Nüxíraxü̃xü̃ ga popera ga ãẽ̱xgacügüchiga 16:2 - Tupanaarü Ore

² —Choma nixĩ ga waixü̃müte̱xewa cuxü̃ ichachixẽẽxü̃ rü chorü duü̃xü̃gü ga Iraétanüxü̃arü ãẽ̱xgacüxü̃ cuxü̃ ichamuxü̃. Natürü cuma rü Yeruboáü̃rüxü̃ chixexü̃gu cunayixẽxẽ i chorü duü̃xü̃gü i Iraétanüxü̃. Rü yemaacü choxü̃ cunuxẽxẽ namaxã ga yema chixexü̃ ga cuxüxü̃.

Nüxíraxü̃xü̃ ga popera ga ãẽ̱xgacügüchiga 16:2 Referans Kwoze

Nüxíraxü̃xü̃ ga popera ga ãẽ̱xgacügüchiga 15:34

Natürü yema Baachá üxü̃ rü poraãcü nachixe ga Cori ya Tupanape̱xewa. Yerü nanaxü ga yematama chixexü̃ ga Yeruboáü̃ Iraéanecüã̱xgüxü̃ nagu nayixixẽẽxü̃, rü muxü̃ma ga tupananetachicüna̱xãgüxü̃ nicua̱xüxü̃.

1 Chamué 2:8

Tupana rü tümaarü guxchaxü̃wa tüxü̃ narüngü̃xẽxẽ ya yíxema ngearü diẽruã̱xgüxe. Rü guxchirepáü̃wa tüxü̃ ínayaxuchi ya yíxema diẽruca̱x caxaxü̃wa̱xegüxe rü ãẽ̱xgacüxü̃ tüxü̃ nixĩxẽxẽ nax ngẽmaãcü tachigaxü̃ i yatügütanüwa tarütoxü̃ca̱x rü ãẽ̱xgacütanüwa tangexmaxü̃ca̱x. Erü Cori ya Tupana nixĩ i norü yora i ngẽma nagu naxǘnagüxü̃ i ñoma i naane, yerü nüma nixĩ ga nagu naxǘnagüãxü̃.

Ore i mexü̃ ga Luca ümatüxü̃ 1:52

Rü marü ínanawoxü̃ ga yema ãẽ̱xgacügü ga nügü icua̱xüü̃güxü̃. Natürü guxema duü̃xẽgü ga tama tügü icua̱xüü̃güxe, rü poraãcü tüxü̃ narüngü̃xẽxẽ.

Ore i mexü̃ ga Matéu ümatüxü̃ 5:19

Rü yíxema tama naga ĩnüxe i ngẽma mugü, rü woo naxíragu i ngẽma mu, rü duü̃xü̃güxü̃ tangúexẽẽgu nax tama naga naxĩnüexü̃ca̱x, rü yíxema rü tá guxü̃arü yexera wixweama tata̱x ya Tupana ãẽ̱xgacü ixĩxü̃wa. Natürü yíxema naga ĩnüxe i Tupanaarü mugü rü nangúexẽẽ́xẽ i duü̃xü̃gü nax naga naxĩnüexü̃ca̱x, rü yíxema rü tá tatachiga ya Tupana ãẽ̱xgacü ixĩxü̃wa.

Nüxíraxü̃xü̃ ga popera ga ãẽ̱xgacügüchiga 15:26

Natürü yema naxüxü̃ ga nüma ga Nadáx, rü poraãcü nachixe ga Tupanape̱xewa. Rü yematama chixexü̃gü ga nanatü üxü̃ naxü. Rü muxü̃ma ga tupananetachicüna̱xãgüxü̃ nicua̱xüxü̃. Rü yemaacü poraãcü chixexü̃gu Iraéanecüã̱xgüxü̃ nayixẽxẽ.

Nüxíraxü̃xü̃ ga popera ga ãẽ̱xgacügüchiga 14:16

Rü nüma ya Cori ya Tupana rü to i nachixü̃aneme̱xẽgu tá nananguxẽxẽ i Iraéane nagagu ga yema pecadugü ga Yeruboáü̃ üxü̃ rü yema pecadugü ga Iraétanüxü̃xü̃ naxüxẽẽxü̃ —ñanagürü.

1 Chamué 26:19

Choma i curü duü̃xü̃ nax chixĩxü̃ rü cuxü̃ chaca̱a̱xü̃ Pa Ãẽ̱xgacüx nax choxü̃́ icuxĩnüxü̃. Rü ngẽxguma chi Tupana cuxna ĩnügu, Pa Ãẽ̱xgacüx, nax chomaxã curüxuanüxü̃ca̱x ¡rü nayaxu i chorü ãmare nax chomaxã curüngü̃xmüxü̃ca̱x! Natürü ngẽxguma chi cumatama nagu curüxĩnügu nax chauxchi cuxaixü̃, rü Tupana tá nixĩ ya nüxü̃ cuácü nax cuxü̃́ naxütanüãxü̃ naxca̱x i ngẽma. Yerü cuma nixĩ ga Tupanaarü duü̃xü̃güarü naanewa choxü̃ ícuta̱xüchixü̃ nax ngẽmaãcü togü i tupanagüxü̃ chicua̱xüü̃xü̃ca̱x.

1 Chamué 2:24

Rü dücax, Pa Chaunegüx, rü nachixexüchima nixĩ i ngẽma ore i Tupanaarü duü̃xü̃gü nüxü̃ nixugügüxü̃ i pechiga.

Ínachoxü̃xü̃chiga 32:21

Rü Aróü̃xü̃ ñanagürü: —¿Ta̱xacü cumaxã naxü i ñaa duü̃xü̃gü rü ngẽmaca̱x i ñaa taxü̃ i chixexü̃gu cunayixẽxẽxü̃? —ñanagürü nüxü̃.

Yeremía 7:18

Rü ngẽma nanegü rü üxümena̱xãgü nanutaque̱xegü, rü nanatügü rü üxü ninaixẽẽgü, rü ngẽma ngexü̃gü rü arína niñumücharagü nax ngẽmaãcü paũ i maixcuraxü̃ naxügüxü̃ca̱x ngĩxca̱x i ngẽma tupananeta i “Dauxü̃guxü̃ i Naanearü Ãẽ̱xgacümaxã”, inaxugücü. Rü choxü̃ nachixeãẽgü erü tupananetagüna nanaxãgü ya bínu.