Nüxíraxü̃xü̃ ga popera ga ãẽ̱xgacügüchiga 21:4 - Tupanaarü Ore

⁴ Rü yema Nabúarü ngãxü̃gagu rü nüma ga Acáx rü nangechaü̃ãcüma rü nanuãẽãcüma napataca̱x nataegu, yerü Nabú rü namaxã nüxü̃ nixu ga tagutáma nüxna nax naxããxü̃ ga yema naane ga nanatü nüxna ãxü̃. Rü nüma ga Acáx rü nachiü̃wa nangu, rü naxchiãü̃gü nayaca, rü ĩxtapü̱xguama nabuenü, rü tama nachibüchaü̃.

Nüxíraxü̃xü̃ ga popera ga ãẽ̱xgacügüchiga 21:4 Referans Kwoze

Nüxíraxü̃xü̃ ga popera ga ãẽ̱xgacügüchiga 20:43

Rü yexguma nüma ga Iraéanearü ãẽ̱xgacü rü nügümaxã nangechaü̃ rü nanu, rü yemaacü Chamáriawa naxũ rü napatagu nayaxücu.

Popera ga Chantiágu ümatüxü̃ 1:14

Natürü ngẽma chixexü̃ i tümatama nagu tarüxĩnüxü̃ nixĩ i chixexü̃gu tüxü̃ nguxẽẽxü̃.

Efesios 4:27

Rü pegüna pedaugü nax tama penaxüchicaxü̃ca̱x i Chataná.

Yoná 4:9

Natürü nüma ga Tupana rü nanangãxü̃ rü ñanagürü: —¿Cuxca̱x rü namexü̃ nax ngẽmaãcü cunuxü̃ nagagu nax nayumaxü̃xü̃ i ngẽma nanetü? —ñanagürü. Rü nüma ga Yoná rü Tupanaxü̃ nangãxü̃ rü ñanagürü: —Ngẽmáacüx, cha̱u̱xca̱x name i ngẽma, erü ngẽma chorü numaxã chayuxchaü̃ —ñanagürü.

Yoná 4:1

Rü tama Yonáãẽwa name ga yema mexü̃ ga Nínibecüã̱xmaxã naxüxü̃ ga Tupana rü poraãcü nanu.

Ngu̱xẽẽtaeruü̃arü ore 6:9

Rü ngẽma nagu rüxĩnüxü̃arü yexera rümemaexü̃ nixĩ i ngẽma taxetümaxã nüxü̃ idauxü̃. Natürü guxü̃ma i ngẽma rü natüca̱xmamare nixĩ rü ñoma buanecü ya taxucürüwama iyauxemacürüxü̃ nixĩ.

Yox 5:2

Rü ngẽma naechita maxẽxü̃ rü ngẽma norü nu rü norü ngúchaü̃ düxwa yuwa nanagagü.

Nüxíraxü̃xü̃ ga popera ga ãẽ̱xgacügüchiga 21:3

Natürü ga Nabú rü Acáxü̃ nangãxü̃ rü ñanagürü: —Tupana tama nanaxwa̱xe nax cuxna chanaxãxü̃ i ñaa naane i chaunatü choxna ãxü̃ —ñanagürü.

2 Chamué 13:4

Rü wüxi ga ngunexü̃gu rü nüma ga Yonadá rü Anóü̃na naca rü ñanagürü: —¿Ta̱xacü cuxü̃ nangupetü, Pa Ãẽ̱xgacü Nanex? ¿Rü ta̱xacüca̱x wüxichigü i ngunexü̃gu yexeraãcü cungechaxü̃ rü taguma cutaãẽxü̃? ¿Tama ẽ̱xna chomaxã nüxü̃ quixuxchaü̃? —ñanagürü. Rü yexguma nüma ga Anóü̃ rü Yonadáxü̃ nangãxü̃ rü ñanagürü: —Chauenexẽ i Acharóü̃ naeya̱x i Tamáraxü̃ changẽ̱xẽ rü ngẽmaca̱x nixĩ i taguma chataãẽxü̃ —ñanagürü.

2 Chamué 13:2

Rü ngĩma ga Tamára rü ípaxüchi rü taguma yatü ngĩxĩne nacua̱x. Rü yemaca̱x ichu̱xu rü Anóü̃axü̃́ naguxcha nax ngĩmaxã yadexaxü̃. Rü düxwa yema norü ngúchaü̃maxã nügü nida̱xawexẽxẽ rü taguma nataãxẽ.

1 Chamué 28:23

Rü nüma ga Chaú rü tama nachibüchaü̃, natürü ga yema norü churaragüerugü rü ñu̱xũchi ga ngĩma ga yema nge rü nüxü̃ ica̱a̱xü̃güama. Rü yemaca̱x düxwa: —Ngü̃ —ñanagürü. Rü yexgumatama inachi ga ñaxtüanegu nax nanguxü̃, rü wüxi ga pechicaxü̃wa narüto.

Nüxíraxü̃xü̃ ga popera ga ãẽ̱xgacügüchiga 21:1

Rü wüxi ga yatü ga ĩane ga Yereécüã̱x ga Nabúgu ãégacü rü guma ĩanewa nüxü̃́ nayexma ga wüxi ga úbanecü ga ãẽ̱xgacü ga Acáxpataarü ngaicamana.

Nüxíraxü̃xü̃ ga popera ga ãẽ̱xgacügüchiga 21:5

Rü yexguma ga naxma̱x ga Yechabé rü naxca̱x iyaxũ rü ngĩgürügü nüxü̃: —¿Ta̱xacüca̱x cuma rü tama cuchibüchaü̃? —ngĩgürügü.

Ester 5:13

Natürü ngẽxguma nüxü̃ chada̱u̱xgu i ngẽma Yudíu i Maduquéu i ãẽ̱xgacüpataarü ĩã̱xwa rütoxü̃ rü chauãẽwa nangu̱x erü tama choxü̃ nicua̱xüxü̃. Rü ngẽmagagu choxna niña i ngẽma chorü taãxẽ i ãẽ̱xgacü naxma̱x cha̱u̱xca̱x üxü̃ —ñanagürü ga Amáü̃.

Yoná 4:4

Natürü nüma ga Cori ya Tupana rü nanangãxü̃ rü ñanagürü: —¿Cuxü̃́ namexü̃ nax ngẽmaãcü cunuxü̃? —ñanagürü.

Yoná 4:8

Rü yexguma üa̱xcü ngunagügu rü Tupana yéma nanamu ga wüxi ga buanecü ga naiemacü ga éstewaama ne bucü. Rü nüma ga üa̱xcü rü Yonáerugu nabáxi rü yemaacü poraãcü nüxü̃́ nangu̱xema rü namaxã nayuéga yerü poraãcü nangu̱xema. Rü yemaca̱x ñanagürü: —Narümemae nixĩ nax noxtacüma chayuxü̃ rü tama nax chamaxü̃xü̃ —ñanagürü.