Nüxíraxü̃xü̃ ga popera ga ãẽ̱xgacügüchiga 13:2 - Tupanaarü Ore

² Rü Cori ya Tupana namuxü̃ãcüma tagaãcü yema ãmaregüarü guruü̃chiga nidexa rü ñanagürü: —Pa Ãmaregüarü Guruxü̃x, Pa Ãmaregüarü Guruxü̃x, rü Cori ya Tupana rü ñanagürü: “Dabítanüxü̃wa tá nabu i wüxi i õxchana rü Yochía tá nixĩ i naéga. Rü nüma tá nixĩ i cuwa ínaguaxü̃ i ngẽma tupananetachicüna̱xãgüarü chacherdótegü i ñu̱xma cuwa pumarate̱xe ígugüxü̃. Rü ngẽmaãcü duü̃xü̃güchina̱xã tá cuétüwa ínagu” —ñanagürü.

Nüxíraxü̃xü̃ ga popera ga ãẽ̱xgacügüchiga 13:2 Referans Kwoze

Echequié 36:1

—Rü cumax, Pa Yatüx, rü chauégagu Iraéanearü ma̱xpǘnegümaxã idexa rü namaxã nüxü̃ ixu nax mea inaxĩnüexü̃ i ngẽma ore i namaxã nüxü̃ chixuxü̃:

Ore i mexü̃ ga Luca ümatüxü̃ 19:40

Natürü Ngechuchu nanangãxü̃ rü ñanagürü nüxü̃: —Pemaxã nüxü̃ chixu rü ngẽxguma chi iyanangea̱xgügu i ñaa duü̃xü̃gü, rü daa nutagü ya namacüwawa ngẽxmagücü rü chi nüxĩ́ aita naxüe —ñanagürü.

Echequié 38:4

Rü choma rü tá taxwa cua̱xwa chichocuchi rü ngẽmaãcü tá cuxü̃ íchatúxuchi cuchixü̃anewa nax daiwa cuxũxü̃ca̱x namaxã i guxü̃ma i curü churaragü i nacutügu ĩxü̃ rü curü churaragü i mea ãxchiruxü̃ i cowarugüétügu ĩxü̃. Rü nümagü rü namuxũchi rü meama taragümaxã nixãxne, rü meama nixãxchiru. Rü guxü̃raxü̃xü̃ i poxü̃ruü̃gü nüxü̃́ nangẽxma.

Echequié 36:4

Rü ngẽmaca̱x, Pa Iraéanearü Ma̱xpǘnegüx, ¡iperüxĩnüe i Cori ya Tupanaarü ore i pexca̱x ixĩxü̃, Pa Ma̱xpǘnegüx, rü Pa Máxpü̱xanexü̃güx, rü Pa Natügüx, rü Pa Doxonexü̃güx, rü Pa Ĩanechicagü i Ngearü Duü̃xü̃ã̱xgüxü̃x, rü Pa Ĩanegü ya Perü Uanügü Pexü̃ Deãcune rü Pegu Dauxcüraxü̃güne!

Yeremía 22:29

¡Pa Ñoma i Naanex, Pa Ñoma i Naanex, Pa Ñoma i Naanex! ¡Nüxü̃ naxĩnü i ngẽma Cori ya Tupanaarü ore!

Ichaía 58:1

Rü Tupana rü Ichaíaxü̃ ñanagürü: —¡Tagaãcü aita naxü rü taxṹ i cumuü̃xü̃! ¡Rü nataga ñoma wüxi ya cornétarüxü̃! ¡Rü yangagü i ngẽma Acóbuarü duü̃xü̃gü i Iraétanüxü̃ nagagu i norü chixexü̃gü rü norü pecadugü!

Ichaía 46:10

Rü choma rü noxriarü ügügutama rü ñu̱xmata norü gu̱xwa nangu rü nüxü̃ chixu i ngẽma tá wüxichigü i ngunexü̃ ngupetüxü̃. Rü naxü̃patama nüxü̃ chixu i ngẽma tá ínguxü̃. Rü choma nüxü̃ chixu, rü ngẽma nagu charüxĩnüxü̃ rü tá ningu. Rü ngẽma nüxü̃ chixuxü̃ rü tá chayanguxẽxẽ.

Ichaía 42:9

Rü dücax, rü marü ningu ga yema ü̃pa nüxíra nüxü̃ chixuxü̃. Rü ñu̱xma rü tá pemaxã nüxü̃ chixu i ngexwaca̱xü̃xü̃ i oregü naxü̃pa i ngẽma tá ínguxü̃ —ñanagürü ya Tupana.

Ichaía 1:2

Pa Daxũguxü̃ i Naanecüã̱x rü Ñoma i Naanecüã̱x ¡rü iperüxĩnüe i ñaa Tupanaarü ore i ñaxü̃: —Yema chaunegü ga mea chayaexẽẽxü̃ rü ñu̱xma rü tama chauga naxĩnüe!

Norü taxre ga to ga popera ga ãẽ̱xgacügüchiga ümatüxü̃ 34:1

Rü nüma ga Yochía rü nüxü̃́ nayexma ga 8 ga taunecü ga yexguma ãẽ̱xgacüxü̃ yangucuchigu. Rü 31 ga taunecü ãẽ̱xgacü nixĩ ga Yerucharéü̃wa.

Nüxíraxü̃xü̃ ga popera ga ãẽ̱xgacügüchiga 13:32

Erü aixcüma tá ningu i guxü̃ma ga yema Cori ya Tupana nüxü̃ nüxü̃ ixuxẽẽxü̃ nachiga i ngẽma tupananetaarü ãmarearü guruxü̃ i Betéwa ngẽxmaxü̃ rü nachiga i guxü̃ma i ngẽma togü i ãmarearü guruxü̃ i Chamáriaanecüã̱xarü ĩanegüwa ngẽxmagüxü̃ —ñanagürü ga nüma ga orearü uruxü̃ ga yacü.

Wenaxarü naxümatü ga Tupanaarü mugü 32:1

—¡Nüxü̃ naxĩnü, Pa Daxũguxü̃ i Naanex, erü choma rü tá chidexa! ¡Rü mea choxü̃́ irüxĩnü, Pa Ñoma i Naanex, i chorü ore i tá nüxü̃ chixuxü̃!

Norü taxre ga to ga popera ga ãẽ̱xgacügüchiga ümatüxü̃ 34:3

Rü yexguma marü 8 ga taunecü ãẽ̱xgacü yixĩxgu rü woo nax nangextü̱xüxü̃ ga Yochía, rü inanaxügü nax nũxcümaü̃cü ga norü o̱xi ga Dabíarü Tupanaca̱x nadauxü̃. Rü yexguma marü 12 ga taunecü ãẽ̱xgacü yixĩxgu rü Yudáanewa rü Yerucharéü̃wa inanaxügü nax nagu napogüxü̃ ga yema nachicagü ga ma̱xpǘnegüwa yexmagüxü̃ ga nawa tupananetagüxü̃ yacua̱xüü̃güxü̃. Rü ínanawogü ga Acheráchicüna̱xãgü, rü yema togü ga naxchicüna̱xãgü rü yema naxchicüna̱xãgü ga bróũchewa naxügüxü̃.

Yeremía 1:2

Rü yexguma Amóx nane ga Yochía rü marü 13 ga taunecü ãẽ̱xgacü yixĩxgu ga Yudáanewa, rü nüma ga Tupana rü Yeremíamaxã nidexa.