Nüxíraxü̃xü̃ ga popera ga ãẽ̱xgacügüchiga 20:4 - Tupanaarü Ore

⁴ Rü yexguma nüma ga Iraéanearü ãẽ̱xgacü rü nanangãxü̃ rü ñanagürü: —Pa Ãẽ̱xgacüx, ngẽma nüxü̃ quixuxü̃rüxü̃ rü guxü̃ma i ngẽma choxü̃́ ngẽxmaxü̃ rü cuxrü nixĩ —ñanagürü.

Nüxíraxü̃xü̃ ga popera ga ãẽ̱xgacügüchiga 20:4 Referans Kwoze

Wenaxarü naxümatü ga Tupanaarü mugü 28:48

Rü nüxü̃́ tá cupuracü i ngẽma curü uanügü i Cori ya Tupana tá cutanüwa mugüxü̃. Rü taiya tá cuxü̃́ nangu̱x, rü ta̱xawa tá quinge, rü tá cungexchiru, rü taxuxü̃táma cuxü̃́ nangẽxma. Rü nüma ya Cori ya Tupana rü ngúxü̃ tá cuxü̃ ningexẽxẽ, rü curü uanügüarü mugüruxü̃ tá cuxü̃ nixĩxẽxẽ ñu̱xmatáta ngẽmagu cuyu.

Lebítanüxü̃arü puracüchiga 26:36

Rü ñuxre i pema i perü uanügüanewa maxẽãcü ngẽxmagüxe, rü tá muü̃ pexca̱x íchanguxẽxẽ. Rü ngẽxguma wüxi i naixatü rünguxgu rü nagacha̱xwa tá pibuxmü, ñoma taramaxã pewe nangẽgüxü̃rüxü̃. Rü tá ipeyayi woo taxuxü̃ma pewe ngẽgügu.

Nüxíraxü̃xü̃ ga popera ga ãẽ̱xgacügüchiga 20:5

Rü nümagü ga yema orearü ngeruü̃gü rü wena Acáxü̃tawa naxĩ rü ñanagürügü: —Ben-adáxü̃ rü ñanagürü: “Marü cuxca̱x ngéma chamuga nax choxna cunanaxü̃ca̱x i curü úirugü rü curü diẽrugü rü cuxma̱xgü rü cunegü.

Norü taxre ga popera ga ãẽ̱xgacügüchiga 10:5

Rü yexguma nüma ga ãẽ̱xgacüpataarü yemaxü̃güarü dauruxü̃, rü yema ãẽ̱xgacü ga ĩanemaxã icuáxü̃, rü yema ãẽ̱xgacügü ga iyaexü̃, rü yema Acáx nanegümaxã icua̱xgüxü̃ rü Yeúcax nimugagü rü ñanagürügü: —Toma rü ítamemare nax cuga taxĩnüexü̃. Rü tá tayanguxẽxẽ i guxü̃ma i ngẽma toxü̃ cumuxü̃. Natürü taxúexü̃táma taxuneta torü ãẽ̱xgacüxü̃. Rü ngẽma ta̱xacü i cuxca̱x mexü̃ ¡rü tomaxã naxü! —ñanagürügü.

1 Chamué 11:10

Rü nüma ga yema Yabéarü ãẽ̱xgacügü rü Amóü̃tanüxü̃arü ãẽ̱xgacü ga Naxamaxã nüxü̃ nayarüxugü, rü ñanagürügü: —Moxü̃ rü tá cuxna togü tana nax cuma cunaxwa̱xexü̃ tomaxã cuxüxü̃ca̱x —ñanagürügü.

Nüxíraxü̃xü̃ ga popera ga ãẽ̱xgacügüchiga 2:38

Rü yexguma nüma ga Chimí rü ãẽ̱xgacüxü̃ nangãxü̃ rü ñanagürü: —Marü name, Pa ãẽ̱xgacüx, rü tá chayanguxẽxẽ i ngẽma chomaxã nüxü̃ quixuxü̃ —ñanagürü. Rü nüma ga Chimí rü ñuxre ga taunecü Yerucharéü̃wa nayexma.