Nüxíraxü̃xü̃ ga popera ga ãẽ̱xgacügüchiga 19:2 - Tupanaarü Ore

² Rü yexguma ga Yechabé rü wüxi ga ngĩrü duü̃xü̃xü̃ imu ga Eríamaxã nüxü̃ nax yanaxuxü̃ca̱x ga ngĩrü dexa rü ngĩgürügü: “Cuma rü Ería quixĩ rü choma rü Yechabé chixĩ. Rü cumaxã nüxü̃ chixu rü name nixĩ i chorü tupanagü poraãcü choxü̃ napoxcu ega moxü̃ ñoma i oragu tama cumaxã chanaxüxgu i ngẽma Baáarü orearü uruü̃gümaxã cuxüxü̃”, ngĩgürügü.

Nüxíraxü̃xü̃ ga popera ga ãẽ̱xgacügüchiga 19:2 Referans Kwoze

Norü taxre ga popera ga ãẽ̱xgacügüchiga 6:31

Rü yexguma nüma ga ãẽ̱xgacü rü ñanagürü: —¡Tupana choxü̃ poxcu ega ñomatama i ngunexü̃gu tama chayadaerugu i Erichéu i Chapáx nane! —ñanagürü.

Nüxíraxü̃xü̃ ga popera ga ãẽ̱xgacügüchiga 20:10

Rü yexguma nüma ga Ben-adáxü̃ rü wenaxarü Acáxca̱x yéma namuga rü ñanagürü: —Ñu̱xma rü aixcüma tá nagu chapogü ya Chamária. Rü chanaxwa̱xe nax chorü tupanagü choxü̃ napoxcuxü̃ ega Chamáriawa íyaxüxgu i wüxi i naxme̱xãcu i nachicute̱xe naxca̱x i wüxichigü i chorü churaragü —ñanagürü.

Rux 1:17

Rü ngexta icuyuxü̃gu rü ngẽxma tá chayu, rü ngẽxma tá chata̱x. Rü Cori ya Tupana choxü̃ poxcu ega tauta chayuyane cuxna chixũgachigu, erü yuxicatama nixĩ i yigüna tüxü̃ ixĩgachixẽẽxü̃ —ngĩgürügü.

Danié 3:15

Rü ngẽxguma yacuegüã̱xgu i ngẽma paxetaruü̃gü ¿rü pemax rü ípememarexü̃ nax nape̱xegu pecaxã́pü̱xügüxü̃ rü nüxü̃ picua̱xüxü̃güxü̃ i ngẽma naxchicüna̱xã i choma duü̃xü̃güxü̃ chaxüxẽxẽxü̃? Erü ngẽxguma taxũtáma ñu̱xmatama nüxü̃ picua̱xüxü̃gügu, rü ngẽma poxcuchicaxü̃ i íya̱u̱xraxü̃gu tá pexü̃ chawocu. ¿Rü ta̱xacürü tupana tá pexü̃ nawa ínanguxü̃xẽxẽ i ngẽma? —ñanagürü.

Ucu̱xẽgüchiga 27:1

¡Taxṹ i cugü quicua̱xüxü̃ naxca̱x i ngẽma moxü̃ cuxüxchaü̃xü̃, erü tama nüxü̃ cucua̱x i ta̱xacü tá cuxü̃ ngupetüxü̃ i moxü̃arü ngunexü̃gu!

Ínachoxü̃xü̃chiga 10:28

Rü yemaétüwa ga Faraóü̃, rü Moichéxü̃ ñanagürü: —¡Ínaxũxũ i nua, rü mea cugüna nadau nax tama wena nua chauxü̃tawa cuxũxü̃ca̱x! Erü ngẽxguma wena chauxü̃tawa cuxũxgu rü tá cuyu —ñanagürü.

Nüxíraxü̃xü̃ ga popera ga ãẽ̱xgacügüchiga 2:28

Rü Yoá ga churaragümaxã icuáxü̃ rü Adoníawaama naxǘ, natürü ga ü̃pa rü woetama taguma Acharóü̃wa naxǘ. Rü yexguma Yoá nüxü̃ cuáchigagu ga yema Adoníamaxã naxueguxü̃ ga Charomóü̃, rü Tupanapataarü ãmarearü guruü̃ca̱x niña rü norü cuipe̱xegu nayayauxãchi nax yemaacü nügü ínapoxü̃xü̃ca̱x.

Norü taxre ga popera ga ãẽ̱xgacügüchiga 19:22

¿Rü texéaxü̃́ nixĩ i cunangu̱xẽxẽxü̃ rü cuguxchigaxü̃? ¿Rü texémaxã nixĩ i quipuraxü̃ rü cunuxetüxü̃? Rü cumaxã nüxü̃ chixu rü chomaxã nixĩ i cunuxü̃ i choma i Iraéanecüã̱xarü Tupana ya Üünecü.

Ínachoxü̃xü̃chiga 15:9

Rü ngẽma uanü rü norü ĩnüwa rü ñanagürü: “Nawe tá change ñu̱xmatáta nüxü̃ ichayangau. Rü ngẽxguma nüxü̃ ichayangauxgu rü tá chanayaxu i chorü tara rü chorü poramaxã tá chayama̱x. Rü nüxna tá chanapuxü̃ i guxü̃ma i norü ngẽmaxü̃gü i chanaxwa̱xexü̃. Rü tá ichayanu i ngẽma nüxna chapuxü̃xü̃”, ñaxü̃gu narüxĩnü.

2 Chamué 3:9

¡Rü Cori ya Tupana choxü̃ poxcu ega ngẽxguma taxũtáma Dabíaxü̃́ chanatauxchaxẽxẽgu ga yema Cori ya Tupana Dabímaxã ueguxü̃! Yerü nüma ga Tupana rü Dabímaxã nüxü̃ nixu nax Chaútanüxü̃na naya̱u̱xãxü̃ nax ãẽ̱xgacü yixĩgüxü̃, rü Dabíxü̃ naxuneta nax nüma namaxã inacuáxü̃ca̱x i Iraéane rü Yudáane i Dáü̃arü ĩanewa inaxügü rü ñu̱xmata Bechébagu yacuáx —ñanagürü.

2 Chamué 19:13

Rü yexgumarüxü̃ ta yema chacherdótegüca̱x yéma namuga nax Amachámaxã nüxü̃ yaxugüexü̃ca̱x ga ore ga ñaxü̃: —Cuma rü chautanüxü̃xüchi quixĩ, rü Tupanaégagu cumaxã nüxü̃ chixu rü Yoáchicüxü tá chorü churaragümaxã icucua̱x. Rü Tupana poraãcü choxü̃ poxcu ega tama chayanguxẽẽgu i ngẽma ore i nüxü̃ chixuxü̃ —ñaxü̃.

Yeremía 20:10

Rü nüxü̃ chaxĩnü nax duü̃xü̃gü rü cugüãcüma chauchiga yadexagüxü̃. Rü guxü̃wama choxü̃ naxãxũnegüxü̃ i duü̃xü̃gü rü ngẽmaca̱x chamuü̃. Rü nügümaxã ñanagürügü: “Ngĩxã ítanaxuaxü̃gü”, ñanagürügü. Rü woo i ngẽma chomücügü rü ínanangu̱xẽẽgü nax ngürüãchi ta̱xacürü chixexü̃ chaxüxü̃. Rü ñanagürügü: “Rü nügü tátama nixĩ i chixexü̃gu nanguxẽẽxü̃, rü ngẽxguma i yixema rü tá tayayauxgü rü yixema inaxwa̱xexü̃ tá namaxã taxü”, ñanagürügü.

Yeremía 26:21

Rü guma ãẽ̱xgacü ya Yoaquíü̃, rü yema norü ngü̃xẽẽruü̃gü, rü ñu̱xũchi yema togü ga ãẽ̱xgacügü rü yexguma nüxü̃ naxĩnüegu ga yema Uría nüxü̃ ixuxü̃, rü nüma ga ãẽ̱xgacü rü norü duü̃xü̃güxü̃ namu nax yama̱xgüãxü̃ca̱x. Natürü yexguma Uría nüxü̃ cua̱xgu rü namuü̃, rü Equítuanewa naña.

Nüxíraxü̃xü̃ ga popera ga ãẽ̱xgacügüchiga 2:23

Rü yema ñaxguwena ga ãẽ̱xgacü ya Charomóü̃ rü Tupanaégagu nanaxuegu rü ñanagürü: —¡Ẽcü, Tupana rü poraãcü choxü̃ napoxcu ega taxũtáma nayu̱xgu i Adonía nagagu i ngẽma choxna naxca̱x naca̱xaxü̃!