Nüxíraxü̃xü̃ ga popera ga ãẽ̱xgacügüchiga 15:4 - Tupanaarü Ore

⁴ Natürü yema nax Dabíxü̃ nangechaü̃xü̃gagu rü Tupana nanatauxchaxẽxẽ ga wüxi ga nane nax Yerucharéü̃arü ãẽ̱xgacü yixĩxü̃ca̱x. Rü yemaacü ga Tupana rü tama nayanaxoxẽxẽ nax Dabíwena wüxi ga natanüxü̃ ãẽ̱xgacü yixĩxü̃ nax Yerucharéü̃na nadauxü̃ca̱x.

Nüxíraxü̃xü̃ ga popera ga ãẽ̱xgacügüchiga 15:4 Referans Kwoze

Nüxíraxü̃xü̃ ga popera ga ãẽ̱xgacügüchiga 11:36

Natürü i Charomóü̃ nane rü wüxitücumümaxã tátama inacua̱x nax ngẽmaãcü nangẽxmaxü̃ca̱x i wüxi i Dabítanüxü̃ i ãẽ̱xgacü ixĩxü̃ nawa ya yima ĩane ya Yerucharéü̃ ga nüxü̃ chaxunetane.

Norü taxre ga to ga popera ga ãẽ̱xgacügüchiga ümatüxü̃ 21:7

Natürü nüma ga Cori ya Tupana rü tama inayanaxoxẽẽchaü̃ nax Dabítanüxü̃ rü Iraétanüxü̃arü ãẽ̱xgacügü yixĩgüxü̃. Yerü nüma ga Tupana rü marü Dabímaxã inaxuneta nax guxü̃gutáma Dabítaagü yixĩxü̃ i Iraétanüxü̃arü ãẽ̱xgacügü. Rü yexgumarüxü̃ ta Dabí nanegümaxã inaxuneta nax guxü̃gutáma nangẽxmaxü̃ i nataagü i ãẽ̱xgacüwa nguxü̃.

Ichaía 37:35

Rü chomatama tá nüxna chadau ya daa ĩane rü tá íchanapoxü̃ erü taguma nüxü̃ charüngüma. Rü nüxü̃ changechaü̃ ya chorü duü̃ ya Dabí rü chayanguxẽxẽ i ngẽma nüxü̃ chixuxü̃ —ñanagürü ga Tupana.

Wiyaegü 132:17

Rü marü namaxã ichaxüga ga guma ãẽ̱xgacü ga Dabí ga choma nüxü̃ chaxunetacü. Rü nataagü rü guxü̃gutáma ãẽ̱xgacügü nixĩgü ñoma wüxi i omü i ngéma naiechaxü̃rüxü̃. Rü Dabítaatanüwa tá chanango̱xẽxẽ ya wüxi ya ãẽ̱xgacü ya poraxüchicü.

Wiyaegü 18:28

Rü cumax, Pa Cori Pa Tupanax, rü cha̱u̱xca̱x cunangóonexẽxẽ. Rü ngẽxguma ẽanexü̃wa changexmagu rü choxü̃ quibáixmaxü̃.

Nüxíraxü̃xü̃ ga popera ga ãẽ̱xgacügüchiga 11:32

Natürü Charomóü̃na tá chanaxã i wüxitücumü i Iraétanüxü̃ yerü nüxü̃ changechaü̃ ga gumá chorü duü̃ ga Dabí rü nüxü̃ changechaü̃ ya yima ĩane ya Yerucharéü̃ yerü guma nixĩ ga nüxü̃ chaxunetane natanüwa ga guxü̃nema ga Iraétanüxü̃arü ĩanegü.

Nüxíraxü̃xü̃ ga popera ga ãẽ̱xgacügüchiga 11:12

Natürü ngẽma cunatü ga Dabígu nax charüxĩnüxü̃gagu, taxũtáma ñu̱xma cumaxyane cuxna chanayaxu i ñaa Iraéane. Natürü cunena tá nixĩ i chanayaxuxü̃.

Naanearü ügüchiga 12:2

Erü tá nüxü̃ curüngü̃xẽxẽ i cutaxa nax yamuxü̃ca̱x rü wüxi i taxü̃ i nachixü̃ane nawa ngóxü̃ca̱x. Rü tá mexü̃ cumaxã chaxuegu rü tá cuxü̃ chatachigaxẽxẽ. Rü cugagu tá mexü̃ nayauxgü i togü.

Yema Cuáü̃ nüxü̃ dauxü̃ i yixcüra tá ngupetüxü̃chiga 22:16

Rü choma ya Ngechuchu, rü chanamu i chorü orearü ngeruxü̃ nax guxü̃ma i ngẽma yaxõgüxü̃tücumümaxã nüxü̃ yaxuxü̃ca̱x i ngẽma chorü ore. Rü choma nixĩ i ãẽ̱xgacü ga Dabítaxa chixĩxü̃. Rü choma nixĩ ya yimá woramacuri ya pa̱xmama poraãcü nangóonexẽẽcürüxü̃ chixĩxü̃”, ñanagürü.

Romanos 11:28

Natürü i nüma i Yudíugü rü Tupanamaxã narüxuanügü erü tama nayaxõgü i ngẽma ore i mexü̃. Rü ngẽmaãcü naxüpetü nax pexü̃́ natauxchaxü̃ca̱x nax peyaxõgüxü̃ca̱x i pema i tama Yudíugü nax pixĩgüxü̃. Natürü nüma ya Tupana rü ngẽma Yudíugüxü̃ nangechaü̃ama yerü nũxcümaü̃güxü̃ ga norü o̱xigümaxã nüxü̃ nixu nax nüxü̃ tá nangü̃xẽẽxü̃.

Ore i mexü̃ ga Cuáü̃ ümatüxü̃ 8:12

Rü wenaxarü duü̃xü̃gümaxã nidexa ga Ngechuchu, rü ñanagürü nüxü̃: —Choma nixĩ i ñoma i naanexarü nangóonexẽẽruxü̃. Rü yíxema chowe rüxũxẽ rü taxũtáma ẽanexü̃wa tangexma rü tá tüxü̃́ nangẽxma i ngóonexü̃ i maxü̃ tüxna ãxü̃ —ñanagürü.

Ore i mexü̃ ga Luca ümatüxü̃ 2:32

Rü nüma tá nixĩ i norü ngóonexẽẽruxü̃ i ngẽma duü̃xü̃gü i tama Iraétanüxü̃ ixĩgüxü̃. Rü daa bucü rü curü duü̃xü̃gü i Iraétanüxü̃arü poraxẽẽruxü̃ tá nixĩ”, ñanagürü.

Ore i mexü̃ ga Matéu ümatüxü̃ 16:18

Rü choma cumaxã nüxü̃ chixu rü cuma rü Pedru quixĩ. Rü ngẽma cuéga rü “nuta”, ñaxü̃chiga nixĩ. Rü cuma tá nixĩ i chorü duü̃xü̃gümaxã icucuáxü̃. Rü ngẽma yuarü pora rü taxũtáma nüxü̃ narüyexera i ngẽma chorü duü̃xü̃gü.

Yeremía 33:2

—Choma ya Cori ya Tupana ga nango̱xẽẽcü i ñaa naane, rü nachicagu naxücü nax tama ngéma yaxũgachixü̃ca̱x, rü choma nixĩ i cuxü̃ ñachaxü̃:

Ichaía 14:32

¿Rü ta̱xacü rü oremaxã tá penangãxü̃ i ngẽma Firitéugüarü orearü ngeruü̃gü? ¡Rü namaxã nüxü̃ pixu nax Cori ya Tupana yixĩxü̃ i naxüxü̃ ya Chióü̃, rü nagu tá tayarücu̱xgü ya yíxema norü duü̃xẽgü ya ngúxü̃ ingegüxe! —ñanagürü.

Ichaía 9:7

Rü nüma rü tá ãẽ̱xgacü ya Dabíchicüxü ingucuchicü nixĩ. Rü ngẽma norü pora nax ãẽ̱xgacü yixĩxü̃ rü guxü̃ i nachixü̃anegüwa tá nangu. Rü ngẽma nügümaxã nax inangüxmüxẽẽãxü̃ i duü̃xü̃gü rü tagutáma inayarüxo. Rü ngẽma nax ãẽ̱xgacü yixĩxü̃ rü mea tá duü̃xü̃gümaxã inacua̱x, rü mexü̃gu tá narüxĩnü rü guxãarü mexü̃ca̱x tá nadau i guxü̃guma. Rü ngẽmaãcü tá nanaxü erü ngẽma nixĩ i norü ngúchaü̃ i nagu naxĩnüxü̃ ya yimá Cori ya Tupana ya Guxãétüwa Ngẽxmacü.

Wiyaegü 87:5

Natürü guxü̃arü yexera nataãẽgü i ngẽma Chióü̃gu buexü̃. Erü nümatama ya Tupana ya Guxãétüwa Ngẽxmacü rü nüxü̃ naxuneta ya yima ĩane nax noxrü yixĩxü̃.

2 Chamué 21:17

Natürü nüma ga Abichái ga Cheruiá nane rü yéma naña rü Dabíxü̃ nayarüngü̃xẽxẽ, rü yema Firitéuxü̃ nima̱x. Rü ñu̱xũchi Dabíarü churaragüerugü rü Dabíxü̃ inaxunetagüxẽxẽ nax taguma wena daiwa nawe naxũxü̃ca̱x nax ngẽmaãcü tama nayuxü̃ca̱x ya Iraéanearü ãẽ̱xgacü.

Wenaxarü naxümatü ga Tupanaarü mugü 4:37

Nüma rü nüxü̃ nangechaxü̃ ga yema nũxcümaü̃güxü̃ ga perü o̱xigü, rü yemaca̱x nayadexechigü ga yema nataagü. Rü norü poramaxã ínananguxü̃xẽxẽ ga Equítuanewa.

Naanearü ügüchiga 19:29

Rü yemaacü nixĩ ga Cori ya Tupana ga ínaguaxü̃ ga guma ĩanegü ga Lox nagu ãpatane ga doonexü̃wa yexmagüne. Natürü nüma ga Cori ya Tupana rü Abraáü̃na nacua̱xãchi rü Loxü̃ ínagaxüchi ga yema nachica ga yaguxü̃wa.