Nüxíraxü̃xü̃ ga popera ga ãẽ̱xgacügüchiga 2:6 - Tupanaarü Ore

⁶ Rü cumax, Pa Chaunex, rü wüxi i yatü i nüxü̃ cuáxü̃ quixĩ rü cuma tá nüxü̃ cucua̱x nax ta̱xacü namaxã cuxüxü̃. ¡Rü taxṹ i mucü ya taunecü cunamaxẽxẽxü̃ i Yoá!

Nüxíraxü̃xü̃ ga popera ga ãẽ̱xgacügüchiga 2:6 Referans Kwoze

Nüxíraxü̃xü̃ ga popera ga ãẽ̱xgacügüchiga 2:9

Natürü i cumax, rü ¡taxũtáma nüxü̃ icurüngüma ga yema chixexü̃ ga chomaxã naxüxü̃! Rü cuma rü cuãẽxü̃ cucua̱xüchi rü nüxü̃ cucua̱x nax ta̱xacü tá namaxã cuxüxü̃. ¡Rü nagu rüxĩnü nax paxãma nayuxü̃! —ñanagürü ga Dabí.

Ichaía 57:21

Rü ngẽma chixexü̃arü üruü̃güca̱x rü nataxuma i taãxẽ” —ñanagürü ga Tupana.

Ichaía 48:22

Natürü naxca̱x i ngẽma chixri maxẽxü̃ rü nataxuma i taãxẽ. Rü nüma ya Cori ya Tupana nixĩ i ngẽma ñacü.

Ngu̱xẽẽtaeruü̃arü ore 8:11

Rü ngẽxguma tama paxa napoxcugu i ngẽma chixexü̃arü üruxü̃, rü ngẽma togü i duü̃xü̃gü nagu narüxĩnüe nax nümagü rü ta chixexü̃ naxügüxü̃.

Ucu̱xẽgüchiga 28:17

Ngẽma máetaxü̃ rü taxũtáma niña ñu̱xmata yayauxgüã rü yama̱xgüã, rü taxúetama naétüwa tachogü.

Ucu̱xẽgüchiga 20:26

Ngẽma ãẽ̱xgacü i naãẽxü̃ cuáxü̃, rü nügüna nayaxĩgachixẽxẽ i ngẽma duü̃xü̃gü i chixexü̃gu maxẽxü̃, rü noxtacüma inayanaxoxẽxẽ.

Wiyaegü 37:37

¡Natürü, dücax, nangugü ya yimá duü̃ ya aixcüma mecü rü mexü̃gu rüxĩnücü! Rü ngẽma tá naxca̱x ínguxü̃ rü taãxẽ nixĩ.

Ichaía 65:20

Rü ngéma rü tataxuma ya buxe ya noxretama i ngunexü̃ maxü̃́xẽ rü paxa yuxe, rü bai ya yaxguã̱x ya tama mea rüyaexe. Rü yíxema 100 ya taunecü tüxü̃́ ngẽxmaxe yuxe rü tá ngextü̱xütama. Rü yíxema tama 100 ya taunecüwa nguxe nax tayuxü̃ rü tümaarü chixexü̃gagutama nixĩ i paxa tayuxü̃.

Ichaía 57:2

Rü ngẽma duü̃xü̃gü i aixcüma Tupanaga ĩnüexü̃ rü ngẽxguma nayuegu rü nüxna narüngü̃gü i chixexü̃.

Norü taxre ga popera ga ãẽ̱xgacügüchiga 22:20

Ñu̱xmax nax chauga cuxĩnüxü̃gagu rü taxũtáma cumaxyane chanapoxcu ya daa ĩane nax ngẽmaãcü taãẽãcü cuyuxü̃ca̱x rü naxü̃tawa cunguxü̃ca̱x i curü o̱xigü. Rü ngẽmaãcü taxũtáma nüxü̃ cudau i ngẽma poxcu i namaxã tá chanapoxcuxü̃ ya daa ĩane’ ” —ñanagürü. Rü yema ãẽ̱xgacüarü duü̃xü̃gü ga Údaxü̃tawa namugüxü̃ rü nawoegu nax ãẽ̱xgacümaxã nüxü̃ yanaxugüexü̃ca̱x ga yema Tupanaarü ngãxü̃.

Iraétanüxü̃arü muxchiga 35:33

¡Rü taxṹ i máetamaxã penaxãũãchixẽxẽ i ngẽma nachixü̃ane i nawa tá pemaxẽxü̃! Erü ngẽma máeta rü poraãcü nanachixexẽxẽ i wüxi i nachixü̃ane. Rü nüma i máetaxü̃ rü ma̱xgu tá nayu. Rü taxucürüwa i ta̱xacü i tomaxã tanaxütanü i ngẽma máeta.

Naanearü ügüchiga 42:38

Natürü nüma ga Acóbu rü nanangãxü̃ rü ñanagürü: —Yimá chaune ya Bẽyamíü̃ rü tama nixĩ i pewe chanamuxü̃. Yerü gumá naenexẽ ga Yúche rü marü nayu. Rü Bẽyamíü̃xicatama nixĩ ya íyaxücü. ¿Rü ngẽxguma tá ta̱xacü nüxü̃ ngupetügu i namawa rü ta̱xacü tá pexüxü̃ i pemax? Rü choma nax chayaxü̃ rü pegagu tá nixĩ i ngechaü̃maxã chayuxü̃ —ñanagürü ga Acóbu.

Nüxíraxü̃xü̃ ga popera ga ãẽ̱xgacügüchiga 2:7

Natürü chanaxwa̱xe i namaxã cumecüma i ngẽma nanegü ya Bachilái ya Garaáxanecüã̱x. ¡Rü cugüxü̃tawa nangẽxmagüxẽxẽ rü guxü̃guma curü mechawa namaxã nachibü! Yerü nümagü nixĩ ga choxü̃ ínapoxü̃güxü̃ ga yexguma naxcha̱xwa chiñaxgu ga guma cuenexẽ ga Acharóü̃.

Naanearü ügüchiga 9:5

Rü tá nüxna chaca i ngẽma duü̃xü̃ i wüxíexü̃ imáxü̃ rü tá nayu. Rü ngẽma naexü̃ i duü̃xẽxü̃ imáxü̃ rü norü maxü̃maxã tátama tüxü̃ naxütanü. Rü wüxichigü i duü̃xü̃ rü tá nüxna chaca naxca̱x i namücüarü maxü̃. Rü ngẽxguma texé wüxi ya duẽxẽxü̃ ima̱xgu, rü tá to i duü̃xü̃ tüxü̃ nima̱x erü tüxü̃ tima̱x ya yíxema Tupana nügüraxü̃ãcü tüxü̃ üxe.

2 Chamué 3:39

Rü ngẽmaca̱x i choma rü woo Tupana choxü̃ unetaxü̃ nax ãẽ̱xgacü chixĩxü̃ rü chaugü chacua̱x nax chaturaxü̃ nape̱xewa i ngẽma taxü̃ i chixexü̃ i naxüexü̃ i Cheruiá nanegü i tama chauga ĩnüexü̃. ¡Rü Cori ya Tupana tüxna naxã i tümaarü poxcu ya yíxema ñaa chixexü̃ üxe! —ñanagürü.