Nüxíraxü̃xü̃ ga popera ga ãẽ̱xgacügüchiga 6:1 - Tupanaarü Ore

¹ Rü yexguma ãgümücü ga taunecü ãẽ̱xgacü yixĩxgu ga Iraéanewa, rü nüma ga Charomóü̃ inanaxügü ga nax naxüaxü̃ ga guma Tupanapata ga taxü̃ne. Rü gumá taunecügu ga norü taxre ga tauemacü ga Chíxgu nixĩ ga inaxügüãxü̃. Rü yexguma guma Tupanapata ga taxü̃ne ixügügu, rü marü 480 ga taunecü ningu ga nax Equítuanewa ínachoxü̃xü̃ ga Iraétanüxü̃.

Nüxíraxü̃xü̃ ga popera ga ãẽ̱xgacügüchiga 6:1 Referans Kwoze

Ngechuchuarü ngúexü̃gü ga yamugüxü̃arü puracüchiga 7:47

Natürü Dabí nane ga Charomóü̃ nixĩ ga naxücü ga gumá Tupanapata ga taxü̃ne ga Tupanaca̱x ixĩxü̃ne.

Nüxíraxü̃xü̃ ga popera ga Pedru ümatüxü̃ 2:5

Rü ngẽxgumarüxü̃ ta i pemax, rü Tupana pexü̃ nade nax napataarü nutagü ya maxẽcü pixĩgüxü̃. Rü pema nixĩ i Tupanaarü ngü̃xẽẽruü̃gü i üünexü̃ ya Ngechuchu ya Cristuégagu Tupanana ãmare pexãgüxü̃. Rü ngẽma ãmare i nüxna pexãgüxü̃ i namaxã nataãẽxü̃ rü ngẽma nixĩ i perü maxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:19

Rü ngẽxgumarüxü̃ ta ya yimá chaune ya Charomóü̃ ¡rü nüxna naxã i wüxi i naãxẽ i cugu rüxĩnüxü̃ nax ngẽmaãcü mea nagu namaxü̃xü̃ca̱x i ngẽma curü mugü rü curü ucu̱xẽgü rü cucümagü, rü ngẽmaãcü naxüaxü̃ca̱x ya yima cupata ya taxü̃ne ya naxca̱x chananutaque̱xene i ngẽmaxü̃gü! —ñanagürü ga Dabí.

Nüxíraxü̃xü̃ ga popera ga ãẽ̱xgacügüchiga 6:37

Rü yexguma marü norü ãgümücü ga taunecü ãẽ̱xgacü yixĩxgu ga Charomóü̃, rü tauemacü ga Chífgu nixĩ ga inata̱xgüãxü̃ ga gumá nutagü ga tacü ga Tupanapata ga taxü̃ne nawa ixügücü.

Popera ga Yudíugü ga yaxõgüxü̃ca̱x ümatüxü̃ 11:10

Rü nüma ga Abráü̃, rü woo ĩpata ga naxchirunaxca̱xmaxãmare yema naanegu naxãpata, natürü ínanangu̱xẽxẽ nax nawa tá nanguxü̃ ya yima ĩane ya taguma iyarüxoxü̃ne ya nüma ya Tupana norü ĩnümaxã daxũguxü̃ i naanewa naxüxü̃ne.

Popera ga Yudíugü ga yaxõgüxü̃ca̱x ümatüxü̃ 9:11

Natürü i ñu̱xma rü marü ínangu ya Cristu. Rü nüma nixĩ i aixcüma tórü Chacherdóteeru i tórü ngü̃xẽẽruxü̃ yixĩxü̃ i Tupanape̱xewa, rü nagagu nixĩ i nangẽxmaxü̃ i maxü̃ i taguma gúxü̃. Rü gumá Tupanapata i ngextá taétüwa ínachogüxü̃wa rü aixcüma naxüüne. Rü tama gumá ĩpata ga naxchirunaxca̱x ga duü̃xü̃gümare üxü̃nerüxü̃ nixĩ erü daxũguxü̃ i naanewa nangẽxma.

Colosenses 2:7

Rü wüxi i nanetü i waixü̃müwa meama yaxũ̱xchúma̱xaxü̃rüxü̃ rü pema rü name nax meama Cristuwa peyaxũ̱xgüxü̃ i perü õwa, yema pexü̃ tangúexẽẽxü̃rüxü̃. Rü name nixĩ i guxü̃guma Tupanana moxẽ pexãgü.

2 Corintios 6:16

¿Rü ñuxãcü Tupanapatawa nangẽxmaxü̃ i tupananetachicüna̱xãgü? Erü yixema rü Tupana ya Maxü̃cüpata tixĩgü, rü tawa namaxü̃ i nümax. Rü nümatama ya Tupana rü ñanagürü: “Ngẽma duü̃xü̃gütanüwa tá chamaxü̃, rü natanügu tá chayarüxũũxü̃. Rü norü Tupana tá chixĩ, rü nümagü rü tá chorü duü̃xü̃gü nixĩgü”, ñanagürü.

1 Corintios 6:19

¿Tama ẽ̱xna nüxü̃ pecua̱x i pexene rü Tupanaãxẽ i Üünexü̃pata nax yixĩxü̃? Rü pegu nixĩ i naxãchiü̃xü̃ i Naãxẽ ya Üünexü̃ ya Tupana pexna muxü̃. Rü ngẽmaca̱x i pema rü tama pexenearü yora pixĩgü.

Chacaría 6:15

Rü ngẽxguma tá Cori ya Tupanaga pexĩnüegu, rü nua tá naxĩ i togü i duü̃xü̃gü i yáxü̃wa ne ĩxü̃, rü pexü̃ tá narüngü̃xẽẽgü nawa i Tupanapata ya taxü̃nearü mexẽxẽ. Rü ngẽxguma tá yanguxgu i ngẽma rü pema rü tá nüxü̃ pecua̱x nax Tupana ya Guxãétüwa Ngẽxmacü yixĩxü̃ i nua choxü̃ muxü̃ nax pemaxã nüxü̃ chixuxü̃ca̱x i norü ore.

Ãẽ̱xgacügü ga guxchaxü̃güarü mexẽxẽruü̃gü 11:26

Rü marü 300 ya taunecü marü nua ĩanegü ga Ebóü̃wa rü Aroéwa rü norü ĩanexacügüwa tamaxẽ. Rü naétü guxü̃nema ga ĩanegü ga natü ga Arnóü̃cutüwa yexmagünewa tamaxẽ. ¿Rü tü̱xcüü̃ tama yema ngunexü̃gügu tomaxã nüxü̃ pixu nax pexü̃́ nachu̱xuxü̃ ga yema naane?

Iraétanüxü̃arü muxchiga 1:1

Rü yexguma norü taxre ga taunecüwa nanguxgu nax Equítuanewa ínachoxü̃xü̃, rü gumáarü taxre ga tauemacügu nixĩ ga Tupana ga Moichémaxã yadexaxü̃ nawa ga guma norü tügümüne ga napata ga Chinaíarü chianexü̃wa yexmane.

Ngechuchuarü ngúexü̃gü ga yamugüxü̃arü puracüchiga 13:19

Rü yemawena Tupana nanadai ga 7 ga natücumügü ga Canaáü̃anecüã̱xgü nax tórü o̱xigüna naxããxü̃ca̱x ga yema naanegü nax tümaarü yaxĩgüxü̃ca̱x

Nüxíraxü̃xü̃ ga popera ga ãẽ̱xgacügüchiga 6:2

Rü guma Tupanapata ga taxü̃ne ga ãẽ̱xgacü ga Charomóü̃ Cori ya Tupanaca̱x üxü̃ne rü 27 metru nixĩ ga norü ma̱x, rü 9 metru nixĩ ga norü tachiã, rü 13 metruarü ngãxü̃ nixĩ ga norü máchane.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 6:10

rü Yoanáü̃ nixĩ ga nanatü ga Acharía ga chacherdóte ixĩcü nawa ga Tupanapata ga taxü̃ne ga Charomóü̃ Yerucharéü̃gu üxü̃ne.

Édra 5:11

Rü nüma rü toxü̃ nangãxü̃gü rü ñanagürügü: “Toma rü yimá Tupana ya daxũguxü̃ i naanearü üruxü̃ rü ñoma i naanearü üruü̃arü duü̃xü̃gü tixĩgü. Rü ítanamexẽxẽ ya daa napata ya taxü̃ne ga nũxcümaxü̃chima ga torü o̱xigüarü ãẽ̱xgacü ga Charomóü̃ üxü̃ne”, ñanagürügü.

Wiyaegü 78:69

Rü yexma nanaxü ga napata ga máchanene ga dauxü̃wa nguxü̃ne nax guxü̃guma ngéma nangẽxmaechaxü̃ca̱x ñoma i naane ngẽxmaechaxü̃rüxü̃.

Aguéu 1:8

¡Rü dauxchitawa pexĩ rü ngéma mürapewa pede! ¡Rü nua penana rü ngẽmamaxã wena penaxü̱x ya yima chopata ya taxü̃ne! Rü choma rü tá taãẽãcü ngéma changexma rü ngéma tá ichanawe̱x i chorü üüne.

Ínachoxü̃xü̃chiga 12:41

Rü yematama ngunexü̃ ga nagu 430 ga taunecüwa nax nanguxü̃gu nixĩ ga yema nachixü̃anewa ínachoxü̃xü̃ ga guxü̃ma ga Cori ya Tupanaarü duü̃xü̃gü ga Iraétanüxü̃.

Ínachoxü̃xü̃chiga 12:51

Rü yematama ngunexü̃gu rü nüma ga Cori ya Tupana rü nügütanüxü̃maxãchigü Equítuanewa ínanamuxü̃ ga Iraétanüxü̃.

Norü taxre ga to ga popera ga ãẽ̱xgacügüchiga ümatüxü̃ 3:3

Rü yema naxma̱xü̃ ga nagu nanuxü̃ ga gumá nutagü ga namaxã inaxügücü ga guma Tupanapata ga taxü̃ne ga Charomóü̃ üxü̃ne rü 27 metru nixĩ ga norü ma̱x. Rü norü tachiã ga guma Tupanapata ga taxü̃ne rü 9 metru nixĩ.

Echequié 41:1

Rü yemawena ga gumá yatü rü Tupanapata ga taxü̃nearü aixepewa choxü̃ naga. Rü nanangu ga norü yacü ga guma taxre ga caxtagü ga norü ĩã̱xcüwawa yexmagüne. Rü wüxichigü ga guma caxtagü, rü 3 metru nixĩ ga norü yaxcü.