmaxã nangã̱xãẽgü.

Echequié 40:36

Rü nayexma ta ga norü ucapugü rü caxtagü rü yema norü ucapu ga ngu̱xẽẽchica. Rü guxü̃cüwawa nüxü̃́ nayexma ga norü beü̃tánagü. Rü napata ga yema ücuchica rü 25 metru nixĩ ga norü ma̱x rü 12 metruarü ngãxü̃ nixĩ ga norü taxmachiã

Echequié 40:33

Rü norü ucapugü rü norü caxtagü rü yema norü ngu̱xẽẽchica rü namaxã nawüxigu ga norü ta ga yema togü ga ücuchicagüarü ucapugü rü caxtagü rü ngu̱xẽẽchica. Rü napata ga yema ücuchica rü norü ucapu ga ngu̱xẽẽchica rü guxü̃wama nüxü̃́ nayexma ga norü beü̃tánagü. Rü norü ma̱x rü 25 metru nixĩ rü norü taxmachiã rü 12 metruarü ngãxü̃ nixĩ.

Echequié 40:29

Rü norü ucapugü rü norü ucapu ga ngu̱xẽẽchica rü norü caxtagü rü yema togü ga ücuchicagüarü ucapugü, rü ucapu ga ngu̱xẽẽchica, rü norü caxtagüarü ta nüxü̃́ nayexmagü. Rü napata ga yema ücuchica rü norü ucapu ga ngu̱xẽẽchica rü guxü̃ma nüxü̃́ nayexma ga norü beü̃tánagü. Rü norü ma̱x rü 25 metru nixĩ rü norü taxmachiã rü 12 metruarü ngãxü̃ nixĩ.

Echequié 40:25

Rü napata ga yema ücuchica rü yema togü ga ücuchicagürüxü̃ nüxü̃́ nayexma ga norü ucapu ga ngu̱xẽẽchica rü norü beü̃tánagü ga norü guxü̃cüwawa. Rü guxü̃wama rü 25 metru nixĩ ga norü ma̱x rü 12 metruarü ngãxü̃ nixĩ ga norü tachiã.

Echequié 40:22

Rü yema ücuchica ga nórtewa üxü̃ rü norü ucapu ga ngu̱xẽẽchica rü norü beü̃tánagü rü norü palmerachicüna̱xãgü rü nawüxigu namaxã ga yema éstewa üxü̃ ga ücuchicaarü ucapu ga ngu̱xẽẽchica rü norü beü̃tánagü rü norü palmerachicüna̱xãgü. Rü nayexma ta ga norü toxṍõne ga 7 ga chinagü nüxü̃́ yexmane. Rü nayexma ta ga norü ucapu ga ngu̱xẽẽchica ga aixepewa yexmaxü̃

Echequié 40:16

Rü yema ucapugü ga yema ücuchicaarü guxü̃cüwawa yexmagüxü̃ rü norü caxtagü nüxü̃́ nayexma ga norü beü̃tánagü ga fierumena̱xãnaxca̱x. Rü yexgumarüxü̃ ta ga yema ucapu ga ngu̱xẽẽchica ga iyacuáxü̃wa yexmaxü̃ rü aixepewa nüxü̃́ nayexma ga norü beü̃tánagü ga fierumena̱xãnaxca̱x. Rü yema beü̃tánagü rü palmerachicüna̱xãgümaxã nanga̱xãẽgü.

Nüxíraxü̃xü̃ ga popera ga ãẽ̱xgacügüchiga 7:5

Guxü̃ma ga yema ĩã̱xgü rü beü̃tánagüarü naxpenüxü̃ rü mea nacuadradugü. Rü nügüarü to̱xma̱xtawa niyexmachigü ga yema ĩã̱xgü rü beü̃tánagü. Rü 3 chimüü̃ nixĩ ga guxü̃wama.

Nüxíraxü̃xü̃ ga popera ga ãẽ̱xgacügüchiga 6:4

Rü Charomóü̃ nanamu nax fierumenaxãwa naxügüãxü̃ ga norü beü̃tánagü ga Tupanapata ga taxü̃ne.

Nüxíraxü̃xü̃ ga popera ga ãẽ̱xgacügüchiga 7:3

Rü guma omütagü rü 45 nixĩ ga norü mu. Rü 3 chimüü̃ nixĩ ga norü omütagü rü wüxichimüü̃chigüwa rü nayexma ga 15 ga omütagü ga norü caxtawa nucune. Rü ñu̱xũchi guma omütaétüwa nananucu ga mürapewa ga iyaxcüxü̃ ga ocayiwanaxca̱x.