Nüxíraxü̃xü̃ ga popera ga ãẽ̱xgacügüchiga 4:3 - Tupanaarü Ore

³ Rü yema to ga taxre rü Erioré rü Aía ga Chichá nanegü nixĩgü. Rü nümagü nixĩ ga naxümatügüãxü̃ ga guxü̃ma ga yema Iraéanewa ngupetüxü̃. Rü Yochapáx ga Ailúx nane rü ãẽ̱xgacüarü poperaarü ümatüruxü̃ nixĩ. Rü nüma nixĩ ga naxümatüaxü̃ ga guxü̃ma ga yema ngupetüxü̃ ga ãẽ̱xgacü íyexmaxü̃wa.

Nüxíraxü̃xü̃ ga popera ga ãẽ̱xgacügüchiga 4:3 Referans Kwoze

2 Chamué 8:16

Rü norü churaragümaxã icuáxü̃ nixĩ ga Yoá ga Cheruiá nane. Rü ãẽ̱xgacüarü poperaarü ümatüruxü̃ nixĩ ga Yochapáx ga Ailúx nane.

Ichaía 62:6

Pa Yerucharéü̃cüã̱xgüx, choma rü perü ĩanearü poxeguxü̃tapü̱xétügu chanamugü i dauruü̃gü. Rü nümagü rü ngunecü rü chütacü tá pexü̃ ñanagürügü: —Pema ya Tupanaxü̃ icua̱xüü̃güxe, ¡rü taxṹ i perüchianegüxü̃! ¡Rü taxṹ i penangü̃xẽẽxü̃ ya Tupana ñu̱xmatáta wena naxü ya Yerucharéü̃ nax wüxi ya ĩane ya tachigane yixĩxü̃ca̱x! —ñanagürügü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 18:15

Rü gumá norü churaragümaxã icuácü nixĩ ga Yoá ga Cheruiá ngĩne. Rü Yochapáx ga Ailúx nane nixĩ ga Dabíarü poperaarü ümatüruxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 18:6

Rü yemawena rü nüma ga Dabí rü yexma Chíriaanearü ĩane ga Damácugu nayaxüpata ga norü churaragü. Rü yemaacü ga Chíriaanecüã̱xgü rü Dabíme̱xẽwa nayexmagü rü nüxü̃́ nanaxütanügü ga yema diẽru ga Dabí nagu unetaxü̃. Rü yemaacü ga Tupana rü Dabíxü̃ narüporamaexẽxẽ ga ngextá ínaxũxü̃wa.

1 Chamué 14:3

Rü yema chacherdóte ga Tupanaarü Efóxarü ngeruxü̃ nixĩ ga Aíax ga Aitúx nane. Rü nüma ga Aitúx rü Icabú naenexẽ nixĩ. Rü Icabú rü Fineéx nane nixĩ. Rü Fineéarü papa ga Erí nixĩ ga Tupanaarü chacherdóte ga ĩane ga Chilówa. Natürü ga duü̃xü̃gü rü tama nüxü̃ nacua̱xgü nax Yonatáü̃ rü marü inaxũãchixü̃.

2 Chamué 20:23

Rü nüma ga Yoá nixĩ ga guxü̃ma ga Iraéanearü churaragümaxã inacuáxü̃, natürü nüma ga Benaía ga Yoiadá nane rü ãẽ̱xgacüarü dauruü̃gü ga Queretéugümaxã rü Peretéugümaxã inacua̱x.