Nüxíraxü̃xü̃ ga popera ga ãẽ̱xgacügüchiga 2:2 - Tupanaarü Ore

² —Choma rü guxü̃ i duü̃xü̃gürüxü̃ tá pexna chixũ i ñoma i naanewa. ¡Rü taxṹ i cumuü̃xü̃! ¡Rü cugü naporaxẽxẽ nax wüxi ya ãẽ̱xgacü ya mecümacü quixĩxü̃!

Nüxíraxü̃xü̃ ga popera ga ãẽ̱xgacügüchiga 2:2 Referans Kwoze

Yochué 23:14

Choma rü marü paxa tá chayu. Natürü naxü̃pa nax chayuxü̃ rü chanaxwa̱xe i aixcüma guxü̃guma nagu perüxĩnüe rü Cori ya Tupana rü marü nayanguxẽẽãxü̃ ga guxü̃ma ga yema pemaxã nüxü̃ yaxuxü̃. Rü bai ga wüxi ga yema norü uneta ga tama yanguxẽẽxü̃.

Efesios 6:10

Rü ñu̱xmax, Pa Chauenexẽgüx, rü name nixĩ i pegü peporaexẽxẽ namaxã i ngẽma pora i tórü Coriwa ne ũxü̃.

1 Corintios 16:13

¡Rü pexuãxẽgü nax taxuxü̃ma i chixexü̃gu peyixü̃ca̱x! ¡Rü meama peyaxõgüama woo ta̱xacü pexü̃ üpetügu! Rü name nixĩ i peporaeama rü taxuca̱xma pemuü̃e.

Popera ga Yudíugü ga yaxõgüxü̃ca̱x ümatüxü̃ 9:27

Rü ngẽxgumarüxü̃ nax wüxicanatama nayuexü̃ i duü̃xü̃gü rü ngẽmawena Tupana tá nüxü̃ nicagü, rü yexgumarüü̃tama ga Cristu rü wüxicanatama nügü inaxã rü nayu nax naxütanüxü̃ca̱x i muxü̃ma i duü̃xü̃güarü pecadugü. Rü nüma ya Cristu rü wena tá núma naxũ, natürü tama pecaduarü ütanüwa. Rü tá núma naxũ nax namaxẽxẽẽãxü̃ca̱x i guxü̃ma i duü̃xü̃gü i aixcüma ínangu̱xuxẽẽgüxü̃.

Wenaxarü naxümatü ga Tupanaarü mugü 31:23

Rü nüma ya Cori ya Tupana rü Yochué ga Núü̃ nanemaxã nüxü̃ nixu i ñaa ucu̱xẽ rü ñanagürü nüxü̃: —¡Napora rü taxṹ i cumuü̃xü̃! Erü cuma tá nixĩ i cuyachocuxẽẽxü̃ i ngẽma Iraétanüxü̃ nawa i ngẽma naane i nüxü̃ chixuxü̃ nax noxrügü tá yixĩxü̃. Rü choma rü tá cuxü̃ chaxümücü —ñanagürü.

Norü taxre ga popera ga Timutéuca̱x naxümatüxü̃ ga Pauru 2:1

Rü ñu̱xma, Pa Chaune, Pa Timutéux, ¡rü cugü naporaxẽxẽ namaxã i ngẽma pora ya Ngechuchu ya Cristu tüxna ãxü̃!

Nüxíraxü̃xü̃ ga popera ga Timutéuca̱x naxümatüxü̃ ga Pauru 4:12

¡Mea cugüna nadau nax taxúema cuxü̃ naxoxü̃ca̱x naxca̱x i ngẽma nax cungextü̱xüxü̃! Rü name nixĩ i wüxi i mexü̃ i cua̱xruxü̃ quixĩ naxca̱x i guxü̃ma i ngẽma yaxõgüxü̃. Rü ngẽmaca̱x cunaxwa̱xe i mexü̃ i oremaxã quidexa, rü mea duü̃xü̃güpe̱xewa cumaxü̃, rü aixcüma nüxü̃ cungechaü̃ i guxü̃ma i duü̃xü̃gü, rü mea Tupanaaxü̃́ cuyaxõ, rü nape̱xewa mea cumaxü̃.

Ngu̱xẽẽtaeruü̃arü ore 12:13

Rü ngẽxma nayacua̱x i chorü dexa. Rü marü guxü̃xü̃ma chixu. ¡Rü Tupanaxü̃ nangechaxü̃ rü naga naxĩnü i norü mugü! Erü ngẽma nixĩ i guxü̃ma i ngẽma Tupana tüxü̃́ naxwa̱xexü̃.

Wiyaegü 89:48

Rü taxúema texé tamaxecha rü taguma tayu. Rü taxúema texé nawa ítanguxuchi i yuarü pora.

Yox 30:23

Rü choma rü meama nüxü̃ chacua̱x nax yuwa choxü̃ cugaxchaü̃xü̃ nawa i ngẽma nachica i nawa naxĩxü̃ i guxü̃ma i ta̱xacü i maxẽxü̃.

Yox 16:22

Rü yimá noxre ya taunecü ya choxü̃́ íyaxücü nax chamaxü̃xü̃ rü marü nigúetanü. Rü paxa tá ichaxũãchi nax to i nachicawa chaxũxü̃ rü ngéma tagutáma chataegu —ñanagürü ga Yox.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 28:20

Rü nüma ga Dabí rü Charomóü̃xü̃ ñanagürü: —¡Ẽcü pora naxü rü cugü naporaxẽẽama rü naxü i ngẽma puracü! ¡Rü taxṹ i curümaãchixü̃! ¡Rü taxṹ i cumuü̃xü̃! Erü nüma ya Cori ya chorü Tupana rü nacuxü̃tagu. Rü nüma rü taxũtáma cuxna nixũgachi rü taxũtáma cuxü̃ ínata̱x ñu̱xmatáta nagu i ngẽma puracü nax cunaxüxü̃ ya yima Tupanapata ya taxü̃ne.

Nüxíraxü̃xü̃ ga popera ga ãẽ̱xgacügüchiga 3:7

Rü cumax, Pa Corix, Pa Chorü Tupanax, rü choxü̃ cuxuneta nax chaunatü ya Dabíchicüxü ãẽ̱xgacü nax chixĩxü̃ca̱x woo i choma rü wüxi i ngextü̱xüxü̃ i tauxta cua̱xwa nguxe chixĩxü̃.

2 Chamué 10:12

¡Taxṹ i cumuü̃xü̃ rü cugü naporaxẽxẽ! ¡Rü ngĩxã yigü namaxã tadai naxca̱x i tórü nachixü̃ane rü tóxrü Cori ya Tupanaarü ĩanegü! Rü nüma ya tórü Cori ya Tupana rü tá nanaxü i ngẽma nüma nüxü̃ nacuáxü̃ nax namemaexü̃ —ñanagürü.

2 Chamué 12:23

Natürü i ñu̱xma nax marü nayuxü̃ ¿rü ta̱xacüca̱x i chaxaurexü̃ ega taxucürüwa wena chanamaxẽxẽgu? Choma rü tá naxü̃tawa chaxũ, natürü i nüma rü taxucürüwa cha̱u̱xca̱x nataegu —ñanagürü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 22:13

Rü guxü̃táma mea cuxü̃́ inixũ i ngẽxguma tá cuyanguxẽẽgu i ngẽma norü mugü rü norü ucu̱xẽgü ga Cori ya Tupana Moichémaxã nüxü̃ ixuxü̃ naxca̱x ga Iraétanüxü̃. ¡Ẽcü pora naxü rü cugü naporaxẽẽama! ¡Rü taxṹ i curümaãchixü̃! ¡Rü taxṹ i cumuü̃xü̃!

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 22:16

Rü ngẽma úiru, rü ngẽma diẽrumü, rü ngẽma bróũche, rü ngẽma fieru, rü ngẽma nax namuxũchixü̃ rü taxucürüwama tanangugü. Rü ngẽmaca̱x name nax icunaxügüxü̃ i ngẽma puracü. ¡Rü nüma ya Cori ya Tupana cuxü̃ rüngü̃xẽxẽ! —ñanagürü ga Dabí.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 28:10

Rü ngẽmaca̱x rü name i poraãcü cuxuãxẽ erü nüma ya Cori rü cuxü̃ naxuneta nax cuma cunaxüxü̃ca̱x ya yima napata ya üünene. ¡Rü ẽcü pora naxü, rü naxü i ngẽma nüma cuxü̃ namuxü̃! —ñanagürü ga Dabí.