Nüxíraxü̃xü̃ ga popera ga ãẽ̱xgacügüchiga 3:4 - Tupanaarü Ore

⁴ Rü yemaca̱x Gabóü̃wa naxũxũxü̃ nax Cori ya Tupanaca̱x naxü̃nagü yexma yadaixü̃ca̱x. Yerü guma ma̱xpǘne nixĩ ga guxü̃ ga naigü ga ma̱xpǘnegüarü yexera rümáchanemaene. Rü Charomóü̃ rü yema nachicawa Tupanaca̱x nanadai rü ínanagu ga 1,000 ga naxü̃nagü.

Nüxíraxü̃xü̃ ga popera ga ãẽ̱xgacügüchiga 3:4 Referans Kwoze

Norü taxre ga to ga popera ga ãẽ̱xgacügüchiga ümatüxü̃ 7:5

Rü nüma ga ãẽ̱xgacü ga Charomóü̃ rü Tupanaca̱x ínanagu ga 22,000 ga wocagü ga iyatüxü̃ rü 120,000 ga carnérugü. Rü yemaacü nixĩ ga ãẽ̱xgacü rü guxü̃ma ga yema Iraétanüxü̃ ga Tupanaaxü̃́ yaxãxü̃chigüãxü̃ ga guma napata ga taxü̃ne.

Norü taxre ga to ga popera ga ãẽ̱xgacügüchiga ümatüxü̃ 1:3

Rü yexguma marü yexma nangutaque̱xegügu ga yema ãẽ̱xgacügü, rü nüma ga Charomóü̃ rü namaxã Gabaóü̃wa naxũ, yerü yéma nayexma ga guma Tupanapata ga naxchirunaxca̱x ga nũxcüma Tupanaarü duü̃ ga Moiché chianexü̃gu naxüxü̃ne.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 16:39

Rü Dabí rü chacherdóte ga Chadóxü̃ rü ñu̱xũchi namücügü i chacherdótegüxü̃ naxuneta nax Tupanapata ga nüxíraxü̃ne ga Gabaóü̃wa yexmanemaxã inacua̱xgüxü̃ca̱x.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 21:29

Rü yema ngunexü̃gügu ga guma Tupanapata rü yema ãmarearü guruxü̃ ga naxnücüanexü̃gu Moiché üxü̃ne, rü marü Gabaóü̃arü ma̱xpǘnewa nayexma.

Ichaía 40:16

Rü guxü̃ma i Líbanuanewa ngẽxmagüxü̃ i naeü̃gü rü tama ningu nax wüxi i ãmare Tupanaca̱x iguxü̃. Rü ngẽma Líbanuwa ngẽxmagüxü̃ i naigü rü tama ningu nax norü ãmarearü guruxü̃arü üxü yixĩxü̃ca̱x.

Yochué 9:3

Natürü nüma ga Ebéutanüxü̃ ga ĩane ga Gabaóü̃gu ãchiü̃güxü̃ rü ta nüxü̃ nacuáchigagü ga yema Yochué üxü̃ namaxã ga gumá ĩanegü ga Yericú rü Ái.

Norü taxre ga to ga popera ga ãẽ̱xgacügüchiga ümatüxü̃ 30:24

Yerü nüma ga Yudáanearü ãẽ̱xgacü ga Echequía rü yema duü̃xü̃güna nanamugü ga 1,000 ga wocagü ga iyatüxü̃ rü 7,000 ga carnérugü ga iyatüxü̃. Rü yema ãẽ̱xgacüarü ngü̃xẽẽruü̃gü rü duü̃xü̃güna nanamugü ta ga 1,000 ga wocagü ga iyatüxü̃ rü 10,000 ga carnérugü ga iyatüxü̃. Rü muxü̃ma ga chacherdótegü rü Tupanape̱xewa nügü nimexẽẽgü.

Nüxíraxü̃xü̃ ga popera ga ãẽ̱xgacügüchiga 8:63

Rü nüma ga Charomóü̃ rü Tupanaca̱x ínanagu ga 22,000 ga wocagü ga iyatüxü̃gü rü 120,000 ga carnérugü ga Tupanaarü taãẽxẽẽruxü̃. Rü yemaacü ga ãẽ̱xgacü rü guxü̃ma ga Iraétanüxü̃ rü Tupanana nanaxuaxü̃gü ga guma napata ga taxü̃ne.

Yochué 18:21

Rü guma ĩanegü ga Bẽyamíü̃tanüxü̃na ügüne rü daagü nixĩ: Yericú, Bex-orá, rü Eme-quéchi, rü Bex-arabá, rü Chemaraíü̃, rü Beté, rü Abíü̃, rü Pará, rü Ofá, rü Quéfa-aamuní, rü Oxní, rü Guéba. Rü guxü̃wama rü 12 ga ĩanegü nixĩ rü naétü ga norü ĩanexacügü.

1 Chamué 13:9

Rü yemaca̱x nüma ga Chaú rü norü duü̃xü̃güxü̃ namu rü ñanagürü: —¡Nua chauxü̃tawa penana i naxü̃nagü nax Tupanaca̱x nada̱i̱xü̃ca̱x rü ínaguxü̃ca̱x nax tamaxã inangüxmüxü̃ca̱x! —ñanagürü. Rü nümatama nixĩ ga Tupanaca̱x ínaguaxü̃.

Yeremía 28:1

Rü yexguma marü ãgümücü ga taunecü Yudáanewa ãẽ̱xgacü yixĩxgu ga Chedequía, rü gumátama taunecüarü wüxime̱e̱xpü̱x ga tauemacügu, rü yema orearü uruxü̃neta ga Ananía ga Achúx nane ga Gabaóü̃arü ĩanecüã̱x rü Yeremíamaxã nidexa ga Tupanapatawa, naxpe̱xewa ga chacherdótegü rü guxü̃ma ga duü̃xü̃güpe̱xewa, rü ñanagürü nüxü̃:

Norü taxre ga to ga popera ga ãẽ̱xgacügüchiga ümatüxü̃ 1:2

Rü yexguma nüma ga Charomóü̃ rü naxca̱x nangema ga guxü̃ma ga Iraéanearü ãẽ̱xgacügü: rü yema churaragüerugü ga 1,000 ga churaragümaxã icua̱xgüxü̃, rü yema churaragüerugü ga 100 ga churaragümaxã icua̱xgüxü̃, rü guxü̃ma ga yema Iraétücumügüarü ãẽ̱xgacügü, rü yema ãẽ̱xgacügü ga natanüxü̃maxã icua̱xgüxü̃ ga Iraéanewa.