Nüxíraxü̃xü̃ ga popera ga ãẽ̱xgacügüchiga 20:1 - Tupanaarü Ore

¹ Rü nüma ga Chíriaanearü ãẽ̱xgacü ga Ben-adáxü̃ rü nananutaque̱xe ga norü churaragü rü ñu̱xũchi 32 ga to ga ãẽ̱xgacügü namaxã ga norü cowarugü, rü norü carugü ga churaragüweü̃gü ixĩgüne. Rü ĩane ga Chamáriaca̱x inaxĩãchi rü nüxü̃ ínachomaeguãchi nax nügü nada̱i̱xü̃ca̱x.

Nüxíraxü̃xü̃ ga popera ga ãẽ̱xgacügüchiga 20:1 Referans Kwoze

Nüxíraxü̃xü̃ ga popera ga ãẽ̱xgacügüchiga 15:18

Rü yemaca̱x ga nüma ga Achá rü nanade ga guxü̃ma ga yema úiru rü diẽru ga Tupanapata ga taxü̃negu rü ãẽ̱xgacüpatagu namaxã nanguxü̃güxü̃. Rü norü churaragüeruna nanana nax Chíriaarü ãẽ̱xgacü ga Ben-adáxü̃tawa nanaaxü̃ca̱x ga Damácuwa. Rü nüma ga Ben-adáxü̃ rü Tabimóü̃ nane nixĩ rü Echióü̃ nataxa nixĩ. Rü Damácugu nixĩ ga naxãpataxü̃. Rü Achá rü Ben-adáxü̃tawa namuga, rü ñanagürü ga yema ore:

Nüxíraxü̃xü̃ ga popera ga ãẽ̱xgacügüchiga 22:31

Natürü nüma ga gumá Chíriaanecüã̱xarü ãẽ̱xgacü, rü nüxna naxãga ga yema 32 ga norü churaragüeru ga cowaru itúgüne ga naweü̃maxã icua̱xgüxü̃, rü ñanagürü: —¡Taxũtáma pegü namaxã pedai ega tama Iraéanecüã̱xarü ãẽ̱xgacü yixĩxgu! —ñanagürü.

Nüxíraxü̃xü̃ ga popera ga ãẽ̱xgacügüchiga 15:20

Rü nüma ga Bex-adá rü nanayaxu ga ãẽ̱xgacü ga Acháarü ore. Rü norü churaragüerugü yéma namugü nax Iraéanearü ĩanegüca̱x íyaxüãchixü̃. Rü nanapuxü̃ ga ĩanegü ga Ióü̃, rü Dáü̃, rü Abé-béx-maacá rü Quinérex rü guxü̃ma ga Netaríarü naane.

Amúx 1:4

Rü ngẽmaca̱x i ngẽma Damácuarü ãẽ̱xgacü ya Achaé rü tá chayagu ya napata. Rü ngẽmatama üxüemamaxã rü tá nixae ya napatagü i ãẽ̱xgacü i Achaé nane i Ben-adáxü̃.

Danié 2:37

Rü cuma nixĩ, Pa Ãẽ̱xgacüx, i guxü̃ma i togü i ãẽ̱xgacügüétüwa cuxüxü̃ i ñu̱xmax, erü nüma ya Tupana ya daxũgucü rü cuxü̃ inamu nax ãẽ̱xgacü quixĩxü̃ca̱x rü cuporaxü̃ca̱x rü guxü̃ma i nachixü̃anegü cuxü̃ cua̱xüü̃güxü̃ca̱x.

Echequié 26:7

Rü choma ya Cori ya Tupana rü nórtewaama tá cuxca̱x íchanaxũxẽxẽ ya Babiróniaanearü ãẽ̱xgacü i Nabucudonochó i guxü̃ i ãẽ̱xgacügüxü̃ rüporamaexü̃. Rü nüma rü tá cuxca̱x ínayagoõchi, Pa Tírux, namaxã i muxü̃ma i norü churaragü i cowarugu ĩxü̃ rü carugu ĩxü̃ rü nacutügu ĩxü̃.

Yeremía 49:27

Rü choma rü tá nawa chanangixichi i Damácuarü poxeguxü̃tápü̱xgü. Rü ngẽma üxü rü tá nayagu i ãẽ̱xgacü i Ben-adáxarü ãẽ̱xgacüpatagü —ñanagürü.

Ichaía 37:24

Rü ngẽma curü orearü ngeruü̃güwa rü chomaxã cuguxchiga rü ñacurügü: ‘Choma rü muxü̃nema ga chorü carugü ga daiwexü̃gümaxã ma̱xpǘnegüétügu chaxĩnagü ñu̱xmata yema pinunecüane ga Líbanuanewa yexmagünewa changu. Rü chayaye ga gumá ocayiwagü ga rümáchanemaegüne rü pinugü ga rümemaegüne. Rü ma̱xpǘnegü ga rümáchanemaegüneétügu chaxĩnagü nawa ga yema norü naixnecü ga mexẽchixü̃ ga ñoma putüraanecürüxü̃ ixĩxü̃.

Ichaía 10:8

Rü nüma i Achíriaanearü ãẽ̱xgacü rü ñanagürü: “Guxü̃ma i nachixü̃anegüarü ãẽ̱xgacügü rü cho̱xme̱xwa nangẽxmagü nax choma chanaxwa̱xexü̃ãcüma chanamuxü̃.

Nüxíraxü̃xü̃ ga popera ga ãẽ̱xgacügüchiga 20:24

Pa Ãẽ̱xgacüx, name nixĩ nax ícunamuxü̃xü̃ i ngẽma ãẽ̱xgacügü i ĩanegümaxã icuáxü̃, rü nachicüxü ngẽxma namugü i churaragüerugü nax curü churaragümaxã inacua̱xgüxü̃ca̱x.

Nüxíraxü̃xü̃ ga popera ga ãẽ̱xgacügüchiga 20:16

Rü tocuchianegu inaxĩãchi. Rü yoxni nüma ga Ben-adáxü̃ rü yema 32 ga ãẽ̱xgacügü ga namücügü rü ínangãxẽ ga yema norü düxenügüwa.

1 Chamué 13:5

Rü nüma ga Firitéugü rü nügü nanutaque̱xe nax nügü nada̱i̱xü̃ca̱x namaxã ga Iraéanearü churaragü. Rü nüxü̃́ nayexma ga 30,000 ga daixwexü̃ ga carugü ga cowaru itúgüne, rü 6,000 ga churaragü ga cowarugu ĩxü̃, rü ñu̱xũchi muxũchixü̃ ga churaragü ga nacutügumare ĩxü̃. Rü norü mu ga yema churaragü rü ñoma márpechinüwa ngẽxmacü ya naxnücüte̱xerüxü̃ nixĩ i norü mu. Rü guxü̃ma ga yemagü rü Mixmáwa naxĩ rü yexma napegü ga Bex-abéü̃arü éstewaama.

Ãẽ̱xgacügü ga guxchaxü̃güarü mexẽxẽruü̃gü 4:3

Rü nüma ga Yabíü̃ rü nüxü̃́ nayexma ga 900 ga daiwexü̃ ga fierunaxca̱x ga cowaru itúgüne. Rü 20 ga taunecü poraãcü chixri Iraétanüxü̃maxã inacua̱x. Rü yemaca̱x ga yema Iraétanüxü̃ rü düxwa Cori ya Tupanaarü ngü̃xẽẽca̱x ínacagüe.

Ãẽ̱xgacügü ga guxchaxü̃güarü mexẽxẽruü̃gü 1:7

Rü yexguma nüma ga Adonichéde rü ñanagürü: —Tupana rü ñu̱xma chomaxã nanaxü ga yema chaxüxü̃ namaxã ga yema 70 ga ãẽ̱xgacügü ga yexguma íchanadaü̃gu ga guma norü tatareneme̱xẽgü rü guma norü tatarenecutügü. Rü nümagü rü chorü mechatüü̃gu ínawaatanünexü̃ naxca̱x ga yema chorü õnatüchi ga rüyixix —ñanagürü. Rü yemawena rü Adonichédexü̃ Yerucharéü̃wa nagagü. Rü yexma nixĩ ga nayuxü̃.

Wenaxarü naxümatü ga Tupanaarü mugü 28:52

Rü ngẽma curü uanügü rü tá naxca̱x ínayaxüãchi ya curü ĩanegü rü tá nüxü̃ ínachomaeguãchi rü ñu̱xmatáta yawa̱xẽẽgüã i ngẽma naxtapü̱xgü i máchanexü̃ i cuma nüxü̃́ cuyaxõxü̃. Rü ngẽmaãcü tá nüxü̃ ínachomaeguãchi ya guxü̃nema ya curü ĩanegü ya ngẽma naane i Cori ya curü Tupana cuxna ãxü̃wa ngẽxmagüne.

Wenaxarü naxümatü ga Tupanaarü mugü 20:1

Rü ngẽxguma tá ipexĩãchigu nax perü uanügümaxã pegü pedaixü̃ca̱x, rü woo ngẽma perü uanügü rü pexü̃ namumaegu rü namuxgu i norü cowarugü rü norü carugü ya daiweü̃gü, rü taxũtáma nüxü̃ pemuü̃e, erü petanüwa tá nangẽxma ya perü Cori ya Tupana ga Equítuanewa pexü̃ ígaxü̃cü.

Lebítanüxü̃arü puracüchiga 26:25

Rü tá pexca̱x íchayaxüãchixẽxẽ i perü uanügü nax norü taramaxã pexü̃ nada̱i̱xü̃ca̱x, yerü tama naga pexĩnüe i ngẽma uneta ga pemaxã chaxüxü̃. Rü pema rü tá yima perü ĩanegü ya cu̱xchicaxü̃ruü̃ca̱x pibuxmü, natürü i choma rü tá ngéma pexca̱x chanamu i da̱xaweane. Rü ngẽmaãcü tá perü uanügüme̱xẽgu peyi.

Ínachoxü̃xü̃chiga 14:7

Rü nanamexẽxẽ ta ga 600 ga norü carugü ga churaragüweü̃ ga daiwa mexü̃ne. Rü naétü nayexma ga norü churaragüarü ãẽ̱xgacügüweü̃ ga guxü̃ma ga Equítuanewa ne ĩxü̃ne.

Nüxíraxü̃xü̃ ga popera ga ãẽ̱xgacügüchiga 20:2

Rü nüma ga Ben-adáxü̃ rü guma ĩanewa nanamugü ga orearü ngeruü̃gü nax Iraéanearü ãẽ̱xgacü ga Acáxmaxã nüxü̃ yanaxugüexü̃ca̱x ga ore ga ñaxü̃: —¡Choxna nana i ngẽma curü úiru rü curü diẽrugü rü ngẽma rümemaegücü i cuxma̱xgü rü cunegü! Erü ngẽma rü choxrü nixĩ —ñaxü̃ ga yema ore ga yéma namuxü̃.

Norü taxre ga popera ga ãẽ̱xgacügüchiga 6:8

Rü nüma ga Chíriaanecüã̱xarü ãẽ̱xgacü rü Iraéanecüã̱xgümaxã nügü nadaixchaü̃. Rü yemaca̱x namaxã nangutaque̱xe ga norü churaragüerugü rü namaxã nüxü̃ nixu nax ta̱xacürü nachicawa tá nagagüãxü̃ ga norü churaragü.

Norü taxre ga popera ga ãẽ̱xgacügüchiga 8:5

Rü yexguma Guexáchi ãẽ̱xgacümaxã nüxü̃ íyaxuyane nax ñuxãcü Erichéu ínadaxẽẽxü̃ ga ngĩne ga yema nge ga Chunéü̃cüã̱x, rü yexgumayane yéma ãẽ̱xgacüxü̃tawa ingu ga yema nge nax nüxna yacaxü̃ca̱x naxca̱x ga guma ngĩpata rü ñu̱xũchi yema ngĩrü naanegü. Rü yexguma ga Guexáchi rü ãẽ̱xgacüxü̃ ñanagürü: —Pa Ãẽ̱xgacüx, ñaa iyixĩ ga yema nge rü ñu̱xũchi daa nixĩ ga gumá bucü ga Erichéu yuwa írüdaxẽẽcü —ñanagürü.