Nüxíraxü̃xü̃ ga popera ga ãẽ̱xgacügüchiga 5:1 - Tupanaarü Ore

¹ Rü yexguma Iráü̃ ga ĩane ga Tíruarü ãẽ̱xgacü nüxü̃ cua̱xgux ga Charomóü̃ rü nanatü ga Dabíchicüxü ãẽ̱xgacü nax yixĩxü̃, rü nüma ga Iráü̃ rü yéma Charomóü̃xü̃tawa nanamugü ga norü ngü̃xẽẽruü̃gü nax nüxü̃ namoxẽxü̃ca̱x, yerü guxü̃guma Dabíxü̃ nangechaü̃.

Nüxíraxü̃xü̃ ga popera ga ãẽ̱xgacügüchiga 5:1 Referans Kwoze

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 14:1

Rü Iráü̃ ga ĩane ga Tíruarü ãẽ̱xgacü ixĩcü rü Dabíxü̃tawa nanamugü ga ñuxre ga norü ngü̃xẽẽruü̃gü nax Dabímaxã yanadexagüxü̃ca̱x. Rü ñu̱xũchi yéma nanamugü ta ga yatügü ga nüxü̃ icuáxü̃ ga nutaarü mexẽẽcüwagü rü corapinagü. Rü yema duü̃xü̃gü rü yéma nanana ga mürapewagü ga ocayiwanaxca̱x nax yemamaxã naxügüãxü̃ca̱x ga guma Dabípata.

Norü taxre ga to ga popera ga ãẽ̱xgacügüchiga ümatüxü̃ 2:3

Rü yemawena ga Charomóü̃ rü ĩane ga Tíruarü ãẽ̱xgacü ga Iráü̃xü̃tawa namuga rü ñanagürü: —Cuxna chaca nax choxü̃ curüngü̃xẽẽxü̃ yema chaunatü ga Dabíxü̃ curüngü̃xẽẽgurüxü̃ ga yexguma mürapewagü ga ocayiwanaxca̱x núma cumugügu nax naxüaxü̃ca̱x ga ãẽ̱xgacüpata.

2 Chamué 5:11

Rü Iráü̃ ga ĩane ga Tíruarü ãẽ̱xgacü ixĩcü rü Dabíxü̃tawa nanamugü ga ñuxre ga norü ngü̃xẽẽruü̃gü nax Dabímaxã yanadexagüxü̃ca̱x. Rü ñu̱xũchi yéma nanamugü ta ga yatügü ga nüxü̃ icuáxü̃ ga nutaarü mexẽẽcüwagü rü corapinagü. Rü yema duü̃xü̃gü rü yéma nanana ga mürapewagü ga ocayiwanaxca̱x nax yemamaxã naxügüã̱xü̃ca̱x ga guma Dabípata.

Nüxíraxü̃xü̃ ga popera ga ãẽ̱xgacügüchiga 5:10

Rü yemaacü ga Iráü̃ rü Charomóü̃na nanana ga guxü̃ma ga yema ocayiwapüta rü pinupüta ga nanaxwa̱xexü̃.

Amúx 1:9

Rü nüma ya Cori ya Tupana rü ñanagürü ta: —Ngẽma Tírucüã̱xgü rü poraãcü chixexü̃ naxügü rü ngẽmaca̱x taxũtáma íchayachaxãchi nax chanapoxcuexü̃. Yerü nüma ga yema Tírucüã̱xgü rü woo nügümaxã nanaxuegu nax nügü tá nangü̃xẽẽgüxü̃, natürü nüma i Tírucüã̱xgü rü Edóü̃cüã̱xgüxü̃ tümamaxã nataxegüama ga ñuxre ga ĩaneãcugü ga guxema tümamaxã inaxügagüchiréxe

Wiyaegü 45:12

Pa Pacü i Tírucüã̱x, ngẽma duü̃xü̃gü i curü ĩanewa poraãcü diẽruã̱xü̃chigüxü̃ rü mexẽchixü̃ i ãmare tá cuxna naxãgü nax ngẽmamaxã cuxü̃ íyapuxẽẽgüxü̃ca̱x.

Nüxíraxü̃xü̃ ga popera ga ãẽ̱xgacügüchiga 5:13

Rü yexguma ga Charomóü̃ rü 30,000 ga puracütanüxü̃ nade ga guxü̃ma ga Iraéanewa.

2 Chamué 8:10

Rü nüma ga Toí rü nane ga Yoráü̃xü̃ Dabíxü̃tawa namu nax moxẽ nüxna yaxãxü̃ca̱x rü nataãẽxẽẽãxü̃ca̱x yerü norü uanü ga Adáx-échexü̃ narüporamae. Rü yéma Dabíca̱x nanana ga yemaxü̃gü ga diẽrumünaxca̱x, rü úirunaxca̱x, rü bróũchenaxca̱x. Rü nüma ga Toí rü ta rü Adáx-échemaxã nügü nadai ga ü̃paacü.

Ichaía 23:1

Ñaa nixĩ i ore i ĩane ya Tíruca̱x ixĩxü̃: Rü yima wapurugü ya Tárchixwa ne ĩxü̃nearü yoragü rü nügümaxã naxauxe, erü ngẽma Tíruarü türe i nawa ínachoü̃xü̃ rü nachixe. Rü ngẽma türe i wapuruarü choü̃chica i nawa wapurugü íchoü̃xü̃xü̃ i ngẽxguma Chíprewa ne naxĩxgu rü marü poraãcü nachixe.

Naanearü ügüchiga 15:18

Tupana rü yematama ngunexü̃gu Abráü̃maxã inaxuneta rü ñanagürü nüxü̃: —Choma tá cutaagüna chanaxã i guxü̃ma i ñaa naane i Equítuanearü natüwa inaxügü rü ñu̱xmatáta ngẽma natü i Eufrátewa nangu.

Ínachoxü̃xü̃chiga 34:24

Rü choma rü tá íchanawoxü̃ i ngẽma togü i nachixü̃anegücüã̱x nax ngẽmaãcü nataxü̃ca̱x i ngẽma perü naane. Rü ngẽmaãcü i ngẽxguma chope̱xewa pexĩxgu, rü choxü̃ picua̱xüü̃gügu rü taxúetama pexna tanapu i ngẽma perü naane.

Iraétanüxü̃arü muxchiga 24:7

Rü pemax, Pa Iraétanüxü̃x, rü tá pexü̃́ nangẽxma i taxü̃ i dexá nax nawa pexaxegüxü̃ca̱x rü penetügü namaxã pimegüxü̃ca̱x. Rü perü ãẽ̱xgacü rü ngẽma ãẽ̱xgacü ya Agáxmaxã tá inacua̱x. Rü nüma ya perü ãẽ̱xgacü rü guxãétüwa tá nangẽxma.

Wenaxarü naxümatü ga Tupanaarü mugü 20:11

Rü ngẽxguma ngẽma duü̃xü̃gü ya yima ĩanewa maxẽxü̃ rü nayauxgüã̱xgu i ngẽma namaxã nüxü̃ pixuxü̃, rü pexü̃ nachocuxẽẽgu, rü nümagü rü tá pexme̱xwa nangẽxmagü rü tá perü mugüruü̃gü nixĩgü.

1 Chamué 10:27

Natürü nayexmagü ta ga duü̃xü̃gü ga Chaúmaxã chixexü̃gu rüxĩnüexü̃ rü ñagüxü̃: —¿Ñuxãcü tá i ñaa yatü i tamaxã inacuáxü̃? —ñagüxü̃. Rü yemaacü nüxü̃ naxõõ̱xgü rü tama namaxã nataãẽgü. Natürü nüma ga Chaú rü tama yemagu narüxĩnü.

Nüxíraxü̃xü̃ ga popera ga ãẽ̱xgacügüchiga 10:25

Rü ñu̱xũchi wüxichigü ga taunecügu rü guxü̃ma ga yema íyadaugüxü̃ rü norü ãmaregümaxã yéma naxĩĩxü̃, rü nüxna nanaxã ga diẽrumü rü úiru, rü naxchiru rü naxnegü, rü pumaragü, rü cowarugü rü mulagü.

Norü taxre ga to ga popera ga ãẽ̱xgacügüchiga ümatüxü̃ 9:26

Rü nüma ga ãẽ̱xgacü ga Charomóü̃ rü namaxã inacua̱x ga guxü̃ma ga yema ãẽ̱xgacügü ga natü ga Eufrátewa yexmagüxü̃ rü ñu̱xmata Firitéugüarü naanewa nangu rü ñu̱xmata Equítuanearü üyeanewa nangu.

Norü taxre ga to ga popera ga ãẽ̱xgacügüchiga ümatüxü̃ 17:11

Rü woo nümaxü̃ ga Firitéutanüxü̃ rü Yochapáxü̃tawa nanana ga norü ãmaregü, rü nüxü̃́ nanaxütanügü ga yema diẽru ga Yochapáx ueguxü̃. Rü yexgumarüxü̃ ta ga Arábiaanecüã̱x rü Yochapána nanamugü ga 7,700 ga carnérugü, rü yexgumaepü̱x ta ga chíbugü.

Édra 4:20

Rü ngẽxgumarüxü̃ ta nüxü̃ itayangau rü nũxcümaxü̃chima rü nayexmagü ga guma ĩanearü ãẽ̱xgacügü ga iporaxüchixü̃ ga namaxã icuáxü̃ ga guxü̃ma ga naanegü ga taxtü ga Eufrátearü oéstewaama yexmagüxü̃. Rü yema naanegücüã̱x ga naxme̱xwa yexmagüxü̃ rü nüxü̃́ nanaxütanügü ga taxü̃ ga diẽru.

Wiyaegü 72:8

Rü nüma ya ãẽ̱xgacü rü name nixĩ i namaxã inacuáxü̃ i guxü̃ma i naanegü i márwa ixüxgüxü̃ rü ñu̱xmata to i márwa nangu. Rü ngẽma nixĩ i naanegü i taxtü i Eufrátewa ixügüxü̃ rü ñu̱xmata naane íyacuáxü̃wa nangu.

Wiyaegü 80:12

Rü ñu̱xmax, Pa Tupanax ¿rü tü̱xcüü̃ cuyawa̱xẽxẽ i ngẽma úbanecüarü poxeguxü̃ rü ngẽmaca̱x nüxü̃́ natauxcha i ngẽma duü̃xü̃gü i ngéma chopetüxü̃ nax nacauü̃ãxü̃ca̱x i norü o?

Echequié 19:11

Rü ngẽma nachacüügü rü niporaxüchi, rü ngẽma nachacüügüwa nanaxügü ya ãẽ̱xgacügüarü naixmena̱xãgü. Rü poraãcü natatanü rü narümáchanexü̃chi. Rü guxü̃ma i togü i naigüxü̃ narümáchanemae, rü ngẽmaca̱x yáxü̃gu nüxü̃ tadau.

Ore i mexü̃ ga Luca ümatüxü̃ 7:5

Erü nüma ya torü capitáü̃ rü guxü̃ i Yudíugüxü̃ nangechaü̃. Rü nümatama nanaxütanü nax naxügüã̱xü̃ca̱x ga tórü ngutaque̱xepataxü̃ —ñanagürügü.