Nüxíraxü̃xü̃ ga popera ga ãẽ̱xgacügüchiga 2:9 - Tupanaarü Ore

⁹ Natürü i cumax, rü ¡taxũtáma nüxü̃ icurüngüma ga yema chixexü̃ ga chomaxã naxüxü̃! Rü cuma rü cuãẽxü̃ cucua̱xüchi rü nüxü̃ cucua̱x nax ta̱xacü tá namaxã cuxüxü̃. ¡Rü nagu rüxĩnü nax paxãma nayuxü̃! —ñanagürü ga Dabí.

Nüxíraxü̃xü̃ ga popera ga ãẽ̱xgacügüchiga 2:9 Referans Kwoze

Nüxíraxü̃xü̃ ga popera ga ãẽ̱xgacügüchiga 2:6

Rü cumax, Pa Chaunex, rü wüxi i yatü i nüxü̃ cuáxü̃ quixĩ rü cuma tá nüxü̃ cucua̱x nax ta̱xacü namaxã cuxüxü̃. ¡Rü taxṹ i mucü ya taunecü cunamaxẽxẽxü̃ i Yoá!

Naanearü ügüchiga 42:38

Natürü nüma ga Acóbu rü nanangãxü̃ rü ñanagürü: —Yimá chaune ya Bẽyamíü̃ rü tama nixĩ i pewe chanamuxü̃. Yerü gumá naenexẽ ga Yúche rü marü nayu. Rü Bẽyamíü̃xicatama nixĩ ya íyaxücü. ¿Rü ngẽxguma tá ta̱xacü nüxü̃ ngupetügu i namawa rü ta̱xacü tá pexüxü̃ i pemax? Rü choma nax chayaxü̃ rü pegagu tá nixĩ i ngechaü̃maxã chayuxü̃ —ñanagürü ga Acóbu.

Nüxíraxü̃xü̃ ga popera ga ãẽ̱xgacügüchiga 3:28

Rü guxü̃ma ga Iraéanecüã̱xgü rü nüxü̃ nacuáchigagü ga yema ãẽ̱xgacü üxü̃ ga ñuxãcü nanamexẽẽãxü̃ ga yema taxüchixü̃ ga guxchaxü̃. Rü yemaca̱x nüxü̃ nangechaü̃gü yerü nüxü̃ nacuáchigagü ga ñuxãcü Tupana cua̱x nüxna ãxü̃ nax namexẽẽãxü̃ca̱x ga guxchaxü̃gü.

Iraétanüxü̃arü muxchiga 32:23

Natürü ngẽxguma taxũtáma ngẽmaãcü penaxü̱xgux rü wüxi i taxü̃ i chixexü̃ tá pexüe Cori ya Tupanape̱xewa, rü nüma tá pexü̃ napoxcu ega tama peyanguxẽẽgu i ngẽma namaxã nüxü̃ pixuxü̃.

Ínachoxü̃xü̃chiga 22:28

Rü choma ya Cori ya Tupana rü tama chanaxwa̱xe i chixri chauchiga quidexa, rü tama name i ta̱xacü namaxã quixugü i ngẽma perü ãẽ̱xgacü.

Ínachoxü̃xü̃chiga 20:7

¡Rü taxũtáma chauéga cunaxuxuchi ega ta̱xacürü chixexü̃ cuxü̱xgux! Erü choma ya curü Cori ya Tupana rü taxũtáma tüxü̃ chaxüpetümare nax tüxü̃ chapoxcuxü̃ ya yíxema chauégamaxã tügü ípoxü̃netaxe ega ta̱xacürü chixexü̃ taxü̱xgu.

2 Chamué 16:5

Rü yexguma Bauríü̃wa nanguxgu ga ãẽ̱xgacü ga Dabí, rü yexma nüxü̃ nangau ga wüxi ga yatü ga Chaútanüxü̃. Rü nüma rü Guerá nane nixĩ rü Chimígu naxãéga. Rü woo nax duü̃xü̃gü rü norü churaragü nüxna daugüxü̃ ga Dabí, rü nüma ga Chimí rü inanaxügü nax chixexü̃ Dabímaxã yaxugüchigüxü̃ rü nutamaxã Dabíxü̃ rü guxü̃ma ga norü churaragüerugüxü̃ ínamuxũchixü̃.

Ínachoxü̃xü̃chiga 22:27

Erü ngexicatama nixĩ i tümachiru i namaxã tidüxüxü̃ ega nagáuanegu. Rü ngẽxguma tama tüxü̃́ cunatáeguxẽẽgu ¿rü ta̱xacümaxã tá tidüxü? Rü ngẽxguma tüma rü ngü̃xẽẽca̱x choxna caxgux rü choma rü tá tüxü̃ charüngü̃xẽxẽ erü choxü̃́ tangechaxü̃tümüxü̃.

2 Chamué 3:39

Rü ngẽmaca̱x i choma rü woo Tupana choxü̃ unetaxü̃ nax ãẽ̱xgacü chixĩxü̃ rü chaugü chacua̱x nax chaturaxü̃ nape̱xewa i ngẽma taxü̃ i chixexü̃ i naxüexü̃ i Cheruiá nanegü i tama chauga ĩnüexü̃. ¡Rü Cori ya Tupana tüxna naxã i tümaarü poxcu ya yíxema ñaa chixexü̃ üxe! —ñanagürü.