Nüxíraxü̃xü̃ ga popera ga ãẽ̱xgacügüchiga 21:3 - Tupanaarü Ore

³ Natürü ga Nabú rü Acáxü̃ nangãxü̃ rü ñanagürü: —Tupana tama nanaxwa̱xe nax cuxna chanaxãxü̃ i ñaa naane i chaunatü choxna ãxü̃ —ñanagürü.

Nüxíraxü̃xü̃ ga popera ga ãẽ̱xgacügüchiga 21:3 Referans Kwoze

Iraétanüxü̃arü muxchiga 36:7

Rü ngẽma naane i Iraéanewa wüxíechigüarü ixĩxü̃ rü taxucürüwa totücumüna naxüe. Rü ngẽmaca̱x i guxü̃ma i Iraétanüxü̃ rü nanaxwa̱xe nax nüxna nadaugüxü̃ i ngẽma naane i norü o̱xigütücumüwa nüxna naxãgüxü̃.

Lebítanüxü̃arü puracüchiga 25:23

Rü tama name i guxü̃guca̱x ngẽma naanemaxã petaxe. Erü ngẽma naane rü choxrü nixĩ, rü pema rü paxaãchimare nawa pengẽxmagü ñoma duü̃xü̃gü i chauxü̃ta naxĩanexü̃rüxü̃.

Echequié 46:18

Rü nüma i ãẽ̱xgacü rü taxucürüwama texéxü̃ ínata̱xüchi nawa i tümaarü naane. Rü ngẽxguma ãẽ̱xgacü nanegüna naxãxgu i naane rü nanaxwa̱xe i norü naanewa nanegüna nanaxã. Rü ngẽmaãcü taxúema tangearü naaneã̱x rü chorü duü̃xü̃gü rü taxũtáma nawoonemare —ñanagürü.

Romanos 6:15

Rü ñu̱xma nax tama yema Moiché ümatüxü̃ ga mugütüü̃wa ingẽxmagüxü̃, rü ñu̱xma nax Tupana tamaxã mecümaxü̃, ¿rü ñuxãcü tá imaxẽxü̃? ¿Rü pexca̱x namexü̃ nax yeü̃cürü pecadu ixügüechaxü̃? Rü dücax, tama name nax ngẽmaãcü imaxẽxü̃.

Gálatas 6:14

Natürü i choma rü chaugü chicua̱xüxü̃ erü nüxü̃́ chayaxõ ya tórü Cori ya Ngechuchu ya Cristu ga curuchagu yucü. Rü ngẽmaca̱xicatama nixĩ i chaugü chicua̱xüüxü̃. Rü ñu̱xma nax Cristu ga curuchagu yucüaxü̃́ chayaxõxü̃, rü marü tama nagu charüxĩnü i ñoma i naane rü norü ngẽmaxü̃gü. Rü ngẽxgumarüxü̃ ta i ñoma i naane rü marü tama choxü̃ nacuáxchaü̃.

1 Corintios 6:15

¿Rü tama ẽ̱xna nüxü̃ pecua̱x nax ngẽma pexene rü Cristuarü nax yixĩxü̃? ¿Rü ñuxãcü tá ngẽma chaxune i Cristuarü ixĩxü̃ rü wüxi i ngexü̃ i naxü̃nemaxã taxexü̃maxã namaxü̃? Taxucürüwama ngẽmaãcü nixĩ.

Romanos 7:13

¿Natürü ñuxãcü nixĩ i ngẽma i ñu̱xmax? ¿Ẽ̱xna yema mugü yixĩxü̃ ga yuwa choxü̃ gaxü̃? Dücax, tama ngẽmaãcü nixĩ. Rü ngẽma pecadu nixĩ i Tupanaarü mugü i mexü̃maxã yoxniẽxü̃ nax yuwa choxü̃ nagaxü̃ca̱x. Rü yemaacü ga yema mugü i mexü̃ choxü̃ nüxü̃ nacua̱xẽxẽ nax poraãcü nachixexü̃ ga yema pecadu.

Romanos 7:7

¿Rü ñuxũ ñagüxü̃ tá i ñu̱xmax? ¿Rü pexca̱x rü pecadu yixĩxü̃ i ngẽma mugü? Dücax, tama pecadu nixĩ. Natürü yexguma chi yema mugü taxũchima choxü̃ nüxü̃ cua̱xẽẽgu nax ta̱xacü yixĩxü̃ i pecadu, rü taxũchima nüxü̃ chacua̱x i pecadu. Rü yexguma chi yema mugü rü taxũchima choxü̃ nüxü̃ cua̱xẽẽgu nax wüxi i pecadu yixĩxü̃ nax toguã̱xarü ngẽmaxü̃ choxü̃́ ngúchaü̃xü̃, rü taxũchima nüxü̃ chacua̱x nax pecadu yixĩxü̃ i ngẽma.

Romanos 6:2

Rü dücax, tama ngẽmaãcü nixĩ. Erü ñu̱xma pecaducha̱xwa rü ñoma iyuexü̃rüxü̃ tixĩgü, erü marü tama naga taxĩnüe. Rü ngẽmaca̱x tama name i yeü̃cürü pecadu taxügüecha.

Romanos 3:31

Rü ñu̱xma nax Cristuaxü̃́ yaxõgüxü̃, rü bexmana nagu perüxĩnüe nax taxuwama namexü̃ i ngẽma mugü ga Moiché ümatüxü̃. Natürü tama ngẽmaãcü nixĩ. Erü ñu̱xma nax Cristuaxü̃́ yaxõgüxü̃ rü aixcüma tayanguxẽxẽ i ngẽma mugü.

Romanos 3:6

Natürü ngẽma ñaxü̃gu nax naxĩnüexü̃ i duü̃xü̃gü rü poraãcü ínatüe, erü tama ngẽmaãcü nixĩ. Erü ngẽxguma chi tama yaxaixcümagu ya Tupana, ¿rü ñuxãcü chi i duü̃xü̃güna yacagüxü̃ i naanearü gu̱xgu?

Romanos 3:4

Rü tama ngẽmaãcü nixĩ. Erü woo guxü̃ i duü̃xü̃gü rü yadorata̱a̱xgügu, natürü Tupana rü taguma nidora rü guxü̃guma nayanguxẽxẽ i ngẽma nüma tamaxã inaxunetaxü̃. Rü yemaca̱x norü ore ga Dabí ümatüxü̃wa rü ñanagürü: “Cumax, Pa Tupanax, rü aixcüma nixĩ i curü ore i nüxü̃ quixuxü̃. Rü ngẽxguma cuxü̃ tangugügu rü nüxü̃ tadaugü nax aixcüma cuyanguxẽẽxü̃ i ngẽma nüxü̃ quixuxü̃”, ñanagürü.

Yox 27:5

Rü ñu̱xma nax chamaxü̃xü̃ rü tá pemaxã nüxü̃ chixuama nax taxuxü̃ma i chixexü̃ chaxüxü̃. Rü taxũtáma pexü̃́ chanayaxu nax aixcüma yixĩxü̃ i ngẽma perü ore i namaxã choxü̃ ípexuãxü̃xü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 11:19

Rü ñanagürü: —Tupana rü tama nanaxwa̱xe nax chayaxa̱xüxü̃ i ñaa dexá. Erü ngẽxguma chi chayaxaxügu rü ñoma ngẽma tomaepü̱x i yatüarü nagüwa chaxaxexü̃rüxü̃ chi nixĩ. Erü nümagü rü ãũcümaxü̃wa nanangexmagüxẽxẽ i norü maxü̃ nax nawa naxĩxü̃ca̱x i ngẽma dexá —ñanagürü. Rü yema nixĩ ga naxügüxü̃ ga yema tomaepü̱x ga yatü ga tama muü̃wa̱xegüxü̃.

1 Chamué 24:6

Rü ñanagürü norü churaragüxü̃: —¡Cori ya Tupana choxü̃ rüngü̃xẽxẽ nax tama ta̱xacü namaxã chaxüxü̃ca̱x i ngẽma chorü ãẽ̱xgacü! Nüma rü ãẽ̱xgacü nixĩ yerü Cori ya Tupanatama nüxü̃ naxuneta —ñanagürü.

1 Chamué 12:23

Rü ñu̱xma i choma rü tama chanaxwa̱xe i pecadu chaxü, rü ngẽmaca̱x taxũtáma nüxü̃ charüchau nax pexca̱x chayumüxẽxü̃. Rü tá pexü̃ changúexẽxẽama nax mea Cori ya Tupanaca̱x pemaxẽxü̃ rü mea nawe perüxĩxü̃ca̱x.

Yochué 24:16

Rü yexguma ga nüma ga duü̃xü̃gü rü ñanagürügü: —Tagutáma nüxna tixĩgachi ya tórü Cori ya Tupana, rü bai i ñuxgu tá ta̱xacürü tupananetagüwe tarüxĩxü̃.

Yochué 22:29

Rü tama nax Tupanamaxã tanuexü̃ca̱x rüe̱xna nüxna tixĩgachixü̃ca̱x nixĩ i tanaxüxü̃ i ñaa ãmarearü guruxü̃. Rü tama nixĩ i ngẽmawa ãmare ítaguxü̃ca̱x yixĩxü̃ i tanaxüxü̃. Rü tama tanaxü nax nüxü̃ taxoxü̃ca̱x i ngẽma Chilówa ngẽxmaxü̃ i Tupanaarü ãmarearü guruxü̃ —ñanagürügü.

Naanearü ügüchiga 44:17

Natürü ga Yúche rü nanangãxü̃ rü ñanagürü: —Taxuca̱xma guxãma nua tarücho. Rü yimá axepáxü̃xü̃ naxü̃tawa nüxü̃ iyangauxcüxicatama tá nixĩ ya chorü puracüruxü̃ ixĩcü. Rü pema rü marü name i penatüca̱x pewoegu. Rü taxúetama pexü̃ tachixewe —ñanagürü.

Naanearü ügüchiga 44:7

Rü nüma ga naenexẽgü rü nanangãxü̃gü, rü ñanagürügü: —¿Tü̱xcüü̃ ngẽma ñacurügü toxü̃? Rü toma rü taguma ngẽma taxü.

Iraétanüxü̃arü muxchiga 36:9

Rü ngẽma naane i nanatü nüxna ãxü̃ rü taxuxü̃táma totücumüme̱xẽwa naxüe. Rü wüxichigü i Iraétücumü rü nanaxwa̱xe nax nüxna nadaugüxü̃ i ngẽma naane i nüxna ixüchigüxü̃ —ñanagürü.