Nüxíraxü̃xü̃ ga popera ga ãẽ̱xgacügüchiga 4:1 - Tupanaarü Ore

¹ Rü nüma ga Charomóü̃ rü guxü̃ma ga Iraéanecüã̱xgüarü ãẽ̱xgacü nixĩ.

Nüxíraxü̃xü̃ ga popera ga ãẽ̱xgacügüchiga 4:1 Referans Kwoze

Ngu̱xẽẽtaeruü̃arü ore 1:12

Rü choma i orearü uruxü̃, rü Iraétanüxü̃arü ãẽ̱xgacü chixĩ ga Yerucharéü̃wa.

Norü taxre ga to ga popera ga ãẽ̱xgacügüchiga ümatüxü̃ 9:30

Rü nüma ga Charomóü̃ rü 40 ga taunecü nixĩ ga Yerucharéü̃wa ãẽ̱xgacü yixĩxü̃ rü guxü̃ma ga Iraéanemaxã inacuáxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 12:38

Rü guxü̃ma ga yema churaragü rü daica̱x ínamemaregü. Rü taãẽãcü Ebróü̃wa naxĩ nax Dabíxü̃ yangucuchixẽẽgüxü̃ca̱x nax guxü̃ma i Iraétanüxü̃arü ãẽ̱xgacü yixĩxü̃ca̱x. Rü guxü̃ma ga yema togü ga Iraétanüxü̃ rü yexgumarüxü̃ ta yemagutama narüxĩnüe.

Nüxíraxü̃xü̃ ga popera ga ãẽ̱xgacügüchiga 11:13

Natürü taxũtáma guxü̃ i ñaa naane nüxna chayaxu. Rü wüxi i Iraéanecüã̱xtücumümaxã tá ichanacua̱xẽxẽ i cune, erü cunatü ga Dabígu rü yima ĩane ya Yerucharéü̃ ya choma chayaxúnegu charüxĩnü —ñanagürü ga Cori ya Tupana.

2 Chamué 5:5

Rü Ebróü̃wa rü 7 ga taunecüarü ngãxü̃ nixĩ ga Yudáanearü ãẽ̱xgacü yixĩxü̃. Rü ñu̱xũchi Yerucharéü̃wa rü guxü̃ma ga Iraéane rü Yudáanearü ãẽ̱xgacü nixĩ ga 33 ga taunecü.

Nüxíraxü̃xü̃ ga popera ga ãẽ̱xgacügüchiga 3:28

Rü guxü̃ma ga Iraéanecüã̱xgü rü nüxü̃ nacuáchigagü ga yema ãẽ̱xgacü üxü̃ ga ñuxãcü nanamexẽẽãxü̃ ga yema taxüchixü̃ ga guxchaxü̃. Rü yemaca̱x nüxü̃ nangechaü̃gü yerü nüxü̃ nacuáchigagü ga ñuxãcü Tupana cua̱x nüxna ãxü̃ nax namexẽẽãxü̃ca̱x ga guxchaxü̃gü.

Nüxíraxü̃xü̃ ga popera ga ãẽ̱xgacügüchiga 4:2

Rü yema norü ngü̃xẽẽruü̃gü rü ñaagü nixĩ: Acharía ga chacherdóte ga Chadóx nane nixĩ ga wüxi.

Nüxíraxü̃xü̃ ga popera ga ãẽ̱xgacügüchiga 12:6

Rü yexgumayane ga nüma ga ãẽ̱xgacü ga Roboáü̃ rü naxca̱x nangema ga yema ucu̱xẽruü̃gü ga nanatü ga Charomóü̃axü̃́ puracüexü̃ ga yexguma namaxü̱̃xgux. Rü nüxna naca rü ñanagürü: —¿Ta̱xacümaxã i choxü̃ pixucu̱xẽxü̃ i pemax, rü ñuxãcü tá chanangãxü̃gaxü̃ i ñaa duü̃xü̃gü? —ñanagürü.

2 Chamué 8:15

Rü nüma ga Dabí rü guxü̃ma ga Iraéanearü ãẽ̱xgacü nixĩ. Rü meama guxü̃ma ga norü duü̃xü̃gümaxã inacua̱x.

2 Chamué 20:23

Rü nüma ga Yoá nixĩ ga guxü̃ma ga Iraéanearü churaragümaxã inacuáxü̃, natürü nüma ga Benaía ga Yoiadá nane rü ãẽ̱xgacüarü dauruü̃gü ga Queretéugümaxã rü Peretéugümaxã inacua̱x.

Norü taxre ga to ga popera ga ãẽ̱xgacügüchiga ümatüxü̃ 1:13

Rü yemawena rü nüma ga Charomóü̃ rü nataegu nawa ga guma Tupanapata ga Gabaóü̃wa yexmane. Rü Yerucharéü̃wa naxũ rü yéma Iraéanearü ãẽ̱xgacü nixĩ.

Neemía 13:26

—¿Tama ẽ̱xna yematama pecadu nixĩ ga nagu nanguxü̃ ga Iraétanüxü̃arü ãẽ̱xgacü ga Charomóü̃? Rü woo guxü̃ma ga yema togü ga nachixü̃anegütanüwa rü nataxuma ga ãẽ̱xgacü ga naxrüxü̃ poraxü̃ rü woo Tupana poraãcü nüxü̃ nangechaü̃ rü guxü̃ma ga Iraétanüxü̃arü ãẽ̱xgacüxü̃ nayangucuchixẽxẽ, natürü yema ngexü̃gü ga togü ga nachixü̃anecüã̱xgü rü Charomóü̃xü̃ pecadugu nangu̱xẽẽgü.