Nüxíraxü̃xü̃ ga popera ga ãẽ̱xgacügüchiga 13:11 - Tupanaarü Ore

¹¹ Rü yexguma rü Betégu naxãchiü̃ ga wüxi ga orearü uruxü̃ ga marü yacü. Rü guma nanegü rü namaxã nüxü̃ nixugüe ga guxü̃ma ga yéma Betéwa naxüxü̃ ga gumá orearü uruxü̃ ga Yudáanecüã̱x. Rü yexgumarüxü̃ ta nanatümaxã nüxü̃ nixugüe ga yema ore ga ãẽ̱xgacü nüxü̃ ixuxü̃.

Nüxíraxü̃xü̃ ga popera ga ãẽ̱xgacügüchiga 13:11 Referans Kwoze

Norü taxre ga popera ga ãẽ̱xgacügüchiga 23:18

Rü yexguma nüma ga Yochía rü ñanagürü: —¡Ẽcü nüetama nangẽxmagü ya yima naxchina̱xãgü rü taxṹ tá ipenadexü̃! —ñanagürü. Rü yemaacü tama nanadegü ga guma Yudáanewa ne ũcü ga Tupanaarü orearü uruü̃china̱xãgü. Rü yexgumarüxü̃ ta tama nanadegü ga naxchina̱xãgü ga guma Tupanaarü orearü uruxü̃ ga Chamáriaanewa ne ũcü.

Norü taxre ga popera ga Pedru ümatüxü̃ 2:16

Rü noxrütama búru ga woo taguma idexachirécü, rü wüxi ga duü̃xü̃rüxü̃ namaxã iyadexa rü inanga naxca̱x ga yema chixexü̃ ga naxüxchaü̃xü̃. Rü yemaacü Baráxü̃ íyachaxãchixẽxẽ nax tama naxüaxü̃ca̱x ga yema chixexü̃ ga naxüxchaü̃xü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 3:5

Erü ngẽxguma chi tama tümachiü̃maxã mea itacua̱xgu rü ¿ñuxãcü tá ngẽma Tupanaaxü̃́ yaxõgüxü̃maxã mea itacuáxü̃?

Ore i mexü̃ ga Matéu ümatüxü̃ 7:22

Rü ngẽxguma nawa nanguxgu i ngẽma ngunexü̃ i nagu Tupana duü̃xü̃güxü̃ ícagüxü̃, rü muxü̃ma i duü̃xü̃gü rü choxü̃ tá ñanagürügü: ‘Pa Corix, toma rü duü̃xü̃gümaxã nüxü̃ tixu i curü ore, rü cuégagu ítanawoxü̃ i ngo̱xogü, rü cuégagu tanaxü i muxü̃ma i mexü̃ i taxü̃’, ñanagürügü tá.

Echequié 13:16

Rü ngẽxgumarüxü̃ ta nixĩ i ngẽma Iraétanüxü̃ i orearü uruü̃gü i doramarexü̃ daugüxü̃ rü doramarexü̃ ixugüxü̃ rü Yerucharéü̃cüã̱xgümaxã nüxü̃ ixugüxü̃ nax guxü̃ma mea ixũxü̃, natürü tama aixcüma ngẽmaãcü nixĩ. Rü choma ya Cori ya Tupana nixĩ i nüxü̃ chixuxü̃ i ngẽma” —ñanagürü.

Nüxíraxü̃xü̃ ga popera ga ãẽ̱xgacügüchiga 13:25

Rü yexgumayane yéma nachopetü ga ñuxre ga duü̃xü̃gü rü nüxü̃ nadaugü ga naxü̃ne ga namagu üxü̃ rü yema leóü̃ ga naxü̃nexü̃tagu irüxã́ũxü̃. Rü yexguma guma ĩane ga gumá orearü uruxü̃ ga yacü nagu pexü̃newa nangugügu ga yema duü̃xü̃gü, rü nüxü̃ nixuchigagü ga yema nüxü̃ nadaugüxü̃.

1 Chamué 10:11

Natürü ga guxü̃ma ga yema duü̃xü̃gü ga ü̃paacü Chaúxü̃ cua̱xgüxü̃, rü yexguma nüxü̃ nadaugügu nax Tupanaãxẽ yadexaxẽẽxü̃ natanüwa ga orearü uruü̃gü, rü nügüna nacagüe rü ñanarügügü: —¿Ta̱xacü nüxü̃ nangupetü ya Chíx nane? ¿Ẽ̱xna Chaú rü ta wüxi i orearü uruxü̃ nixĩ? —ñanagürügü.

Iraétanüxü̃arü muxchiga 24:2

Rü yexguma nüxü̃ nadauyane ga yema Iraétanüxü̃ nax nügütanüxü̃chigüãcüma naxãpatagüxü̃, rü Tupanaãxẽ ya Üünexü̃ rü Balaáü̃na nangu rü namaxã inacua̱x.

Nüxíraxü̃xü̃ ga popera ga ãẽ̱xgacügüchiga 13:10

Rü ñu̱xũchi nüma ga yema orearü uruxü̃ rü to ga namagu nataegu nax tama yema nama ga noxri Betéwa nagu ne naxũxü̃gu nataeguxü̃ca̱x.

Nüxíraxü̃xü̃ ga popera ga ãẽ̱xgacügüchiga 13:12

Rü tümax ga nanatü rü tümanegüna taca rü ñatagürü: —¿Ngexü̃rüüxü̃ i namagu nataeguxü̃? —ñatagürü. Rü nüma ga tümanegü rü tümamaxã nüxü̃ nixugüe ga yema nama ga nagu nataeguxü̃ ga gumá orearü uruxü̃ ga Yudáanecüã̱x.