Nüxíraxü̃xü̃ ga popera ga ãẽ̱xgacügüchiga 7:2 - Tupanaarü Ore

² Rü ñu̱xũchi nanaxü ta ga nai ga ĩpata ga “Líbanuarü Naixnecügu” ãégane. Rü guma rü 45 metru nixĩ ga norü ma̱x, rü 22 metruarü ngãxü̃ nixĩ ga norü taxmachiã rü 13 metruarü ngãxü̃ nixĩ ga norü máchane. Rü 4 chimüü̃ nixĩ ga norü caxtagü ga ocayiwanaxca̱x. Rü guma 4 chimüü̃ ga caxtaétügu nanugü ga norü omütagü ga ocayiwanaxca̱x.

Nüxíraxü̃xü̃ ga popera ga ãẽ̱xgacügüchiga 7:2 Referans Kwoze

Nüxíraxü̃xü̃ ga popera ga ãẽ̱xgacügüchiga 10:17

Rü ñu̱xũchi nüma ga Charomóü̃ rü nüxü̃ nanaxüxẽxẽ ta ga 300 ga poxü̃ruxü̃ ga ixíxraxü̃ ga úiru ga ipomüxü̃wa íxüxüxü̃. Rü wüxitachinüwachigü rü wüxi ga quíruarü ngãxü̃ nagu name. Rü ñu̱xũchi guma napata ga Líbanuarü Naixnecügu ãéganegu nananucu.

Norü taxre ga to ga popera ga ãẽ̱xgacügüchiga ümatüxü̃ 9:16

Rü ñu̱xũchi nüma ga Charomóü̃ rü nüxü̃ nanaxüxẽxẽ ta ga 300 ga poxü̃ruü̃gü ga ixíxraxü̃ ga úiru ga ipomüxü̃wa. Rü wüxitachinüwachigü rü tomaepü̱x ga quíru nagu name. Rü ñu̱xũchi guma napata ga Líbanuarü Naixnecügu ãéganegu nananucu.

Charumóü̃arü wiyae 7:4

Rü cunaxã rü namexẽchi naxrüxü̃ ya wüxi ya torre i marfínaxca̱x. Rü yima cuxetügü rü nimexẽchi naxrüxü̃ ya yimá puchugü ya yima ĩane ya Ebóü̃arü ĩã̱x i Báx-rabíü̃wa ngẽxmagücürüxü̃. Rü ngẽma curaxü̃ rü namexẽchi ñoma Líbanuarü torre ya ĩane ya Damácuguama dawenüxü̃rüxü̃.

Nüxíraxü̃xü̃ ga popera ga ãẽ̱xgacügüchiga 10:21

Rü guxü̃ma ga ãẽ̱xgacü ga Charomóü̃arü axepáxü̃gü rü úirunaxca̱x nixĩgü. Rü guxü̃ma ga yema poratugü ga napata ga Líbanuarü Naixnecügu ãéganewa yexmagüxü̃ rü úirunaxca̱x nixĩgü. Rü nataxuma ga diẽrumünaxca̱x ixĩxü̃, yerü yexguma Charomóü̃ ãẽ̱xgacü ixĩxgu rü diẽrumü rü naxítanüxü̃chi.

Nüxíraxü̃xü̃ ga popera ga ãẽ̱xgacügüchiga 9:19

Rü yexgumarüxü̃ ta nayamexẽẽgü ga guxü̃nema ga guma ĩanegü ga õnagü nagu nanutaque̱xegüne, rü ĩpatagü ga churaraweü̃gü ga carugü ga daixruü̃gü nagu nucune, rü ĩpatagü ga cowarugü ga dairuü̃gü nawa yexmagüne. Rü nanaxü ga guxü̃ma ga yema Yerucharéü̃wa rü Líbanuwa naxüxchaü̃xü̃. Rü yexgumarüxü̃ ta rü guxü̃ma ga naane ga naxme̱xwa yexmaxü̃wa nanaxü ga yema naxüxchaü̃xü̃.

Nüxíraxü̃xü̃ ga popera ga ãẽ̱xgacügüchiga 7:3

Rü guma omütagü rü 45 nixĩ ga norü mu. Rü 3 chimüü̃ nixĩ ga norü omütagü rü wüxichimüü̃chigüwa rü nayexma ga 15 ga omütagü ga norü caxtawa nucune. Rü ñu̱xũchi guma omütaétüwa nananucu ga mürapewa ga iyaxcüxü̃ ga ocayiwanaxca̱x.

Nüxíraxü̃xü̃ ga popera ga ãẽ̱xgacügüchiga 9:1

Yexguma Charomóü̃ marü yanguxẽẽgu ga Cori ya Tupanapata ga taxü̃ne, rü guma ãẽ̱xgacüpata, rü guxü̃ma ga togü ga naxüxchaü̃xü̃, rü Cori ya Tupana rü wenaxarü Charomóü̃ca̱x nango̱x yema Gabaóü̃wa naxca̱x nango̱xgurüxü̃.

Ichaía 22:8

Rü Yudáanecüã̱xgü rü taxuxü̃ma ínanapoxü̃. Rü ngẽma i ngunexü̃gu rü Yerucharéü̃cüã̱x rü nüxna narüyoü̃ ya yima Naxnepataxü̃ ya Naixnecüwa Ngẽxmane.