Nüxíraxü̃xü̃ ga popera ga ãẽ̱xgacügüchiga 2:5 - Tupanaarü Ore

⁵ Rü cuma rü meama nüxü̃ cucua̱x ga ñuxãcü ga Yoá ga Cheruiá nane cha̱u̱xca̱x guxchaxü̃ ínanguẽẽxü̃ ga yexguma nadaixgu ga yema taxre ga Iraéanearü churaragüerugü ga Abnéx ga Néx nane rü Amachá ga Yéte nane. Rü nüma ga Yoá rü yexguma tama daiwa tayexmagüyane nanadai ga yema taxre nax yemaacü naxütanüxü̃ca̱x naxca̱x ga yema norü churaragü ga daigu yuexü̃. Rü yemaacü nayachauguãchixẽxẽ ga yema máeta ga nüma naxüxü̃.

Nüxíraxü̃xü̃ ga popera ga ãẽ̱xgacügüchiga 2:5 Referans Kwoze

2 Chamué 3:27

Rü yexguma Ebróü̃wa nanguxgu ga Abnéx, rü Yoá rü guma ĩanearü ĩã̱xwa Abnéxü̃ naga nax namaxãxicatama yadexaxü̃ca̱x. Rü yexma nanacanapütüwe rü nayu. Rü yexma nüxü̃́ ningutanü ga naenexẽ ga Achaéxü̃ nax yamáxü̃.

2 Chamué 20:10

Natürü Amachá rü tama nüxü̃ nadau ga Yoáarü tara ga naxme̱xwa yexmaxü̃, rü yemaca̱x tama ínaxuãẽ. Rü Yoá rü ngürüãchimare Amacháxü̃ nacanapütüwe norü taramaxã rü guxü̃ma i naü̃nütachapa̱xa rü waixü̃müanegu ínayixü̃. Rü Yoá rü taxuca̱xma wena Amacháxü̃ nacana, yerü wüxixü̃cüxü nayu. Rü yemawena ga Yoá rü naenexẽ ga Abicháimaxã Chebá ga Biquirí nanewe nangẽgü.

2 Chamué 18:12

Natürü ga yema churara rü Yoáxü̃ nangãxü̃ga rü ñanagürü nüxü̃: —Woo chi 1,000 tachinü i diẽru choxna cuxãxgu rü taxũchima chanaxü i ngẽma. Erü guxãma i tomax rü nüxü̃ taxĩnüe ga ãẽ̱xgacü ga yexguma cuxü̃ rü Abicháixü̃ rü Itáixü̃ ñaxgu: “¡Rü taxũtáma chixexü̃ namaxã pexü ya Acharóü̃!” ñaxgu.

2 Chamué 18:5

Rü ñu̱xũchi ga nüma ga ãẽ̱xgacü rü nayaxucu̱xẽgü ga Yoá rü Abichái rü Itái, rü ñanagürü nüxü̃: —¡Mea namaxã pechopetü ya yimá ngextü̱xücü ya Acharóü̃! —ñanagürü. Rü guxü̃ma ga norü churaragü rü nüxü̃ naxĩnüe ga yexguma ãẽ̱xgacü yema ñaxgu nüxü̃ ga yema churaragüerugü nachiga ga Acharóü̃.

2 Chamué 18:14

Rü nüma ga Yoá rü ñanagürü: —¡Marütama i ngẽma dexa i chixemarexü̃! —ñanagürü. Rü yexguma nanayaxu ga tomaepü̱x ga naixmena̱xã ga ixãmaguxü̃, rü yemamaxã Acharóü̃xü̃ nacanapacütüxü̃, yerü naichacüüwa nax natuxü̃ rü tama nayu.

2 Chamué 3:39

Rü ngẽmaca̱x i choma rü woo Tupana choxü̃ unetaxü̃ nax ãẽ̱xgacü chixĩxü̃ rü chaugü chacua̱x nax chaturaxü̃ nape̱xewa i ngẽma taxü̃ i chixexü̃ i naxüexü̃ i Cheruiá nanegü i tama chauga ĩnüexü̃. ¡Rü Cori ya Tupana tüxna naxã i tümaarü poxcu ya yíxema ñaa chixexü̃ üxe! —ñanagürü.

Yeremía 6:15

Rü name chi nax na̱xcha̱xwa naxãneexü̃ i ngẽma naxügüxü̃ i chixexü̃gü i marü tama yáxna namaxã chaxĩnüxü̃. Natürü tama naxãnee, rü marü tama nüxü̃ nacua̱xgü nax ta̱xacü yixĩxü̃ nax naxãneexü̃. Rü ngẽmaca̱x ngẽxguma chanapoxcuegu i duü̃xü̃gü, rü ngẽma orearü uruü̃gü rü chacherdótegü rü tá ta nayue. Rü chomatama ya Cori ya Tupana nixĩ i cumaxã nüxü̃ chixuxü̃ i ngẽma —ñanagürü.

Yeremía 2:34

Rü guxü̃wama cuxãũãchichiru tümagümaxã ya yíxema duü̃xẽ ya ingearü diẽruã́xẽ rü yíxema taxuxü̃ma i chixexü̃ ügüxe, rü yíxema i tama tümawa nüxü̃ cuyangauxe i ta̱xacürü chixexü̃ nax taxügüxü̃.

Nüxíraxü̃xü̃ ga popera ga ãẽ̱xgacügüchiga 2:32

Rü nüma ya Tupana rü yumaxã tá Yoáaxü̃́ nanaxütanü naxca̱x ga yema chixexü̃ ga naxüxü̃. Yerü nanadai ga taxre ga yatügü ga aixcüma norü yexera mexü̃ ügüxü̃ rü mea maxẽxü̃. Rü nüma ga Yoá rü chorü papa ga Dabíechita nayama̱x ga Abnéx ga Néx nane ga Iraéanearü churaragümaxã icuácü, rü nayama̱x ga Amachá ga Yéte nane ga Yudáanearü churaragümaxã icuácü.

Nüxíraxü̃xü̃ ga popera ga ãẽ̱xgacügüchiga 1:7

Rü nüma ga Adonía rü nanatüarü churaragüarü ãẽ̱xgacü ga Yoá ga Cheruiá nanemaxã nidexa rü chacherdóte ga Abiatámaxã rü ta. Rü nümagü rü nüxü̃ narüngü̃xẽẽgü nax ãẽ̱xgacüxü̃ yangucuchixü̃ca̱x.

2 Chamué 17:25

Rü nüma ga Acharóü̃ rü Yoáchicüxü Amacháxü̃ naxuneta nax norü churaragümaxã inacuáxü̃ca̱x. Rü Amachá rü Ismaétanüxü̃ ga Itará nane nixĩ. Rü nüma ga Itará rü ngĩmaxã naxãxma̱x ga Naáxacü ga Abigái. Rü Abigái rü Cheruiáxeya̱x iyixĩ. Rü Cheruiá rü Yoáarü mama iyixĩ.

2 Chamué 2:18

Rü yema tomaepü̱x ga Cheruiá nanegü ga Yoá rü Abichái rü Achaé rü yema nügü ínadaixü̃wa nayexmagü. Rü yema Achaé rü wüxi ga cowürüxü̃ napora ga ñaãchiwa.

Ore i mexü̃ ga Matéu ümatüxü̃ 3:4

Rü naxchiru ga Cuáü̃ rü caméyuta̱xanaxca̱x nixĩ, rü norü goyexü̃ rü naxcha̱xmünaxca̱x nixĩ. Rü munümaxã rü beruremaxã naxãwemü.

2 Chamué 2:13

Rü nüma ga Yoá ga Cheruiá nane rü Dabíarü churaragümaxã Ebróü̃wa inaxũãchi rü Gabaóü̃arü puchu íyexmaxü̃gu nügü nangaugü namaxã ga yema Abnéarü churaragü. Rü yema Yoáxarü churaragü rü Gabaóü̃arü puchucutüwa nayexmagü rü yema Abnéarü churaragü rü guma puchuarü tocutüwa nayexmagü.

Wenaxarü naxümatü ga Tupanaarü mugü 27:24

“Rü ngẽma duü̃xü̃ i tümaechita tüxü̃ imáxü̃ ya namücü rü chixexü̃wa nangẽxma”. Rü ngẽxguma i guxü̃ma i duü̃xü̃gü rü “Ngẽmaãcü yixĩ”, ñanagürügü tá.