Nüxíraxü̃xü̃ ga popera ga ãẽ̱xgacügüchiga 5:9 - Tupanaarü Ore9 Rü ngẽma chorü puracütanüxü̃ rü tá Líbanuwa ne nanatúgü i ngẽma naixpütagü rü ñu̱xmatáta márwa nangugü. Rü ngéma rü tá nügüwa nayana̱i̱xgü rü ngẽmaãcü tá nayatugü ñu̱xmatáta ngẽma türe i chomaxã cuxunetaxü̃wa nangugü. Rü ngéma rü tá ínayawẽgü rü cuma tá cunanugü. Rü natanü ya yima naixpütagü rü chanaxwa̱xe nax chauxü̃tawa cunamugüxü̃ i õnagü naxca̱x i ngẽma duü̃xü̃gü i chopatawa ngẽxmagüxü̃ —ñanagürü ga Iráü̃. Gade chapit la |
Rü ñu̱xũchi naxca̱x nadaugü ga ĩpataarü üruü̃gü ga nutaarü ñaxcuruü̃gü rü corapinagü, rü diẽrumaxã nüxü̃́ nanaxütanü. Rü Líbanuanewa ga Tíruwa rü Chidóü̃wa naxca̱x nataxegü ga mürapewa ga ocayiwagü. Rü yema mürapewa rü õnamaxã, rü bínumaxã, rü oribuarü chíxü̃maxã nanaxütanügü. Rü yema mürapewagü rü Líbanuanewa nixĩ ga ne nanaaxü̃. Rü márpechinügu nayana ñu̱xmata Yópearü türewa nangugü, yerü yemaacü nixĩ ga nüxna naxãgaxü̃ ga Pérchiaanearü ãẽ̱xgacü ga Chíru.
Rü Eróde rü namaxã nanu ga Tírucüã̱xgü rü Chidóü̃cüã̱xgü. Natürü ga yema Tírucüã̱xgü rü Chidóü̃cüã̱xgü rü naxca̱x nadaugü nax ñuxãcü Eródexü̃ nangüxmüxẽẽgüxü̃, yerü Eródechiü̃anewa nixĩ ga nayauxgüãxü̃ ga nabü. Rü yemaca̱x ga yema Tírucüã̱xgü rü Chidóü̃cüã̱xgü rü wüxi ga Eródearü ngü̃xẽẽruxü̃ ga Bátumaxã naxãmücügü nax nüxü̃ nangü̃xẽẽxü̃ca̱x nax Eródemaxã yadexagüxü̃ca̱x.
Rü ngẽxguma nua nangugügu i ngẽma rü toma rü tá Líbanuwa tanade i ngẽma naixpütagü i cuma cunaxwa̱xexü̃. Rü toma rü tá nügüwa tayana̱i̱xgü i ngẽma naixpütagü rü ngẽmaãcü tá márgu tayana ñu̱xmatáta Yópearü türewa nangugü. Rü ngẽxguma ngéma nangugügu, rü cuma tá Yerucharéü̃wa cunana —ñanagürü ga Tíruarü ãẽ̱xgacü ga Iráü̃ norü poperawa.
Rü yexguma ga choma rü chaugümaxã ñachagürü: —Ñu̱xmax i duü̃xü̃gü rü choxü̃ nataxẽẽgü rü nüxü̃ nixugü nax choma rü nüxü̃ chacua̱xüchixü̃ norü yexera ga yema nüxíra ãẽ̱xgacügü ixĩgüxü̃ ga Yerucharéü̃wa. Yerü chaugü ichaxã nax naxca̱x chadauxü̃ nax cua̱x choxü̃́ yexmaxü̃ nax nüxü̃ chacuáxü̃ca̱x i ta̱xacü nixĩ i aixcüma mexü̃ rü ta̱xacü nixĩ i natüca̱xmamare ixĩxü̃. Natürü nüxü̃ chicua̱xãchi rü guxü̃ma i ngẽma nagu charüxĩnüxü̃ rü ñoma buanecüxü̃ yayauxchaü̃cürüü̃mare nixĩ —chaugümaxã ñachagürü.