Nüxíraxü̃xü̃ ga popera ga ãẽ̱xgacügüchiga 3:6 - Tupanaarü Ore

⁶ Rü nüma ga Charomóü̃ rü nanangãxü̃ga rü ñanagürü: —Cumax, Pa Chorü Tupanax, rü nüxü̃ cungechaü̃xü̃chi ga chaunatü ga Dabí ga curü duü̃xü̃ ixĩcü, yerü nüma rü meama cupe̱xewa inixũ, rü mexü̃ naxü, rü cupe̱xewa rü mea iniwe̱x ga norü maxü̃. Rü yemaca̱x poraãcü nüxü̃ cungechaü̃ rü wüxi ya nanena cunaxã nax nachicawa natoxü̃ca̱x rü Iraéanecüã̱xgüarü ãẽ̱xgacü yixĩxü̃ca̱x.

Nüxíraxü̃xü̃ ga popera ga ãẽ̱xgacügüchiga 3:6 Referans Kwoze

Nüxíraxü̃xü̃ ga popera ga ãẽ̱xgacügüchiga 9:4

Rü ngẽxguma cunatü ya Dabírüxü̃ mea chope̱xewa cumaxü̱̃xgu rü quixaixcümagu rü guxü̃gutáma naga cuxĩnügu i chorü mugü, rü choma rü guxü̃gutáma Iraéanewa ãẽ̱xgacügüxü̃ chayaxĩgüxẽxẽ i cunegü rü cutaagü, yema cunatü ga Dabímaxã ichaxunetaxü̃rüxü̃ ga yexguma namaxã nüxü̃ chixuxgu nax tagutáma nataxuxü̃ i nataagü i Iraéanecüã̱xgüarü ãẽ̱xgacü ixĩxü̃.

Nüxíraxü̃xü̃ ga popera ga ãẽ̱xgacügüchiga 1:48

Rü ñanagürü: “¡Namecümaxüchi ya Cori ya Iraéanearü Tupana ya ñu̱xma naxwa̱xecü nax wüxi i chaune chorü tochicaxü̃wa rütoxü̃ nax chauchicüxü ãẽ̱xgacü yixĩxü̃ca̱x, rü ñu̱xma chamaxyanetama rü nüxü̃ chadau yema chomaxã nüxü̃ yaxuxü̃rüxü̃”, ñanagürü ga Dabí —ñanagürü ga Yonatáü̃.

2 Corintios 9:11

Rü ngẽmaãcü i pema rü tá pexü̃́ nangẽxma i guxü̃ma i mexü̃ nax tauxchaãcüma nüxü̃ perüngü̃xẽẽgüxü̃ca̱x i togü. Rü ngẽxguma ngẽma taenexẽgü i Yudéaanewa ngẽxmagüxü̃xü̃tawa ngĩxü̃ tangegügu i ngẽma diẽru i naxca̱x ngĩxü̃ ipexãcü, rü nümagü rü tá poraãcü Tupanana moxẽ naxãgü ngĩxca̱x.

Nüxíraxü̃xü̃ ga popera ga ãẽ̱xgacügüchiga 2:4

Rü ngẽxguma ngẽmaãcü cunaxüxgux rü Tupana rü tá cuwa nayanguxẽxẽ ga yema uneta ga chomaxã nüxü̃ yaxuxü̃ ga yexguma ñaxgu choxü̃: “Rü ngẽxguma chi yimá cune rü cutaagü rü mea chauga naxĩnüegu rü aixcüma cha̱u̱xca̱x namaxẽgu rü tama choxna yaxĩgachixgu, rü guxü̃gutáma natanüwa tá nixĩ i Iraéanecüã̱xgüarü ãẽ̱xgacü ne naxũxü̃, rü tagutáma nataxu nax wüxi i cutaxa i Iraéanecüã̱xgüarü ãẽ̱xgacü yixĩxü̃”, ñanagürü choxü̃.

2 Corintios 9:5

Rü ngẽmaca̱x nixĩ i cha̱u̱xca̱x namexü̃ nax naxca̱x íchaca̱xaxü̃ i ngẽma taenexẽgü nax nüxíra petanüwa naxĩxü̃ca̱x rü nümatama pexü̃ yanangü̃xẽẽgüxü̃ca̱x nax ngĩxü̃ penutaque̱xegüxü̃ca̱x i ngẽma diẽru ga ü̃pamama ngĩxü̃ pixucü. Rü ngẽmaãcü aixcüma tá íimemare i ngẽma diẽru i ngẽxguma ngéma changuxgu. Rü ngẽmaãcü togü tá nüxü̃ nadaugü nax aixcüma perü ngúchaü̃maxã yixĩxü̃ nax ngĩxü̃ ipexãgüxü̃ rü tama aüãcüma.

Wiyaegü 119:17

Rü choma nax curü duü̃xü̃ chixĩxü̃ ¡rü choxna nadau nax tama chayuxü̃ca̱x rü ngẽmaãcü naga chaxĩnüxü̃ca̱x i curü ore!

Wiyaegü 116:7

Rü ñu̱xma rü wenaxarü chataãxẽ yerü nüma ga Cori ya Tupana rü chomaxã namecüma rü choxü̃ ínapoxü̃ nax tama chayuxü̃ca̱x rü tama axu ínguxü̃ca̱x rü tama chixexü̃gu changuxü̃ca̱x.

Wiyaegü 15:2

Rü yíxema tüxü̃́ nataxúxe i chixexü̃, rü mexü̃ üxe, rü aixcüma mexü̃ i orexü̃ ixuxe,

Norü taxre ga popera ga ãẽ̱xgacügüchiga 20:3

—Pa Corix, Pa Tupanax, cuxü̃ chaca̱a̱xü̃ nax nüxna cucua̱xãchixü̃ca̱x nax ñuxãcü cuxca̱x chapuracüxü̃ rü guxü̃guma chanaxüxü̃ ga yema cuma namaxã cutaãẽxü̃ —ñanagürü. Rü yema ñaxguwena rü ñu̱xũchi poraãcü naxaxu.

2 Chamué 7:5

—¡Naxü̃tawa naxũ ya chorü duü̃ ya Dabí rü namaxã idexa rü namaxã nüxü̃ ixu i choma i Cori ya Tupana nax chixĩxü̃ rü ñacharügü: “Taxũtáma cuma nixĩ i cha̱u̱xca̱x cunaxüxü̃ ya yima ĩpata ya taxü̃ne ya nawa tá changexmane!

Iraétanüxü̃arü muxchiga 12:7

Natürü chorü duü̃ ya Moichémaxã rü tama ngẽmaãcü chidexa. Erü guxü̃ma i chorü duü̃xü̃gütanüwa rü Moiché nixĩ ya chorü duü̃ ya yexera chauga ĩnücü.

Wiyaegü 13:6

Rü chorü wiyaemaxã tá Cori ya Tupanaxü̃ chicua̱xüxü̃ naxca̱x i norü ngü̃xẽxẽ i choxna naxãxü̃.

Nüxíraxü̃xü̃ ga popera ga ãẽ̱xgacügüchiga 15:5

Rü nüma ga Dabí rü mea Tupanape̱xewa namaxü̃ rü guxü̃guma naga naxĩnü rü nayanguxẽxẽ ga yema norü mu. Rü yema chixexü̃ ga Dabí üxü̃, rü Itítanüxü̃ ga Uríaxü̃ nax yamáxü̃xicatama nixĩ.

Nüxíraxü̃xü̃ ga popera ga ãẽ̱xgacügüchiga 3:14

Rü ngẽxguma mea cunaxü̱xgu i chorü ngúchaü̃ rü cuyanguxẽẽgu i chorü mugü yema cunatü ga Dabí naxüxü̃rüxü̃, rü choma rü tá chanamaxẽxẽ i curü maxü̃ —ñanagürü ga Tupana.

Norü taxre ga to ga popera ga ãẽ̱xgacügüchiga ümatüxü̃ 1:8

Rü nüma ga Charomóü̃ rü Tupanaxü̃ nangãxü̃ rü ñanagürü: —Cumax, Pa Tupanax, rü poraãcü chaunatü ga Dabí cuxü̃́ nangechaü̃tümüxü̃. Rü ñu̱xma rü chaunatüchicüxü ãẽ̱xgacüxü̃ choxü̃ quingucuchixẽxẽ.

Naanearü ügüchiga 24:40

Rü yexguma nüma ga chorü Cori rü choxü̃ nangãxü̃ rü ñanagürü: “Chomax, rü guxü̃guma naga chaxĩnü ya Tupana, rü ngẽmaca̱x i nüma rü tá nua nanamu i daxũcüã̱x i norü orearü ngeruxü̃ nax cuxü̃ naxümücüxü̃ca̱x, rü mea cuxü̃ nangupetüxü̃ca̱x i ngextá ícuxũxü̃wa. Natürü chanaxwa̱xe nax nua ngĩxü̃ cugaxü̃ ya wüxi ya pacü ya chautanüxü̃ ixĩ́cü nax chaune ngĩmaxã ãmaxü̃ca̱x.

2 Chamué 22:21

Rü nüma ga Cori rü choxü̃́ nanaxütanü yerü aixcüma mexü̃ chaxü rü nacümagu chixũ rü taguma nüxna chixũgachi ga chorü Tupana.

2 Chamué 22:25

Rü nüma ga Cori ya Tupana rü choxü̃́ nanaxütanü naxca̱x ga yema mexü̃ ga chaucüma ga nape̱xewa ichawéxü̃.