Nüxíraxü̃xü̃ ga popera ga ãẽ̱xgacügüchiga 11:4 - Tupanaarü Ore

⁴ Rü yexguma marü yaxguã̱x yixĩxgu ga Charomóü̃, rü yema naxma̱xgü rü nanatoãẽgü nax yemaacü togü ga tupanagüwe naxũxü̃ca̱x. Rü tama nanatü ga Dabírüxü̃ aixcüma Cori ya Tupanawe narüxũ.

Nüxíraxü̃xü̃ ga popera ga ãẽ̱xgacügüchiga 11:4 Referans Kwoze

Nüxíraxü̃xü̃ ga popera ga ãẽ̱xgacügüchiga 9:4

Rü ngẽxguma cunatü ya Dabírüxü̃ mea chope̱xewa cumaxü̱̃xgu rü quixaixcümagu rü guxü̃gutáma naga cuxĩnügu i chorü mugü, rü choma rü guxü̃gutáma Iraéanewa ãẽ̱xgacügüxü̃ chayaxĩgüxẽxẽ i cunegü rü cutaagü, yema cunatü ga Dabímaxã ichaxunetaxü̃rüxü̃ ga yexguma namaxã nüxü̃ chixuxgu nax tagutáma nataxuxü̃ i nataagü i Iraéanecüã̱xgüarü ãẽ̱xgacü ixĩxü̃.

Nüxíraxü̃xü̃ ga popera ga ãẽ̱xgacügüchiga 8:61

Rü ngẽmaca̱x i pemax rü penaxwa̱xe nax tórü Cori ya Tupanamaxã pixaixcümagüxü̃ rü peyanguxẽẽgüxü̃ rü naga pexĩnüexü̃ i guxü̃ma i norü mugü ñoma i ngunexü̃gurüxü̃ —ñanagürü ga Charomóü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 28:9

Pa Chaunex, Pa Charomóü̃x ¡ẽcü naga naxĩnü ya chorü Tupana rü guxü̃ma i curü ngúchaü̃maxã rü curü ĩnü i mexü̃maxã naxü i ngẽma cuxü̃ namuxü̃! Erü nüma ya Cori ya Tupana rü nanangugü i ngẽma taãẽwa ngẽxmaxü̃ rü nüxü̃ nacua̱x i guxü̃ma i ngẽma nagu rüxĩnüxü̃. Rü ngẽxguma tá cuma naxca̱x cuda̱u̱xgu, rü nüma rü tá cuxü̃tawa nangẽxma. Natürü ngẽxguma nüxna quixũgachigu, rü nüma rü tá cuxü̃ ínata̱xüchi.

Nüxíraxü̃xü̃ ga popera ga ãẽ̱xgacügüchiga 11:6

Rü yemaacü ga yema Charomóü̃ üxü̃ rü Cori ya Tupanape̱xewa tama name. Rü tama nanatü ga Dabírüxü̃ aixcüma Cori ya Tupanaga naxĩnü.

Norü taxre ga to ga popera ga ãẽ̱xgacügüchiga ümatüxü̃ 34:2

Rü nüma ga Yochía rü Tupanape̱xewa mexü̃ naxü. Rü nũxcümaü̃cü ga norü o̱xi ga Dabícümagu nixũ. Rü taguma ta̱xacüca̱x nüxna nixũgachi ga yema nacüma ga mexü̃.

Norü taxre ga to ga popera ga ãẽ̱xgacügüchiga ümatüxü̃ 17:3

Rü nüma ga Cori ya Tupana rü Yochapáxü̃ narüngü̃xẽxẽ yerü norü o̱xi ga Dabícümagu mea nixũ. Rü tama yema tupananeta ga Baáchicüna̱xãgüxü̃ nicua̱xüxü̃.

Wenaxarü naxümatü ga Tupanaarü mugü 17:17

Rü ngẽxgumarüxü̃ ta tama name nax namumaxü̃ erü ngürüãchi naxma̱xgügagu taxũtáma Tupanaga naxĩnü. Rü ngẽxgumarüxü̃ ta i ngẽma ãẽ̱xgacü rü tama name nax nüxü̃́ nangẽxmaxü̃ i muxũchixü̃ i úirugü rü diẽru.

Norü taxre ga to ga popera ga ãẽ̱xgacügüchiga ümatüxü̃ 25:2

Rü yema naxüxü̃ ga Amachía rü Cori ya Tupanape̱xewa name. Natürü tama aixcüma guxü̃guma mexü̃gu narüxĩnü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:19

Rü ngẽxgumarüxü̃ ta ya yimá chaune ya Charomóü̃ ¡rü nüxna naxã i wüxi i naãxẽ i cugu rüxĩnüxü̃ nax ngẽmaãcü mea nagu namaxü̃xü̃ca̱x i ngẽma curü mugü rü curü ucu̱xẽgü rü cucümagü, rü ngẽmaãcü naxüaxü̃ca̱x ya yima cupata ya taxü̃ne ya naxca̱x chananutaque̱xene i ngẽmaxü̃gü! —ñanagürü ga Dabí.

Norü taxre ga popera ga ãẽ̱xgacügüchiga 20:3

—Pa Corix, Pa Tupanax, cuxü̃ chaca̱a̱xü̃ nax nüxna cucua̱xãchixü̃ca̱x nax ñuxãcü cuxca̱x chapuracüxü̃ rü guxü̃guma chanaxüxü̃ ga yema cuma namaxã cutaãẽxü̃ —ñanagürü. Rü yema ñaxguwena rü ñu̱xũchi poraãcü naxaxu.

Nüxíraxü̃xü̃ ga popera ga ãẽ̱xgacügüchiga 15:14

Rü woo tama nanaxoxẽxẽ ga yema tupananetaarü ngutaque̱xechicagü, natürü nüma ga Achá rü guxü̃guma Cori ya Tupanaweama narüxũ.

Nüxíraxü̃xü̃ ga popera ga ãẽ̱xgacügüchiga 15:3

Rü nüma ga Abía rü yematama nanatü üxü̃ ga chixexü̃ naxü, rü tama aixcüma Cori ya norü Tupanaga naxĩnü. Rü tama gumá norü o̱xi ga Dabí ga meama Tupanaca̱x maxü̃cürüxü̃ nixĩ.

Nüxíraxü̃xü̃ ga popera ga ãẽ̱xgacügüchiga 14:21

Rü yoxni ga Yudáanewa rü Charomóü̃ nane ga Roboáü̃ nixĩ ga ãẽ̱xgacü ixĩcü. Rü nüma rü nüxü̃́ nayexma ga 41 ga taunecü ga yexguma yaxücuxgu nax ãẽ̱xgacü yixĩxü̃. Rü 17 ga taunecü nixĩ ga ãẽ̱xgacü yixĩxü̃ ga Yerucharéü̃wa. Rü guma ĩane nixĩ ga Tupana nüxü̃ unetane natanüwa ga guxü̃ma ga Iraéanearü ĩanegü nax gumáwa nayexmaxü̃ca̱x ga napata. Rü Roboáü̃ naé rü wüxi ga Amóü̃tanüxü̃ iyixĩ rü Naamá nixĩ ga ngĩéga.

Nüxíraxü̃xü̃ ga popera ga ãẽ̱xgacügüchiga 11:42

Rü nüma ga Charomóü̃ rü 40 ga taunecü nixĩ ga guxü̃ma ga Iraéanecüã̱xgümaxã inacuáxü̃ ga Yerucharéü̃wa.

Nüxíraxü̃xü̃ ga popera ga ãẽ̱xgacügüchiga 11:38

Rü ngẽxguma tá chauga cuxĩnügu i ngẽma cuxü̃ chamuxü̃ rü cunaxü̱xgu i ngẽma cha̱u̱xca̱x mexü̃ rü cuyanguxẽẽgu i chorü mugü, naxrüxü̃ ga chorü duü̃ ga Dabí, rü choma rü cuxü̃tawa tá changexma rü cuxme̱xwa tá chanangexmaxẽxẽ i Iraéane rü ngẽma cutaagü rü Iraéarü ãẽ̱xgacügüwa tá nangugü naxrüxü̃ ga Dabítaagü yema choma namaxã chaxueguxü̃rüxü̃.

Nüxíraxü̃xü̃ ga popera ga ãẽ̱xgacügüchiga 9:10

Rü 20 ga taunecü nangupetü nax Charomóü̃ naxüxü̃ ga guma taxre ga ĩpata ga Tupanapata ga taxü̃ne, rü napata ga nüma nawa ãẽ̱xgacü yixĩne.

Nüxíraxü̃xü̃ ga popera ga ãẽ̱xgacügüchiga 6:1

Rü yexguma ãgümücü ga taunecü ãẽ̱xgacü yixĩxgu ga Iraéanewa, rü nüma ga Charomóü̃ inanaxügü ga nax naxüaxü̃ ga guma Tupanapata ga taxü̃ne. Rü gumá taunecügu ga norü taxre ga tauemacü ga Chíxgu nixĩ ga inaxügüãxü̃. Rü yexguma guma Tupanapata ga taxü̃ne ixügügu, rü marü 480 ga taunecü ningu ga nax Equítuanewa ínachoxü̃xü̃ ga Iraétanüxü̃.

Wenaxarü naxümatü ga Tupanaarü mugü 7:4

Erü ngẽxguma tá ngẽmaãcü penaxü̱xgu rü nümagü i ngémacüã̱x rü tá penegüxü̃ rü pexacügüxü̃ Cori ya Tupanana nixĩgachixẽxẽ. Rü ngẽmaãcü tá norü tupanagüxü̃ pexü̃ nicua̱xüü̃güxẽxẽ, rü ngẽmaca̱x tá poraãcü pemaxã nanu ya Cori ya Tupana, rü noxtacüma tá pexü̃ nadai, rü ngẽxma tá ipeyarüxo.

Nüxíraxü̃xü̃ ga popera ga ãẽ̱xgacügüchiga 3:3

Rü nüma ga Charomóü̃ rü Cori ya Tupanaxü̃ nangechaü̃ rü nayanguxẽxẽ ga yema mugü ga nanatü ga Dabí nüxü̃ ixuxü̃. Natürü Cori ya Tupanaca̱x ãmare nadai rü pumarate̱xe ínagu nawa ga yema nachicagü ga ma̱xpǘnewa yexmagüxü̃.

Nüxíraxü̃xü̃ ga popera ga ãẽ̱xgacügüchiga 11:9

Rü nüma ga Cori ya Iraéanecüã̱xgüarü Tupana rü Charomóü̃maxã nanu yerü nüxna nixũgachi, woo taxree̱xpü̱xcüna naxca̱x nax nangóxü̃, rü namaxã nüxü̃ yaxuxü̃ nax tama togü ga duü̃xü̃güarü tupanachicüna̱xãxgüxü̃ yacua̱xüü̃xü̃ca̱x. Natürü ga nüma ga Charomóü̃ rü tama Cori ya Tupanaga naxĩnü.

Ínachoxü̃xü̃chiga 20:3

Rü ñu̱xma nax curü Tupana chixĩxü̃, rü tama chanaxwa̱xe i chope̱xewa ta̱xacürü uxcaxü̃maxã cutupanaã̱x.

Nüxíraxü̃xü̃ ga popera ga ãẽ̱xgacügüchiga 11:33

Erü nüma i Charomóü̃ rü choxü̃ ínata̱x rü Chidóü̃cüã̱xarü tupananeta i Ataréxü̃ nicua̱xüxü̃. Rü nüxü̃ nicua̱xüxü̃ i Moácüã̱xarü tupananeta i Quemó. Rü ngẽxgumarüxü̃ ta nüxü̃ nicua̱xüxü̃ i Amóü̃cüã̱xarü tupananeta i Mícoü̃. Rü ngẽma Charomóü̃ üxü̃ rü tama namaxã chataãxẽ erü tama nayanguxẽxẽ i ngẽma chorü mugü. Rü tama nanatü ga Dabí ga chauga ĩnücürüxü̃ nixĩ.