Nüxíraxü̃xü̃ ga popera ga ãẽ̱xgacügüchiga 2:8 - Tupanaarü Ore

⁸ ¡Rü nagu rüxĩnü nax cuxü̃tawa nangẽxmaxü̃ i Chimí i Guerá nane! Rü nüma i Guerá rü Bauríü̃cüã̱x i Bẽyamíü̃tanüxü̃ nixĩ. Rü nüma ga Chimí rü poraãcü chixexü̃ chomaxã nixugü ga yexguma Maanaíü̃wa chaxũxgu. Natürü ga yixcaama rü natü ya Yudáü̃cutüwa rü meama choxü̃ nayaxu. Rü yemaca̱x ga choma rü Tupanaégagu namaxã chanaxuegu nax taxũtáma chayamáxü̃.

Nüxíraxü̃xü̃ ga popera ga ãẽ̱xgacügüchiga 2:8 Referans Kwoze

Yeremía 4:2

Rü ngẽxguma cha̱u̱xca̱x pewoeguxgu rü aixcüma chauégagu ipexunetagu, rü choma rü tá taxü̃ i ngü̃xẽxẽ chixĩ naxca̱x i guxü̃ma i nachixü̃anegü, rü tá choxü̃ nicua̱xüü̃gü —ñanagürü.

Ínachoxü̃xü̃chiga 22:27

Erü ngexicatama nixĩ i tümachiru i namaxã tidüxüxü̃ ega nagáuanegu. Rü ngẽxguma tama tüxü̃́ cunatáeguxẽẽgu ¿rü ta̱xacümaxã tá tidüxü? Rü ngẽxguma tüma rü ngü̃xẽẽca̱x choxna caxgux rü choma rü tá tüxü̃ charüngü̃xẽxẽ erü choxü̃́ tangechaxü̃tümüxü̃.

2 Chamué 19:24

Rü yexgumarüxü̃ ta inaxũãchi ga Mepi-bóchex ga Chaú nataxa nax Dabíxü̃ íyadauxü̃ca̱x. Rü nüma ga Mepi-bóchex rü yexguma Dabí Yerucharéü̃wa ixũxgucürüwa rü ñu̱xmata mea wenaxarü nataegu rü taguma nügü naya̱u̱xcutü rü taguma nügü naya̱u̱xchiru rü taguma nügü nidüchinagu. Natürü yexguma Yerucharéü̃wa nanguxgu nax Dabíxü̃ namoxẽxü̃ca̱x rü nüma ga Dabí rü nüxna naca rü ñanagürü: —¿Tü̱xcüü̃ tama chowe curüxũ ga yexguma íchaxũxü̃gu, Pa Mepi-bóchex? —ñanagürü.