Nüxíraxü̃xü̃ ga popera ga ãẽ̱xgacügüchiga 6:12 - Tupanaarü Ore

^12-13 —Ñu̱xma nax cunaxüxü̃ ya chopata ya taxü̃ne, rü cumaxã nüxü̃ chixu, rü ngẽxguma chi chorü mugü nüxü̃ ixuxü̃ãcüma cumaxü̃gu rü chi nagu quixũxgu i guxü̃ma i chorü mugü, rü choma rü tá chayanguxẽxẽ ga yema uneta ga cunatü ga Dabímaxã nüxü̃ chixuxü̃ ga cuchiga. Rü petanüwa tá chamaxü̃ rü tagutáma pexna chixũgachi i pema i Iraéanecüã̱xgü i chorü duü̃xü̃gü nax pixĩgüxü̃ —ñanagürü.

Nüxíraxü̃xü̃ ga popera ga ãẽ̱xgacügüchiga 6:12 Referans Kwoze

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 22:10

Rü nüma tá nixĩ i naxüaxü̃ ya chopata ya taxü̃ne. Rü ñoma chaunexü̃chirüxü̃ tá nixĩ rü choma rü tá ñoma nanatürüxü̃ chixĩ. Rü tá nüxü̃ charüngü̃xẽxẽxü̃ nax nüma rü nane rü nataagü guxü̃gutáma ãẽ̱xgacü yixĩxü̃ i Iraéanewa”, ñanagürü ga Tupana.

Colosenses 1:23

Natürü ngéma nax pengugüxü̃ca̱x, rü penaxwa̱xe nax guxü̃guma aixcüma peyaxõgüxü̃ rü taguma nüxü̃ perüxoexü̃ i ngẽma ore i mexü̃ ga marü nüxü̃ pexĩnüexü̃ nachiga i ngẽma maxü̃ i ípenangu̱xẽẽxü̃. Rü ngẽmatama ore nixĩ i ñu̱xma gúxü̃ i naanewa nüxü̃ yaxugüexü̃, rü choma i Pauru nixĩ i nawa chapuracüxü̃ nax nüxü̃ chixuxü̃ca̱x i ngẽma ore.

Wiyaegü 132:12

Yerü ñacurügü nüxü̃: —Cuchicüxü tá wüxi i cunexü̃ chaxuneta nax nüxí ãẽ̱xgacü yixĩxü̃ca̱x. Rü ngẽxguma cunegü chauga naxĩnüegu rü yanguxẽẽgüãgu i ngẽma chorü mugü i namaxã nüxü̃ chixuxü̃ rü ngẽma nanegü rü tá ta nüxí guxü̃gutáma ngẽma curü tochicaxü̃wa narütogü nax Iraéanecüã̱xarü ãẽ̱xgacügü yixĩgüxü̃ca̱x —ñacurügü.

Nüxíraxü̃xü̃ ga popera ga ãẽ̱xgacügüchiga 3:14

Rü ngẽxguma mea cunaxü̱xgu i chorü ngúchaü̃ rü cuyanguxẽẽgu i chorü mugü yema cunatü ga Dabí naxüxü̃rüxü̃, rü choma rü tá chanamaxẽxẽ i curü maxü̃ —ñanagürü ga Tupana.

Chacaría 3:7

—Cori ya Tupana ya Guxãétüwa Ngẽxmacü rü ñanagürü cuxü̃: “¡Chaucümagu ixũ rü yanguxẽxẽ i guxü̃ma i ngẽma cumaxã nüxü̃ chixuxü̃! Rü ngẽxguma ngẽmaãcü cunaxü̱xgu, rü cuxme̱xgu tá chanaxǘ ya chopata ya taxü̃ne rü naa̱xtü nax nüxna cudauxü̃ca̱x. Rü tá cuxna chanaxã i cuchica i natanüwa i ñaa chorü duü̃xü̃gü i daxũcüã̱x i choxü̃́ puracüexü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 28:9

Pa Chaunex, Pa Charomóü̃x ¡ẽcü naga naxĩnü ya chorü Tupana rü guxü̃ma i curü ngúchaü̃maxã rü curü ĩnü i mexü̃maxã naxü i ngẽma cuxü̃ namuxü̃! Erü nüma ya Cori ya Tupana rü nanangugü i ngẽma taãẽwa ngẽxmaxü̃ rü nüxü̃ nacua̱x i guxü̃ma i ngẽma nagu rüxĩnüxü̃. Rü ngẽxguma tá cuma naxca̱x cuda̱u̱xgu, rü nüma rü tá cuxü̃tawa nangẽxma. Natürü ngẽxguma nüxna quixũgachigu, rü nüma rü tá cuxü̃ ínata̱xüchi.

2 Chamué 7:5

—¡Naxü̃tawa naxũ ya chorü duü̃ ya Dabí rü namaxã idexa rü namaxã nüxü̃ ixu i choma i Cori ya Tupana nax chixĩxü̃ rü ñacharügü: “Taxũtáma cuma nixĩ i cha̱u̱xca̱x cunaxüxü̃ ya yima ĩpata ya taxü̃ne ya nawa tá changexmane!

Nüxíraxü̃xü̃ ga popera ga ãẽ̱xgacügüchiga 6:11

Rü yexguma ga nüma ga Cori ya Tupana rü Charomóü̃maxã nüxü̃ nixu rü ñanagürü:

Yeremía 7:5

Natürü ngẽxguma chi penamexẽẽgu i perü maxü̃ rü nüxü̃ perüxoegu nax chixexü̃ pexügüxü̃, rü chi wüxichigü pegü pengechaü̃gügu rü aixcümaxü̃ pegümaxã pixuxgu, rü chi mea nüxü̃́ penaxütanügu i ngẽma to i nachixü̃anecüã̱xgü i pexü̃́ puracüexü̃, rü chi mea namaxã ipecua̱xgux i ngẽma taxcutagü rü yutegüxe, rü chi tama ñaa nachicagu natüca̱xmamare tüxü̃ pima̱xgu ya yíxema tama chixexü̃ ügüchiréxe, rü chi nüxü̃ perüxoegu nax nüxü̃ picua̱xüü̃güxü̃ i ngẽma tupananetachicüna̱xã i ngearü maxü̃ã́xü̃ i pegütama namaxã pechixexẽẽgüxü̃, rü ngẽxguma i choma rü tá nawa pexü̃ chamaxẽxẽxẽ i ñaa naane ga perü o̱xigüna chaxãxü̃ nax guxü̃gutáma noxrü yixĩxü̃ca̱x.