Nüxíraxü̃xü̃ ga popera ga ãẽ̱xgacügüchiga 4:11 - Tupanaarü Ore

¹¹ Rü Ben-abinadá rü ãẽ̱xgacü nixĩ ga guxü̃ma ga Dóxanewa. Rü naxma̱x rü Táfa ga Charomóü̃acü iyixĩ.

Nüxíraxü̃xü̃ ga popera ga ãẽ̱xgacügüchiga 4:11 Referans Kwoze

Yochué 17:11

Rü yexgumarüxü̃ ta Ichacáarü naanewa rü Achéarü naanewa Manachéna naxǘ ga ñuxre ga ĩanegü norü ĩanexacügümaxã. Rü daagü nixĩ: Bex-cheáü̃, rü Ibeáü̃, rü Dóx, rü Endóx, rü Taanáx, rü Meguídu, rü ñu̱xũchi guma tomaepü̱x ga ma̱xpǘnegü.

Yochué 12:23

ĩane ga Dóx ga Nafóx Dóxanewa yexmanearü ãẽ̱xgacü, rü ĩane ga Goíü̃ ga Guirigáanewa yexmaxnearü ãẽ̱xgacü, rü ĩane ga Tircháarü

Ãẽ̱xgacügü ga guxchaxü̃güarü mexẽxẽruü̃gü 1:27

Yema Manachétanüxü̃ rü taxucürüwa guma ĩanegü ga Bex-cheáü̃wa rü Taanáxwa rü Dóxwa rü Ibeáü̃wa rü ñu̱xũchi Meguíduwa ínanawoxü̃ ga yema duü̃xü̃gü ga guma ĩanegüwa maxẽxü̃. Rü woo ga guma ĩanegüarü ngaicamawa yexmagüxü̃ ga ĩanexacügüarü duü̃xü̃gü rü taxucürüwa ínanawoxü̃. Rü yemaacü ga yema Canaáü̃tanüxü̃ rü yématama namaxẽ.

Yochué 11:1

Rü yexguma Yabíü̃ ga Achóxarü ãẽ̱xgacü nüxü̃ cuáchigagu ga yema nüxü̃ ngupetüxü̃ ga yema ĩanegü ga daiãcuxü̃, rü norü orearü ngeruü̃güxü̃ namuãchitanü naxca̱x ga yema togü ga ãẽ̱xgacügü nax nügü nangü̃xẽẽgüxü̃ca̱x. Rü yema ãẽ̱xgacügü ga naxca̱x yéma namugaxü̃ rü ñaagü nixĩ: Ĩane ga Madóü̃arü ãẽ̱xgacü ga Yobáx, rü Chimróü̃arü ãẽ̱xgacü, rü Axcháarü ãẽ̱xgacü, rü guxü̃ma ga ãẽ̱xgacügü ga ínamáxpü̱xanexü̃wa yexmagüxü̃ ga nórtewaama, rü guxü̃ma ga ãẽ̱xgacügü ga natü ga Yudáü̃arü Dóxraanewa yexmagüxü̃ ga naxtaxa ga Quinérexarü súrwaama ügüxü̃, rü yema ãẽ̱xgacügü ga Dóxarü Dóxraanewa yexmagüxü̃ ga oéstewaama, rü yema Cananéugü ga éstewaama rü oéstewaama yexmagüxü̃, rü yema Amoréutanüxü̃, rü Itítagü, rü Ferechéugü, rü Yebuchéugü ga ma̱xpǘneanegu ãchiü̃güxü̃, rü Ebéugü ga ma̱xpǘne ga Ermóü̃gu ãchiü̃güxü̃ ga Mispáarü naanewa yexmagüxü̃.

1 Chamué 16:6

Rü yexguma Tupanaxü̃ íyacua̱xüü̃güxü̃wa nangugügu ga Ichaxí rü nanegü, rü nüma ga Chamué rü Ichaxí nane ga Eriáxü̃ nadawenü rü ñaxü̃gu narüxĩnü: —Cuxá daa nixĩ ya yimá yatü ya Tupana nayaxucü nax Iraéanecüã̱xgüarü ãẽ̱xgacü yixĩxü̃ca̱x —ñaxü̃gu narüxĩnü.

1 Chamué 16:8

Rü yexguma ga Ichaxí rü nane ga Abinadáca̱x naca, rü Chamuéxü̃tawa nanaga. Natürü nüma ga Chamué rü nüxü̃ nixu ga tama gumá nax yixĩxü̃ ga Tupana nayaxucü.

1 Chamué 16:9

Rü yemawena ga Ichaxí rü nane ga Chamáxü̃ Chamuéxü̃tawa naga, natürü nüma ga Chamué rü ñanagürü: —Tama daa nixĩ ya Tupana nayaxucü —ñanagürü.

Nüxíraxü̃xü̃ ga popera ga ãẽ̱xgacügüchiga 4:15

Rü Aimaá ga Charomóü̃xacü ga Bachemáxmaxã ãmaxü̃ rü ãẽ̱xgacü nixĩ ga Netaríanewa.