Nüxíraxü̃xü̃ ga popera ga ãẽ̱xgacügüchiga 13:5 - Tupanaarü Ore

⁵ Rü yexgumatama ga yema ãmarearü guruxü̃ rü nangĩãchi rü guma tanimaca ga naétüwa yexmacü rü nagüane yema Cori ya Tupanaarü orearü uruxü̃ nüxü̃ ixuxü̃rüxü̃. Rü yemawa nango̱x nax aixcüma Tupana yixĩxü̃ ga namuxü̃ nax nüxü̃ yaxuxü̃ca̱x ga yema ore.

Nüxíraxü̃xü̃ ga popera ga ãẽ̱xgacügüchiga 13:5 Referans Kwoze

Ore i mexü̃ ga Márcu ümatüxü̃ 16:20

Rü nümagü ga norü ngúexü̃gü rü inaxĩãchi nax guxü̃wama nüxü̃ yanaxugüexü̃ ga ore i mexü̃. Rü nüma ga Cori rü nüxü̃ narüngü̃xẽxẽ, rü nanango̱xẽxẽ nax aixcüma yixĩxü̃ ga yema ore, yerü wüxigu namaxã napuracü nax naxügüã̱xü̃ca̱x ga mexü̃gü ga taxü̃gü ga Tupanaarü poramaxã naxügüxü̃.

Nüxíraxü̃xü̃ ga popera ga ãẽ̱xgacügüchiga 22:35

Rü yema ngunexü̃gu rü yéma natai ga yema dai. Rü ñuxre ga norü churaragü rü norü carugu nanachixẽẽgü ga ãẽ̱xgacü nax yema Chíriaanecüã̱xgümaxã nügü nada̱i̱xü̃ca̱x. Natürü yexguma marü nayáuanegu rü nayu ga nüma ga Acáx. Rü gumá nagü rü naweü̃xü̃mawa narüchuxchue.

Nüxíraxü̃xü̃ ga popera ga ãẽ̱xgacügüchiga 22:28

Rü yexguma ga nüma ga Micaía rü nanangãxü̃ rü ñanagürü: —Ngẽxguma cuma tá maxü̃ãcü cutaegu̱xgu, rü ngẽmawa tá nüxü̃ cucua̱x nax Tupana rü tama chowa yadexaxü̃ —ñanagürü.

Nüxíraxü̃xü̃ ga popera ga ãẽ̱xgacügüchiga 13:3

Rü yematama ngunexü̃gu ga yema orearü uruxü̃ rü ãẽ̱xgacümaxã nüxü̃ nixu ga wüxi ga cua̱xruxü̃ nax yemawa nüxü̃ nacuáxü̃ca̱x nax aixcüma Tupanaarü ore yixĩxü̃ ga nüxü̃ yaxuxü̃, rü ñanagürü: —Ñaa nixĩ i cua̱xruxü̃ i Cori ya Tupana nüxü̃ ixuxü̃: “Rü ñaa ãmarearü guruxü̃ rü tá nangĩãchi rü yima tanimaca ya naétüwa ngẽxmacü rü tá nagüane” —ñanagürü.

Nüxíraxü̃xü̃ ga popera ga ãẽ̱xgacügüchiga 13:4

Rü yexguma nüma ga ãẽ̱xgacü ga Yeruboáü̃ nüxü̃ ĩnügu ga yema ore ga Tupanaarü orearü uruxü̃ nüxü̃ ixuxü̃ nachiga ga yema ãmarearü guruxü̃ ga Betéwa yexmaxü̃, rü nüma ga Yeruboáü̃ rü nanu rü naxunagüme̱xẽ rü norü purichíagüxü̃ namu rü ñanagürü: —¡Peyayaxux! —ñanagürü. Natürü guma naxme̱x ga naxunagüne rü namaxã nüxü̃ naxunetane rü yéma nayataitü rü marü taxuacüma narüxue.

Nüxíraxü̃xü̃ ga popera ga ãẽ̱xgacügüchiga 13:6

Rü yexguma ga nüma ga ãẽ̱xgacü rü yema orearü uruü̃na naca rü ñanagürü: —Cuxü̃ chaca̱a̱xü̃, rü ¡Cori ya curü Tupanana naca nax ngẽmaãcü charümeméxü̃ca̱x! —ñanagürü. Rü nüma ga orearü uruxü̃ rü Cori ya Tupanana naca, rü yemaacü narümeme̱x ga guma ãẽ̱xgacü, rü noxrirüü̃tama nixĩ.

Nüxíraxü̃xü̃ ga popera ga ãẽ̱xgacügüchiga 17:16

Rü taguma nagu̱x ga trigute̱xe ga tü̃xü̃wa rü yema chíxü̃ ga nachiü̃wa yema Cori ya Tupana Eríawa nüxü̃ yaxuxü̃rüxü̃.