Nüxíraxü̃xü̃ ga popera ga ãẽ̱xgacügüchiga 11:1 - Tupanaarü Ore

^1-2 Rü nüma ga Charomóü̃ rü Equítuanecüã̱xarü ãẽ̱xgacü ga Faraóü̃acümaxã naxãxma̱x. Rü yexgumarüxü̃ ta namaxã naxãxma̱x ga muxü̃ma ga ngexü̃gü ga togü ga nachixü̃anecüã̱x ixĩgüxü̃ ga: Moátanüxü̃, rü Amóü̃tanüxü̃ rü Edóü̃tanüxü̃, rü Chidóü̃tanüxü̃ rü Itítanüxü̃ ga Cori ya Tupana Iraéanecüã̱xgüna chu̱xuxü̃ ga namaxã nax yaxãmaxü̃ yerü ngürüãchi yema Iraéanecüã̱xgü rü tá yema ngexü̃güarü tupanagüwe narüxĩ. Natürü nüma ga Charomóü̃ rü yema ngexü̃güxü̃ nangẽ̱xẽ, rü yemaca̱x namaxã naxãxma̱x.

Nüxíraxü̃xü̃ ga popera ga ãẽ̱xgacügüchiga 11:1 Referans Kwoze

Wenaxarü naxümatü ga Tupanaarü mugü 17:17

Rü ngẽxgumarüxü̃ ta tama name nax namumaxü̃ erü ngürüãchi naxma̱xgügagu taxũtáma Tupanaga naxĩnü. Rü ngẽxgumarüxü̃ ta i ngẽma ãẽ̱xgacü rü tama name nax nüxü̃́ nangẽxmaxü̃ i muxũchixü̃ i úirugü rü diẽru.

Ucu̱xẽgüchiga 6:24

Rü ngẽma ucu̱xẽgü tá cuxü̃ ínapoxü̃ nüxna i ngẽma ngexü̃ i ngeãẽxü̃, rü tá cuxna nadau nüxna i norü dexa i mexcüraxü̃xü̃ i ngẽma ngexü̃ i natena chixri maxü̃xü̃.

Ucu̱xẽgüchiga 7:5

Erü ngẽma cua̱x rü tá cuxü̃ ínapoxü̃ nüxna i ngẽma ngexü̃ i chixri natena maxü̃xü̃, rü tá cuxü̃ ínapoxü̃ nüxna i ngẽma ngexü̃ i ngeãẽxü̃ i norü dexamaxã cuxü̃́ nügü ngúchaü̃xẽẽxü̃.

Ucu̱xẽgüchiga 2:16

Ngẽma cua̱x tá nixĩ i cuxü̃ ípoxü̃xü̃ nüxna i ngẽma ngexü̃ i ngeãẽxü̃ i norü dexamaxã chixexü̃wa cuxü̃ gaxchaü̃xü̃.

Nüxíraxü̃xü̃ ga popera ga ãẽ̱xgacügüchiga 11:8

Rü yemaacü ta tümaca̱x nanaxü ga guxãma ga naxma̱xgü ga togü ga nachixü̃anecüã̱xgü ixĩgüxe nax pumara ítagute̱xegüxü̃ca̱x rü naxü̃na nax tadaixü̃ca̱x naxca̱x ga tümaarü tupanagü.

Ucu̱xẽgüchiga 22:14

Ngẽma ngexü̃ i natena ngeãẽxü̃arü chúxu, rü ñoma wüxi i ãxmaxü̃gu ingucuchigurüxü̃ nixĩ, rü ngẽmagu nixĩ i nayicuxü̃ i ngẽma yatügü ya Tupana poxcu namaxã ueguxü̃.

Nüxíraxü̃xü̃ ga popera ga ãẽ̱xgacügüchiga 3:1

Rü Charomóü̃ rü Equítuanearü ãẽ̱xgacü ga Faraóü̃xacümaxã naxãxma̱x rü yemaacü Faraóü̃tanüxü̃ nügü nixĩxẽxẽ. Rü nüma ga Charomóü̃ rü Dabíarü Ĩane ga Yerucharéü̃wa yexmanewa ngĩxü̃ naga. Rü yéma ngĩxü̃ nayexmaxẽxẽ ñu̱xmata yangu ga guma ãẽ̱xgacüpata rü guma Tupanapata ga taxü̃ne rü ñu̱xũchi yema Yerucharéü̃arü poxeguxü̃.

Ucu̱xẽgüchiga 23:33

Naguxü̃raü̃xü̃xü̃ tá cuxü̃ nadauxẽxẽ. Rü naguxü̃raxü̃xü̃gu tá cuxü̃ narüxĩnüxẽxẽ. Rü ore i taxuwama mexü̃maxã tá cuxü̃ nidexaxẽxẽ.

Lebítanüxü̃arü puracüchiga 18:18

¡Rü taxṹ i cuxma̱xeya̱xmaxã cuxãmaxü̃ rü cuxunearü ngúchaü̃ ngĩmaxã cuxüxü̃ ega namaxyane i cuxma̱x nax tama ngĩgüchi naxaiexü̃ca̱x!

Ínachoxü̃xü̃chiga 34:16

Rü ngẽxgumarüxü̃ ta i ngẽxguma ngẽma penegü rü naxacügümaxã yaxãxma̱xgu rü ngẽma naxma̱xgü norü ngúchaü̃ inaxügügu nape̱xewa i norü tupanagü rü tá nanamu i penegü nax nümagü rü ta naxrüxü̃ naxügüã̱xü̃ca̱x nax ngẽmaãcü norü tupanaxü̃ yacua̱xüü̃güxü̃.

Nüxíraxü̃xü̃ ga popera ga ãẽ̱xgacügüchiga 16:31

Rü yematama chixexü̃gü ga Yeruboáü̃ ga Nabáx nane üxü̃ naxü. Rü naétü rü Yechabé ga Chidóü̃arü ãẽ̱xgacü ga Ex-baáxacümaxã naxãxma̱x. Rü düxwa ngĩgagu nawa nangu ga norü tupananeta ga Baáxü̃ nax yacua̱xüxü̃xü̃.

Édra 10:44

Rü guxü̃ma ga yema Iraétanüxü̃ nixĩ ga to ga nachixü̃anecüã̱x ga ngexü̃gümaxã ixãxma̱xgüxü̃, natürü tümanatügüca̱x tüxü̃ nawoeguxẽxẽ tümaxacügümaxã.

Ucu̱xẽgüchiga 31:3

Tama name i ngexü̃gügu cunaxaiya̱xü̃xü̃ i curü pora, yerü yemagagu nixĩ ga muxü̃ma ga ãẽ̱xgacügü ga chixexü̃gu nayixü̃.

Nüxíraxü̃xü̃ ga popera ga ãẽ̱xgacügüchiga 14:21

Rü yoxni ga Yudáanewa rü Charomóü̃ nane ga Roboáü̃ nixĩ ga ãẽ̱xgacü ixĩcü. Rü nüma rü nüxü̃́ nayexma ga 41 ga taunecü ga yexguma yaxücuxgu nax ãẽ̱xgacü yixĩxü̃. Rü 17 ga taunecü nixĩ ga ãẽ̱xgacü yixĩxü̃ ga Yerucharéü̃wa. Rü guma ĩane nixĩ ga Tupana nüxü̃ unetane natanüwa ga guxü̃ma ga Iraéanearü ĩanegü nax gumáwa nayexmaxü̃ca̱x ga napata. Rü Roboáü̃ naé rü wüxi ga Amóü̃tanüxü̃ iyixĩ rü Naamá nixĩ ga ngĩéga.

Nüxíraxü̃xü̃ ga popera ga ãẽ̱xgacügüchiga 14:31

Rü yexguma nayu̱xgu ga Roboáü̃, rü ĩane ga Yerucharéü̃arü üye ga Dabíarü Ĩanegu ãégaxü̃gu nata̱x norü o̱xigütanügu. Rü naé rü wüxi ga Amóü̃tanüxü̃ iyixĩ rü Naamá nixĩ ga ngĩéga. Rü nachicüxü ãẽ̱xgacüxü̃ ningucuchi ga nane ga Abiáü̃.

Édra 9:1

Rü yemawena ga yema Iraétanüxü̃arü ãẽ̱xgacügü ga marü nüxíra Yerucharéü̃wa ngugüxü̃ rü cha̱u̱xca̱x naxĩ rü chomaxã nüxü̃ nayarüxugüe rü ñanagürügü: —Muxü̃ma i ngẽma tatanüxü̃ i Iraétanüxü̃ ga nüxíra tomaxã woeguxü̃, rü woo chacherdótegü rü Lebítanüxü̃ rü tama nügüxü̃́ nüxü̃ naxoo̱xgü i nacümagü i chixexü̃gü i nagu naxĩxü̃ i ngẽma togü i duü̃xü̃gü i nua tórü naanegu yaxãchiü̃güxü̃. Rü ngẽma tatanüxü̃ rü woo poraãcü Tupanape̱xewa nachixe nax ngẽma togücümagu naxĩxü̃, natürü nagu naxĩãma i nacümagü i ngẽma Canaáü̃tanüxü̃ rü Itítanüxü̃, rü Ferechéutanüxü̃, rü Yebuchéutanüxü̃, rü Amóü̃tanüxü̃, rü Moátanüxü̃, rü Equítuanecüã̱xgü, rü Amoréutanüxü̃.

Édra 9:2

Yerü nüma i tatanüxü̃ rü nanegü rü marü nixãxma̱xgü namaxã i ngẽma togü i duü̃xü̃güxacügü i nua tórü naanegu yaxãchiü̃güxü̃ i tama Tupanaaxü̃́ yaxõgüxü̃. Rü yemaacü ga Tupanaarü duü̃xü̃gü rü yema tama yaxõgüxü̃ ga duü̃xü̃gümaxã nügü narüxücutanü. Rü tatanüxü̃ i ãẽ̱xgacügü nixĩ ga nüxíra inaxügüxü̃ nax nagu naxĩxü̃ ga yema chixexü̃ —ñanagürügü choxü̃.