Nüxíraxü̃xü̃ ga popera ga ãẽ̱xgacügüchiga 3:3 - Tupanaarü Ore3 Rü nüma ga Charomóü̃ rü Cori ya Tupanaxü̃ nangechaü̃ rü nayanguxẽxẽ ga yema mugü ga nanatü ga Dabí nüxü̃ ixuxü̃. Natürü Cori ya Tupanaca̱x ãmare nadai rü pumarate̱xe ínagu nawa ga yema nachicagü ga ma̱xpǘnewa yexmagüxü̃. Gade chapit la |
Nüxíraxü̃xü̃ ga popera ga ãẽ̱xgacügüchiga 3:3
51 Referans Kwoze
Rü ngẽxguma tá naga pexĩnüegu i ngẽma mugü i ñu̱xma pexü̃ chamuxü̃, rü nüxü̃ pengechaxü̃gu ya perü Cori ya Tupana, rü nagu pexĩxgu i ngẽma nüma nanaxwa̱xexü̃, rü peyanguxẽẽgu i norü mugü rü ucu̱xẽgü, rü mucü ya taunecü tá pemaxẽ, rü tá pimu, rü nüma ya Cori ya Tupana rü tá pexü̃ narüngü̃xẽxẽ nawa i ngẽma nachixü̃ane i nawa tá pengẽxmagüxü̃.
Rü nüma ga Charomóü̃ rü nanangãxü̃ga rü ñanagürü: —Cumax, Pa Chorü Tupanax, rü nüxü̃ cungechaü̃xü̃chi ga chaunatü ga Dabí ga curü duü̃xü̃ ixĩcü, yerü nüma rü meama cupe̱xewa inixũ, rü mexü̃ naxü, rü cupe̱xewa rü mea iniwe̱x ga norü maxü̃. Rü yemaca̱x poraãcü nüxü̃ cungechaü̃ rü wüxi ya nanena cunaxã nax nachicawa natoxü̃ca̱x rü Iraéanecüã̱xgüarü ãẽ̱xgacü yixĩxü̃ca̱x.
Rü ngẽxguma chi pema choxü̃ ñapegügu: ‘Toma rü torü Cori ya Tupanana nixĩ i tarüyoegüxü̃’, ñapegügu, ¿rü tü̱xcüü̃ ga Echequía rü nagu napogüxü̃ ga yema nachicagü ga nawa Tupanaca̱x nangutaque̱xegüxü̃ rü yema nachicagü ga nawa Tupanaca̱x yagugüxü̃ ga ãmaregü? ¿Rü ñu̱xũchi tü̱xcüü̃ Yudáanecüã̱xgüxü̃ rü Yerucharéü̃cüã̱xgüxü̃ namuxü̃ nax ngẽma Yerucharéü̃wa ngẽxmaxü̃ i ãmarearü guruü̃wa nüxü̃ yacua̱xüü̃güxü̃ca̱x ga Tupana?
Rü nüma ga Echequía nixĩ ga duü̃xü̃güxü̃ namuxü̃ nax nagu napogüexü̃ca̱x ga yema nachicagü ga tupananetachicüna̱xãgü nawa yexmagüxü̃. Rü guma nutagü ga duü̃xü̃gü nüxü̃ icua̱xüü̃gücü rü íxraxü̃gu nanapo. Rü yema Acheráchicüna̱xãgü rü nayapuexẽxẽ. Rü nagu nabügüe ga yema ãxtapechicüna̱xã ga bróũchenaxca̱x ga Moiché üxü̃ ga Iraéanecüã̱xgü nape̱xewa pumarate̱xe igugüxü̃. Rü yema ãxtapechicüna̱xã rü Neucháü̃gu nanaxüéga.
Rü nüma ga Yochapáx rü mexü̃ ga nacümagu nixũ, rü yema nanatü ga Achá nagu ixũxü̃gu nixũ. Rü guxü̃ma ga yema naxüxü̃ rü Cori ya Tupanape̱xewa rü name. Natürü tama inayanaxoxẽxẽ ga yema nachicagü ga nawa duü̃xü̃gü tupananetachicüna̱xãgüca̱x naxü̃nagü yagugüxü̃ rü pumara iyixichixü̃ naxca̱x nawa yagugüxü̃.
Rü ngẽxguma tá chauga cuxĩnügu i ngẽma cuxü̃ chamuxü̃ rü cunaxü̱xgu i ngẽma cha̱u̱xca̱x mexü̃ rü cuyanguxẽẽgu i chorü mugü, naxrüxü̃ ga chorü duü̃ ga Dabí, rü choma rü cuxü̃tawa tá changexma rü cuxme̱xwa tá chanangexmaxẽxẽ i Iraéane rü ngẽma cutaagü rü Iraéarü ãẽ̱xgacügüwa tá nangugü naxrüxü̃ ga Dabítaagü yema choma namaxã chaxueguxü̃rüxü̃.
Rü ngẽxguma cunatü ya Dabírüxü̃ mea chope̱xewa cumaxü̱̃xgu rü quixaixcümagu rü guxü̃gutáma naga cuxĩnügu i chorü mugü, rü choma rü guxü̃gutáma Iraéanewa ãẽ̱xgacügüxü̃ chayaxĩgüxẽxẽ i cunegü rü cutaagü, yema cunatü ga Dabímaxã ichaxunetaxü̃rüxü̃ ga yexguma namaxã nüxü̃ chixuxgu nax tagutáma nataxuxü̃ i nataagü i Iraéanecüã̱xgüarü ãẽ̱xgacü ixĩxü̃.
Rü ngẽxguma pema mea peyanguxẽẽ̱xgu i ñaa mugü i ñoma i ngunexü̃gu pexna chaxãxü̃, rü ngẽxguma aixcüma nüxü̃ pengechaü̃gügu ya Cori ya perü Tupana, rü ngẽxguma nüxü̃ picua̱xüü̃gügu guxü̃ne ya perü maxü̃nemaxã, rü guxü̃ i peãxẽmaxã, rü ngẽxguma i nüma ya Tupana rü tá ípetoexü̃gu nanapuxẽxẽ rü ñu̱xũchi ngẽxguma ngexwaca yaxo̱xgu i penetü rü tá wena nanapuxẽxẽ nax mea pexü̃́ nayaxü̃ca̱x rü yaxoxü̃ca̱x, rü pexü̃́ nangemaxü̃ca̱x i perü trigu, rü perü bínu, rü perü chíxü̃.
Wüxi ga ngunexü̃gu rü nüma ga ãẽ̱xgacü ga Yoá rü chacherdóte ga Yoiadáxü̃ ñanagürü: —Name nixĩ i tanamexẽxẽ ya Tupanapata ya taxü̃ne. Rü ngẽmaca̱x name nixĩ i penade i guxü̃ma i ngẽma diẽru i woetama Tupanana üxü̃ rü ngẽma diẽru i wüxichigü i duü̃xü̃ norü ngúchaü̃maxã ixãxü̃. ¡Rü ñu̱xũchi curü duü̃xü̃gü i diẽrumaxã icua̱xgüxü̃maxã nüxü̃ ixu nax ngẽma diẽrumaxã namexẽxẽgüãxü̃ca̱x ya yima Tupanapata ya taxü̃ne! —ñanagürü.
Piblisite