Nüxíraxü̃xü̃ ga popera ga ãẽ̱xgacügüchiga 5:6 - Tupanaarü Ore

⁶ Rü ngẽmaca̱x, Pa Ãẽ̱xgacüx, Pa Iráü̃x, rü cuxna chaca i ñu̱xmax nax ñaa i puracüwa choxü̃ curüngü̃xẽẽxü̃ca̱x. ¡Rü namu i curü duü̃xü̃gü nax Líbanuarü naixnecüwa ocayiwa choxü̃́ ne nadexü̃ca̱x! Rü chomax rü tá chorü duü̃xü̃gü ngéma chamugü nax curü duü̃xü̃güxü̃ nangü̃xẽẽgüxü̃ca̱x. Rü chomax rü tá cuxü̃́ chanaxütanü i ngẽma naxca̱x ícuca̱xaxü̃ẽ̱xpü̱x naxca̱x i curü duü̃xü̃güarü puracü. Erü cuma nüxü̃ cucua̱x rü taxúema ya Iraéanecüã̱xgü nüxü̃ tacua̱x nax mürapewa tayaxuxü̃ i ngẽma curü duü̃xü̃gü i Chidóü̃cüã̱xgürüxü̃ —ñanagürü.

Nüxíraxü̃xü̃ ga popera ga ãẽ̱xgacügüchiga 5:6 Referans Kwoze

Norü taxre ga to ga popera ga ãẽ̱xgacügüchiga ümatüxü̃ 2:8

Rü ngẽxgumarüxü̃ ta chanaxwa̱xe i nua cunamugü i Líbanucüã̱x i ocayiwapütagü rü chiprepütagü rü cháü̃darupütagü. Erü ngẽma curü duü̃xü̃gü rü nüxü̃ nicua̱x nax ñuxãcü Líbanuanewa nadeaxü̃ i ngẽma naixpütagü. Rü choma rü tá ngéma chanamugü i chorü puracütanüxü̃ nax curü puracütanüxü̃xü̃ nangü̃xẽẽgüxü̃ca̱x.

Filipenses 4:8

Rü ñu̱xma Pa Chauenexẽgüx, rü name nixĩ i nagu perüxĩnüe i guxü̃ma i ngẽma ore i aixcüma ixĩxü̃, rü guxü̃ma i ngẽma nacüma i taxucürüwama texé chixri nachiga idexaxü̃. Rü name nixĩ i nagu perüxĩnüe i guxü̃ma i ngẽma ore i aixcüma mea iwéxü̃, rü guxü̃ma i ngẽma Tupanape̱xewa mexü̃, rü guxü̃ma i nacümagü i duü̃xü̃gü namaxã taãẽxü̃, rü guxü̃ma i ngẽma nacümagü i duü̃xü̃gü mea nachiga idexagüxü̃. Rü ngẽmaãcü name nixĩ i nagu perüxĩnüe i guxü̃ma i ngẽma nacümagü i mexü̃ nax nüxü̃ icua̱xüü̃güxü̃.

Efesios 4:7

Natürü wüxichigü i yixema rü tanayaxu i ngẽma cua̱xgü i Cristu tüxna ãxchaü̃xü̃.

Romanos 12:17

Rü ngẽxguma texé chixexü̃ pexca̱x ínguxẽẽgu, ¡rü taxṹ i chixexü̃maxã pexütanüxü̃! Natürü name nixĩ i pegü peporaexẽxẽ nax mexü̃ pexügüxü̃ca̱x nape̱xewa i guxü̃ma i duü̃xü̃gü.

Wiyaegü 29:5

Rü ngẽma naga ya Cori ya Tupana rü nanabüü̃chacüxü ya yima ocayiwagü ya Líbanuwa ngẽxmagüne.

Édra 3:7

Rü ñu̱xũchi naxca̱x nadaugü ga ĩpataarü üruü̃gü ga nutaarü ñaxcuruü̃gü rü corapinagü, rü diẽrumaxã nüxü̃́ nanaxütanü. Rü Líbanuanewa ga Tíruwa rü Chidóü̃wa naxca̱x nataxegü ga mürapewa ga ocayiwagü. Rü yema mürapewa rü õnamaxã, rü bínumaxã, rü oribuarü chíxü̃maxã nanaxütanügü. Rü yema mürapewagü rü Líbanuanewa nixĩ ga ne nanaaxü̃. Rü márpechinügu nayana ñu̱xmata Yópearü türewa nangugü, yerü yemaacü nixĩ ga nüxna naxãgaxü̃ ga Pérchiaanearü ãẽ̱xgacü ga Chíru.

Norü taxre ga to ga popera ga ãẽ̱xgacügüchiga ümatüxü̃ 2:10

Rü choma rü tá cuxna chanana i 4’400,000 litrugü i trigu, rü 4’400,000 litrugü i chebáda. Rü 440,000 litrugü ya bínu, rü 440,000 litrugü i chíxü̃ nax ngẽmamaxã naxãwemügüxü̃ca̱x i ngẽma puracütanüxü̃ —ñanagürü ga Charomóü̃.

Nüxíraxü̃xü̃ ga popera ga ãẽ̱xgacügüchiga 6:20

Rü yema nachiã ga Üünexüchixü̃ rü 9 metru nixĩ ga norü ma̱x, rü norü taxmachiã rü 9 metru ta nixĩ rü norü máchanemachiã rü 9 metru ta nixĩ. Rü Charomóü̃ rü nachiã ga üünexüchixü̃pe̱xegu nanaxǘ ga wüxi ga pumarate̱xearü guruxü̃ ga ocayiwanaxca̱x. Rü úirumaxã nanapexene ga guxü̃wama.

Nüxíraxü̃xü̃ ga popera ga ãẽ̱xgacügüchiga 6:16

Rü Tupanapata ga taxü̃neweama rü nanaxü ga wüxi ga ĩxmachiã. Rü 9 metru nixĩ ga norü tachiã rü norü máchiã rü norü máchanechiã. Rü yema naxchiã rü mürapewagü ga ocayiwanaxca̱xmaxã nanatüchiã ga guxü̃wama. Rü yemaacü nanamexẽxẽ ga yema naxmachiã nax ucapu ga Üünexüchixü̃ nax yixĩxü̃ca̱x.

Naanearü ügüchiga 10:15

Rü Canaáü̃ nixĩ ga nanatü ga Chidóü̃ ga nüxíraü̃cü ga nane. Rü nai ga nane nixĩ ga Éx. Rü Canaáü̃wa nangóe ga Yebuchéugü, rü Amoréutanüxü̃, rü Guerguechéugü, rü Ebéugü, rü Arachéugü, rü Chinéugü, rü Arbadéugü, rü Chemaréugü rü Amatéugü. Rü yixcama ga guxü̃ma ga yema Canaáü̃tanüxü̃ rü nügüna nixĩgü. Rü yema norü naane ga nawa nayexmagüxü̃ ga Canaáü̃tanüxü̃, rü ĩane ga Chidóü̃wa inaxügü rü Gueráxanemaxã nangau rü ñu̱xmata ĩane ga Gáchawa nangu. Rü yéma rü ĩanegü ga Chodóma, rü Gomóra, rü Axmá, rü Cheboíü̃wa nada rü ñu̱xmata ĩane ga Léchawa nangu.

Nüxíraxü̃xü̃ ga popera ga ãẽ̱xgacügüchiga 5:7

Rü nüma ga Iráü̃ rü nataãẽxüchi namaxã ga yema dexa ga Charomóü̃ yéma muxü̃, rü ñanagürü: —Tupanaxü̃ chicua̱xüxü̃, erü Dabína nanamu ga wüxi ya nane ya nüxü̃ cuácü nax ãẽ̱xgacü nax yixĩxü̃ca̱x i Iraéanecüã̱xgüchixü̃anewa —ñanagürü.

Nüxíraxü̃xü̃ ga popera ga ãẽ̱xgacügüchiga 9:27

Rü Iráü̃ rü guma wapurugüwa nanamu ga norü churaragü ga marínugü nax Charomóü̃arü churaragü ga marínugümaxã inacua̱xgüxü̃ca̱x nawa ga guma wapurugü. Yerü nümagü ga Iráü̃arü churaragü rü meama nüxü̃ nacua̱xgü nax márwa wapurugu naxĩxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 22:4

Rü yexgumarüxü̃ ta nananutaque̱xe ga muxü̃ma ga mürapewagü ga ocayiwanaxca̱x, yerü ga ĩanegü ga Chidóü̃cüã̱xgü rü Tírucüã̱xgü rü muxü̃ma ga mürapewagü ga ocayiwanaxca̱x yéma nana.

Chacaría 11:12

Rü ngẽxguma rü ñacharügü: —Ngẽxguma pexca̱x namexgu, ¡rü chorü puracüca̱x choxü̃́ penaxütanü! Natürü ega tama perü me yixĩxgu, ¡rü ngexrüma choxü̃́ penaxütanüxü̃! —ñacharügü. Rü choxü̃́ nanaxütanügü ga 30 tachinü ga diẽru.

Wenaxarü naxümatü ga Tupanaarü mugü 17:16

Rü ngẽma ãẽ̱xgacü i nüxü̃ pexunetaxü̃ rü tama name nax nüma naxca̱x nataxexü̃ i muxũchixü̃ i cowarugü rü bai Equítuanewa nax namugüãxü̃ i duü̃xü̃gü nax to i cowarugüca̱x yataxegüxü̃ca̱x. Erü nüma ya Cori ya Tupana rü tüxna nanachu̱xu nax naxca̱x iwoeguxü̃ i ngẽma nachixü̃ane.

Nüxíraxü̃xü̃ ga popera ga ãẽ̱xgacügüchiga 9:19

Rü yexgumarüxü̃ ta nayamexẽẽgü ga guxü̃nema ga guma ĩanegü ga õnagü nagu nanutaque̱xegüne, rü ĩpatagü ga churaraweü̃gü ga carugü ga daixruü̃gü nagu nucune, rü ĩpatagü ga cowarugü ga dairuü̃gü nawa yexmagüne. Rü nanaxü ga guxü̃ma ga yema Yerucharéü̃wa rü Líbanuwa naxüxchaü̃xü̃. Rü yexgumarüxü̃ ta rü guxü̃ma ga naane ga naxme̱xwa yexmaxü̃wa nanaxü ga yema naxüxchaü̃xü̃.

Nüxíraxü̃xü̃ ga popera ga ãẽ̱xgacügüchiga 10:26

Charomóü̃ rü nananutaque̱xe ga carugü rü duü̃xü̃gü ga cowarugümaxã icua̱xgüxü̃. Rü nüxü̃́ nayexma ga 1,400 ga carugü ga churaraweü̃gü rü 12,000 ga duü̃xü̃gü ga cowarugümaxã icua̱xgüxü̃. Rü guma carugü ga dairuxü̃ rü churaragüpatagu namaxã nanguxü̃. Rü guma naigü rü ãẽ̱xgacüpatana nadaugü ga Yerucharéü̃wa.

Norü taxre ga to ga popera ga ãẽ̱xgacügüchiga ümatüxü̃ 1:14

Charomóü̃ rü nananutaque̱xe ga caru ga dairuü̃wexü̃ rü churaragü ga cowarugu ĩxü̃. Rü nüxü̃́ nayexma ga 1,400 ga carugü rü 12,000 ga churaragü ga cowarugu ĩxü̃. Rü gumá carugü ga dairuü̃gü rü yema churaragü ga cowarugu ĩxü̃, rü ñuxre ga ĩanegü ga churaragü nawa yexmagünegu nayanu, rü naigü rü churaragü ga ãẽ̱xgacüna daugüxü̃xü̃ nayanu ga Yerucharéü̃wa.