Nüxíraxü̃xü̃ ga popera ga ãẽ̱xgacügüchiga 3:9 - Tupanaarü Ore

⁹ Rü ngẽmaca̱x chanaxwa̱xe i choxna cunaxã i cua̱x nax ngẽmaãcü mea namaxã ichacuáxü̃ca̱x i curü duü̃xü̃gü rü nüxü̃ chacuáxü̃ca̱x i ta̱xacü nixĩ i mexü̃ rü ta̱xacü nixĩ i chixexü̃. ¿Erü texé tüxü̃́ natauxcha nax namaxã itacuáxü̃ i ñaa curü duü̃xü̃gü i muxũchixü̃? —ñanagürü ga Charomóü̃.

Nüxíraxü̃xü̃ ga popera ga ãẽ̱xgacügüchiga 3:9 Referans Kwoze

Popera ga Chantiágu ümatüxü̃ 1:5

Ngẽxguma chi petanüwa wüxíe tüxü̃́ nataxuxgu i tümaarü cua̱x, rü name nixĩ i Tupanana taca. Rü nüma rü norü ngúchaü̃maxã tá mea guxãna nanaxã rü taxũtáma tümamaxã naxaxü.

Ucu̱xẽgüchiga 16:16

Ngẽma nax cua̱x tüxü̃́ ngẽxmaxü̃ rü úiruarü yexera narümemae. Rü ngẽma nax taãẽxü̃ icuáxü̃, rü diẽruarü yexera narümemae.

Popera ga Yudíugü ga yaxõgüxü̃ca̱x ümatüxü̃ 5:14

Natürü yíxema yaxṍxe ya nüxü̃ cuáxe nax mea tanangugüxü̃ nax ta̱xacü yixĩxü̃ i ngu̱xẽẽtae i mexü̃ rü ẽ̱xna chixexü̃, rü aixcüma nüxü̃ tacua̱x i Tupanaarü ore. Rü yíxema rü ñoma wüxi i duü̃xü̃ i yáxü̃ i namachimaxã ãwemüxü̃rüxü̃ tixĩ.

Ore i mexü̃ ga Cuáü̃ ümatüxü̃ 5:30

Choma rü taxucürüwa ta̱xacü chaxü chauechamatama ega tama choxü̃ naxüxẽẽãgu ya Chaunatü. Rü Chaunatü chomaxã nüxü̃ ixuxü̃ãcüma nixĩ i nüxna chacaxü̃ i duü̃xü̃gü i norü maxü̃chiga. Rü ngẽxguma nüxna chacaxgu rü aixcüma meama chanangugü i duü̃xü̃gü. Erü tama choxrütama ngúchaü̃ nixĩ i ngẽma chaxüxü̃, natürü Chaunatü ya nua choxü̃ mucüarü ngúchaü̃ nixĩ i ngẽma chaxüxü̃.

2 Chamué 14:17

Rü chomax nax curü duü̃xü̃ chixĩxü̃ rü íchayanguxẽxẽ i ngẽma curü ngãxü̃, Pa Ãẽ̱xgacüx, nax choxü̃ nataãẽxẽẽxü̃ca̱x, erü cumax, Pa Ãẽ̱xgacüx, rü ñoma wüxi i daxũcüã̱x i Tupanaarü orearü ngeruxü̃rüxü̃ nüxü̃ cucua̱x nax ngexü̃rüüxü̃ yixĩxü̃ i mexü̃ rü chixexü̃. ¡Rü Cori ya Tupana cuxü̃tawa ngexma̱x, Pa Ãẽ̱xgacü! —ngĩgürügü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 22:12

Rü nüma ya Cori ya Tupana rü marü cuxna nanaxã i ĩnü i mexü̃ rü curü cua̱x. Rü ngẽxguma nüma cuxü̃ yangucuchixẽẽgu nax Iraétanüxü̃arü ãẽ̱xgacü quixĩxü̃ ¡rü yanguxẽxẽ i ngẽma norü mugü ya Cori ya curü Tupana!

Popera ga Chantiágu ümatüxü̃ 3:17

Natürü guxãma ya yíxema aixcüma tüxü̃́ nangẽxmagüxe i ngẽma cua̱x i Tupanawa ne ũxü̃, rü taxuxü̃ma i chixexü̃ taxü, rü tama tanuewa̱xe, rü timecüma, rü itarüxĩnüe i ucu̱xẽgü, rü tangechaxü̃tümüxü̃wa̱xegü, rü duü̃xü̃güétüwa tachogü, rü tixaixcümagü, rü mexü̃ taxügü.

Efesios 5:17

Rü ñu̱xma rü tama name i duü̃xü̃gü i ngẽãẽmarexü̃ãcü pemaxẽ. Rü name nixĩ nax nüxü̃ pecuáxü̃ i ta̱xacü nixĩ i tórü Cori pexü̃́ naxwa̱xexü̃ nax penaxüxü̃.

Wiyaegü 119:144

Erü ngẽma curü mugü rü guxü̃guma name. ¡Rü choxna naxã i cua̱x nax ngẽmaãcü nagu chamaxü̃xü̃ca̱x i ngẽma curü mugü! -19-

Wiyaegü 119:34

¡Rü cua̱x choxna naxã nax ngẽmaãcü tama nüxü̃ charüngümaxü̃ca̱x i curü mugü! Rü aixcümaxü̃chi guxü̃gutáma naga chaxĩnüchaü̃.

2 Corintios 3:5

Rü tama tóxrütama cua̱xmaxã nixĩ i tanaxüxü̃ i ngẽma puracü. Natürü guxü̃ma i ngẽma taxüxü̃ rü Tupanaarü ngü̃xẽẽmaxã nixĩ i tanaxüxü̃.

Ore i mexü̃ ga Matéu ümatüxü̃ 3:14

Rü nüma ga Cuáü̃ rü tama Ngechuchuxü̃ ínabaiexẽẽchaü̃ ga noxri. Rü ñanagürü nüxü̃: —Choxü̃waxi nixĩ i namexü̃ nax ícubaiexẽẽxü̃. ¿Rü ñuxãcü i cuma i chauxü̃tawa cuxũxü̃ nax choma cuxü̃ íchabaiexẽẽxü̃ca̱x? —ñanagürü.

Ngu̱xẽẽtaeruü̃arü ore 7:11

Rü ngẽma cua̱x rü ñoma i naanewa maxẽxü̃ i duü̃xü̃güca̱x rü name. Natürü ngẽma nax cua̱x tüxü̃́ ngẽxmaxü̃ rü naétü diẽru tüxü̃́ ngẽxmaxü̃ nixĩ i rümemaexü̃.

Ucu̱xẽgüchiga 20:12

Nüma ya Cori ya Tupana, rü tüxna nanaxã i taxmachixẽ nax nüxü̃ ixĩnüxü̃ca̱x, rü tüxna nanaxã ya taxetü nax nüxü̃ idauxü̃ca̱x.

Norü taxre ga to ga popera ga ãẽ̱xgacügüchiga ümatüxü̃ 1:10

¡Rü ẽcü choxna naxã i cua̱x nax chauãẽxü̃ chacuáxü̃ca̱x rü mea namaxã ichacuáxü̃ca̱x i ñaa curü duü̃xü̃gü i muxũchixü̃! ¿Erü texé tüxü̃́ natauxcha nax namaxã itacuáxü̃ i guxü̃ma i ñaa curü duü̃xü̃gü? —ñanagürü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:19

Rü ngẽxgumarüxü̃ ta ya yimá chaune ya Charomóü̃ ¡rü nüxna naxã i wüxi i naãxẽ i cugu rüxĩnüxü̃ nax ngẽmaãcü mea nagu namaxü̃xü̃ca̱x i ngẽma curü mugü rü curü ucu̱xẽgü rü cucümagü, rü ngẽmaãcü naxüaxü̃ca̱x ya yima cupata ya taxü̃ne ya naxca̱x chananutaque̱xene i ngẽmaxü̃gü! —ñanagürü ga Dabí.

Filipenses 1:10

Rü ngẽmaãcü pexca̱x chayumüxẽ erü chanaxwa̱xe nax mea penangugüxü̃ i ta̱xacü nixĩ i aixcüma mexü̃ i Tupanape̱xewa. Rü chanaxwa̱xe nax aixcüma namexü̃ i perü maxü̃ nax taxuca̱xma ta̱xacüca̱x Tupana pexna caxü̃ca̱x i ngẽxguma ínanguxgu ya Cristu.

2 Corintios 2:16

Rü ngẽma duü̃xü̃gü i tama yaxõgüxü̃ca̱x rü Tupanaarü ore rü ñoma wüxi i guxpaanexü̃ i nayuexẽẽxü̃rüxü̃ nixĩ. Natürü ngẽma yaxõgüxü̃ca̱x rü ngẽma ore rü ñoma wüxi i pumaraema i namaxẽxẽẽxü̃rüxü̃ nixĩ. Rü ngẽmaca̱x ¿texéaxü̃́ natauxcha nax nüxü̃ tixuxü̃ i ngẽma Tupanaarü ore?

Ore i mexü̃ ga Matéu ümatüxü̃ 3:11

Choma rü dexáwamare pexü̃ íchabaiü̃xẽxẽ nax nüxü̃ perüxoexü̃ i pecüma i chixexü̃. Natürü yimá choweama ne ũcü rü choxü̃ narüporamaexü̃chi. Rü choma rü nape̱xewa rü taxuwama chame rü bai i norü chapatuarü ngewa chamexü̃. Rü nüma rü üxüemaãcü tá petanüwa nanamu i Tupanaãxẽ ya Üünecü.

Ngu̱xẽẽtaeruü̃arü ore 7:19

Rü ngẽma cua̱x rü 10 i ãẽ̱xgacügü i wüxi ya ĩanemaxã icua̱xgüxü̃arü poraarü yexera tüxü̃ naporaxẽxẽ ya yíxema cua̱x tüxü̃́ ngẽxmaxe.

Yeremía 1:6

Rü yexguma ga chomax rü chanangãxü̃ rü ñachagürü: —Acha̱xa, Pa Corix, Pa Tupanax, choma rü changextüxüxüchi rü tama nüxü̃ chacua̱x nax mea chidexaxü̃ —ñachagürü.

Ucu̱xẽgüchiga 14:8

Yimá yatü ya naãẽxü̃ cuácü, rü ngẽmamaxã nixĩ i nüxü̃ nacuáxü̃ i nacüma i mexü̃. Natürü ngẽma naechitamare maxü̃xü̃, rü nacüma i chixexü̃tama nixĩ i nawomüẽẽxü̃.

Wiyaegü 119:73

Rü cumatama nixĩ ga choxü̃ cungo̱xẽẽxü̃ rü maxü̃ choxna cuxãxü̃. Rü ngẽmaca̱x chanaxwa̱xe nax choxna cunaxãxü̃ i cua̱x nax choxü̃́ natauxchaxü̃ca̱x nax naxca̱x changúxü̃ i curü mugü.

Nüxíraxü̃xü̃ ga popera ga ãẽ̱xgacügüchiga 3:28

Rü guxü̃ma ga Iraéanecüã̱xgü rü nüxü̃ nacuáchigagü ga yema ãẽ̱xgacü üxü̃ ga ñuxãcü nanamexẽẽãxü̃ ga yema taxüchixü̃ ga guxchaxü̃. Rü yemaca̱x nüxü̃ nangechaü̃gü yerü nüxü̃ nacuáchigagü ga ñuxãcü Tupana cua̱x nüxna ãxü̃ nax namexẽẽãxü̃ca̱x ga guxchaxü̃gü.

Nüxíraxü̃xü̃ ga popera ga ãẽ̱xgacügüchiga 3:10

Rü nüma ga Cori ya Tupana rü namaxã nataãxẽ ga yema Charomóü̃ naxca̱x íca̱xaxü̃.

Nüxíraxü̃xü̃ ga popera ga ãẽ̱xgacügüchiga 10:24

Rü guxü̃ma ga togü ga nachixü̃anearü ãẽ̱xgacügü rü naxü̃tawa ínayadaugüchaü̃ nax nüxü̃ naxĩnüexü̃ca̱x ga yema cua̱x ga Tupana nüxna ãxü̃.

Yeremía 45:5

¿Ẽ̱xna cuma naxca̱x ícuca̱xaxü̃ i ta̱xacü i cugüca̱xicatama ixĩxü̃? ¡Rü taxṹ i naxca̱x ícuca̱xaxü̃! Erü choma rü tá íchananguxẽxẽ i taxü̃ i guxchaxü̃gü naxca̱x i guxü̃ma i duü̃xü̃gü. Natürü i cuma rü tá cuxna chadau nax tama cuyuxü̃ca̱x i ngextá ícuxũxü̃wa. Rü chomatama ya Tupana nixĩ i ngẽma ñachaxü̃ cuxü̃”, ñanagürü —ñanagürü ya Yeremía.

Danié 2:21

Rü nüma rü namaxã inacua̱x i guxü̃ma i ta̱xacü i ngupetüxü̃. Rü nüma nixĩ i yamucuchiaxü̃ rü ínamuxũchiaxü̃ i ãẽ̱xgacügü. Rü nüma nixĩ i cua̱x tüxna naxãxü̃ ya yíxema tümaãẽxü̃ icuáxe rü tüxü̃ nüxü̃ nacua̱xẽẽxü̃ ya yíxema idoeruxe.