Nüxíraxü̃xü̃ ga popera ga ãẽ̱xgacügüchiga 21:11 - Tupanaarü Ore

¹¹ Rü nüma ga yema ãẽ̱xgacügü ga guma ĩanecüã̱x rü nayanguxẽẽgü ga yema ngĩrü poperagüwa namaxã nüxü̃ yaxuxü̃.

Nüxíraxü̃xü̃ ga popera ga ãẽ̱xgacügüchiga 21:11 Referans Kwoze

Ngechuchuarü ngúexü̃gü ga yamugüxü̃arü puracüchiga 5:29

Rü Pedru rü wüxigu namücügümaxã nanangãxü̃gü, rü ñanagürügü: —Narümemae nixĩ nax Tupanaga taxĩnüexü̃ rü tama i yatügüga taxĩnüexü̃.

Ngechuchuarü ngúexü̃gü ga yamugüxü̃arü puracüchiga 4:19

Natürü ga Pedru rü Cuáü̃ rü nanangãxü̃gü, rü ñanagürügü: —¡Nagu perüxĩnüe i pematama! ¿Rü namexü̃ i Tupanape̱xewa nax pega taxĩnüexü̃ rü ẽ̱xna Tupanaga taxĩnüexü̃?

Ore i mexü̃ ga Matéu ümatüxü̃ 2:16

Rü yexguma ãẽ̱xgacü ga Eróde nüxü̃ cua̱xgu ga to ga namagu nax nawoeguxü̃ ga yema yatügü ga nüxü̃ cua̱xüchigüxü̃ ga éstewa ne ĩxü̃, rü poraãcü nanu. Rü Beréü̃wa nanamugü ga norü churaragü nax guxü̃ ga yema naanewa tüxü̃ nada̱i̱xü̃ca̱x ga guxãma ga guxema buxegü ga iyatüxe ga yexwaca̱x buexe rü ñu̱xmata taxre ga taunecü tüxü̃́ yexmagüxewa nangu. Yerü yema yatügü ga éstewa ne ĩxü̃ rü marü nüxü̃ nixugügü rü taxre ga taunecü nixĩ ga noxri nax nangóxü̃ ga gumá woramacuri.

Ore i mexü̃ ga Matéu ümatüxü̃ 2:12

Rü yemawena ga yema yatügü rü nanegüwa Tupana nayaxucu̱xẽgü nax tama Eródeca̱x nawoeguxü̃ca̱x. Rü yemaca̱x to ga namagu nachixü̃aneca̱x nawoegu.

Miquéa 6:16

Erü nagu pexĩ ga yema mugü rü nacümagü ga chixexü̃ ga nagu naxĩxü̃ ga ãẽ̱xgacügü ga Omrí rü Acáxtanüxü̃. Rü pema rü yema nümagü namaxẽxü̃ãcütama pemaxẽ. Rü ngẽmaca̱x, Pa Yerucharéü̃x, rü choma rü tá curü uanügüna cuxü̃ chaxã nax cugu napogüexü̃ca̱x. Rü ngẽma curü duü̃xü̃gü rü togü tá nüxü̃ nacugüe rü ãne tá ningegü —ñanagürü.

Ochéa 5:11

Rü ngẽma Efraíü̃tanüxü̃ rü guxchaxü̃wa nangẽxmagü erü tama naga naxĩnüe i chorü mugü rü nüxü̃ nicua̱xüü̃güama i ngẽma tupananetagü.

Ucu̱xẽgüchiga 29:26

Muxü̃ma i duü̃xü̃gü rü ãẽ̱xgacüarü ngü̃xẽẽca̱x nadaugü. Natürü Cori ya Tupanaxicatama nixĩ ya aixcüma tüxü̃ rüngü̃xẽẽcü.

Ucu̱xẽgüchiga 29:12

Ngẽma ãẽ̱xgacü i naga ĩnüxü̃ i ngẽma ore i doramare ixĩxü̃, rü chixexü̃wa nanagagü i guxü̃ma i norü ngü̃xẽẽruü̃gü.

Norü taxre ga to ga popera ga ãẽ̱xgacügüchiga ümatüxü̃ 24:21

Natürü ga yema duü̃xü̃gü rü nügü nixucu̱xẽgü nax Chacaríaxü̃ yama̱xgüxü̃ca̱x. Rü nüma ga ãẽ̱xgacü rü yema duü̃xü̃güxü̃ namu nax Tupanapata ga taxü̃nea̱xtügu nutamaxã ínamuxũchigüãxü̃ca̱x. Rü yemaacü nayu.

1 Chamué 23:20

Rü ngẽxguma curü me yixĩxgu, Pa Ãẽ̱xgacüx ¡rü towe rüxũ! Rü toma rü tá cuxca̱x tayayauxgü rü cuxna tá tanamu —ñanagürügü.

1 Chamué 22:17

Rü yexgumatama rü nüma ga ãẽ̱xgacü rü norü dauruü̃xü̃ namu rü ñanagürü: —¡Penada̱i̱x i ngẽma Cori ya Tupanaarü chacherdótegü! Erü nümagü rü Dabíwa naxügü, rü woo nüxü̃ nax nacua̱xgüchiréxü̃ nax Dabí rü cha̱u̱xcha̱xwa yañaxü̃, rü tama chomaxã nüxü̃ nayarüxugüe —ñanagürü. Natürü ga yema ãẽ̱xgacüarü dauruü̃gü rü taxuxü̃ma naxunagüme̱xẽchaü̃ yerü namuü̃e nax Cori ya Tupanaarü chacherdótegüxü̃ nada̱i̱xü̃.

Lebítanüxü̃arü puracüchiga 19:15

Rü cumax, Pa Ãẽ̱xgacüx, ¡rü ngẽxguma poxcu cuxuegu̱xgu rü taxũtáma chixri cunaxü i ngẽma! ¡Rü taxũtáma naétüwa cuxü i ngẽma ngearü diẽruã́xü̃ ega aixcüma chixexü̃ naxü̱xgu! ¡Rü taxũtáma naga cuxĩnü i ngẽma diẽruã́xü̃! Rü cumax, Pa Ãẽ̱xgacüx, rü ngẽxguma poxcu cuxuegu rü name i ngẽma aixcüma guxchaxü̃ üxü̃maxã cunaxuegu i poxcu.

Ínachoxü̃xü̃chiga 1:17

Natürü ga ngĩmagü ga yema buexacüxẽẽruü̃gü rü Tupanaxü̃ imuü̃e. Rü yemaca̱x tama inaxü ga yema Equítuanecüã̱xarü ãẽ̱xgacü ngĩmaxã nüxü̃ ixuxü̃. Rü tama tüxü̃ idai ga guxema õxchanagü ga iyatüxe.

Nüxíraxü̃xü̃ ga popera ga ãẽ̱xgacügüchiga 21:12

Rü nanaxügü ga yema ngutaque̱xe rü yéma Nabúna nacagüe.

Ichaía 59:14

Rü nüxü̃ taxo i ngẽma mexü̃, rü nüxna tayáxü̃gugü i ngẽma aixcüma we̱xguxü̃. Rü tama tayanguxẽxẽ i ngẽma duü̃xü̃güpe̱xewa nüxü̃ ixuxü̃. Rü tama tixaixcümagü. Rü yíxema nüxna ixũgachixe i ngẽma chixexü̃ rü tüxü̃́ naxca̱x tangĩ̱x i ngẽma tümaarü ngẽmaxü̃gü. Rü nüma ya Tupana rü nanu rü tama nataãxẽ namaxã i ngẽma ixüxü̃, erü nüxü̃ nadau nax nataxuxü̃ma i mexü̃.