Nüxíraxü̃xü̃ ga popera ga ãẽ̱xgacügüchiga 18:1 - Tupanaarü Ore

¹ Rü yema taunecügü rü nigúchigü. Rü tomaepü̱x ga taunecüguwena, rü nüma ga Cori ya Tupana rü Eríamaxã nidexa rü ñanagürü: —¡Ãẽ̱xgacü ya Acáxü̃tawa naxũ rü namaxã nüxü̃ yarüxu rü ñoma i naanegu tá chanapuxẽxẽ! —ñanagürü.

Nüxíraxü̃xü̃ ga popera ga ãẽ̱xgacügüchiga 18:1 Referans Kwoze

Ore i mexü̃ ga Luca ümatüxü̃ 4:25

Rü aixcüma pemaxã nüxü̃ chixu rü Iraéanewa rü nayexma ga muxũchixü̃ma ga ngexü̃gü ga iyutegüxü̃ ga yexguma Ería maxü̃gu. Rü yexguma nixĩ ga tomaepü̱x ga taunecüarü ngãxü̃ rü taguma napuxü̃, rü poraãcü nangúxü̃ ga taiya ga guxü̃ ga nachixü̃anewa.

Popera ga Chantiágu ümatüxü̃ 5:17

Tupanaarü orearü uruxü̃ ga Ería nixĩ ga wüxi ga yatü ga taxrüxü̃ ixĩcü. Natürü yexguma nüma aixcüma yaxõõcüma nayumüxẽgu nax tama napuxü̃ca̱x, rü tomaepü̱x ga taunecüarü ngãxü̃gu rü tama napu ga yema naanewa.

Nüxíraxü̃xü̃ ga popera ga ãẽ̱xgacügüchiga 17:1

Rü nüma ga Tupanaarü orearü uruxü̃ ga Ería, ga Garaáxanewa yexmane ga ĩane ga Tibécüã̱x, rü Acáxü̃ ñanagürü: —Yimá nüxü̃́ chapuracücü ya Cori ya Iraéanecüã̱xgüarü Tupanaégagu cumaxã nüxü̃ chixu, rü doma taunecügu rü tagutáma napu rü bai tá i cherena nax rünguxü̃ ñu̱xmatáta choma wena nüxü̃ chixu —ñanagürü.

Wenaxarü naxümatü ga Tupanaarü mugü 28:12

Rü tá pexca̱x nayawãxnaxü̃ i norü ngẽmaxü̃gü i dauxü̃wa ngẽxmagüxü̃, rü perü naanegu tá nanapuxẽxẽ nax mea nayaexü̃ca̱x i penetügü. Rü tá pexü̃ narüngü̃xẽxẽ nax mea ínanguxuchixü̃ca̱x i guxü̃ma i perü puracü i pexü̃xü̃. Rü tá pexü̃́ nangẽxma i diẽru nax muxü̃ma i to i nachixü̃anegüna penaxãxü̃ca̱x rü ñu̱xũchi pexü̃́ natáeguxẽẽxü̃ca̱x. Natürü i pema rü tagutáma togüxü̃tawa naxca̱x ípeca i diẽru nax ñu̱xũchi nüxü̃́ penatáeguxẽẽxü̃ca̱x.

Nüxíraxü̃xü̃ ga popera ga ãẽ̱xgacügüchiga 18:2

Rü nüma ga Ería rü inaxũãchi nax Acáxmaxã nüxü̃ yanaxuxü̃ca̱x. Rü yexguma rü poraãcü nangu̱x ga taiya ga Chamáriaanewa.

Joel 2:23

¡Rü petaãxẽgü, Pa Chióü̃cüã̱xgü! ¡Rü namaxã petaãẽgü ya Cori ya Tupana! Yerü pexca̱x nanapuxẽxẽ ga yexguma meama nawa nanguxgu nax mucüca̱x napuxẽẽãxü̃ rü taunecüca̱x napuxẽẽãxü̃ yema noxri mea napuxẽẽã̱xgurüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:6

Rü ngẽma taxre i orearü uruü̃gü rü nüxü̃́ nangẽxma i pora nax íyachaxãchixü̃ca̱x ya pucü nax tama napuxü̃ca̱x i guxü̃ma i ngẽma 1,260 i ngunexü̃gü i nagu Tupanaarü orexü̃ yaxugüxü̃. Rü ngẽxgumarüxü̃ ta nüxü̃́ nangẽxma i pora nax nagüxü̃ yaxĩxẽẽgüãxü̃ca̱x i dexá. Rü ngẽxgumarüxü̃ ta nüxü̃́ nangẽxma i pora nax ñoma i naanewa namugüãxü̃ca̱x i naguxü̃raü̃xü̃ i guxchaxü̃gü nax ngẽmaãcü ngúxü̃ duü̃xü̃güxü̃ yangexẽẽgüxü̃ca̱x i ngẽxguma ngẽma taxre naxwa̱xegügu.

Amúx 4:7

Rü nüma ya Cori ya Tupana rü ñanagürü: —Choma rü tomaepü̱x ga tauemacü pexcha̱xwa íchayachaxãchixẽxẽ ga pucü naxü̃pa nax peyabuxgüxü̃ ga penetügü. Rü wüxi ga ĩanewa rü chanapuxẽxẽ rü nai ya ĩanewa rü tama. Rü wüxi ga naanewa rü napu rü to ga naanewa rü nipamare yerü nataxuma ga dexá.

Yeremía 14:22

Pa Cori ya Tupana, nataxuma i tupananetachicüna̱xã i cuxrüxü̃ nüxü̃ cuáxü̃ nax napuxẽẽãxü̃. Rü taxucürüwa i dauxü̃guxü̃ i naane nüechamatama nanapuxẽxẽ. Rü cuma nixĩ i ícunanguxẽẽxü̃ ya pucü, rü cuma nixĩ i cunaxüxü̃ i guxü̃ma i ta̱xacü i ngẽxmaxü̃. Rü cuma nixĩ i aixcüma torü Tupana quixĩxü̃. Rü ngẽmaca̱x nixĩ i cuxü̃tawa ítayanguxẽẽxü̃ i curü ngü̃xẽxẽ —ñanagürü ga Yeremía.

Yeremía 10:13

Rü ngẽxguma yadexaxgu rü dauxü̃wa nayacuxcuxẽxẽ ya pucü. Rü ñoma i naane íyacuáxü̃wa ngẽxmagüxü̃ i caixanexü̃gü rü ínanangu̱xẽxẽ. Rü pucügu rü ãẽmacügümaxã nanangóonexẽxẽ. Rü ngẽma ngextá namaxã ínanguxü̃xü̃wa rü inanamuãchi ya buanecü.

Ichaía 5:6

Rü ñu̱xũchi tá íchanata̱x i ngẽma úbanecü. Rü taxúetama tayayoatü rü taxúetama tanangĩxcanecü rü ngẽmaãcü tá chuxchuxü̃gü rü chixexü̃ i natüane nanecüwa narüxügü. Rü tá nüxna chaxãga i caixanexü̃ nax tama nanecügu napuxü̃ca̱x —ñanagürü ya Tupana.

Nüxíraxü̃xü̃ ga popera ga ãẽ̱xgacügüchiga 17:15

Rü ngĩma ga yema yutecü rü íyaxũ rü inaxü ga yema Ería ngĩmaxã nüxü̃ ixuxü̃. Rü yemaacü ga ngĩma rü ngĩne rü Ería rü muxü̃ma ga ngunexü̃güca̱x naxãwemügü.

Nüxíraxü̃xü̃ ga popera ga ãẽ̱xgacügüchiga 17:7

Natürü marü ñuxre ga ngunexü̃ ngupetügu rü yema natüxacü rü nipa yerü taguma napu ga yema nachixü̃anewa.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:2

¡Natürü ngẽma naa̱xtü ya Tupanapata ya taxü̃ne, rü taxũtáma cunangugü! Erü ngẽma duü̃xü̃gü i tama Tupanaaxü̃́ yaxõgüxü̃na marü nanaxã. Rü nümagü rü 42 ya tauemacü tá chixri namaxã inacua̱x ya yimá ĩane ya üünene.