Nüxíraxü̃xü̃ ga popera ga ãẽ̱xgacügüchiga 2:3 - Tupanaarü Ore

³ ¡Rü Cori ya Tupanaarü mugü rü naga naxĩnü, rü norü ngúchaü̃ naxü! ¡Rü yanguxẽxẽ i guxü̃ma i norü mugü ga Moiché ümatüxü̃ nax ngẽmaãcü mea cuxü̃́ ínanguxuchixü̃ca̱x i guxü̃ma i ta̱xacü icuxüxü̃wa rü mea cuxü̃ nangupetüxü̃ca̱x i ngextá cuma ícuxũxü̃wa!

Nüxíraxü̃xü̃ ga popera ga ãẽ̱xgacügüchiga 2:3 Referans Kwoze

Wenaxarü naxümatü ga Tupanaarü mugü 29:9

Rü ngẽmaca̱x penaxwa̱xe nax peyanguxẽẽxü̃ rü naga pexĩnüexü̃ i guxü̃ma i ngẽma unetaarü dexagü nax ngẽmaãcü mea pexü̃́ yaxũxü̃ca̱x i guxü̃ma i ta̱xacü i pexüxü̃wa.

Wiyaegü 119:2

Rü tataãẽgü ya yíxema naga ĩnüexe i norü mugü rü guxü̃ i tümaarü maxü̃maxã Tupanaca̱x daugüxe.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:19

Rü ngẽxgumarüxü̃ ta ya yimá chaune ya Charomóü̃ ¡rü nüxna naxã i wüxi i naãxẽ i cugu rüxĩnüxü̃ nax ngẽmaãcü mea nagu namaxü̃xü̃ca̱x i ngẽma curü mugü rü curü ucu̱xẽgü rü cucümagü, rü ngẽmaãcü naxüaxü̃ca̱x ya yima cupata ya taxü̃ne ya naxca̱x chananutaque̱xene i ngẽmaxü̃gü! —ñanagürü ga Dabí.

Wiyaegü 119:111

Rü ngẽma curü mugü nixĩ i chorü ãmare i guxü̃guca̱x ixĩxü̃. Erü ngẽmagü nixĩ i taãxẽ choxna ãxü̃.

Maraquía 4:4

¡Rü nüxna picua̱xãchi ga yema mugü ga chorü duü̃ ga Moichéna chaxãxü̃ ga ma̱xpǘne ga Chinaíwa! Rü yema ucu̱xẽgü rü mugü rü guxü̃ma ga Iraétanüxü̃ca̱x nixĩ nax nümagü naga naxĩnüexü̃ca̱x.

Wiyaegü 119:138

Erü guxü̃ma i ngẽma curü mugü rü aixcüma name rü aixcüma tá ningugü.

1 Chamué 18:14

Rü guxü̃ma ga ta̱xacü ga naxüxü̃wa ga Dabí rü meama nüxü̃́ ínanguxuchi yerü Cori ya Tupana nüxü̃ narüngü̃xẽxẽ.

Yochué 22:5

Natürü ngẽma pexna naxca̱x chacaxü̃xicatama nixĩ nax aixcüma peyanguxẽẽxü̃ i ngẽma Tupanaarü mugü ga norü duü̃ ga Moiché pemaxã nüxü̃ ixuxü̃ ga ñaxü̃: “¡Nüxü̃ pengechaxü̃ ya perü Cori ya Tupana rü penaxü̱x i ngẽma nüma nanaxwa̱exü̃! ¡Rü naga pexĩnüe i guxü̃ma i norü mugü, rü guxü̃guma naxca̱x pemaxẽ guxü̃ma i perü maxü̃maxã rü perü poramaxã!” —ñanagürü.

Wiyaegü 19:7

Rü Cori ya Tupanaarü ore rü aixcüma nawe̱xgu rü ngexwaca̱xü̃xü̃ i pora tüxna naxã. Rü Cori ya Tupanaarü mugü rü aixcümaxü̃ nixu rü cua̱xwa nananguxẽxẽ ya yimá yatü ya ímemarecü nax nayauxãxü̃ i ucu̱xẽgü.

Norü taxre ga popera ga ãẽ̱xgacügüchiga 18:7

Rü yemaca̱x ga Cori ya Tupana rü poraãcü nüxü̃ narüngü̃xẽxẽ. Rü guxü̃ma ga ta̱xacü ga naxüxü̃wa rü meama nüxü̃́ ínananguxuchixẽxẽ. Rü nüma ga Echequía rü tama Achíriaanearü ãẽ̱xgacüga naxĩnü rü tama naxme̱xwa nügü nayexmaxẽẽchaü̃.

2 Chamué 8:14

Rü yemawena rü guxü̃ma ga Edóü̃arü naanegu nanaxü ga norü churaragüpatagü. Rü yemaacü guxü̃ma ga Edóü̃tanüxü̃ rü Dabíme̱xẽwa nayexmagü. Rü ngextá Dabí íxũxü̃wa rü nüma ga Cori ya Tupana rü norü uanüxü̃ nanaporamaexẽxẽ.

2 Chamué 8:6

Rü yemawena ga Dabí rü Damácugu nayaxüa ga norü churarapatagü. Rü yemaacü ga Chíriaanecüã̱xgü rü Dabíme̱xẽwa nayexmagü rü Dabíaxü̃́ nanaxütanügü ga yema diẽru ga Dabí nagu unetaxü̃. Rü yemaacü ga Cori ya Tupana rü Dabíxü̃ naporaxẽxẽ nax norü uanügüxü̃ naporamaexü̃ca̱x ga ngexta ínaxũxü̃wa.

1 Chamué 18:30

Rü yexguma Firitéugüarü churaragümaxã nügü nada̱i̱xü̃gu, rü nüma ga Dabí nixĩ ga guxü̃ma ga togü ga Chaúarü churaragüeruarü yexera norü uanügüxü̃ narüporamaexü̃. Rü yemaca̱x nixĩ ga guxü̃ma ga duü̃xü̃gü nüxü̃ ngechaü̃güxü̃.

1 Chamué 18:5

Rü nüma ga Dabí rü Chaúarü ngü̃xẽẽruxü̃ nixĩ, rü guxü̃guma mea nayanguxẽxẽ ga yema namuãxü̃wa. Rü yemaca̱x nüma ga Chaú rü norü churaragüarü ãẽ̱xgacüxü̃ nayangucuchixẽxẽ. Rü guxü̃ma ga yema churaragü rü naerugü rü namaxã nataãẽgü.

Wenaxarü naxümatü ga Tupanaarü mugü 5:1

Rü nüma ga Moiché rü nanangutaque̱xexẽxẽ ga guxü̃ma ga Iraétanüxü̃ rü ñanagürü nüxü̃: —¡Iperüxĩnüe, Pa Iraétanüxü̃x, i ñaa mugü rü ucu̱xẽgü i ñu̱xmata pemaxã nüxü̃ chixuxü̃! ¡Rü nawa tá pengúe rü nagu tá pexĩ!

Wenaxarü naxümatü ga Tupanaarü mugü 4:45

Rü nawena ga Equítuanewa ínachoxü̃xü̃, rü ñaa nixĩ ga yema Tupanaarü mugü rü ucu̱xẽgü ga Moiché Iraétanüxü̃maxã nüxü̃ ixuxü̃ ga yexguma Yudáü̃arü éstewa nayexmagügu nawa ga yema metachinüanexü̃ ga Bex-peúarü to̱xma̱xtawa yexmaxü̃. Rü yema naane rü Amoréutanüxü̃arü ãẽ̱xgacü ga Chióü̃arü naane nixĩ, rü nüma rü Ebóü̃wa namaxü̃. Natürü nawena nax Equítuanewa ínachoxü̃xü̃ ga Moiché rü Iraétanüxü̃ rü Chióü̃maxã nügü nadai, rü nüxü̃ narüporamaegü. Rü nayama̱xgü ga yexguma Equítuanewa ínachoxü̃gu.

Wenaxarü naxümatü ga Tupanaarü mugü 4:8

¿Rü ta̱xacü i to i duü̃xü̃gütücumü nüxü̃́ nangẽxma i norü mugü i aixcüma mexü̃ naxrüxü̃ i guxü̃ma i ñaa mugü i ñu̱xma pexü̃ changúexẽxẽxü̃?

Wenaxarü naxümatü ga Tupanaarü mugü 4:5

Choma rü marü pexü̃ changúexẽxẽ ga guxü̃ma ga yema mugü ga Cori ya chorü Tupana chomaxã nüxü̃ ixuxü̃ nax ngẽmaãcü aixcüma nagu pemaxẽxü̃ca̱x nawa i ngẽma naane i nagu tá pechocuxü̃.

Wenaxarü naxümatü ga Tupanaarü mugü 4:1

Rü ñu̱xma Pa Chautanüxügü Pa Iraétanüxü̃x, ¡rü nüxü̃ pexĩnüe i ngẽma Tupanaarü mugü ga pexü̃ changúexẽxẽxü̃ nax aixcüma mea peyanguxẽẽxü̃ca̱x rü nagu pemaxẽxü̃ca̱x rü ngẽmaãcü penayaxuxü̃ca̱x i ngẽma naane i nũxcümaü̃güxü̃ i perü o̱xigüarü Cori ya Tupana tá pexna ãxü̃!

Lebítanüxü̃arü puracüchiga 8:35

Rü ngẽmaca̱x i pema rü 7 i ngunexü̃ rü 7 i chütaxü̃ tá nixĩ i Tupanapataarü ĩã̱xü̃tawa pengẽxmagüxü̃. ¡Rü naga pexĩnüe i Cori ya Tupanaarü mu nax tama peyuexü̃ca̱x! Erü ngẽma nixĩ i Cori ya Tupanaarü mu i choxna naxãxü̃” —ñanagürü ga Moiché.

Nüxíraxü̃xü̃ ga popera ga ãẽ̱xgacügüchiga 3:3

Rü nüma ga Charomóü̃ rü Cori ya Tupanaxü̃ nangechaü̃ rü nayanguxẽxẽ ga yema mugü ga nanatü ga Dabí nüxü̃ ixuxü̃. Natürü Cori ya Tupanaca̱x ãmare nadai rü pumarate̱xe ínagu nawa ga yema nachicagü ga ma̱xpǘnewa yexmagüxü̃.

Wenaxarü naxümatü ga Tupanaarü mugü 29:8

Rü yema norü naanegü rü tanapu rü nüxna tanaxã ga Rubéü̃tanü̃xü̃, rü Gáxtanüxü̃ rü ngãxü̃tücumü ga Manachétanüxü̃.

Yochué 23:6

¡Rü mea peyangu̱xẽxẽ i ngẽma mugü i Moichéarü poperagu ümatüxü̃! ¡Rü ngẽma naxümatüxü̃ãcü nagu pemaxẽ!

Ngu̱xẽẽtaeruü̃arü ore 12:13

Rü ngẽxma nayacua̱x i chorü dexa. Rü marü guxü̃xü̃ma chixu. ¡Rü Tupanaxü̃ nangechaxü̃ rü naga naxĩnü i norü mugü! Erü ngẽma nixĩ i guxü̃ma i ngẽma Tupana tüxü̃́ naxwa̱xexü̃.